التجمع السادس لأمهات شهر ديسمبر 2012 لشهر شعبان

ماشاء الله اللهم بارك

متجمعين دايما فى الخير يارب:D

معلش بقى لى كام يوم بادخل أقرأ واخرج على طول علشان عقبال عندكم

جات لى بنت تالتة:D:rolleyes:

آه بجد ربنا كرمنى ببنت تالتة

يعنى بقى عندى سلمى وعمار.....ومشمشة:037:

مشمشة دى بقى ياسادة قطة /هرة/بسة صغيرة خالص يادوب عمرها ما

كملش أسبوعين

إيه بقى قصة مشمشة :thumbs_down:

من يوم ما رجعنا من السفر وإحنا شفناها تحت البيت بتاعنا كان يادوب عمرها

ايامها يومين او 3 ايام وكنت حاسة إن فى مشكلة بالنسبة لها لان اللى أعرفه

عن القطط إنها لما تقرب تولد تدور على مكان بعيد عن الناس وتولد فيه ويفضل

فيه اولادها لغاية ما يكبروا ويوصل عمرهم تقريبا شهر أوأكتر يعنى يقدروا يراعوا

نفسهم شوية

وعمرى ما شفت قطة صغيرة فى السن ده بعيدة عن المكان اللى ولدتها فيه أمها

للاسف بقى القطة دى لقيناها فى أماكن كتير كل يوم نلاقيها فى مكان

مختلف وفى وسط الطريق وخفنا عليها لانها زى البيبى اللى لسه مولود ولازم

ما تتعرضش للحر الشديد او الهواء البارد وخفنا عليها تخرج للطريق العام

وخاصة إن بيتنا على الطريق العام مباشرة او حد يدوسها من غير ما ياخد باله

أخدتها وقلت إن شاء الله أراعيها

ودخلت على النت ونزلت موضوع فى ركن خاص بالحيوانات فى منتدى تانى وسألت إزاى أراعيها

وأغلبية البنات نصحونى إنى أرجعها لامها لان فى العمر الصغير قوى ده إحتمال

إنها تفضل عايشة معايا ضئيل جدا وخلونى مترددة وقلت اللى ربنا مقدره

هيحصل وتانى يوم قلت هاخدها وانزل اروح محل الحيوانات القريب من البيت

يبص عليها ويقولى أخبارها إيه واشترى لها الحاجات الخاصة بيها

وأنا نازلة شفت أمها فكرت وقلت أحطها لها لو جريت عليها يبقى هى كانت

قلقانة عليها ومعنى كده إنها مش مهملة ليها وإنى أنا بس اللى إتهيأ لى كده

اما لو ما اهتمتش بيها يبقى خلاص هأستمر على قرار رعايتها لما حطيتها

قدامها جريت عليها الام وقعدت تلحسها وكأنها كانت قلقانة عليها جدا

توكلت على الله وتركتها ليها وقعدت اراقبها أنا وزوجى من بعيد وإكتشفنا إن

مشكلتها هى وامها إن مالهاش مكان تراعيها فيه زوجى قالى خلاص سيبيها

اكيد أمها هتخاف عليها أكتر منك

وسيبناها

من يومين بقى لقيت زوجى طالع من الصلاة وجايبها معاه إيه اللى حصل:confused:

قالى لقيتها فى نص الطريق وحالتها بهدلة خالص وواضح عليها إن أمها مش

مهتمية بيها خالص المرة دى

قالى خلاص المرة دى نتوكل على الله ونراعيها احسن وربنا يقدر لها الخير

ومن ساعتها بقى حاسة إنى مخلفة توأم

ما بين رعاية عمار ورعاية القطة وسلمى والبيت هههههههههه

كل حاجة

فمش لاقية وقت لاى حاجة

بس فرحانة لأنها ماشاء الله عليها عمالة تتطور كل يوم

النهاردة شبه فتحت عينيها الإتنين بالكامل :adore:

وبقت شقية قوى من ساعة ما بقت تعرف تشوف

:struggle:

وعايزة دايما أسيبها برة الصندوق بتاعها علشان تتمشى بحرية فى الغرفة

بس باخاف عليها حد يدوس عليها وإحنا مش واخدين بالنا

نيجى بقى لاخباركم

بحرينية سكر عاملة إيه ياقمر والله يبارك فيك عقبال ما تعملى لعيالك كلهم إن

شاء الله

ام مشمش اخبارك الله وأستاذ سمسم اخباره إيه والله يبارك فيك انتم

السابقون ونحن اللاحقون :D

وربنا يفرج كربك وتنحل مشكلتك على خير وبالنسبة بقى للكسل يابطة

إوعى تطاوعى نفسك وإلا إنتى برضه اللى هتجنى بعد كده

انا كنت كده برضه مع سلمى كنت باكسل أعمل لها الأكل على طول

وكنت بأستستهل الرضاعة لغاية ما أضطريت أفطمها عند عمر سنة و3 شهور

لانها بقت رافضة تأكل أى أكل ووزنها قليل

ودلوقتى تعبانى جدا فى الأكل ومش بتأكل أى أكل على عكس أولاد سلايفى

ماشاء الله عليهم اللهم بارك بياكلوا كل حاجة لان أمهاتهم بدأوا ياكلوهم من

بدرى وبيأكلوهم كل حاجة يعنى كمان مش بينفذوا كلام الدكاترة بيأكلوهم

الاكل العادى من بدرى وماشاء الله عليهم

بصى أنا بقى بقيت اعمل إيه علشان ما أكسلش أعمل الاكل لعمار

بقيت مثلا أقطع التفاحة مكعبات صغيرة وطبعا مش تعملى له التفاح لوحده لانه

بيتأكسد وبيسود بسرعة حطى معاه عصير نص برتقالة أو نص ليمونة وأسلقها

كلها وبعدين وهى مكعبات قسميها لوجبات صغيرة فى أكياس أو علب صغيرة

وبعدين كل وجبة طلعيها وإضربيها فى الخلاط وصفيها

وإعملى كده مع الخضار والفاكهة وهتلاقى الموضوع سهل وسريع :thumbs_up:

مفتاح الصبر انا كمان عمار بيكره المرضعة بس بأحاول معاه قدر المستطاع أنا

بأعطيه المية عن طريقها وكمان العصير فهو من عطشه بيقبل يشرب منها

صحيح بيتعبنى على ما يشرب بس أهه أحسن من مفيش ربنا يهديها لك

ويسخرها لك

وحاولى تسألى الدكتور عن حل للمشكلة دى يمكن يكون عندهم حل ليها

بسمة منورة وعودا محمودا على رجوعك والتجمع ينور بيكى من جديد:)

كارو بالنسبة للكى هو فعلا متعب جدا بس ما كانش أمامى إختيار :badly:

الحمد لله إنها عدت على خير

رونق الحياة أخبارك إيه يا قمر وبنوتاتك اخبارهم إيه :)

بالنسبة للحوم الدكتور قالى أدخل لعمار اللحوم الحمراء من نهاية الرابع

وقالى أأخر السمك لآخر السادس

وأخر مرة دكتور تانى لما لقى وزن عمار نازل قالى أدخل له الجبنة والحليب

فى اكله

فبقيت اأكله الجبنة النستو والكريم كراميل والكسترد والمهلبية

إم واى وجوفان اخباركم إيه