التجمع ~2~ لامهات شهر ((مآيو )) لشهر شعبان

الحلووة ,, هههههههههه شفتي شلون عاد !؟ الحين الوحده تتمنى لو ان البيبي لسه بكرشتها! خخخخخ .... بس اهم شي بعدين لدوامك لا تتغربلين ان ماتبغيك الا انتي مثل بنتي ربي يستر بس ,,, وعلى النومة علميا تقدرين تعدلين نظام نوم البيبي من بعد الاربعين مباشرة وفي بعض الطرق عشان تسوين روتين يومي كامل ومتكامل للبيبي اذكره بدراستي بس عاد الحين العقل ملحووس فاذا شفت كتابي راح احط لك الطرق ...

الحلووة شخبار قياسات الملابس على جوجو ؟؟

جوفان شخبارك يالحلووة ؟؟ ارسلت لك الصورة ...

الله ينعم عليج تفاحه
الحلوه انشالله لين العيد يترتب نومها لان احس كلمالها يطول نومها قبل كل ساعتين تقوم بعدين صارت كل ثلاث ساعات وهكذا
بالنسبه للبيت الحمدلله عندي خدامتين وحده لشغل البيت والثانيه لليهال علشان كذيه انا مرتاحه من هالناحيه

امهات انتو تتكلمون عن نوم 3 و 4 ساعات انا قصدي الليل كله خخخخ متى نرجع ننام كل الليل
لحين الحمدلله جوجو تفرق بين الليل والنهار

التفاحه
عالمقاسات ماشاءالله بدت تتغير والملابس النيوبورن صغرت اخيرا ههههههههه مابغت!
انا مو خايفه ان هي ماتتعود ع احد انا خايفه اني مابقدر اتعود على بعدها لما اداوم=( لله يصبرني انا لما تنام اشتاق لها كيف بالدوام؟!

الحلووة ,, اذا سالفة تنام كل الليل لازم تكون من 5 الى 6 شهور تبتدي هالسالفه بس بهالوقت لازم انها تقعد طبعا هذا هو الشي الطبيعي للي بسنها عشان على الاقل ترضع وتنام وشهر عن شهر بتشوفين ان حزات قعدتها بتقل ... عن المقاس انا لاحظت بعض البدلات صغرت عليها هههههههه اول مرة احس بنتي كبرت بس احسها تطول ماتمتن >>> رشيقة على امها اكيد خخخخخخ ...

ياسلام شهر رمضان على الابوااااااب ....

التفاحه
ههههه كل مااذكر رمضان الي فات وانا بداية حملي وماادري يووو مااكل الا تمرتين وملعقة شوربه واحس بطني مليااانه وزوجي يقوللي وش فيكي اقوله مدري مااشتهي هههههههههههه
اي هم يقولون لا صار ياكل البيبي يطول بالنومه لان بطنه تتم مليانه لوقت اطول
اليوم كنت بطعم جويل بس الدكتور جاته حالة قيصريه طارئه والبيبي مدري شفيه بروح بكره باذن الله اطعمها والله يستر! بعطيها ادول قبل التطعيم عل وعسى ماترتفع حرارتها ويساعدها شوي=( دعواتكم ياامهات ان تكون التطعيمه بسيطه عليها وماتتعبها واجد

الحلووة ,, ان شاء الله تعدي على خير ... انا تطعيمها باجر وقاعده احاتيييها لان ماقدر اسمعها تصيح بذيك الطريقة لان بتعوور قلبي من جد فاتوقع بخلي ابوها هو اللي يمسكها لان ماقدر ... الأدول عطيها بعد التطعيم افضل ...

رحتي موعدك انتي ؟؟ وشنوو سوا لك ؟ انا مترددة اروح ! لان تشبعت من سالفة حطه اليد والفحص من داخل !

ماشاء الله بالبرررررررررركة افتتاح التجمع اليديد D:

شخباااااركم خواتي وشخبار بيبياتكم ؟ وحشتوووني


شخبااارج اختي تفاحة وشخبار الحلوة مريومة ؟


باقي لي 10 ايام واكمل الاربعين >> آخر وحده :p


بستشيركم بنات

بنتي تعاني من الامساك ،، يعني اتم بال 5 ايام ما اييها بطنها وغير الغازات مع ان ترضع طبيعي

وديتها المستشفى عطوها تحاميل و قطور للغازات ،، بس شكلها تعودت ع التحميلة ما اييها بطنها الا لمن احط لها تحميله !!

