التجمع الثامن لأمهات ديسمبر 2011 لشهر شوال

طبعا أنا نسيت أقولكم إن اللى كان شاغلنى كمان عنكم

هو إنى باعمل إعادة تأهيل وتطوير لنفسى بعد ما سى عمار خرب حاجات كتير

شعرى كان قرب يقع كله ده غير إنه بقى جااااااااااااااااف جدا وخشن

ومتشاااااااااابك جدا

طبعا أنا بأنقص من وزنى من ساعة ما ولدت صحيح أنا بانزل ببطىء بس

الحمد لله فى نزول مستمر حتى لو بسيطة على المدى القصير بس قليل دائم

افضل من كثير متقطع

وطبعا مخصصة وقت من يومى لإستعادة مرونتى

عن طريق الرياضة و الرقص العشوائى

طبعا ده كله مع مسئوليات البيت والعيال وزوجى

مخلينى بأقعد بالأيام مش بأدخل على النت

وخاصة إن عمار بقى بيتخانق معايا علشان يقعد يخبط بكل قوته على الكيبورد

للاب :lol: الله يهديه ويصلح حاله

وطبعا اول ما ما أخلص إعادة الترميم هأنزل موضوع علشان أفيد البنات

بتجربتى وطبعا هأنزل لكم الرابط هنا على طول إن شاء الله

رونق الله يسلمك ياقمر وسوسو وميرو بيبوسوا إيديكى

إنتى اللى اخبارك إيه وقمراتك الصغنونين أخبارهم إيه :)

أم مشمش ..آآآآآآآآآآآآآآمين

وألف حمدا لله على سلامة مشمش

لسه عمار كان برضه ملتهب جدااااا بس من قدام وده طلع بسبب إنى غيرت

له نوع الحفاظ واستخدمت نوع تانى وكنت استخدمت له مراهم كتير بس ما

كانش فى فايدة لأن السبب مش إلتهاب عادى

المهم رجعت تانى لبابمرز وفى نفس الوقت استخدمت المراهم اللى كتب

عليها الدكتور وكنت باقعده كل يوم فى الشمس من غير حفاظ تقريبا من

10:15 علشان كنت قريت إن الشمس ممتازة جدا فى تخفيف حدة التسلخات

ومبروك يا قمر على زحفه الله يعينك بقى من هنا ورايح على حركته اللى مش

هتقدرى توقفيها زى زمان ;) وإن شاء الله تشوفى سنته النهاردة أو بكرة شاقة اللثة وطالعة تقول وسعولى وسعولى :lol:

والله يسلمك من كل سوء

ياسو الله يسلمك بالنسبة بقى للحفاظات دى بقى حاجة طلعت عينى بجد

سواء هنا أو الأجازة اللى قضيتها فى مصر

فى الأول خالص استعملت هيجيز كانت حلوة قوى فى الأسابيع الأولى بعد

كده :thumbs_down: غيرت لبامبرز كان كويس لغاية ما بدأ عمار يتحرك وهو أصلا ماشاء الله اللهم بارك عليه حركى بزيادة :struggle: ما كانش نافع خالص كل ما يعمل

حمام براز إن ما كنتش أقوم فى لحظتها أغيره له ولو بعد خمس دقايق على

ما أعرف إنه عمل حمام يكون بهدل نفسه ووصل لظهره وطلع من بين أفخاذه:worn_out:

طبعا كانت بهدللللللللللة

فغيرته جربت بيبى جوى زيه

جربت فاينى برضه ما عجبنيش

جربت سانيتا برضه ما عجبنيش

أخر حاجة بقى بامبى ده بقى سبب لعمار إلتهاب فظييييييييع من قدام

لدرجة إنى صورته

المهم بقى الدكتور لما شاف عمار وسألنى كنت بأستخدم إيه من الحفاظات

قلت له وقالى إرجعى للحفاظ اللى غيرتيه

بابمرز يعنى لأن اللى حصل له ده بسبب الحفاظ نفسه

بس عايزة أقولك رغم تجاربى دى بس هتلاقى الأمر يختلف من طفل لطفل

ومن أم لأم

يعنى جارتى ابنها ماشااااااء الله عليه حركى جدااااا ومع ذلك هى بتشكر جدا

فى بيبى جوى

فجربى إنتى وبابمرز السعودى أفضل من بابمرز المصرى

بس دى ما عرفتهاش دلوقتى لا دى كنت عرفتها ايام سلمى

لأنى فى مصر كنت بطلت أشترى بابمرز وقتها لانه كان بقى صغير حتى

الحجم الكبير منه صغير ومش مناسب سلمى وكنت باستعمل نوع اسمه

فاينيز بس مابقوش يعملوه دلوقتى بس كان ممتااااااااااااز جدا

بس طبعا لما جيت السعودية ما لقتهوش هنا وجربت بيبى جوى وما نفعش

وجربت بامبرز ولقيته مختلف عن بابمبرز مصر

من حيث الحجم وكمان قلة التسريب عن بتاع مصر

وبالنسبة لبايلو هأحطه فى اللستة علشان لو حصل يوم واتخنقت من بابمبرز

ألاقى حاجة اغير لها

إم واى ربنا يبارك لكم فى يحيى وتشوفيه من أفاضل الرجال وأكارمهم هو وكل

عيالنا يارب

جوفان فينك يابنتى مختفية فين مش عادتك

تعالى أمنى على دعائنا كلنا ليكى إن ربنا يكرمك الشهر ده بالحمل السليم

المعافى ويقر عينك باخ لبنوتك

كارو أخبارك إيه فينك وأخبار لوكا إيه:)

سمسمة فينك ياقمر ولا النوم مستحكم معاكى :D

مفتاح الصبر ها تعالى طمنينا ها طلعتى حامل ولا إنذار كاذب ويا كتر ما

بنتعرض لهم :lol:

انا بقى اليومين دول اللى خايفة من إنذار كاذب

الشهر اللى فات الدورة جات لى بعد ما اتأخرت 15 يوم

الشهر ده كانت المفروض تيجى لى من العشر الأواخر فى رمضان

لغاية دلوقتى ولا شفت لها أثر

وقلقانة لدرجة إنى كنت هأتصرف فى هدوم عمار اللى صغرت عليه وأطلعها

للمسجد لكن خفت لأطلعهم واطلع حامل وأشترى تانى كمان كام شهر :-#

عمالة أطمن نفسى إن وقت الرضاعة ومع حبوب منع الحمل ممكن الدنيا

تبقى ملخبطة شوية وغير مستقرة

شكلى هأشترى إختبار الحمل وأتطمن وربنا كريم

السلام عليكم

صباح الورد يا أمهات

أخباركم واخبار بيبيهاتكم

ها مين طعم تطعيم الشهر التاسع

فى حد تانى طلع حامل يابنات غير سمسمة وكارو ;)

