تجمع أمهات مايو لشهر ذي القعدة ,,, حياكــم

تفاحه
والله اخذتي السؤال عن شفتي احاتي جوجو تتعود ع غرفتنا وتجنني اذا جيت احمل!
ههههههه المشكله الفواكه خفاف مايشبعون ابدي شوية سيريلاك ان شاءالله ماتجي نهاية السادس الا هي متعوده عليه
والله ياختي الله يعطيكي الصحه والعافيه ويقدرك تتمي رضاعتها يارب, انا امي بتنهبل تبيني اخليها تنام عندها ضحكتني اقولها انتي ماكنتي تخلينا ننام عند احد الا يوم كبرنا وبطلوع الروح ههههههه قلت لها والله بتجننك بنتي شقاااوه اعرفها تقول يوه منك قولي ماتبين تخلينها عندي ماعرفت شقولها صراحه هههههههه مقدر انام وهي مو جنبي حتى زوجي يقول,
جوفان
ههههههههههه ياعيني على هالبشاره الله يحميها لك
الله يسهل انا بسوي مثلك ماني حاطتها بالمشايه الحين شوي قدام بعد عيد الاضحى باذن الله

ان شاء الله قريب ببتدي معاها السيريلاك ,, ههههههه شفتي عااد مابيصيرون بكل هالدلع اللي تقول عنه جووفان الا من سبايب هالأجداد ! انا تجنني بزنتها و حرقان اعصابها خصوصي اذا انا ببيت اهلي والوالدة الله يطول بعمرها طايحة فيني تهديدات وتقولي على بالكم ان الجنة تحت أقدام الأمهات بالحجي بس ؟؟ والله ربي يعطيهم العافية زالصحة مع انهم ياما ربوا اولادهم واولاد اولادهم لكن بعد لا اشتكوا ولا قالوا الآآآه ... ولا الادهى ان لاحظت بنتي في شغله ان الاوادم اللي ما اميل لهم اناا ماشاء الله عليها ماتعطيهم وجهه وفوقها تعصب اذا جوا صوبها خخخخخ

شلونكم امهات شخباركم اخر اخباري هنوده عطيتها سيريلاك بالفواكه حبته واللي بالقمح حبته بعدين عطيتها سيريلاك الللي برز تمت اتفلله وتعابير وجها لايعه جبدها منه ههههههه بدت تقلب من ظهرها على بطنها وصايره تعضعض وايد وانا اخباري زاد وزني عن قبل بثنين كيلو :'( وبطني منتفخ الدوره مب راضيه تنزل كله بس خيوط بنيه

مثل ماقلتوا مااعرف انام وهي مو جنبي
بما اني كنت بالغربه
وكانت يدوب الشقه غرفه نوم وغرفه جلوس
تاخرت لما حطيتها لغرفه لحالها
حطيتها بالثلاث سنوات

شهووودة ,, وحشتيييييينه .... ربي يخليها هنوودة العسل وانا قلت هالشهر بجرب السيريلاك معاهااا ونشووف بس خوفي انا اللي آكله لاني احبه ههههههههه ...

جوفان ,, الله يستررر مني بس ...

شهوده
لك وحشه حبيبتي هنوده بالنسبه لسيريلاك الرز حطيلها معه ملعقة حليب اصلا ريحته بروحها مع الماي كنه عجينه خخخخ
معليه سويلك دايت خفيف وانحفي ع الراحه
جوفان
ماشاءالله 3 سنين واعيه لا ماظنتي اخليها لذيك الحزه مشكله بعدين خخخخخ
تفاحه
والله انا امي نفس حالتك لو تسمعني بس اقول شي تقولي سكتي بس بنتك وش حليلها انتي الي خلقك ضيق ليش تسوين فيها كذا ومااخلص من لسانها ههههه الله يحفظها

الحللوة ,, يالله ماباقي عليهم شي وان شاء الله تتعدل امورهم من نوم وأكل بعد هالشهر ونرتـــــــــــــاح ... انا الحين احس بنتي قد ماتقدر تحااول انه تقعد نفسها وماتبغي تنام خصوصي الصبح تجنننني ع هالحالة وتعالي لعب قعدي معاااي ولاتسوين شي وياويلك اذا تركتيني الحين صايرة ماتبغي حتى تنسدح تعالوا خلوني اوقف او قعدوني وناططوا فيني!! احس مرررهقة جدااا ومايجي ابوها مو مصدقه والليل احلللم فيه من زود التعب والاخت تعودت على الطلعه اليوم ذبحت ابوها من الزززنه وماشافته ياخذ مفتاح السيارة تشققت عليه يالله خذ !!

