شات منتظرات الحمل وامهات المستقبل القريب باذن الله لشهر رجب/يونيو

اضحكلها تضحكلك;16139158:
ايه ده بجد يا ودعه هاتنزلوا إن شاءالله نهائي؟؟؟ طيب انتي مبسوطة ولا قلقااانه؟؟؟؟؟؟؟؟؟؟؟؟؟ ربنا يهيئلكوا الخير إن شاءالله ويكون قرار صح :)

اكيد مبسوطة يامها....انا خللت خلاص وعاوزة ارجع للدنيا والناس.......وحتي جوزي استوي خالص......واللي ربنا رايده لينا يكون....نجرب المغامرة بدل الهروب اللي احنا فيه ده

mooney608;16139206:
السلام عليكم و رحمة الله و بركاته



مى ربنا يفك ضيقتك يا حبيبتى استغفرى ربنا كتير و حاولى تشغلى نفسك بحاجة تانية تخرجك من الضيقة
بس سؤال ممكن تحكيلى تجربتك مع المركز و ليه مش بتنصحى بيه دة انا كنت بفكر فيه و ناس كتير شكرولى فيهم
بصى موضوع جودة البويضات دة على حسب ما فهمت من البنت و قريت فى منتديات كتير بنات كاتبين ان احيانا سبب فشل الحقن المجهرى بيكون من سوء جودة البويضات او الحيوانات لمنوية فعلشان كدة سألت ريري عن الدوا اللى جوزها بياخده و كمان بسأل عن حاجة تحسن جودة البويضات و زى ما ودعة قالت المركز جنين بيدو دوا عبارة عن فيتامينات و حاجة تانية أسمه dhea بس دة مش مش بيدوه للكل بيدوه بس للى بيكون تحليل DHS فى مشكله و هى البنت بتاخده و بتاخد الفيتامينات بس من الواضح انها عندها مشكله فعلا فى جودة البويضات لأن مرة بعد سحب البويضات مفيش ولا واحدة اتلقحت و باظو كلهم فهى عايزة تحسن من جودتهم قبل ما تعيد المحاولة ربنا يكرم الجميع

انتى صحيح يا مى استقريتى على إيه



ربنا يكرمك يا ودعة يا رب و تيجو بالسلامه إن شاء الله و ربنا يوفقكو و يسعدكو يا رب و ييسرلكو أموركم

بالنسبة للتكيس انا يا ودعة وزنى زايد و مش عارفة اخس خالص مالص و ملاحظة بقالى كام شهر كدة فى شعر خشن فى دقنى و رقبتى انا مكانش عندى خالص الأول متهيألى كدة يبقى تكيس و لا إيه لأن كمان انا بقالى كذا شهر كنت موقفة البيريود لما كنت باخد الزولادكس و بعدها مانع الحمل و الدنيا عندى بزرميط - الشعر دة طالع بقاله كام شهر و بيزيد كمان تفتكرى اخد جلوكوفاج من نفسي هل فيه مشكله؟؟ و لا استنى لما اروح للدكتور و اسأله بس انا لسة معادى معاه بعد تقريبا 3 اسابيع لما التحاليل تطلع- هل فى مشكله لو أخدته من نفسي



مهاميهو بصى انا مش مبسوطة لا من مرسي ولا من المجلس العسكرى هى اصلا كلها لعبة السياسة قذرة و ادينا قاعدين بنتفرج و ربنا يستر
أخبار البمبينو إيه مفيش اسامى فى دماغك

اه برده الدهيا ده كانت بنات بتاخده وبيقولو بياثر معاهم

انتي بقي خدي راي الدكتور ...ممكن تكوني مش محتاجاه لانه مرهق جدا وانتي بتشتغلي وبيسد النفس ويعمل دوخة
خدي رايه ولو قالك اوكيه خديه

