سـلـسـلـة شهور الحمل التسعة: الشهـــر الســـادس...شاركينا بتجربتك...

السلام عليكم ورحمة الله وبركاته

أخواتي الحوامل الغاليات...

أشكر لكم مشاركتكم لنا بأهم تجاربكم في شهور الحمل...الله يبارك لكم يا رب...

و دعواتي لكم بأن يتمم الله لكم حملكم على خير يا رب و يهون عليكم أيامه...و يرزقكم ساعة ولادة سهلة...تضموا بعدها أبناءكم إلى أحضانكم إن شاء الله...:smile:

الاخت الغالية شهد 98

عزيزتي اللي تحسين فيه انا اشعر به بالضبط وفي نفس الوقت وبنفس الوضعيه اللي ذكرتيها،،، يعني بمجرد ما اطيح عشان انام او استلقي على الوسادة لمشاهدة التلفزيون لانها اريح وضعيه للحامل،،،، على طول تبدأ حركة الجنين وتشعرين بها واضحة،،،، اتخيل عزيزتي هذا له تفسير واحد فقط وليس مدعاة للقلق،،، لأنه يوم تكونين في حالة سكون تشعرين بالحركة اكثر واوضح وهذا شي طبيعي ولما تتحركين مثل يوم تمشين شي طبيعي ما بتحسين بالحركة كثر ما انتي ساكنه،،، بالنسبة لي ما اشعر بالحركة إلا إذا كنت ساكنة إما نايمة او مستلقية او جالسة عادي ولا اشعر بها وانا اتحرك او امشي،،، والحركة اوضح في الحالتين الاوليتين،،، فأتخيل الغالية ها الشي جدا طبيعي وحركة الجنين دليل على صحته وكون كل شي على احسن ما يرام بإذن الله،،،،

الله يقومنا ان شاء الله بالسلامة ويرزق اخواتي المسلمات يارب واولهن اختي الغالية مرموم،،،،،

اللي احسه باالشهر السادس :

آلام شديده أسفل الظهر

بروز البطن بشكل واضح

حركة البيبي قويه لكن تهبل يا حليله

صعوبه أثناء النوم وخاصه في بدايته

وأخيرا" مشكوره أختي على موضوعك الفيد والرائع:up:

السلام عليكم ورحمة الله وبركاته



انا بعد مثلكم في الشهر السادس .......... بالنسبه لي اعاني هبوط بالدم واذني دايما منسده واحس دائما بالدوران أو الدوخه ........



إن شاء الله يقومنا بالسلامه


اللهم سهل لي حملي وولادتي

اخيرا وصلت السادس ولله الحمد :)


واللي احس فيه حاليا هو:
1. بديت احس حركة البيبي ... و اذا مصخها بالحركة مرات اكلمه و اقوله بس اذيتني :)

2. الإمساك خف شويييية بس تكرمون صايرة اروح الحمام اكثر من اول .. وبالذات بالليل اقعد من النوم يمكن 3 او 4 مرات او يمكن اكثر عشان ادش الحمام :(

3. أحس بألم اسفل البطن مرات يشد علي حيل و امي تقول عادي لانه الرحم قاعد يتمدد

4. احتقان في الانف طول الوقت ودايما بلاعيمي تعورني :(

5. بطني لي الحين مو واضحة واكو ناس تنصدم لما اقول اني حامل و بالسادس والدكتورة قالتلي هالشي لانه البيبي حجمه صغير.

6. صرت ما اتحمل المشي وايد و بسرعه اتعب و احس ريلي تعورني حيل

7. اسوء شي صاير معاي هو شهيتي اللي انفتحت على الاخر ... !! طول الوقت يوعانه و ابي اكل ..

8. صرت افكر دايما بالولادة وزاد خوفي منها ..


الله يسهلها علي و على الجميع انشالله :)

والله الموضوع جد ممتاز وحلو على الأقل نعرف وشو اللي فينا

في البداية انتفاخات اليدين والرجلين تكون شديدة أول ما أجلس من النوم وبعدين تخف شوي مع أني ما فيني زلال والحمدلله

ثاني شيء اللي قاهرني أول يوم دخلت فيه السادس في الصباح حسيت شوي بحركة الجنين وبعدين إلى الآن ما عاد أحس صرت في نص السادس وما أحس نفسي أحس فيه زين

طبعاً أعترف ان الشهية منفتحة على الآخر " ما شاء الله علي"

