التجمع ~2~ لامهات شهر ((مآيو )) لشهر شعبان

مرحبببببببببببا
اخباركم
ام ميمي اشتري لج من الصيدليه اللي يحطونهم على الصدر مااعرف وش اسمها
بس هي تمتص الحليب اللي يطلع

جوووفان ,, احنا بخيرر ... انتي اخباااااااااااارك ؟؟ شمسويه ؟؟

والله ياختي انا اخذت ولبستهم ذاك اليوم ! ورغم هالشي بعد تلعوزت!!! الله يساعدني بالدوام شكلي باخذ الشفاطة معاي ههههههههه ... باقي الامهاات شخباركووو ؟؟

تفاحه
هههههههههه اكيد ماينفع يابنتي لازم كل ساعتين تبدلينهم خخخخ يلا عدت على خير وطبيعي وقت الدوام لالازم تاخذين الشفاطه عاد الله يعينك تلقينلك مكان برايفت تشفطين فيه خخخ انا اكره صوتها مزعج فضيحه خخخ
انا لاااا جديد انواع العذاب دوام وجوجو الله يحفظها صايره تستنحس وانقلب موعد نومها وصايره مدري كيف وانا طول الدوام بالي عندها بعد عمري تووووووحشني الصغيره الله يحميها حتى زوجي قام يقول مفروض للاباء ساعتين ابوه ليش انتو ينقصون لكم ساعتين للرضاعه ضحكني ههههه الله يحميهم ويكبرهم يااارب
امس حسيت عندها شووووية بلغم وديتها للدكتوره قالت لا شي مره بسيط مايعتبر مشكله ولا هي مزكمه ولا شي الحمدلله بس احس الحين قامت الوسوسه فيني خصوصا مع عقدة الذنب لاني اداوم خ خ خ خ

الحلوة ,,, ههههههههه صدقتي انزين بعد بلووة فوط من تحت ومن فووق يعني ؟! خخخخخ ... وعلى الشفاطة مالي الا غرفة الحمام وانتي بكرامة ! واحسن شي ان شغلي بيكون مع اجانب يعني عادي هالسالفه عندهم هههههه ...

يالله شوي شوي تتعودين انتي وجوجوو عشان هي بعد تتعود ع اللي حواليها مو مثلي صايرة فيني لـــــصقة ماتبغي احد !!!! على قولة الوالدة مايجي وقت الدوام الاا هي ماتبغي حتى تفارقينها دقيقه ربي يستر بس !!! .... البلغم مثل ماقال الدكتور عادي ولاتنسين الحين حرر ولازم مكييف !

ماباااقي شي و بيبياتنه يكملوون 3 اشهر ياسلاااااااااااااااااام ,,, باقي الامهاات مالهم طله كللللللش !

التفاحه
والله شي صعب تخيلي الحين صارت ماتوصخ الصباح على عادتها لان تستحي من عمتي مو متعوده عليها هههههههه تنتظرني لحد ماارجع مسكينه مزعلتني مره
اي والله ركضت الايام وبس يخلص رمضان بيتمون ال4 شهور الله يعينا عالتطعيم>>>من الحين احاتي هههههه

باقي الامهات عطونا وجه معقوله ماتجلسون عالنت ولا نص دقيقه خخخخ ترا البيبيهات ينامون اعطونا 5 دقايق من يومكم طمنونا عليكم

مرحبا امهات شخباركم انا بعد رديت الدوام وخطفت ريلي يومين سفره على منطقة الاحساء مع بنوتي الحمدلله عدت على خير وكانت هاديه الله يحفضها كان ودي اكمل على البحرين عشقي وحبي لهالدوله واهلها بس الوضع ماكان مستقر فما قدرنا نكمل بس الحمدلله كانت تجربتي لسفره الاولى لبنوتي ناجحه :thumbs_up:

الحلووة ,, اي ربي يعييين انا احاتي وقاعده افكر هل استأذن هاليوم لان بيكون بعد اسبوع دوام !! او انه اخلي الوالده مع زوجي يروحون لها بس بحس بالذنب ههههههه مشكلة ...

شهووودة ,, علييييييييكم بألفيييين عاافية ههههههههه عن نفسي انا اخاف حتى اروح لبيت اهلي مع انه كللللللش قريب والكل يعتب علي وكل هالسالفه والخوف من طلعه البيت بسبب ست الحسن بنتي !! من اروح تفشلني يا تصيح او تبرطم وماتبغي احد غيري !! وماتجي حزة نومتها الا لما اروح عندهم شسوي !!! اقعد مكاني ابرك لي ..

التفاحه
لااا انا ماراح اطعمها الا بويك اند خخخ عشان اكون معها
وعالطلعه انا ماصرت اطلع عشان لاتعتفس النومه
شهد
وش عندهم بالحسا احس مافي شي خخخ اهم شي غيرتي جو,,والبحرين مافيها شي تو اهلي كانو فيها وانا ناويه اروح ان شاءالله الاسبوع الجاي وصديقتي لها 10 ايام هناك هي ولدت بعدي خخخخ بس من الحين احاتي روحتي لان احنا نروح من الصبح لليل احس جوجو مابتتحمل تعب عليها الله يعين ويسهل

الحللوة ,, ربي يعيييين ! ... هههههه انا مأجلة كل شي لبعد ما بنوتتي تقدر تنمسك يعني تقدر تمسك راسها شووي وتكون الروحه معاها سهله وفوقها اقدر ارتب نومها تمام التمام ...