بس برده خدي بالك من وزنك؟....الوزن لوحده ماساة



مي

ربنا يصلح لك الحال وتلاقي دكتور كويس

ووصفك لحياتك ده طبيعي جدا...انا كل مافتكر انا قعدت 3 سنين مع نفسي كده ازاي اتجنن....لا شغل ولا ناس ولا دنيا..كانت فترة عصيبة ربنا ما يكتبها علي حد

the happy flower;16139606:
علي فكره لدكتور محمد مازال يعمل في مستشفي آدم وهو كويس انا عملت حقن في مستشفي ادم وهو اللي رجعلي الاجنه وهو محترم فيه ناس بتابع معاه في العياده تنشيط وترجع الاجنه في ادم

بجد و الله مشاركتك دى طمنتنى اوى حستها اشارة إلهية ههههه ربنا يكرم انا هكلم العيادة و اشوف النظام و اتوكل على الله باذن الله الشهر ده
بس انت معرفتيناش عليكى ما تتفضلى معانا:lol:

دعوة حلوة.....لله;16139630:
اكيد مبسوطة يامها....انا خللت خلاص وعاوزة ارجع للدنيا والناس.......وحتي جوزي استوي خالص......واللي ربنا رايده لينا يكون....نجرب المغامرة بدل الهروب اللي احنا فيه ده

اه برده الدهيا ده كانت بنات بتاخده وبيقولو بياثر معاهم

انتي بقي خدي راي الدكتور ...ممكن تكوني مش محتاجاه لانه مرهق جدا وانتي بتشتغلي وبيسد النفس ويعمل دوخة
خدي رايه ولو قالك اوكيه خديه

بس برده خدي بالك من وزنك؟....الوزن لوحده ماساة


مي

ربنا يصلح لك الحال وتلاقي دكتور كويس

ووصفك لحياتك ده طبيعي جدا...انا كل مافتكر انا قعدت 3 سنين مع نفسي كده ازاي اتجنن....لا شغل ولا ناس ولا دنيا..كانت فترة عصيبة ربنا ما يكتبها علي حد

ربنا يكرمك يا ودعة بس انتو درستو قرار رجوعكم ده كويس اصل التوقيت صعب و الدنيا هنا واقفة خالص الايام دى بس ربنا يسهل و تفرج على معاد نزولكم

ازيكو يا عيال

فكرة جروب الفيس بوك دا سو نايس والله يابنات محش هناك غيرنا بس زى المجموعة اللى هنا كدا

ودعة تيجو بالسلامة ان شاء الله

بس انتى لسه 4 اللى جاى يعنى سنة كمان ؟؟

وفعلا زى ما ماى قالت كدا الدنيا هنا مش تمام خالص لوقتى انا اهل جوزى كانو ناويين ينزلو والله حمايا قال هاجى اعمل ايه يعنى خلينى هنا احسن ،،،قلت له خليك احنا هنجيلك :D:D:D هههه

هدى

ابن اخويا مولود 13\7 :D:D:D:D والحر مع الحمل عذاب بجد عذاب انا بئى كل ما اعمل اى حركة رجلى تنفخ و وانا مش عايزة اسيب جوزى ولا بيتى دلوقتى وبحاول اد ما اقدر بس فعلا تعبااااااااااااانة ومبنامش بالليل وبرضه الصبح فبصحى دماغى مصددددددددددعة ومعرفش انام

دا غير اكتئاب اللبس والبطن اللى كبرت دى ومشيتى بقت مضحكة جداااا:'(:'(

RAINBOW2000;16139299:
انتو هتنزلوا خالص يا ودعة نهائى نهائى يعنى
ميرسى على الدعوة الحلوة ربا يتقبل

هو ده يتوقف على انتو قدامكم اد ايه خاصة ان يوم الصنايعية بسنة لو كام شهر و خلاص استحملوهم باى شكل لو لسه كتير هاتى التكييف و ابقى انقليه و خلاص