والونم عندي ممتاز جداً يعني أنا بالراحة لكن يضايقني إذا جيت انقلب لجهة ثانية أحس نفسي ينقطع لحد ما انقلب

أحس بألم في الحوض والظهر أحيانا والفخذين بس الحمدلله ممتاز

نصيحة أخواتي إذا تبون الإمساك في هالشهر يخف عليكم شوي وانتوا بكرامة
أكلوا سلطة كثير وفواكه تراها تمشي البطن :eek2:

هلا بنات
أنا في بداية الشهر السادس
بدا يظهر حملى والكل في الدوام عرف انى حامل:o بس على فكره شعور جميل وبالذات يوم اتحسين انه الكل مهتم فيج

ظهري وااايد يعورنى واااااااااااااايد وما أرقد إلا بعد مايفركون ظهري بفكس
خف عنى الإمساك
الزياره الأخيره لى للدكتوره قالتلى
1- عندج الأملاح وااايد مرتفعه ( طبعا بعد تحليل البول ) ولازم أشرب ماي كثير على الأقل 3 دبب ماي من الكبار يوميا
2- عندي الدم نازل وهذا خطر عليه وعلى الجنينين ولازم أتغذا عشان البيبي
3-وزنى مازاد وااايد يعنى لين ألحين زايد 5 كيلو
4- البيبي حجمه صغير 560 جرام وقالتلى لازم اهتم بالأكل عشان يتغذا البيبي
الحمدالله مرتاحه في هذا الشهر أكثر من اي شهر طبعا الراحه النفسيه ومن فتره شريت لى لبس حوامل من الستى روعه وكل يوم اكشخ

اختي العنقاء تحياتي بس حبيت أقول أن الأملاح طبيعي تكون مرتفعة ومثل ما قالت لك تشربين ماي كثير أحمدي الله قالت لك 3 قوارير ماء كبيرة أنا قالت لي أربع " وين أحطهم":D2

عبير الشوق والله أنك مثل شعوري

في الليل أروح كثير الحمام والرحم يعورني فعلاً لأنه يتمدد
وعندي مثلك إحتقان في الأنف وحنجرتي تعورني
ولا أتحمل المشي ومثلك صرت أفكر كثير بالولادة وخاصة إني شفت في موقع صحة فيديو عن الولادة وصرت خايفة شوي

والشهية لا تسألين عنها لأني خايفة أنفجر واصير دبة زيادة

" مهم جداً"

لا زم تعرفون يا بنات أن الإلتهابات تسبب ولادة مبكرة فلازم تحرصون أنكم تعالجونها أول بأول "إلتهابات المثانة والرحم"

تمنياتي لكم بولادة طبيعية بإذن الله

تحياتي للجميع

وعليكم السلام ورحمة الله وبركاته

شكرا اخت مرموم على هذا الموضوع الرائع

وان شاء الله راح ابدأ معكم من الشهر السادس والى الشهر التاسع

هذا ثاني حمل لي...اجهضت الحمل الأول وانا بالشهر الثالث

وان شاء الله يا رب يتمم لي حملي هذا

انا الحين في الاسبوع الــ 23 وخمس ايام

البطن بارز..مع بعض الآلام اسفلها

حبوبي البيبي حركته واضحة وخصوصا بالليل وفي السيارة...اشمعني السيارة...i dont no

ذهني شارد على طوول...وزوجي مضايق من هذا الشرود..لأنه مرات كثيرة يكلمني وانا بالمرررررررة مو معاه عالخط...بس هو متفهم وبعض المرات يصير :mad2:

امممم ايش بعد

ايوااااا...مرات يجيني صداع بسيط...وألم في الجنب واسفل الصدر

وان شاء الله أوافيكم بآخر أخباري من خلال هذي السلسلة الرائعة

شكرا...تحيتي لكم جميعا

غيمات

جيتكم مرة ثانية

باقي لي اسبوع وادخل الشهر السابع

وهذا راح يكون آخر رد لي في هذا الموضوع....:smile:

احلم كثير، في المنام وفي اليقضة

دائما احلم اني ولدت بنوتة حلوة

دايما افكر بالولادة، لكني تفكيري لها تفكير ايجابي ومو خايفة منها ابدا

يمكن لأني بكرية، :D2 يقولون البكرية ما تخاف من الولادة لأنها مو عارفة شيء بالمرررة عن الولادة، الله يعيني عليها ويعين كل الحوامل

