سـلـسـلـة شهور الحمل التسعة: الشهـــر الســـادس...شاركينا بتجربتك...

أنا اليوم دخلت الشهر السادس


وإن شاء الله إذا مر كم يوم أشارك بتجربتي في ذا الشهر


وإذا رحت للدكتورة بخبركم وشو قالت لي



:shy:

انا فى منتصف السادس بالضبط الثقل زاد

وآلام الحوض واسفل البطن بعد. بطنى كبر

وزاد حجمه والنووووم متقطع كل اشوي اقلب

للجهه الثانيه.

احيانا اللوعه والغثيان يرجعون لي فى الصباح

بس مو فى كل وقت والاحظ اذا كنت جوعانه بالذات

تزيد عندي الحاله.

البيبي.. قصدي البنوته صحتها زينه وانا سويت السونار

الملون من دخلت السادس علشان اتطمن عليها وعرفت انها

بنوووووته الله يخليها لي يا رب ويتمم لي ولكم حملنا على خيييير.

أنا الحين في الاسبوع الثاني والعشرين يعني حركة البيبي وضحت ولكن لحين قليلة مب نفس اولادي الاثنين يمكن لأنها بنت حركتها تختلف والله اعلم بس كله تعبانة و الزكام مب فاكني. الحمدلله على كل حال.كما ان بطني برز وكبر بس هاذي الي احسه لحد الحين والله كريم يهون على الجميع.

ما شالله لاحظت ان بطني كبر بشكل واضح:smile:
والحركة زادت ووضحت
ويديني ورجولي تنفخوا شوي
والم الظهر بعد زاد:sad:
والشهيه مفتوووووووحة فررررق عن اول
صرت24ساعة اطالع في الاكلات والحلويات الي في ركن المطبخ واشتهيها والي اقدر عليه اسويه
الله يستر علي من السمنه:pain:

السلام عليكم

هلا اخواتي انشالله كلنا انقوم بالسلامه يارب وولاده سهله لكل حامل انشالله

انا الحين بالاسبوع الثاني بالشهر السادس

والحمدالله حركه الجنين اوكي وماشالله رفساته وحركته زادووو

اما انا فهذا الشهر ومن ما دخلت السادس تعبانه اكثر من الاشهر الي طافو

يعني اخس شهر بالنسبالي قبل اهون اما الحين لالالالالالالالا

بصراحه لان لا اشعر بطعم النوم ابد طول الليل عوار بكل مفاصلي وخاصه رجولي
ورجلي الايمن اكثر
يعني مستحيل انام من غير ما اربطه بكل قوه لدرجه اني مرات احس اني ايود الدم بالشرايين بس شو
اسوي هذا الحل .......... وحتى خذت ضاغط من الصيدليه ما نفع

والام اسفل البطن وبالضهر وخاصه ريلي احس انها ما اتشيلني ولا اقدر امشي عليهم وايد لانهم علطول
يعوروني

غير هذا عوار راس وعيوني بعد اكيد من قله النوم والراحه

واحس اعصابي خلالالالالالالالالاص ختى مرات اقعد اصيح لان فعلا ابي انام وصايره عصبيه

وحاسه بثقل مع اني من اول الحمل الين الحين ما زدت غير كيلو نص بس

ومالي نفس للاكل نفسي مسدوده


بس مو عارفه شو اسوي لان خلالالالالالالالالالالالالاص تعبت تعبت تعبت ودائما محبطه لان ابي ارقد وارتاح

مرات افكر اخذ منوم والله بس اخاف على الجنين

فهل من حل تخيلووووو بليل اقعد اصيح لان مو قادره ارقد

يالله كل شي يهون مقابل ما البجنين يكون صاحي يا رب

اختكم ام عبدالله

شقولكم كل الي قلتوه تلاقون فيني

بس بصرااحه ناا خااااااااااااااااااايفه مابقى شي على الولادة بس ثلاث شهور

شكر ا عالمعلومات...ياقلبي

كاردينا حبيبتي انا ماقلت اي معلومه تشكريني عليها الى اذا قصدج تطنزين يعني بس اذا تبين المعلومه

انا اقولج بهذا الشهر واايد اذاني تسكر مدري ليش يعني طنين

والهبوط ذاابحني بصراااحه

والام تحت البطن الجنين يتحرك واايد بهذا الشهر خاصه بليل


وبصرااحه نفسيه بالشهر السادس مو الي يعني ماني حابه اطلع ولا اشوف احد


ومشكورة كاردينااا ماقصرتي

مشكورة ........

