التجمع السابع لامهات شهر ديسمبر 2011

السلام عليكم يابنات

آآآآآآآآآآآآسفة على غيابى الطويل ده

بس الظروف كانت كل مرة بتمنعنى من إنى أكتب لكم رد

العيد جه ولأنى كنت طول رمضان شبه معتكفة

فالعيد كان زى إفراج بالنسبة لى وقضيته كله فى الخروج

وبعده على طول إنشغلت فى سفر حماتى ورجوعها على مصر

وبعدها إنشغلت فى محاولة تظبيط نوم عمار من جديد

يوم تفلح المحاولة ويوم تفشل زى النهاردة كده

وكذا مرة أحاول أنتهز فرصة أى وقت فاضى عندى ولو خمس دقائق

يحصل حاجة تخلينى أخرج من غير ما أرد

ورغم إنى دلوقتى فعلا مش قادرة أفتح عينى من الإرهااااااااااااااااااااق

بس قلت لازم أدخل أرد

كل البنات اللى سألوا عنى وعن غيبتى

ربنا يكرمكم ما اتحرمش منكم :L:

أم لوكاس أنا شاكة إنك حامل فى بنت

سمسمة إنتى شكلك حامل فى ولد

وأدينا مستنيين نتيجة السونار معاكم ;)

مفتاح الصبر لو صحتك كويسة ولو قدر لك الله الحمل من جديد مافيش أى مانع

يمنعك إنك ترضعى بنوتك لغاية الولادة

لأن حليب الام مش بيأذى الرضيع هو كل الموضوع إن الفوايد بدل ما كانت

مخصوصة لفردين (إنتى وبنوتك )بقت مقسومة على 3 (إنتى والجنين

والقمرة)

فلازم وقتها يكون الإهتمام بأكلك فى أعلى معدله علشان ما تخرجيش من

الحمل والرضاعة وجسمك معدوم فى كل حاجة

والحمل ممكن يحصل حتى لو الدورة مش بتيجى تسألينى إزاى

أقولك مااعرفش بس ده اللى أعرفه

عمار اخيرا طلعوا له السنتين اللى تحت فى العيد وماشاء الله شغااااااااال

عض فيا وهو بيرضع ربنا يعينى عليه لما يطلعوا كلهم :struggle:

أم مشمش الف سلامة على مشمش هو عامل إيه دلوقتى

أم ياسين ألف سلامة على ياسين وديتيه للدكتور ولا لسه

إم واى ألفففففففففففففف مبروك

بورك لك فى المولود وشكرتى الواهب ورقتى بره وبلغ أشده F:

عقبال ما ربنا يقر عينى جوفان باخ لبنوتتها إن شاء الله

رونق اخبارك إيه