التجمع السادس لأمهات شهر ديسمبر 2012 لشهر شعبان

وحشتونى وحشتونى وحشتووووووووووووووووووووووونى:adore:

عدت ولله الحمد

كانت أجازة شاااااااااااااااقة بس الحمد لله ختمت بعسل:celebrate:

أول ما نزلنا عملنا عقيقة سلمى وعمار

وروحنا الصعيد عند اهل زوجى ولفينا عليهم كلهم وقعدنا هناك خمس أيام

وبعدين رجعنا وزرنا أهلنا فى القاهرة

وبعدين سافرنا مصيف 3 ايام

وكنا بنخلص ورق حماتى علشان كنا عاملين لها زيارة علشان ترجع معانا على

الرياض تقضى معانا رمضان

بصراحة كله جرى جرى ومش عارفة أقعد فى بيتى 3 أيام أريح فيهم حتى

وكمان الاحوال فى مصر كانت شاغلانا كتير

والحمد لله الحمد لله ختمت بخير

يارب يعينه ويقويه على الحمل التقيل اللى شاله

ويرزقه البطانة الصالحة اللى تساعده على إصلاح حال مصر

تعالوا بقى هنا فينكم ومختفيين كده ليه

التجمع اللى فات كان خمس صفحات بس

والتجمع ده 3 صفحات بس

وبنات كتير مختفيين

طيب أنا كنت غايبة لان مافيش كمبيوتر متاح لى ولا نت

إنتم بقى فينكم8o|

أم لوكاس ماشاء الله اللهم بارك الف مبروك الحمل ياقمر ربنا يعينك ويقويكى

على الإتنين

سمسمة وسبرينج الف مبروك علينا جميعا مرسى

وربنا يقوينا علشان نساعده فى مهمته الصعبة

وعاملة إيه فى حملك ياسمسمة

جوفان ربك كريم ياقلبى وإن شاء الله تفرحى عن قريب بحمل سليم وأخ لبنوتك

ينور عليكم البيت ويملاه وأوأة;)

عيون محمد انا لسه كنت باطعم إمبارح عمار تطعيمة الست شهور والدكتور

لقاه خاسس عن آخر مرة :thumbs_down:

علشان فى مصر ما كنتش فاضية اعمل له اكل كان على صدرى فقط

المهم قالى لازم أأكله زبادى وزبادى بالفواكه وكريم كراميل وكاسترد ومهلبية

وميلك شيك بالفواكه وخاصة ميلك شيك الموز واأكله بطاطس بيوريه بالحليب

والزبدة وبلاش أأكله جزر دلوقتى وفى بسكوت فى الصيدلية اسمه سيليا

قلت له يادكتور مش هيتكسر فى فمه قالى لا الميزة فى البسكوت ده إنه

بيدوب فى الفم

الشوربة طبعا هتكون أفيد لو عملتيها بشوربة دجاج أو لحم

وقالى السيريلاك أعمله بالحليب والسكر علشان يقدر يحب طعمه

بالنسبة لى بقى ظهرى مازال حاله على ماهو عليه

رحت لدكتورة أمراض نسائية فى مصر ولما حكيت لها على اللى حاصل معايا

كله من بدايته لنهايته قالت لى لازم اول حاجة نشيل أى جسم غريب فى

الجسم يعنى هنشيل اللولب قلت لها خلاص ماشى

وهى بتجهزنى علشان تشيل اللولب لقت عندى قرحة فى عنق الرحم شديدة

وقالت لى لازم لك عملية كى ضرورى ولازم تقررى دلوقتى

قلت لها خلاص ماشى وعملت لى كى للقرحة

وكتبت لى على حقن ومسكن وتحاميل مهبلية ومرهم للظهر

وحاليا باخد حقن فيتامينات وحبوب كالسيوم ولزقات للظهر كتبت لى عليها

دكتورة تانية هنا فى الرياض لما رحت لها علشان اتابع عملية الكى وتطمنى

عليها لانى ما لحقت أروح للدكتورة اللى عملت لى الكى قبل ما أسافر

بس خلاص أنا تعبت من كتر الادوية ومافيش فايدة ومافيش تحسن :'(

اخر دكتورة دى قالت لى العصب لما بيكون تعبان بيأخد له شهور علشان يتعافى

أدينى صابرة وربنا يعافينى ويشفينى وكل مريض

ها اخباركم إنتم إيه وعيالكم عاملين إيه

أم لوكاس فى عيال بيتأخروا فى الجلوس

دايما فى فروق فردية ومش إحنا اللى نقولك ابنك كده طبيعى ولا لا

الدكتورة اللى متابعة معاها هى اللى تقولك كده طبيعى ولا لا لأنها هى اللى

شايفة ابنك ومتابعاه من يوم ولادته

وإن شاء الله ما يكون فيه إلا الخير :)

جوجو أخبارك إيه الله يسلمك

أم مشمش وبنات كتير غايبين ربنا يسهل ويكون غيابهم لخير

أم ياسين

عاملة إيه يابنتى واحشانا جدا

ياستى الميلك شيك اللى هو مخفوق الحليب مع الفاكهة يعنى عصير الموز

بالحليب أو عصير الفراولة بالحليب وهكذا

والسيريلاك اللى حصل إن الدكتور قالى أأكل عمار سيريلاك فقلت له مش بيحبه خالص

قالى هو فعلا طعمه كده صعب

إبقى إعمليه بالحليب والسكر

بالنسبة للعسل الأبيض بيحذروا منه قبل السنة الأولى علشان كده مش هأغامر

وأضيفه لأكله

البسكوت مش عارفة موجود فى مصر ولا لا

هو اسمه سيليا ومرسوم عليه دب ومكتوب عليه من 8 شهور بس هو قالى

مافيش مشكلة بالنسبة له