انا بحاول يا مونى و الله انا على فكرة مش مضايقة من موضوع الخلفة ده تحديدا كله بايد ربنا انا مشكلتى انى حاسة ان الموضوع ده منعكس على كل حاجة فى حياتى و ان انا حياتى متجمدة لانها مربوطة بالموضوع ده يعنى عارفة لما تحسى ان حياتك كان معمول لها pause
كل حاجة واقفة يعنى انا مثلا عاوزة اغير شغلى و مش عارفة لان الشغل الحالى افضل وضع مع قصة المتابعة و العلاج و لو حصل حمل لانى بشتغل بارت تايم و مبنزلش كل يوم ده مثلا نفع جدا ساعة لما كنت حامل و لنا حصل الاجهاض و قعدت شهر فى البيت لو انا بشتغل فى ظروف تانية كانت هتبقى مشكلة فى حجات كتير عاوزين نعملها بس انا مش عارفة بكره فيه ايه فمش عاوزة ادخل فى اى حاجة كبيرة ماديا لانك عارفة مصاريف الدكاترة و العلاج خاصة مع حالة البلد و الظروف اللى فيها ده غير مشكلة العلاقات الاجتماعية اللى بازت من تحت راس الموضوع ده انا تقريبا معادش ليه اصحاب و الباقيين مش بينوبنى من وراهم غير حرقة الدم و التدخل فى اللى ملهمش فيه فانا اللى بقيت بقصر .. بجد انا تعبت من حالة التجمد اللى انا فيها دى اووووى مش عارفة انتو فاهمينى و لا لاء بس ادينى بفضفض معاكو شويه


بالنسبة للمركز بقى انا عملت فيه عملية التنضيف بعد الاجهاض و مش عارفة انت عارفة قصة ان معملوهاش كويس و جالى نزيف جامد بعدها و روحت لدكتور تانى ادانى دوا ينزل الحجات الباقية و كانت قصة كده
المهم الدكتور التانى اللى انا رحتله مشكرش فيهم خالص و قالى ان مشاكلهم كتير فعلا و ان معندهمش ضمير و هو بيشوف ده كتير يعنى و الممرضة اللى فى عيادته كنت بدردش معاها قبل ما ادخل مرة و قالتلى انها كانت شغالة فيه و مشكرتش فيهم برضه خالص ده غير انه غاااالى جدا على الفاضى
انا اصلا كنت متابعة مع الدكتور اسماعيل ابو الفتوح فى عيادته و من واقع تجربتى معاه و اللى شوفته هو كويس جدا فى مرحلة ان انتى بتدورى على سبب لعدم الحمل هو شاطلر فى النقطة دى و بيجيب نتيجة مع ناس كتير و ربنا بيكرمهم و يحملوا بعد ارادة ربنا طبعا لكن اكتر من كده لاء يعنى لا متابعة حمل و لا حجات صغيرة زى عملية التنضيف و لا اى حاجة بعيدة عن الموضوع ده لان التعامل فيها بيكون من غير اهتمام ده اللى انا شفته انت ممكن تروحيله تعرضى عليه حالتك و تشوفى هيقول ايه انا شايفة انك تعملى كده و مش هتخسرى حاجة و طبعا انا بكلمك عن تجربتى و عن اللى شفته و سمعته ممكن حد تانى يشكر فيهم او يقول غير كده او ممكن انتى لو رحتى ترتاحى ..

كلنا زيك يا مي للاسف انا من 2010 انقطعت عن كل اصحابي بسبب اسئلتهم الجارحة عن مرض ابني ودلوقتي لما ادور عليهم الاقي كلهم متجوزين ومخلفين وبيشتغلوا وحتى لو سالوا عليا بقيت احس بحاجز نفسي بيني وبينهم ومتاكده حتى لو خلفت وكله تمام بامر الله هايفضل الحاجز ده موجود.. يلا الحمدلله رب العالمين ربنا يصلحلك الحال ويرزقك عن قريب يا ميوي :)

أجمل ايام العمر;16139306:
مها@ متكسليييييييش و انزلى هاتى اى حاجة هتلاقى مودك فك و كمان عشان كل ما الوقت بيعدى الحر بيزيد و انت ى بتتقلى اكتر و اكتر ...