شهوودة ,, ذكرتك يوم جاتني الدورة !! ذبحتني طووول هالشهوور ماجاتني احس بطني منتفخ و متعبني وفوقها الم ظهر وخاصره وصدااع اوف اوف وكل ماقول للوالدة تقولي احسن ماتجي عشان تضمنين ماتحملين بس اقول ياريت اجي وتريحني وياسبحان الله هالشهر جتني ارررررررررتحت من قلب والنفخ راح والاهم انها تعدلت ورجعت مثل قبل الحماال وان شاء الله ماتقطعني ....

الحلوة توحشج العافيه امهاتنا الله يطول باعمارهن مسويات علينا سوبر ومن خاطري بكاميرا ترجع ورى واشوف شكانوا يسوون فينا خخخخخخخخخ

التفاحة الله يسمع منج وتنزلي وارتاح لان صج صج احس بارهاق وتعب والم فجسمي بسبتها


جوفان حبيبتي الله يرزقج انشالله بالذرية ذكرتيني بحالة وحدة من جماعتنا جابت بنت وحدة وعقب خلاص معاد ثبت لها حمل وكانت تقول انا اشك بخدامتي القديمة مسويتلي شي وكنا نقولها تعوذي من ابليس وبعد ثمان سنوات ثبت حملها وجابت ثلاثه ورا بعض تطلع من الاربعين تحمل ماشالله جابت ولدين وبنت واللحين اسمالله عليها حامل بالخامس

شهووودة ,, اخباارك مع الكتاكيت ؟؟ اما الدورة ربي يعييين بس !! الوحده ببدايات الزواج تتغربل بسبت خربطة هالهرمونات وفي حملها بعد ولما توولد عااد توصل حدها من سالفه هالدورة !!!

تفاحه
انا بنتي تقهرني اذا جات تحاول تجلس احسها بترجع ولازم اقوم اجلسها خخخ انا قمت احس الحبوب تزيد عوارض الدوره كل ماقربت بطني تنتفخ بشكل غريييب وهذا هي قربت خخخخ بس صراحه تجيني ولا انها تقطعني يممه كان انهبل
شهوده
سبحان الله ربي عوضها انا خالتي تزوجت 3 مرات واثنين منهم كان عندهم عيال من قبل ولاحملت ماشاءالله يوم تزوجت الثالث وكان معتقدين انه مايقدر يجيب عيال لان صارتله حادثه وهو صغير حملت الحمدلله قدر الله وماشاء فعل كله بيد رب العالمين
ربي يرزق كل المشتاقين للحمل ياااارب
جوفان
كم عمرك؟مدري كذا سؤال خطر على بالي ههههه

الحللوة ,, اولادنه على المووضه !! انا الاخت الحين ماشية بسالفه النوم على البطن !! وعن القعده والله ربي يعيييينه بس ,,, انا احس نفسي مرريضه صداع ضارب لي مع شويه زكمة و التهاب بسيط باللثه ذبحني واصل لأذاني والمشكلة ماقدر على المكيف بس حضرات بنتي وابوها دببه قطبيين وانا المسكينه بالنص والبندول ماعاد يفيد احس الجوو متعب صايررر ...

الحللوة ,, بدت جوجو تتقعد بروحها ؟؟ انا خايفه ميمي ماتقعد اشوفها كله تبغي وقااافي بتجنني اذا كنسلت القعده والحبوو مرة وحده !!باخذ لها مشاية على كبرها هالشهر بس خايفه تتعود على المشي وتجنني مبجر !! ,, وجربتي معاها السنطر ؟؟

امهاات ادعوا لأختي ان ربي يردها ويسلمها ان شاء الله و ابشركم باجر تكون والده بإذن وااحد أحد ويكون بنفس يوم ولاده ميمي !

شهوده ونعم بالله
يارب اصير كذا اطلع من الاربعين واحمل ههههه
مسكينه بنتي تقول ماما ابي اخوان يزاحموني بالسياره

ام جوجو
هههه يمكن اكون كبيره عليكم
عمري 25

ام ميمي
الله يقومها بالسلامه
لاتنسين بشريناا عنها

جووفان ,, ربي يكرمك ويعطيك ويرضيك يااااااااااارب ويفرحك الشهر الجاااي وتجيين تبشرررينه بهالخبر الحلوو .... دعواتك لاختي ان شاء الله تولد بنفس يووم ولادتي واشووفها تقوول نزلت عليها السدادة يالله يقوومها بالسلاامة احس نفسي كأني انا اللي بوولد والله هههههههه لدرجة انه مو قادره اركز على بنتي على عمرري ...

