تجهيزات عرائس ' مملكة البحرين ' لشهر شوال 1433 - 2012 م / الجزء : 92»

سماي إنتَ
صديقتي قبل اسبوعين عرسها فصلت فستانها عند ام نواف كان حلو ومرتب والاقمشه سألتني انه رشحت لها العرادي اللي في العالي لانه في عرسي احتجت دانتيل شريت من عنده وهي عجبها وقلت لها العرادي شرت الخلق من هناك والتفصيل ام نواف طلع وايد حلو

&الوفا طبعي&;16247039:
مرحبا
بغيت صالونات مكياج وتسريحات ناعمة
حتى لو وحدة تسوي في البيت بعد اوكي

عروس المسك;16247182:
هلا بناااااااات الله يسهل لكم تجهيزاتكم
حبيت تدلوني على أحسن وحده حق مكياج عروووس ابي يكون وسط وعادي اي منطقه ما عندي اي مشكله بس انه المكياج يكون حلو
ويا ليت يكون المكياج مع الشعر في نفس الصالون صعب علي أتنقل بين صالونين

وبالمره اذا تدلوني على محلات حق فساتين زفاف خاطري باللون الابيض

ابتسام كمال في البسيتين حلو تسوي
وفي الرفاع صفية شويطر وشريفة فولاذ
ومدينة حمد عندج عايشة الريس

محلات الفساتين عندج بوكوارة كلها محلات وبمختلف الأسعار طبي وتخيري
وعندج محل اسمه وايت ليلي في مدينة عيسى يم سكوب

==============

أخت القمر

مطرشة لج رسالة على الخاص قبل جم يوم مادري جفتيها او لا

اي فديتج مشكورة

اخــ القمر ــت;16247976:

صباحكم خميس :)

شوقي انشالله اجرب روشيه خاطري في الرنقينه بس تحسون يسوى اسوي حق الاستقبال

جم كيلو يبيلي ؟؟

وعن الجم انا مب منتظمه 100% واذا رحت ماتم اكثر من ساعه او ساعه وشوي

انا وايد مرتاحه هناك محد له شغل في الثاني والمكان شرح ونظيف والاجهزة وااااايد اروح اتمشى نص ساعه والعب جم شي وانا طالعه قبل كنت اتسبح هناك بس الحين اتعييز :p

وعن جسمي اي احس استفدت بس ماعرف شكثر لان خذت وزني مرتين بس وفي المره الثانيه قالتلي كل شي اوكي بس الدهون يبيلها شوي حتى شكل جسمي تعدل

وقلت انشالله اذا الله عطاني وحملت عقب الولادة ظرووووووري اروح لان هناك كانت في بحرينيه تشتغل كانت متكتكه ولها بطن كنت اجوفها تلعب على الstepper عقب قلت لها ماشاء الله وايد ضعفتي صارت يمكن النص الا تقول اي ما اكل وايد وعقب الساعه 6 ماكل شي والعب على الجهاز ساعه ويوم ثاني حاولت العب ساعه بس ركبي عورتني :lol:

بس هذي الجهاز وااايد يحرق يعني في الربع ساعه احرق 140 كالوري اما جهاز المشي في النص ساعه 115 بس يقولون المشي اهوه يعدل الجسم والله اعلم

سوري قلت لج قصة حياتي :-#

معليه احنا نحب قصص الحياه :lol:
انا الحين ابي تعديل حق شكل الجسم وشد
والوزن الحمدلله رجعت حق وزني قبل الخطوبه والحمال والولاده
أنا في البيت عندي جهازين بس اكمه مقعدين ومغبرين :-# ملل، جهاز المشي حده ممل وصج مايحرق وايد
والاوربتراك يحرررق وايد ويا ال1000 كالوري اذا لعبتي عليه ساعه، عاد الساعه مابتقدرين عليها الا عقب طلعة روح :badly:

بس شكلي باتوكل على الله واسجل عندهم :o

وعن روشيه, انتي روحي لهم وجوفي اسعارهم، اذكر رفيجتي مره راحت لهم وقالوا لها الصينيه الوحده بتطلع عليها ب70 :hysterical: مادري عاد شكثر الكميه

بنات فتنست فيرست بجم الاشتراك لشهر ؟

أبيك وما ابيهم

٤٠ دينار

انزين في مدربه توقف على راسنا ؟؟
انا لان لازم احد يووقف فوق راسي عشان اسوي التمرين عدل
ابي اشترك اروح كرش ما بعد الولاده

اخت القمر

قطع الله ابليسهم !!! اهمه واايد زينين بس خبرج إحنا لازم نعلق ونقول بس.. أنا ما يفقعون مرارتي الا ويا هالجيسة مالتهم كل شوي تعالي واشتراها!! يه ما بي!! يقولون لي لا تفوتج فيها فوطة ومادري شنو!! ارد اقول لهم ماااااااابي يسكتون عني اسبوع ويردون يطحنون!!! غثوني بهالجيسة!!

