تجهيزات عرائس ' مملكة البحرين ' لشهر شوال 1433 - 2012 م / الجزء : 92»

M!ss CoLoRz;16258092:

خل أقول لكم تقرير العرس اللي رحته ذاك اليوم

كان في الدبلومات قاعة المحرق

اول ما وصلنا كانوا يايبين سكيورتي نسوان تبع شويطر

مادري انا اول مرة يصيدني هالموقف .. اوكي ياخذون التلفونات

بس هالمرة Too much كان :!!:

خذوا التلفونات وخذوا شناطنا يجيكونهم ( وطبعا شنطتي ما تم شي ما اقطه فيها انا :o) وعقب سووا لنا تفتيش شخصي وبالجهاز...حسيت إني يايية أفجر المكان :|:|:|

كللش ما عجبني هالشي .. اللي يعزم المفروض يعز اللي يعزمهم مو يذلهم جذي .. واحين الناس واعية حتى لو ( هربوا تلفوناتهم) ما اتوقع إنهم بيصورون يعني خلاص مثل هالمواقف المفروض راحت

انا مع انه ايبون سكيورتية نسوان عشان سالفة البطاقات وشوية مع سالفة التلفونات بس التفتيش come on إذا شاكة في أحد لا تعزمينه او خلي وحدة تكون مراقبتهم وإذا طلع منهم شي تحاجيهم

المهم ... دشينا وسلمنا وباركنا ( صج اهوه كان عرس واستقبال في نفس الوقت ما قلت لكم )

المسرح كان من الفندق نفسه ( عندهم اوفر ) اللي ايي صفة ورود وصفة سادة تعرفونه مال الدبلومات ..كان بالفضي وحلو وانيق :thumbs_up:

المعازيم لابسين اشية متنوعة بين القصير والطويل والترتر والدانتيل بس ما شالله الكل ( المعازيم الجراب والبعاد ) تسريحاتهم حلوة

على الطاولة تنسيق من الياس ( مرتب :thumbs_up:) وكانوا حاطين صحن حلويات من أم خالد وصحن معجنات من فرح
ملاحظة : الأفضل صواني تدور وكل واحد ياخذ اللي يحبه لأني كنت ميتة يوع وخلصت الأصناف اللي احبها وعقب يو ناس قعدوا معانا وما حصلوا شي :o:o:o:o:o:o ههههههههههههه

وماشالله كانوا مسوين واايد توزيعات .. وزعوا بستوق مغطى بجوكليت وبخور وكب كيك من مري وبعد شي نسيته!!!

دشت العروس من وقت لأنه كان دوامات وما شالله ما شالله عليها كانت بشوشة
وفستانها ما شالله ماشاالله ما شالله اللهم صلي على محمد واااايد حلو كان موديله off shoulder وقصته fishcut والطرحة خليجية بس من جدام التطريز

اممم وشنو بعد.. الباقة كانت اللي روز عودة لون اوف وايت

وبس :)

@eman@;16260054:
من وين روز ميني كيك
أنا أتعامل مع ام فرحان عراد

liberty river;16258369:
مساء الخير ..
طبعا رحعت لكم بعد عرسي الي كان في شهر 7 ..
والحمد لله بفضل مشورتكم ونصائحكم طلعت مثل ما أبي .. بس شعري نغص علي بالحفلة كل حين ما يتبطل من تحت وبعض الصور طلعو معفسين بسبته ..
بس الحمد لله تم على خير ..
المهم انا كنت مقررة اسوي حفلة استقبال بس صارت عندنا حالة وفاة بعد زواجي بيومين .. فما سويت حفلة الاستقبال ولا يى أحد بارك لي من اهلي ..
الحين أمي تسالني انه شنو بنسوي حق مبارك الأهل ..
هل نسوي عزيمة عادية في البيت ..
أو نسوي حفل استقبال ..
ورايكم انه عادي اسوي حفل الاستقبال وانا طاف على زواجي شهر وشي .. أو تبيخ السالفة ..
وفي حفل الاستقبال شنو عادة العروس تلبس .. وشلون الطريقة .. لان ولا مرة في حياتي رحت حفلة استقبال .. لان انا من طبعي ما اروح عززايم ..
وشنو نوزع .. ونسوي توزيعات أو لا ..
ووين الصالات الي تصلح حق الاستقبال اذا مو كان بالبيت ..
واذا كان بالبيت شنو ألبس وشنو نسوي .. وشنو نوزع .. ياريت تساعدوني .. وتجاوبووني