جوفان
ياحبيبتي لا كبيره ولا شي بالعكس شكلك جبتي بنتك وانتي صغيره مره!! انا الحين قلت صكيتي 35 الله يهديك ههههههه توك بعز شبابك الله يرزقك كل البيبيهات الي خاطرك فيهم حبيبتي وتبشرينا بحملك قريب يارب
تفاحه
ياالله ربي يقوم اختك بالسلامه احساس الانتظار صعب
اليوم حددددي مهدود حيلي وجوجو الله يصلحها بس تبي الجلسه بحظني حتى الرد ه1ا كتبته من الصبح وتوني بنزله اقلقتني خخخخ

ههههههههه على عمرري الحللوة والله زين ونستيني يعني مو بس انا اللي اعاني والله على بالي اني ابالغ او انا بس اللي اشوف الامور جذي !! يالله عندنا وعندك خير ياختي ربي يعطيك العافية ان شاء الله ,,, بس فعلااا شكلها السالفه ع هالاسنان !! انا متعبتني سالفه هالصداع النصفي والحين صارلي هالحبوب بفمي احس مالي خلقها مووليه مسكينه تكسر خاطري بس مو بيدي و ابغي بس يجي الليل عشان انيمها وارتاااااااااااح وحتى خواتي امس جايني زيارة الا يقولون لي باين عليك تعباانه كلش ... تصدقين افكر اخذ لها المرجيحة اوو لعبه اقعدها فيها عشان اريح راسي شووي لأن الاخت ياتبغي بحضني يااا وقافي !! ...

عن اختي ان شاء الله تولد الليلة ياااااااااارب دعواتكم كل ما اتخيل وضعها احس بألم الطلق فيني اووويلااه آآآآآخ ..

تفاحه
والله لو اقولك وش سوت فيني واحنا طالعين تذبحي نفسك انا خلاص بغيت انهبل طووول الطلعه زن! وطبعا لو اقولك انها رضعت رضعتين على بعض طول اليوم اصير كذابه ولا تبي تاكل ولاتبي ترضع جننتنييي اخر شي نامت اخذتلها غفوه نص ساعه وقامت ورجع الزن! طبعا رجعنا البيت متاخر عن موعد نومتها ساعه جلست 45 دقيقه بس بكى! ماتبي ترضع حليب ماتبي تشرب ماي ماتبيني اهزها ماتبيني اخليها بس تبي تجلس وتصيح قطعت نفسها صياح يووووه الله يصبرني خلاص احس بستخف
تدرين اول كنت اقول ليه بنتي تنام بدري واتافف لا الحمدلله انها تنام بدري وتقوم بدري عادي عالاقل يطلعلي ساعتين ثلاثه باليوم اعيشهم بهدوء لنفسي صرت اول ماتنام افكر وش بسوي لنفسي احط ماسك اتروش اعمل اي شي بسرعه بسرعه بس اهم شي لنفسي الله يصبر قلبي مرات انهبل اقول بجيب بيبي ويصير التعب واحد وافتك هههههههههه مجنونه صح انتي لو تشوفين وجهي اصفرررر زي الليمونه ع قولة امي اكل مااكل نوم ما انام طول اليوم احس اني تعبانه ونعسانه وفيني نوم عادي صرت اي وقت انسدح لو تخليني انام! هذا اذا ماكانت جوجو شغاله زن الله يحفظها
الله يسهل ع اختك يارب ويقومها لكم والبيبي بالف سلامه ويرزق جوفان ونجلس ندعيلها كذا يارب

ها ام ميمي مافيه اخبار عن اختج؟

الحللووة ,, ربي يعيينك ويعطيك الصحة والعافية والمشكلة انك دواام ربي يعطيك القوووة ان شاء الله ويهدي لك جوجوو ... تصدقين بعد جم يووم بجرب معاها المشاية واذا فلحت وشفتها صخت شووي بقوولك عسى ولعل تهدى !! بس تصدقين يا اختي هذا من زوود الدلاعه يعني ألاحظ ان داايما يبغوون يلصقوون فينه وتعالي ياا لعب وبعدحب اول ميمي تحب العابها الحين تعالي انتي لعبتي !!! وكله وقفيني وتخشب رجايلها الا تبغي توقف والوالدة لما شافتها عصبت علي تقوولي تعورين ظهرها اقولها شسوي هي اللي مصرة وتصرخ الا وقفوني !! لما مسكتها سوت نفس الحركة وامي استغربت ! وبالأخير احصل الزف من اهلي عشان الاخت تزن ؟!! ,,,, انزين الحلووة تتوقعين يمكن فيهم شي غير الاسنان ؟؟ يعني اشوفها ترضع طبيعي وما احس ان في شي مضايقها مثل اذونها او بلاعيمها او حتى الحفاظ ,, وانتي جربي حطيها بالمرجيحة يمكن تسكت شووي وتريحيين راسك من الزززن .... هههههههه وذكرتييني الاول قبل جم اسبوع كنت من ززود ماتجنني اخليها مع ابووها واطلع بالسيارة ربع الى نص ساعه اقوله ابغي اريح راسي شووي واحس نفسي عزابية حتى لو خمس دقايق طبعا الحين صار الشي مستحيل لان ما تخلي ابوها بحاله فلازم انا معاهم !! وبنهاية اليوم اصير مثل العجيينه الماايعه من التعب واذا باخذ لي شوور يالله اتمنى ما اطلع منه ههههههههه >>> المكان الوحيد اللي تهرب فيه خخخخ ....