انا حاسة انى بقيت شبه البطريييييييييييييق

طب قوليلي يا هدى انا هاولد اخر 9 اول 10 بإذن الله.............. فكريني باللي هاحتاجه من لبس البيبي هو المفروض الجو هايبقي خريفي لا صيف ولا شتا قوليلي اجيب اد ايه داخلي وخارجي وكله كم مش كده؟؟

د\امونة;16139551:
الجو نااااااااااااااااااااااااااااار


هبه ,,,,,,,,,,, استني عالتكييف شوية , انا عندي تكييف بس بنام في اوضة تانية غير اللي فيها التكييف , عشان عمر باشا ينام راحته من غير دوشة , عشان كدا مش شايفة ان التكييف له اهمية اوي , اصبري شوية لحد ما تخلصي تشطيب شقتك , ولو حرانه اوي اقلعي ملط ههههههههههههه انا بلبس حمالات وبرمودة او شورت وكل يوم باخد دش قبل ما انام عشان جسمي يبقى بارد




مها ,,,,,,,,,,,, انزلي يا بنتي واشتري لبس للنونة , ولو ان اهلي كلهم كان يقولولي ما تنزليش ولا تشتري دا فال وحش , بس دا طبعا كلام هيل , انزلي وغيري جو واشتري حتى الداخلي وكام سالوبيت بيت وطقمين خروج كفاية عشان النونة هتكبر بسرعة عليهم
هو انتي عندك حاجات من بتاعة علي زي العربية والسرير والكارست والحاجات دي ولا لأ , لو معندكيش انزلي اشتريهم عشان ميتراكمش عليكي مبلغ محترم

قوليلي انتي ناوية تولدي فين باذن الله ؟


انا مش عارفة انا قلتلكم ولا لا , بس الواد عمر بقاله 3 اسابيع في التهابات وتسلخات فظيعة , لدرجة ان جلده زي ما يكون محروق ويبنزل دم

اول اسبوعين وديته للدكتور واخد مراهم مضاد حيوي وكورتيزون وفطريات , ولا عملت اي حاجة , مع اني كثفت حملة النضافة عليه , وانا اصلا قبل التسلخات كنت بغيرله كل 3 ساعات والبامبرز حتى بيكون فاضي وبحميه مرتين في الاسبوع , بس الحر قايم بالواجب مع الواد

من اسبوع جوزي حكي لصاحبه على عمر قاله بنتي كانت كدا وعملتلها خلطة نشا وزيت زيتون وقلعتهها البامبرز بقت كويسة

عملت كدا والحمد لله الجروح بتاعة عمر خفت عن الاول كتير وطبعا مقلعاه البامبرز ماعدا وقت النوم , وهلكانة معاه في الغسيل وايدي اوتارها سوبر ملتهبة


رحت لدكتور عظام في مستشفى الحكمة , وقلتله عايزة اخد حقنة كورتيزون , قالي دي فيها خطورة لانها ممكن تسبب قطع في الاوتار بنسبة 40 % , وقالي خدي العلاج دا وهاتي جبيرة من الصيدليه البسيها علطول

بستعمل الدوا بتاعه بس واجعلي معدتي خالص



ايه كمان عايزة اقوله ممممممممممممممممممم


اه انا مسافرة المنصورة ان شاء الله يوم الجمعة الفجر وهقعد هناك شهر عشان ماما جاية من الكويت

سلامتك يا بنتي وسلامة عمورة..... الحمدلله انه بقي كويس بس الحل بتاع تقليع البامبرز والغسيل ده صعب اوي في حالة ايدك دي الله يكون في عونك...........

بصي انا عندي السرير طبعا وعندي عربيتين بس بافكر اجيب واحدة تالته :) وعندي سالوبيتات داخليه بكم وعندي حاجات كتير بس معظمها صيفي عشان انا ولدت علي في الصيف فهاحتاج اشتري حاجات تقيله وبنوتاتي كماااااان............ فجاوبيلي على نفس السؤال اللي قلته لهدى؟؟؟؟؟؟؟؟؟؟؟؟؟
واول مره اسمع قصة فال وحش دي ^o) ده على كده امهات العالم كله بتفول على عيالها :D انا على ايام امي وكده بتحكيلي ان الست لما تيجي تولد يجروا على الجيران يقولوا ادولنا اي حاجة من عندكوا نلف بيها العيل :) اصل الموضوع جه فجأة وملحقناش نشتري :) كده العيل يعيش ويخزوا العين واي كلام في الحمام :D