إن شاء الله يطمنوكى على بنوتك

أنا بقى النهاردة عندى مأتم :'(

مش كنت قلت لكم إنى لقيت قط فى الشارع وكان لسه ماله يومين مولود

وأمه مش مهتمة فيه وأخدته أراعيه

المهم ماشاء الله تم يوم 25/8 شهرين

وكان بقى حلو ونشيط جدا مشكلتى بقى معاه إنه زى بقية القطط الصغيرة

بيحب اللعب جدا وخااااااصة العض

وأكتر واحد كان بياخد نصيب من العض هو عمار

وحاولنا كتير نبعدهم عن بعض وأعلمه إن العض غلط

بس مافيش فايدة لدرجة إن آخر أيام دى كنت طول ماهو عمار صاحى

احبس مشمش فى المطبخ

وده كان محسسنى بالذنب جدا لأنه حيوان وأيا كان مش بيحب الحبسة

المهم قررنا انا وزوجى نعرض مشمش على النت للتبنى

وفعلا عملنا كده وعرضناه للتبنى من غير فلوس بس برضه مافيش حد إهتم ولا إتصل

قلنا مافيش فايدة كده لازم اختار بين صحة ابنى وبين بقاء مشمش

لانى كنت خايفة إن مشمش ينقل لعمار أى أمراض لما يعضه

المهم قررنا ننزله فى الشارع

فأخدناه وودناه عند سوق أسماك ولحوم وفراخ علشان يلاقى هناك أى حد

يأكله أو هو يدور على رزقه الكلام ده كان أول امس بالليل

النهاردة بقى لقينا واحدة بتتصل بتسأل عنه فجوزى قالى انا هأروح أدور عليه

بسرعة أكيد هو ما بعدش عن نفس المكان اللى سيبناه فيه

راح يدور عليه :'(:'(:'(

لقى عربية دايسة عليه :'(:'( ومااات

طبعا انا حالتى لا توصف وحاسة كأن عيل من عيالى هو اللى مات

لان الشهرين ونص اللى فاتوا أنا اللى كنت متولية مسئوليته بالكامل

ده غير إحساسى بالذنب إتجاه موته وإنى كنت أنانية

وإنى كان ممكن أفكر فى حل وأتحمل تعب زيادة علشان ابعد عمار عن عضه

وخايفة ربنا يحاسبنى عن موته:035:

دعواتكم لى إن ربنا يصبرنى

طبعا إحنا كمان عندنا عصافير

خلاص هأعرضها للبيع لانى خايفة أتعلق بيهم ويحصل لهم حاجة

خلاص أنا وزوجى قررنا ما نربيش أى كائن حى

علشان الحالة اللى إحنا فيها من ساعة ما عرفنا بموت مشمش

الله يكرمك ياياسوو

الحمد لله سلمى بقى قلبها جامد مش عارفة هل هى مش فاهمة يعنى إيه موت ولا إيه هى بقى كل شوية تفكرنا بمشمش وانا وأبوها اللى بنبقى هنعيط لغاية ما قلتلها امس ما تتكلميش تانى عن مشمش علشان بتوجع قلبى بجد

هو قدره ربنا بس يغفر لنا ويرحمنا لو كان لينا يد فى الله حصل له

جوفان روحى وإتطمنى عن سبب النزيف يابنتى ربنا يطمنا عليكى

ويحفظ لك كل احبائك

أنا ليا تقريبا 25 يوم متاخرة عليا الدورة وكنت قلقانة ليكون فى حمل وجبت

إختبار حمل وعملته والحمد لله مافيش حاجة

واصلا حاسة بأمورى الصحية مش تمام صداع وهمدان وحرقان فى العين ورحت

للدكتورة وطلبت منى خمس فحوصات عملت أربعة وفاضل واحد مستنية

التأمين يوافق عليه

وربنا يسهل ويطلع خير

السلام عليكم يابنات

أخباركم إيه

مش ناويين تظهروا برضه

طيب اقولكم أنا بقى على آخر أخبارى

انا كنت قلت لكم إن الدكتورة طلبت منى شوية تحاليل وفعلا عملتها كلها أمس

والنهاردة رحت لها بقى علشان أعرف نتيجة أخر تحليل اللى هو تحليل فيتامين د

المهم قالت لى إن النسبة الطبيعية ما بين 50:150

وإنى طلع عندى نقص شديد ونسبة الفيتامين عندى 26

وده ببساطة ممكن يكون السبب الأساسى لوجع عظامى والفتور والصداع

المستمرين

وكتبت لى على فيتامين د لمدة 3 أشهر

وعندى برضه نقص فى الكالسيوم وبرضه كتبت لى عليه

وقالت لى حاولى على قد ما تقدرى تتعرضى لأشعة الشمس

وربنا كريم

تصدقوا بالله

أنا قبل ما اروح لها كنت بأتمنى إنه يطلع عندى فعلا نقص فى فيتامين د

لأنى فعلا كان نفسى ألاقى سبب للتعب المستمر عندى من شهور

الحمد لله على كل حال

المهم بقى قلت انبهكم كلكم

أى واحدة بتعانى من تعب فى عظامها

ولفت على كل انواع الدكاترة (نساء،عظام ،مفاصل ،كلى )ومش لاقية سبب

واضح لتعبها تحلل فيتامين د لأنه ممكن يكون فيه مشكلة وخاصة مع ظروف

معيشتنا الحالية اللى خلتنا ما نشوفش الشمس لفترات طويلة

وربنا يعافينا جميعا ويشفى كل المرضى

الف سلامة عليكى ياجوجو

إن شاء الله تبقى امورك تماما وتفرحينا بخبر حملك عن قريب

بالنسبة لى الحمد لله لسه عاملة إختبار الحمل قبل ما اروح للدكتورة على

طول

وإن شاء الله مافيش خطر

وربنا يشفى كل مريض

فينكم بقى يابنات

الحوامل وعاذرينهم

لكن البقية فين !!