=======

أبيك وما ابيهم

اول ما تشتركين يعطونج ٣ حصص مع المدربة تعلمج على كل شي وتسوي لج برنامج رياضي يناسبج
عقبها اذا تبين مدربة خاصة تدفعين حق كل مرة عشرة دينار وفي مساعدات ببلاش بس مادري شنو يسون!!

مساكم خير يابنات
بغيت تصويتكم حق المكياج
شيماء بوچيري او بليندا الفلبينيه ؟؟
ومشكووورين
بدعيلكم من كل قلبي

سلام بنات , ماادري اذا تذكرون قبل فتره كتبت موضوع , المهم الحين ابو الصبي كلم ابوي وقاله نبي نجي انا وام الولد والولد نسوي قعدة تعارف


عاد انا هذي اول مره يصيرلي هالشيء , ما ادري وش نسوي , وانا اكبر وحده والبنت الوحيده , واحس امي وابوي متدودهين وانا وياهم , اهما قالو بيون العصر , عاد احنا قلنا شاي وعصير وحلاوه .... اتحسون عدل ؟

وهل استقبلهم مع بيتنا ؟ او انطر في غرفه وينادوني ؟ وادا نادوني شسوي ؟ ادش بروحي


واذا دشيت , امي وابوي ايقولون بنهدكم بروحكم , انا شسوي ؟ اتكلم وياه ولا اسكت ؟ ادري في اساله , بس ما ادري اذا هذا الوقت المناسب لانها قعدة تعارف وش رايكم



ترا حدي متدودها


بليززززز بنات ديرتي ردو علي

الحين الناس قاعده تقول لاتقعدين معاه ابروحكم


ما ادري وش اسوي


اشلون اجل نتحجى ؟؟؟؟

الماسة الماسية

بالنسبة حق القدوع اي أوكي لا تكثرون
وخلج في الحجرة الين ما ينادونج أذرب
بالنسبة حق القعدة لا ما يجوز تقعدون بروحكم .. اذا كلش كلش لازم تخلون الباب مفتوح على الآخر وابوج يدش ويطلع عليكم ما يخليكم
وانتي أكيد بتسألينه في حدود ما بتقطين أسئلة تستحين منها جدام ريال غريب وابوج بيسأل عنه وبتستخرين واذا الله كاتب لج هالريال بتمشي الامور انتي بس توكلي على الله

السلام عليكم

شخباركم بنات و مبروك للعرسوا و انخطبوا و الله يتمم للباقي

ان شاااء الله عرسي بيكون في عطلة الربيع و ابغي ابدي تجهيزاتي خلاص و احس تأخرت

و مفتر راسي كل ناس يقولون لي شي

اذا ما عليكم كلافة بغيت ملف التجهيزات

و الاسئلة الباقية coming soon ان شاء الله :D

أنا الشوق;16248151:
معليه احنا نحب قصص الحياه :lol:
انا الحين ابي تعديل حق شكل الجسم وشد
والوزن الحمدلله رجعت حق وزني قبل الخطوبه والحمال والولاده
أنا في البيت عندي جهازين بس اكمه مقعدين ومغبرين :-# ملل، جهاز المشي حده ممل وصج مايحرق وايد
والاوربتراك يحرررق وايد ويا ال1000 كالوري اذا لعبتي عليه ساعه، عاد الساعه مابتقدرين عليها الا عقب طلعة روح :badly:

بس شكلي باتوكل على الله واسجل عندهم :o

وعن روشيه, انتي روحي لهم وجوفي اسعارهم، اذكر رفيجتي مره راحت لهم وقالوا لها الصينيه الوحده بتطلع عليها ب70 :hysterical: مادري عاد شكثر الكميه

أنا الشوق لو سمحتي وين اصير روشيه ؟ ادري في هاي المنتدى محد يوصف بالضبط غيرش :lol:

M!ss CoLoRz;16248354:
أبيك وما ابيهم

اول ما تشتركين يعطونج 3 حصص مع المدربة تعلمج على كل شي وتسوي لج برنامج رياضي يناسبج
عقبها اذا تبين مدربة خاصة تدفعين حق كل مرة عشرة دينار وفي مساعدات ببلاش بس مادري شنو يسون!!

اهااااا انزين اي وقت انتو تروحون وشلون زحمه ولا الناس خفايف
مشكلتي ماحب اختلط بالناس

أبيك وما ابيهم

اب عادي اي وقت تروحين وحتى في الإجازات مفتوح من الصبح لليل
أنا اروح عقب دوامي يعني تقريبا ٢ الظهر أنا هناك وخفايف ينعدون على الاصابع
وانا بعد نفسج ما احب اختلط في الناس في الجيم .. بس دشي ولعبي ولا تعطين ويه حق احد لا تحاتين
انتي اي وقت تفضين روحي لهم وبيدشونج داخل يراوونج كل شي ويشرحون لج نظامهم

ليلة عمري ..ليلة من أحلى ليالي العمر

http://forums.3roos.com/3roos663870/