موب عارفه شاسوي وياها ؟!!


و صادني التهاب مكان جرح الخياط ،، منتفخ وينزل منه دم غير الالم طبعا

وخااايفه حدددي ،، والنفسية حدددددددها داون

همووسة ,, سلاماات حبووو !! عن الجرح حبيبتي داومي على الميبو والفيوسيدين ومطهر البيتادين وان شاء الله جم يووم وبتشوفين ان الالتهاب رااح والجرح صار فل الفل والانتفاح ياخذ وقت على مايخف يعني 5 الى 7 ايام تقريبا ( عن تجربة) ... والنفسية لاتخلينها دااون وانتي ماباقي شي وتطلعين من الاربعين رووحي واتكشخي وغيري جوو وخلي ابو البنوته ياخذكم فرة بالسيارة وتغيررين جوو شووي ...

الامساك عند البنوته اناا صار لي في بنتي ! وتعرفين اول مرة على بالي بنتي فيها شي لا سمح الله وتم مثل ماقلتي تقريبا 3 الى 4 ايام ماخرجت وكنت راح اوديها المشفى بس الوالدة الله يطول بعمرها عطتها خيار الشمبر طبعا بمقدار ملعقة صغيييرة وماشاء الله مفعووله سريع وقوي! تقدرين تستخدمينه ,,, بس المشكلة انه يمكن يسبب لها الاسهال فلازم تستخدمينه بس مرة وحده كل جم يوم ! فالحل الأمثل للاسهال واللي تقدرين تعطينها اياه كل يوم هي رضعه الاعشاب ( مرقدوش+ ماي حندبان + نباته ( كثريها اذا عندها امساك) ) بالاضافه انه لازم انتي تكثرين اكل الخضر والفواكه والعصاير وبتشوفين انه كل يوم او يومين بتخرج عاادي (عن تجرربة) وعن الغازات خليها تتجشأ واعطيها هالخلطة خصوصي المرقدوش ممتاز للغازات....

والتحميلات حبيبتي ابتعدي عنها خصوصي بهالسن لان القولون و عملية التخريج للحين في طور النمو وقاعد يعود نفسه على كل انواع الخروج وانتي بكرامة واستخدمي خيار الشمبر والاعشاب وبتشوفين شوي شوي تعتدل من تخلص الاربعين ....

هموسه
فعلا لاتعودينها عالتحميله ابدااا لان مثل ماقالت تفاحه الاعضاء توها تتعود ولو تعودت عالتحميله بتسبب مشاكل بعدين
التفاحه
بالعكس الادول قبل لان الادول يبيله ساعتين على ماياخذ مفعوله التام يعني ممكن تكون ارتفعت حرارتها اولريدي واجلس احرق قلبي نووو اعطيتها قبل التطعيم بساعه وشوي وقالتلي الدكتوره زين سويتي افضل قبل التطعيم عشان مايمديها ترتفع الحراره خصوصا هالسن اي ارتفاع بالحراره خطر على دماغهم بعيد الشر
موعدي عاادي جدا ترا سئلوني في شي اي مضايقات كلو طبيعي وش طريقة المنع اللي تبينها خخخخ بس ,اتوقع كل مكان غير بس ماكشفو علي انا لان اموري كانت الحمدلله تمام
عاد الله يعينك انا بنتي 3 ابر ابرتين بفخذ واحد وابره بالفخذ الثاني وقطرات بالفلم تطعيم الروتا هو مو اساسي من وزارة الصحه خارجي بس قلت مابيضر اعطيها افضل!
بس الحمدلله تابعتها بالادول كل 6 ساعات ترتفع الحراره شووي بعدين تنزل الحمدلله
بنات متى بتدخلون اشيا لبيبيهاتكم؟ عصير مخفف او اي شي متى ببالكم

تفاحه

إن شاااء الله حبيبتي بسمع كلامج ،، الله يطمن بالج مثل ما طمنتيني

بس الميبو والفيسودين احطهم ويا بعض او مرة ميبو أو مره فيسودين؟؟

ايي والله من كثر ما احاااتي مو مشتهيه اجوف احد ،، يبيله تغير جو


اممم ممكن تقولين لي رضعة الاعشاب بالمقادير بالضبط : يعني شكثر احط ماي مرقدوش و حندبان ؟؟