انا هاولد إن شاءالله في مستشفى اسمها الجزيرة مستشفي جديده وبيقولوا نضيفة اوي في الهرم... المشكله ان بصرررررررراحة الدكتور الاولاني ده كان عاملي جرح القيصري تجميلي خاااااااالص ومش باين وماتعبنيش ولا نمل ولا اي حاجة.. خايفة بقي الست اللي متابعه معاها تهبل وتكون مش شاطره في خياطة الجرح ربنا يسترررررررررررر :(

هوبز.....انا رائى تستنى طبعا ع التكييف
ودعه ....ياريت تنزلى علشان نشوفك ياريت بس انتى كده اكيد متنصحيش اى حد يسافر مع انى مكبره ف دماغ جوزى يقدم ف اى شركه ونسافر برا بدل القرف اللى هنا

RAINBOW2000;16139695:
بجد و الله مشاركتك دى طمنتنى اوى حستها اشارة إلهية ههههه ربنا يكرم انا هكلم العيادة و اشوف النظام و اتوكل على الله باذن الله الشهر ده
بس انت معرفتيناش عليكى ما تتفضلى معانا:lol:

انا اسفه اني دخلت كده بس لاقيتك محتاره فقلت اساعدك انا اسمي الورده السغيده زي ماانتي شايف متجوزه بقالي 10 سنين وعملت حقن مجهري اربع مرات والحمدلله ربنا كرمني في المحاوله الرابعه وبتابع الحمل في مستشفي ادم ولو عايزه اي استسفار انا تحت امرك

مها,,,,,,,,,,, ول 10 هيكون الجو خريفي يعني البنوتة لازم تلبس بكم ان شاء الله

هاتي 6 فانيلات بكم و 6 بنص كم , وهاتيهم مقاس 6 شهور عشان تعرفي تلبسي براحتك وخصوصا لو النونة راسها كبيرة زي عمر هههههههههههههه, في شهر 10 هتلبسي فانيلة بكم وسالوبيت بيت خفيف , وعلى شهر 11 تلبسيها فانيلة بكم وواحدة بنص وسالوبيت البيت الشتوي , انا كمان فوق دا كنت بلف عمر في كوفرتة وبطانيه 24 ساعة مش بيطلع منها ابدا , والحمد لله حافظت عليه طول الشتا مجالوش برد , هو مولود 20 نوفمبر


هاتي 4 سالوبيتات بيت كفاية اوي لانك هتحتاجي تغيري المقاس بسرعة بعد شهرين

ولبس الخروج طقمين كفاية اووي لحد ما يبانلها ملامح واللبس يبان عليها حلو

بت يا رشا تسافري فين البلد دي احسن من غيرها عودي لعقلك يا رشروش :)

بجد الغربة مقرفة اوي وذل ما بعده ذل , وولادك بيتربو تربيه غريبة زي اللي انا اتربيتها كدا :) انطواء وكبت وخجل وذل برده




الورده السعيدة اهلا بيكي معانا , ربنا يكملك حملك على خير يارب , وتشوفي ابنك بالسلامة
انا امونة , 28 سنة , صيدلانية , لا اعمل , وعندي عمر عنده 7 شهور

د\امونة;16140004:
بت يا رشا تسافري فين البلد دي احسن من غيرها عودي لعقلك يا رشروش :)

بجد الغربة مقرفة اوي وذل ما بعده ذل , وولادك بيتربو تربيه غريبة زي اللي انا اتربيتها كدا :) انطواء وكبت وخجل وذل برده




الورده السعيدة اهلا بيكي معانا , ربنا يكملك حملك على خير يارب , وتشوفي ابنك بالسلامة
انا امونة , 28 سنة , صيدلانية , لا اعمل , وعندي عمر عنده 7 شهور

اللهم آمين ويرزقك كل بنت الذريه الصالحه ويرزق اخواتك الازواج الصالحه انا متابعكم بس مش بشارك الا اذا كنت فاضيه الشغل واخد كل وقتي