هذا كل اللي عندي الحين

سأوافيكم بالجديد لاحقا...........تشاااااو

انا الحين في الاسبوع الثاني من الشهر السادس فعلا العوارض نفس الي ذكروها الخوات من امساء وملل منالحمل اتمنى الشهر التاسع يتقدم لي بسرعة الم في البطن اما الظهر هذا الالم ملازمني من الشهر الاول الى الحين ما راح عني ابدا

بالنسبة للحركة ماشاء الله واضحة الظاهر طالع شقي اقصد طالعة مثل ماقالت لي الدكتورة انها بنوتة ان شاء الله تكون بنتوتة خير وصالحة ادعي لها في كل وقت وادعوا معاي لكل الاطفال

بس عندي الالتهابات شوي وبصراحة خفت اخذ حبوب خفت على بنوتي هذا اول حمل لي واخاف عليه عطتني الدكتورة مضاد حيوي بس ما خذيته احاول اشرب ماء وسوائل قدر الامكان
وان شاءالله تعدي الشهور الباقية على خير يارب :smile:

بداء حجم بطني يكبر

شهيتي مفتوحه
بعض الالم اسفل البطن كمان وجع بالقدم
عدم الشعور بالراحه وقت النوم

السلام عليكم ورحمة الله وبركاته

انا الان في اول السادس:shy:
مش عارفة هل الاعراض ستتطور مع مرور الشهر ولا لا؟؟؟؟

عموما ان الموضوع ماشي كويس و الحمد لله:shy:

بس الجديد عليا اني بحس بالم بالحوض فظييييييييع و اخيرا مش قادرة امشي علي رجلي بقالي 3 ايام :cry::cry::cry:

الطبيبة قالت لي ان هذة تشنجات ممكن تحصل نتيجه ضعف العضلات لازم لي راحة تامة
:cry::cry::cry::cry:

ربنا معانا يا حوامل

ادخل الحمام كتيييير
النوم متقطع و دايما قلقانة:sad:
البطن كبرت:up:
و الحمد لله بقيت احس بحركة البيبي:up:

الطبيبة مقدرتش تحدد نوع الجنين و كل عطايا الله حلوة المهم انه البيبي ان شاء الله ينزل بالسلامة و صحة جيدة

و لو فيه حاجة جديدة هكتب لكم يا بنات
و ربنا يقومنا بالسلالالالالالامة

انا بالشهر السادس ولدت والحمدلله اخر اسبوع من الشهر السادس :pain:
والحين بناتي عندي وهم بصحة وعافيه
خوش ولاده بالشهر السادس ما تعبونه وايد هالبنات:shy:


وسلامتكم:cool2:

:o هذا ثاني يوم لي فالشهر السادس ..

ان شاء الله يعدي الشهر بسرعة .. لاني متشوقة اشوف البيبي ..

فديته والله يرافس ليل ونهار كأنه في حلبة مصارعة ..

ويوم يتحرك احس جسمة كلة يتحرك .. شعور حلو حلو حلو ..

الله يخليلنا بيبيهاتنا ويتمم حملنا على خير .. والولاده تكون اسهل ما يكون :up:

موضوع رائع :clap:

انا بالسادس الان وتقريبن كل شي قلتيه صاير

شي يحمس :smile:

هلا انا مثلكم في منتصف السادس واحس بالام بالظهر
وحركة البيبي بدات باخر الخامس واول مرة يتاخر معي حركة البيبي
ولكن حجم بطني يزيد مع انهم قالوا ان حجم البيبي صغير

سلااااااااااااااااااام

انا الحين في الاسبوع الثاني من الشهر السادس والاعراض اللي عندي

شهيتي صارت مفتوحه

الام فظيعه في الحوض :cry: بس اذا اتحرك احس انها تخف

التشنجاااااااات حدث ولا حرج

وجع الظهر زاااايد عندي

بس الاحلى زيادة حركة البيبي ينسيج كل الامج

انا بعدني من باجر بدخل الشهر السادس :bigsmile:
وعندي موعد في المستشفى عشان الصوره
ادعوا لي ان شاء الله كل شي طبيعي:up:
تحياتي
ام شجون:gum:

حركات البيبي في هذا الشهر تجنن .. نحسين انه عايش معاج من قوة الحركة:smile:
بس فعلا تحسين بملل من الحمل في هذي الشهر .. بس يلا هانت:cool2:
واحلى ما في الموضوع ان البيبي يبتدي يفز على الاصوات المفاجئة مثل صكت الباب او صوت المنبه :D2 يذبحني من الضحك اذا نقز