ذاك الاسبوع استخدمت لها ماي وشكر محروق >>ناس وصفوا لي اياه

الله لا يراويكم شصار فيها ،، تمت ترجع شي مثل الكراميل مطاطي وحالتها حاله مسكينة


ايي والله خواتي (تفاحة واحلى حلوة)


انا بروحي مو مقتنعة بالتحميله بس ما اقدر اخليها تألم كل يوم فاضطر اخلي لها تحميله اذا وصلت 5 ايام

قمرررررررررررررررر بنتج تفوووحه

انا الحمدلله بخير
الدوره شرفت :(

الحلووة ,, انا قلت بعطيها الادول بعد الابرة مباشرة افضل عشان تنام اطول فترة ممكنة خصوصي ان الموعد من وقت يعني قبل قعدتها الاساسية من النوم ب ساعتين تقريباا !...

انا الموعد يقولي زوجي كاتبين ممنوع الجماع او انه تكون فيني الدورة قلت خووش عجل فيها تدخيلات وهالسوالف فقلت بأجله مالي خلق لهالسالفه حاليا افكر ببنتي ! ..


همووسة ,, استخدمي الميبو مرة والفيوسيدين مرة يعني بالتبادل واهم شي لاتنسين مطهر البيتادين لان يجفف وييبس الخيط اذا كان موجود على الاقل مرة باليوم ولاتخافين ان شاء الله ماتخلصين الاربعين الا اموورش كلها تمااام ...

مقادير الاعشاب هي :: في المرضعة 1 اوز ( يعني الى رقم 1 ) مرقدوش أطفال و 2 اوز (يعني الى رقم 3 ) ماي حندبان يعني المجموع الكلي هو 3 وبعدها حطي قطعه نبات مو كبيرة كبيرة يعني قطعه صغنونه ومناسبة وهي بتذوب لاتخافين بس تحركينها شوي بالمرضعه ... السكر موو زين من جذي يستعيضون به بالنباته لان السكر تركيبته معقدة جداااا وماتقدر معدة الطفل بهالعمر انها تهضمه بالاساس !! الله يهديهم هالناس بس وربي يخلي لش البنوته ويحميها من كل شرر يااااااااااااااااااارب ...

جوفان ,, تسلمين عيوونك هي القمررر حبيبتي .... معليش خيرها بغيرها وان شاء الله تبشرينه عن قرررريب بالحمل اهم شي لاتحطين ببالش هالموضوع عشان ماتتعب النفسية وانتي محتاجتها للحمل

جوفان
ان شاءالله تحملين برمضان مثلي ههههه سويت دايت عدل مع الوحام^_^ مااوصيك خصوصي برمضان قيام الليل والاستغفار والدعاء في دعاء مدري وين سمعت فيه بالفتره اللي كنت ابي احمل فيها ان مرات لما تتقلبين بالليل وتكونين بعز النوم بس توعين هالثانيتين وانتي تتقلبين رددي دعاء باللي بخاطرك انا كنت ادعي دايم الله اني احمل كل ماتقلبت ودعيت بهالثانيتين وبرمضان كثفت هالشي وكمان قيام الليل قد ماتقدري واقري سورة البقره واسمعيها وكثري استغفار وصدقه بنية الحمل وباذن الله تحملين قريب
عاد انا الحين عكسك انتظر الدوره هههههه ادعيلي تجي ومااكون اكلت المقلب! من كثر ماخوفوني بالحمل بعد الاربعين وقمت اوسوس فيه الله يستر بس ربي كريم
تفاحه
لالا انا الحمدلله ماكان في ششي الموعد ولا كان انتحرت ههههه انا سمعت ان يسوون مسحه لعنق الرحم اتوقع عشان كذا مايبون جماع
وعالادول براحتك حبيبتي انا مثلك كنت خايفه وسبحان الله صحت بنتي قبل موعدها هههههه صحت 8 وانا عال9 كنت ناويه اروح اطعمها فتشجعت وعطيتها والفجر جلست احااتي شلون بصحيها واعطيها الدوا بس الحمدلله قامت لحالها ,,على فكره بتلاحظين انها تتفلهم فشفت النيرس تسوي حركه ان تدخل الابره اللي بدون ابره خخخ مدري كيف اشرح بس على قولة المصريين السرنجه اللي فيها الدوا تدخل من جنب لنهاية الفك وتفرغ شوي شوي من الكميه مو كلها مره وحده عشان ماتقدر ترجها تصير زي اللي بنهاية الحلق على طول تضطر تبلعهم! يارب تكوني فهمتي الفكره لاني معرف اشرح خخخ
همسه
معليه حاسه فيك انا بنتي كان معها امساك قوي مره بس غريبه انتي ترضعين طبيعي مفروض كل هالاشيا ماتكون موجوده لا غازات ولا امساك انتبهي اكثر لاكلك واعطيها الرضعه اللي قالت عنها تفاحه باذن الله تفيدها يارب