RAINBOW2000;16139704:
ربنا يكرمك يا ودعة بس انتو درستو قرار رجوعكم ده كويس اصل التوقيت صعب و الدنيا هنا واقفة خالص الايام دى بس ربنا يسهل و تفرج على معاد نزولكم

ra_tamima;16139999:
هوبز.....انا رائى تستنى طبعا ع التكييف
ودعه ....ياريت تنزلى علشان نشوفك ياريت بس انتى كده اكيد متنصحيش اى حد يسافر مع انى مكبره ف دماغ جوزى يقدم ف اى شركه ونسافر برا بدل القرف اللى هنا

هو لسة فاضل تقريبا سنة
بس انا قررت مش حنزل غير معاه ان شاء الله
واحنا لينا صيدلية منهوبة ومال سايب الناس بتنتفع بيه وبتكبر كل يوم وياريت عاجب فلازم النقط تنحط علي الحروف....واحنا هنا مبنتقدمش ولا خطوةوالسفر لاحقين عليه
وحطين في حساباتنا ان لو الدنيا قفلت حنرجع تاني بس علي الاقل نكون خدنا حاجتنا ودخلها بقي لينا



رشا
مش كل السفر وحش فيه ناس مبسوطة جدا في الغربة وعايشين حياتهم خالص وده علي حسب نظام الشغل ونظام البلد اللي تاسفريله
واحنا وضعنا سئ جدا في النقطتين...واصلا استمرارنا لدلوقتي اضطرار وظروف سيئة اتفرضت علينا.....

الحمدلله

علي فكره يا رشا الغربه وحشه قوي انا جربتها اربع سنين وكنت لوحدي علي طول جوزي كان بيطلع من الساعه 9 وميرجعش الا 10 م ولما رجعت حمدت ربنا اني في مصر بالرغم من جميع المساوئ اللي فيها بس اعمل ايه بحب مصر

mooney608;16138977:
السلام عليكم و رحمة الله و بركاته


ريري ربنا يكرمكو يا رب و يفرح قلوبكم بإذن الله قوليلى الدكتور كتب دوا إيه لجوزك و بالنسبة للمراكز شوفى مستشفى مصر الدولى فى مركز لدكتور اسماعيل أبو الفتوح و شريف خطاب بيشكرو فيهم اوى و كنت بفكر اروحلهم و فى كمان مركز النيل دكتور ثروت الاهوانى ربنا يوفقكم بإذن الله

ربنا يخليكي ياموني
الدكتور كتب لجوزي علي قرص مرتين في اليوم carnitine plus
قرص مرتين في اليوم nolvadex
قرص كل 12 ساعة mucosin sr cap
قرص مرتين في اليوم لمدة اسبوعين من 6 _20 من بداية الدورة الشهرية predilone
هو ده العلاج وعلي مااظن اخر واحد ده تنشيط لجوزي
يارب يجي بافايدة

د\امونة;16139551:


ريري ,,,,,,,,,, مبروك على تحسن تحليل جوزك انا فرحت اوي والله لما شفت التحليل , ربنا يكمل مرحلة علاجه على خير , والنسب تتحسن اكتر , بس ليه عايزة تستني 3 شهور ؟ انا رايي حاولي تعملي التلقيح دلوقتي وتكسبي وقت

ربنا يخليكي ياامونة
انا هستني لما يخلص كورس العلاج 3 شهور ولو محصلش حمل هاعمل تلقيح ان شاء الله

ميرسى على ردك يا ورده ياريت تعرفينا عليكى اكتر اسمك ايه بقى وعندك كام سنه وكنتى متابعه مع مين
طب يابنات مادام كلكو اجمعتو على ان الغربه وحشه يبقى هاصرف نظر واسافر الغردقه احسن ههههههههههههههه فاكرين المصيف اللى فات الايام جريت بسرعه ان شاء الله هاطلع تانى يوم 6-7 دعواتكم

د\امونة;16140003:
مها,,,,,,,,,,, ول 10 هيكون الجو خريفي يعني البنوتة لازم تلبس بكم ان شاء الله