جووفان ,,, شوووفي النحااسة بس لماا راحت للدكتوورة ياسبحان الله الكتكووت هدأ !! والألم راااااااااااااااح ههههههههه طبعا اختي قمه الاحبااط والدكتورة تسألها كلشي طبيعي وماصاير شي للبيبي فليش جايه ؟!؟ طبعا اختي لاتعليق ولأني انا السبب انه لازم تروح بعد مانزل عليها الدم فشوفي انووواع كلمات الحب والغرام والعشق من وحده تبغي تولد ههههههه ,, ادعووا لها بالسهالة ان شاء الله وعطوها فرصه لجم يووم وبعدها بيتأخذون معها الاجراءات الولادية ههههههه

تفاحه
انتي نسسسسسسخة اختي تمت تزن تزن فوق راسي اي الم يجيكي روحي المستشفى لاتولدين بالبيت لين ماهبلت فيني وخلتني اروح واوسوس وطلع طلق كاذب من الخرعه هههههههه الله يسهل عليها ويقومها بالسلامه
والله جوجو مرات فعلا مثلك اقول بخليها مع ابوها بس مرات ماتسكت وفوق كذا زوجي مايعرف يغير حفاضات هههههه اقوله تعلم مو راضي! بس اي شي ثاني يسويه
والشاور كلام ثاني جوجو الله يهديها مو مخليتني اتهنى حتى بالشاور لاني اتروش متاخر فاتروش بسرعه عشان يمدي شعري ينشف! اوفف بس امس قررت اخذ راحتي عالاخر بالشاور تروشت العصر خليتها مع ابوها ههههه لا وطلعت لقيتها نايمه بس انسدحت عالسرير عبالي بريح واسحبها نوووووومه ولا نحاسه فيني لانها مع ابوها نامت وطولت كمان! بس الحمدلله حسيت اني ريحت شوي وكمان بحاول اسوي موعد بالمشغل الاسبوع الجاي اعمل بديكير ومنيكير خصوصا بتجيني الدوره خلي النفسيه تتحسن شوي لوول
والله اذا فادت معها المشايه علميني انا اتوقع بعد الاضحى اخاف اجيبها لها قبل الاضحى وتجنني اذا سافرت!

الحلوة ,, الحمدلله عوضتي شوي وربي يهديها لك يااارب ...
عن الزنة امس اقرأ بكتبي عن حالة الرضيع النفسية ولقيت انه الطفل بهالعمر يكون مرآة امه! بالتالي لو كانت بهالفترة عصبية ومالها مزاج له او تعبانه ومرهقه او نفسيتها تعبانه او مريضه فالطفل تصير شخصيته بالمثل !! يعني معصب ويتملل بسرعه و ماله خلق لشي ويبغي الاهتمام الكامل حتى لو هذا معنااه الازعاج الدااائم للأهل عشان يوصل للشي اللي يبغيه .. مسكينه بنتي كسرت خاطري حسيت بالذنب لان التهيت بمرضي عنها,, وامس اختي تقولي عطيها بندول لأن يمكن راسها يألمها من جذي كثران عندها الزن وخصوصي اذا بدأ عندها التسنين وفعلاا امس عطيتها قليل و احس انها ارتاحت شووي ونااامت وبعد ماقعدت قلت اجرب معاها الاسلوب النفسي وفعلاا نفع وقلت نسبة الزن والطحنة !! ( حاولت اعدل نفسيتي وكله ابتسم معاها حتى لو تزن واضحك واقعد الاعبها و اضحك مع ابووها وندلعها وماشاء الله نااامت بكل هدووء بالليل ! وفوقها قعدت واحنا نتعشى بهدووء وهي مستانسة ! ) جربي معااهاا لان يمكن انتي متعبه من جييي هي تسوي هالامور بالاضافه الى حالة التسنين ...

اما عن اختي ,,, صااااااامده هههههههه مادري يمكن لان زوجها قال ابغي البيبي ينولد بتاريخ ميلادي !!