التفاحه
كذا افضل انا افكر على عيد الفطر اشوف الوضع اذا كانت شطووره رحت قطر اذا لا الله يعين بنتظر لعيد الاضحى كل هذا لاني مابي اخذ اجازتي السنويه واتندم جالسه اتحرى اجازات الاعياد ههههه

التفاحه الله يعينج بس لازم تعودينها على الطلعه
احلى حلوه واللله الحسا مافيها الا العثيم مول بس مثل ماقلتي القصد تغيير الجو وكان بالنسبه لي اختبار لبنتي فاخترت مكان قريب حطيت الكار سيت لها وسدحتها فيه ومن هزت السياره نااامت احلا نومه هههههههه وبعد العيد ناويه اروح لدبي
الاسبوع هذيه تطعيمها الله يعيني وتمر بسلام

الحلوة ,, الأول كنا نحاتي متى نولد ونرتااح ونشوف بيبياتنه والحين نحاتي متى يكبروون شووي عشان نقدر نروح ونجي معاهم براحة هههههههه الله يعيينه بعدين !!

شهوودة ,, انا ابغيها تتعود لكن احس للحين وقت عليها خصوصي حررر وماتبغي احد غيري وفوقها تمللني بسالفة الرضاعه من تحس ان احنا بنطلع تظل تحن على الرضعه وماتبغي الا من عندي !! خصوصي بالسيارة او اذا كنا في بيت احد!! لكن من نرجع للبيت تبغي بس تلاعب ههههههههه بذمتكم مو تعووف الواحد الطلعه ؟؟؟ انا قلت لنص رمضان بتكون كبرت شوي بقوم كل يوم وترك اروح بيت اهلي على اساس تتعود على امي لاني بخليها عندها لما اداوم لان الاخت ماتبغي احد كلللش ومن احد يلمسها او حتى يلاعبها ويناغيها تصيح وتبرطم !!!! دلووووعه بشكل !

حبيبتي على حركاتها تجنن حبيتها بنوتج شكلج مدلعتها بزياده الله يحفظها ويحرسها لج

تفاحه
انا ماكانت تتقبل ام زوجي وبنتي ماتصيح لا وسيلتها الدفاعيه النوم هههههه من يمسكها احد غريب ماتعرفه تنام على طوووووول او اذا سمعت ازعاج تنام واذا كانت بمكان غريب بعد تنام خخخخ
شهد
انا للحين متخوفه احطها بكرسي السياره مدري ليه مع ان ضميري يانبني كل ماطلعنا! احس ان كذا مو امان واني ام مو مسؤله خخخ شجعتيني خلاص ان شاءالله بحطها فيه الطلعه الجايه وعالتطعيم لاتخافي بس اهتمي بالادول واعطيها اياه على وقته وباذن الله ماترتفع حرارتها وتعدي على خير^_^

شهودة ,, اي والله احس مدلعتها بزوووده بس شسووي موبيدي حتى لو تجنني بس احبها على قولتهم القط مايحب الا خناقوو هههههههه ...
بسألش شهوودة عن الكار سيت انا جفته بس شكله للكبار موو ؟؟ مادري شلون بوديها بسيارتي قاعده افكرر ..


الحلووة ,, والله خووش وسيلة ههههههه ماشاء الله ربي يديمها يااارب هههههه انا ريمي العكس خخخخخ تعافص وتعافص ليمن اخذها من الشخص تسكت ولا تخوزر في اللي كان ماسكها وبعدها تنام ههههههههه ...

التفاحه انتي مبين عليج حنونه وبالنسبه لكرسي السياره صحيح هو شوي للكبار بس انا احط فيه فرشة من تحت اخليه نوعا ما متساوي اللحين اسمالله عليهم بناتنا كبروا صاروا يحبون يشوفون اللي حواليهم

شهوودة ,, عجل بسووي مثللش و سؤال آخررر غبي شوي بس استحمليني انزين احط قدام معاي لوو اخلييه وراا ؟؟ لان تدرين الحين الراس يروح يميين يسااار فأخاف اذا بالكراسي اللي وراا بروحها على الاقل صوبي صار ماصار اقدر امسكها موو ؟؟ ...

اتمنى على بعد الشهر الفضيل بيبياتنه يبتدون يمسكون راسهم شوووووي عشان تسهل الامورررر ...

باقي الامهاات كلش ولا لهم طللللله حشى !!!

طعمتها اليوم عورت قلبي بس الدكتور صدمني بخبر ونفسيتي تعبانه منه قالي ان الخطوط اللي في الفخذ اليمين خطين واللي في اليسار خط واحد وهاذي دلاله ان احتمال فيها خلع وطلب مني اصورها يقولي لازم الخطوط في الفخذ نفس الشي انصدمت خذت لها موعد بعد بكره انشالله مايكون فيها شي
التفاحه بالنسبه لكرسي السياره حطيها قدام عادي لان فيه مكان تربطين فيه الكرسي بحزام الامان ويكون جهت راس بنتج صوب طابلون السياره لان الكرسي مايل علشان مايكون راس بنتج نازل

شهد
ان شاءالله مافيها شي ماتشوف شر بنوتك
تفاحه&شهد
انا احس بنتي بدا ماشاءالله يثبت راسها الا اذا فيها النوم هههههههههه ماتعرف تمسك نفسها خلاص خخخخ وبالنسبه لكرسي السياره للسيفتي افضل يكون ورا

فديتكم وحشنتوني امهات من ولدت صرت ما قمت افتح النت واجد ونشغلت بشغلي او بناتي او بيت خلاص ما في وقت
شخباركم شخبار بيبياتكم الحلوين