مـشتاقة لـيك;16258450:
بنوتات طبعا شفت ملف التجهيزات فادني عدل

بس احترت صراحة باللي يمكيجون

لقيت وايد أسماء وكلهم ما اعرفهم

ما اعرف الا شريفة فولاذ لان بخطوبتي رحت لها وطلعتني قمر 14

بس ما ادري احس الميك آب ابي اغير ما ادري ليش حاسة هالأحساس بس الشعر بأذن الله شريفة ولاذ لان شعري ظل مثل ما هو صج صج فنانين الفلبينيات


اللي عندها و كنت متوترة و تحملوا فيني و استانست بمعاملتهم لي وااايد

فتـنصحوني بمين للميك آب هالمرة؟!

وأنا ملامحي بيبي فيس و أحب الميك آب الناعم بس بما أني هالمرة راح أكون عروس بأذن الله أبي ازيد الميك آب شوية بس و أبيه يغيرني شوية بس

حق ريلي يحس بالفرق يعني فمحتارة أرووح لمين

و أنا كلش ما عندي فكرة عن كل هالأسماء اللي موجودة بالملف

سماي إنتَ;16258668:
ممكن ملف التجهيزات

و من جربت صالون في مدينة عيسى او قريب منها لتسريحات تكون مضبوطه وماتخترب بحدود 20 - 30 دينار ؟

فطومي";16259241:
ميسس كلرز ملف تجهيزات فديتج ماعليج آمر نسيت آقولج

حنانوة;16260066:
مس كلورز ياكثرها هل حركات تصيدنا

تخيلي احنا مصورات الحفله مايرضون ندخل بتلفوناتنا واحنا مانرضى نعطيهم التلفونات ونظل واقفين برع للين مايتصلون للعروس يقولون لها المصورات مب راضين ناخد تلفوناتهم للين مايقتنعون وندخل

يعني احنا عندنا الكاميرا ت الفيديو والفوتوغراف بنصور الحفله مابنصور بتلفوناتنا

بسس صدق مواقف ما اقدر اتحملها

جيكي الخاص

في هالمنطقة ممكن تروحين حق صالون نيو يو في مجمع مدينة عيسى او صابرين الذوادي او فاطمة مكتوب عند نادية زيد او صالون الرونق

M!ss CoLoRz;16261680:
سماي إنت

ما عندي فكرة للإثنين
نيو يو اروح لهم حق بادكير ومانكير ومجرد بلو دراي
اذا تبين بعطيج اكاونتهم على الفيس بوك تجوفين وتتصلين فيهم تستفسرين للإثنين نيو يو وفاطمة مكتوب

منامية الهوى;16262906:
هلا عرايس .. عساكم عالقوه ..

المهم شبغيت اقول .. اذا احد يعرف اماكن تطبع بطاقات دعوه .. بس بأسعار معقوله بليييييييز تخبرني لأني متوهقه حدي

سماي إنتَ;16258668:
ممكن ملف التجهيزات

و من جربت صالون في مدينة عيسى او قريب منها لتسريحات تكون مضبوطه وماتخترب بحدود 20 - 30 دينار ؟

صابرين الذوادي واختها صفاء
:thumbs_up:
اعتقد الاسعار تبتدي من 15 او 20