مشكووورة اختي تفاحة ع نصااايحج

احلى حلوه

ايي حتى امي مستغربة منها طبيعي و جذي ،،، مسكينة تعوور قلبي ،،الله يشافيها يارب


وبالمناسبة

ومنكم نستفيد خواتي ع سالفة التطعيم ،، آخذ خبرة :p

همسه
هههههه سجلي معلومات انا بصراحه كنت ادخل تجمعات الامهات اللي قبلنا ومنهم عرفت عن التطعيم وصراحه من الخوف مانمت الليل على بنتي عشان كذا عطيتها الادول قبل ياربي شكثر كنت خايفه عليها لدرجة خلاص جد بغيت اهون خخخخ بس الحمدلله الحمدلله عدت على خير ومن الحين احاتي تطعيم الاربع شهور هههههه الله يعدي اول سنه على خير! مع هالتطعيمات النحيسه

اليوم تطعيم بنتي على عمري كسرررت قلبببي صرخة من قلب ماقدرت وحضنتها والحمدلله سكتت وزوجي يطالع بالنيرس شوي و يتهاوش معاها ههههههه اقوله لاازم بتصيح هاذي ابرة فمالها دخل الممرضه!!! ,,, طبعا اول مارجعتها عطيتها الادول وعجبها ! شربته بدون اي معارضه هههههههه استغربت منها ! يمكن لانها كانت جوعانه من جي ...

الحلوووة ,, ايي شربه البندول مثل تطعيم الروتا هههههه متدربة على هالموضوع من قبل واليوم دربت زوجي ... والله انا بعد كنت احاتي هالتطعيم وسبحان الله كانها حاسة قعدت على حزة قعدتي الصبح وصحصحت وماتبغي تنام خخخخخ قلت الله يستر شكلها اليوم مافيها نومه بس الحمدلله عدت على خيرررر ...

همووسة ,, صح مفترض طبيعي مايصير جذي بس ساعات من اكل الأم اولا ويمكن لان مايكفيها انتي شوفي لون البراز وانتي بكرامة اذا لونه مايل على خضار معناه مايكفيها وشوفي نفسش اذا انتي عندش امساك فطبيعي هي بيكون عندها امساك فجربي عصير البرتقال والمانجا ... ربي يشافيها وماعليها شررر ياااااااااارب وصدقتي لما تشوفين حالتهم جذي يعوورون القلب وخصوصي اذا تتعصر تبغي تخرج وهي مو قادرة !

باقي الامهات شخباااركم ؟؟ ام فجوورة والدلووعه والحوراء وحواء وانجنيير كلهم اختفووا مرة وحده !!!

هلووو امهات كيفكم وكيف اطفالكم؟ والامهات الغايبين ان شاءالله يطلو علينا

ويييييينكم امهات؟؟؟ انا اليوم كان اول يوم دوام لي

الكل مختفي !!! .... الحلوووة الله يساعدش! انا رحت بس 4 ساعات عشان اكمل اوراق معينه و ياتعب قلبي على بنتي !! احساس مززعج مررة اني اتركها والله بس شي واحد ضحكني اني لما رجعت البيت تفاجأت ان ثيااابي كلهااا انشحنت من الحليب وانا خبر خيرر يعني شكله الأوادم شافوا ومشوا الحال ههههههههه وافشيلتاه ...