هاتي 6 فانيلات بكم و 6 بنص كم , وهاتيهم مقاس 6 شهور عشان تعرفي تلبسي براحتك وخصوصا لو النونة راسها كبيرة زي عمر هههههههههههههه, في شهر 10 هتلبسي فانيلة بكم وسالوبيت بيت خفيف , وعلى شهر 11 تلبسيها فانيلة بكم وواحدة بنص وسالوبيت البيت الشتوي , انا كمان فوق دا كنت بلف عمر في كوفرتة وبطانيه 24 ساعة مش بيطلع منها ابدا , والحمد لله حافظت عليه طول الشتا مجالوش برد , هو مولود 20 نوفمبر


هاتي 4 سالوبيتات بيت كفاية اوي لانك هتحتاجي تغيري المقاس بسرعة بعد شهرين

ولبس الخروج طقمين كفاية اووي لحد ما يبانلها ملامح واللبس يبان عليها حلو

4 سالوبيتات بيت بسسسسسسسس؟؟؟؟؟؟؟؟؟؟؟ حاساهم قليلين.. طيب اجيبهم ايه يعني قطن خفيف ولا شتوي تقيل ولا قطيفة ولا ايه؟؟؟
انا بافكر ماجيبش لبس خروج غير بعد 3 شهور وفي الفترة الاولي دي في الخروج اقضيها سالوبيتات قطيفة والفها في بورت او بطانيه..... ايه رايك؟؟ هو انتي جبتي البورت ده؟؟

ra_tamima;16140083:
ميرسى على ردك يا ورده ياريت تعرفينا عليكى اكتر اسمك ايه بقى وعندك كام سنه وكنتى متابعه مع مين
طب يابنات مادام كلكو اجمعتو على ان الغربه وحشه يبقى هاصرف نظر واسافر الغردقه احسن ههههههههههههههه فاكرين المصيف اللى فات الايام جريت بسرعه ان شاء الله هاطلع تانى يوم 6-7 دعواتكم

يااااااااه فعلا جريت بسرعه اوي :) إن شاءالله تتبسطوا يا رشا بس ليه مارحتوش مكان ترااااااااوة شويه غير الغردقة عشان الجو الفظيييع اللي احنا فيه ده :worn_out::worn_out:

the happy flower;16140014:
اللهم آمين ويرزقك كل بنت الذريه الصالحه ويرزق اخواتك الازواج الصالحه انا متابعكم بس مش بشارك الا اذا كنت فاضيه الشغل واخد كل وقتي

امين يا ورده

طيب لو مكنش فيبها غلاسة ,بما انك دخلتي معانا , عرفينا اكتر على نفسك , اسمك , سنك , منين في مصر , بتشتغلي ايه , كنتي في الغربة ليه ؟ كدا يعني ارغي معانا وادخلي في المود هتحبينا والله :o

ra_tamima;16140083:

طب يابنات مادام كلكو اجمعتو على ان الغربه وحشه يبقى هاصرف نظر واسافر الغردقه احسن ههههههههههههههه فاكرين المصيف اللى فات الايام جريت بسرعه ان شاء الله هاطلع تانى يوم 6-7 دعواتكم

قوليلنا التفاصيل يارشروش , طالعين قرية ايه و وبكام في الليلة وفل ولا وهاف بورد

وانا رايي زي مها كنتي اطلعي مكان تاني لانك هتفطسي من الحر , او روحي في اخر 10 بيكون الجو تحففففففففففففففففة في الغردقة

اضحكلها تضحكلك;16140146:
4 سالوبيتات بيت بسسسسسسسس؟؟؟؟؟؟؟؟؟؟؟ حاساهم قليلين.. طيب اجيبهم ايه يعني قطن خفيف ولا شتوي تقيل ولا قطيفة ولا ايه؟؟؟
انا بافكر ماجيبش لبس خروج غير بعد 3 شهور وفي الفترة الاولي دي في الخروج اقضيها سالوبيتات قطيفة والفها في بورت او بطانيه..... ايه رايك؟؟ هو انتي جبتي البورت ده؟؟

:worn_out:

والله لو معاكي فلوس عايزة تبعزقيها هاتي سالوبيتات اكتر :D
لا بجد ممكن تجيبي سالوبيتات اكتر مثلا 8 وتستخدميها للبيت والخروج , وعلى رايك النونو هيتلف في البطانية في الاول ومش هيظهر منه حاجة , انا كنت بلبس عمر سالوبيتات شيك ماركة جونيور الواحد ب 40 جنيه تقريبا , روحي التوحيد والنور وشوفي الاشكال بتاعة جونيور هناك جميلة اوي