موضوع رائع

موضوع حلو واني بعد في نص السادس والله ييسر الى الجميع
بس عندي سؤال هل في هذا الشهر يبان جنس الجنيين او ما يبين
لانه ناس يقولون انه بس في السهر الرابع والثامن يبين جنس الجنين واضح

السلام عليكم حبيت اشارك معاكم بلي حسيت فيه مع اني باجر بدخل السادس بس نفس الاعراض الي فيكن فيني مثل الم اسفل الظهر الم خفيف مثل الم الدورة وبعد احس بالم في فخذي الايسر وفي بطني من الجهه اليسار تحت وايد يعورني بس علشان خاطر البنت الحلوه الي غي بطني اتحمل كل شي

والله يسهل علينا وعلى كل حامل ان شاء الله

أنني أشعر بألم يــــــفـــتــــــــــك بظهــــــــــــــــــــــــــــــــــــــــــــــري :cry::cry::cry:

سندس84:
موضوع حلو واني بعد في نص السادس والله ييسر الى الجميع
بس عندي سؤال هل في هذا الشهر يبان جنس الجنيين او ما يبين
لانه ناس يقولون انه بس في السهر الرابع والثامن يبين جنس الجنين واضح

هلا اختي سندس

نوع الجنين ممكن اتعرفينه من الشهر الثالث >>>>>>>>>> بس يعتمد على العيادة اللي بتسوين عندهم الكشف

السلام عليكم
وشلونكم

انا الحين تقريبا في نص الشهر السادس واللي احس به
واولا ريولي منفخه جنها قفاز حاطين فيه ماي وتعبتني فيها اليم وايد وايد
ثانيا انفتاح الشهية وزيادة الوزن
بس بطني للحين ما طهرت وايد يعني للحين صغننه
ثالثا حركة البيبي وايد سريعه وتحسين انه متعمد يظرب ويرفس وايد يتحرك

يعني بالنسبة الى بطني فانه في خط طويل يمتد من اول البطن الى اسفله جنه خط الاستواء

ويعني بالنسبة الى الخشم انتفاخ مب طبيعي واحمر

سلامتكم

ام ابراهيم

أنا صاير عندي ضيق تنفس اليومين هذولي..
هل هو طبيعي والا لا؟؟؟

جزاج ربي الجنه على هذا الملخص الطيب والمفيد ..
..
وبصراحه كل اللي اشعر فيه بهالفترة هو الم بالظهر وضيق بالتنفس اوقات النوم ..
لكن الحمدلله على كل حال اهم شي عندي ان الطفل يكون بخير وصحة وعافية ..
:)

السلام عليكم يابنبات انا في اليوم العاشر من الشهر السادس والي احس بي حركة البيبي ماشاء كويسة بس مرات يختفي ايضا والي معذبني اللقاح تبع الكزاز احس انو ايدي انشلت من وراه واشعر بصعوبة في النوم وكذلك وجود افرازات مااعرف ايس هي رح للطبيبة واعطتني مرهم داخلي والله يسلم الجميع

الله يقومكم بالسلامة
ويعدى شهور الحمل على خير

السلام عليكم اخواتي العضوات جميعا هذي اول مشاركه لي هنا اعجبني الموضوع لانه يهمني كثير المهم انا الحين بالشهر السادس وهذا خامس مولود لي قولو ما شاء الله <<<<< مستانسه على نفسها صايره تقولون ارنبه ........ المهم شهيتي للأكل ماهي زينه ابد وعندي انيميا وحالتي حاله وما أدري كيف اعدل من صحتي قبل الولاده والله خايفه وبعد حامل من فوق الولب يعني حالتي حاله ادعو لي اخلص من وضعي هذا بسلام