البورت مفيد جدا جدا وخصوصا لو بتخرجي كتير , كنت بحط عمر فيه واروح اي مكان او اي زيارة والولد بيكون دافي واي حد عايز يشيله بيعرف يشيله من غير مشاكل ومن غير الواد ما يبرد


هتلاقي بورتات تحفففففففة في التوحيد والنور , انا كنت جايبة واحد قطيفة بس منجد وكله فيبر بيدفي , وكان لونه اخضر او تركواز او ازرق او بترولي ههههههههههههههه بصراحة معرفش اسم الدرجة دي ايه , البورت كان ب 125 جنيه تقريبا


وعندهم برده بطانيات حلوة اوي ب 60 جنيه الواحدة وعندهم الحفة فايبر , بس كل الحاجات الشتوي دي هتلاقيها في شهر 9

the happy flower;16140002:
انا اسفه اني دخلت كده بس لاقيتك محتاره فقلت اساعدك انا اسمي الورده السغيده زي ماانتي شايف متجوزه بقالي 10 سنين وعملت حقن مجهري اربع مرات والحمدلله ربنا كرمني في المحاوله الرابعه وبتابع الحمل في مستشفي ادم ولو عايزه اي استسفار انا تحت امرك

لان انا اللى اسفة لو كنت ضايقتك انا بقول يعنى عشان تشاركى معانا ده انت مشاركتك ريحتنى جدا فى الحيرة اللى انا فيها دى بس .. و ربنا يتمم حملك على خير باذن الله و تجيبى احلى نونو

دعوة حلوة.....لله;16140017:
هو لسة فاضل تقريبا سنة
بس انا قررت مش حنزل غير معاه ان شاء الله
واحنا لينا صيدلية منهوبة ومال سايب الناس بتنتفع بيه وبتكبر كل يوم وياريت عاجب فلازم النقط تنحط علي الحروف....واحنا هنا مبنتقدمش ولا خطوةوالسفر لاحقين عليه
وحطين في حساباتنا ان لو الدنيا قفلت حنرجع تاني بس علي الاقل نكون خدنا حاجتنا ودخلها بقي لينا



رشا
مش كل السفر وحش فيه ناس مبسوطة جدا في الغربة وعايشين حياتهم خالص وده علي حسب نظام الشغل ونظام البلد اللي تاسفريله
واحنا وضعنا سئ جدا في النقطتين...واصلا استمرارنا لدلوقتي اضطرار وظروف سيئة اتفرضت علينا.....

الحمدلله

ربنا يكتبلكم الخير يا ودعة

علي فكره يا مي الدكتور محمد حسين صغير في السن مش كبير بس بسم الله ما شاء الله عليه فاهم شغله وبيقرأ كتير واللي خلاني استبشرت بيه ان فيه بنات كتير بتشكر فيه بس في متابعتي للتنشيط في ادم كنت بدخل للدكتور الموجود في اليوم اللي بروح فيه بس هو اللي رجعلي الاجنه وقالي ان شاء الله ربنا حيكرمك والحمد لله ربنا كرمني عقبالك وكل بنت موجوده في الملف

the happy flower;16140456:
علي فكره يا مي الدكتور محمد حسين صغير في السن مش كبير بس بسم الله ما شاء الله عليه فاهم شغله وبيقرأ كتير واللي خلاني استبشرت بيه ان فيه بنات كتير بتشكر فيه بس في متابعتي للتنشيط في ادم كنت بدخل للدكتور الموجود في اليوم اللي بروح فيه بس هو اللي رجعلي الاجنه وقالي ان شاء الله ربنا حيكرمك والحمد لله ربنا كرمني عقبالك وكل بنت موجوده في الملف

مش مهم صغير و لا كبير المهم يكون شاطر و عنده ضمير دى اهم حاجة و الله انا بعد كلامك استبشرت بالدكتور ده ربنا يجعله سبب باذن الله انا هتصل انهرده اسأل على الحجز و ربنا يكرم