شات منتظرات الحمل وامهات المستقبل القريب باذن الله لشهر رجب/يونيو

اضحكلها تضحكلك;16139113:
انا مش زعلانه ان مررررسي كسب خااااالص انا اصلا انتخبته... كفايه ان احنا ماطلعناش قدام العالم شعب اهبل كده وشيلنا مبارك وجبنا وزيره...... بس قلقانه جداااااااااااااا حاسه المجلس العسكري مبيتلنا على نيه سووووووده............. ربنا يستررررررر على البلد بقي

:thumbs_up::thumbs_up::thumbs_up::thumbs_up:
ده اللي حقوله


موني
ازيك ياجميل ربنا يعينك علي الشغل
انا معرفش حكاية بيحسن جودة البويضات غير الدوا اللي بيتباع في مركز جنين.....بياخدوه البنات اللي عندهم سن ياس مبكر وغالبا المركز بيوصفله لكل الناس اللي بيعملو حقن
زائد فيتامين ه وفيتامين سي..زوالمفروض جلوكوفاج لو فيه وزن زائد او نسبة تكيس

واحنا ان شاء الله حننزل في ميعاد اجازته الجاي نهائي علي شهر 4...الا ان يحبسنا حابس:D


هدي
ربنا يتمملك بخير واحسن انك حتروحي لمامتك....

مي....شيرين
سلامتكم من الخنقة ربنا يفرج همكم ويفك الكرب عاجلا غير آجل

ايه ده بجد يا ودعه هاتنزلوا إن شاءالله نهائي؟؟؟ طيب انتي مبسوطة ولا قلقااانه؟؟؟؟؟؟؟؟؟؟؟؟؟ ربنا يهيئلكوا الخير إن شاءالله ويكون قرار صح :)

ازيكو يابنانيت
انا الحمدلله لا بدخل هنا ولا بدخل فيس الا خطف كده :D
ولو فتحت الفيس مش بلحق افتح هنا ولو فتحت هنا مبلحقش افتح هناك الا قليل اوي اوي

عاوزة اخد رأيكو في حاجه بقا خلينا نرغي

انا قاعده في ايجار جديد وبدأنا نوضب شقتنا وخلصنا بس الكهربا والسباكه والحلوق ولسه الباقي كله محارة وسيراميك والابواب والشبابيك والدهان وكده
دلوقت بقا الجو ولعه نااااااااار واحنا بنفكر نركب تكييف بس مترددين بما انه فاضلنا كام شهر
تفتكروا نركب تكييف ولا نسرع في التوضيب شوية ونصبر علي الحر

ماذا تفعل لو كنت مكاني

السلام عليكم و رحمة الله و بركاته

RAINBOW2000;16139028:
صباح الخير عليكم
انا قررت اجى اخترق الصمت و اكلم نفسى على ما حد يجى لاننا عاوزين نرجع الشات زى زمان

انا طبعا مش مبسوطة بفوز مرسى بس مبسووووووطة جدا بخسارة شفيق هى كده متسالونيش ازاى ده لو كانت النتائج دى صح

شيرين
مخنوووقة من ايه ادخلى احكى فى المجموعة لو حاجة مضايقاكى هى حالة الخنقة دى عامة تقريبا انا محدش مخنوق قدى اليومين دول و يمكن ده اللى مخلينى متكلمش كتير هنا لانى بقيت بحس انى كائن كئيب و مبحبش احسس الناس بده بس بقعد اقول لنفسى لما بتضيق اوى هتفرج ان شاء الله .. دعواتكم

مونى
هو يعنى ايه تحسين جودة البويضات دى بيتاخد ليها دوا او كده و لا يعنى ايه

و بالنسبة لريرى انا لا انصح بمركز مصر الدولى ده خالص لان تجربتى معاهم كانت فاشلة جدا ربنا يكرم باذن الله من غير حاجة و الله المراكز و الدكاترة دول بقوا ماديين و معندهمش ضمير و حاجة تقرف

مى ربنا يفك ضيقتك يا حبيبتى استغفرى ربنا كتير و حاولى تشغلى نفسك بحاجة تانية تخرجك من الضيقة
بس سؤال ممكن تحكيلى تجربتك مع المركز و ليه مش بتنصحى بيه دة انا كنت بفكر فيه و ناس كتير شكرولى فيهم
بصى موضوع جودة البويضات دة على حسب ما فهمت من البنت و قريت فى منتديات كتير بنات كاتبين ان احيانا سبب فشل الحقن المجهرى بيكون من سوء جودة البويضات او الحيوانات لمنوية فعلشان كدة سألت ريري عن الدوا اللى جوزها بياخده و كمان بسأل عن حاجة تحسن جودة البويضات و زى ما ودعة قالت المركز جنين بيدو دوا عبارة عن فيتامينات و حاجة تانية أسمه dhea بس دة مش مش بيدوه للكل بيدوه بس للى بيكون تحليل DHS فى مشكله و هى البنت بتاخده و بتاخد الفيتامينات بس من الواضح انها عندها مشكله فعلا فى جودة البويضات لأن مرة بعد سحب البويضات مفيش ولا واحدة اتلقحت و باظو كلهم فهى عايزة تحسن من جودتهم قبل ما تعيد المحاولة ربنا يكرم الجميع

انتى صحيح يا مى استقريتى على إيه

دعوة حلوة.....لله;16139137:
:thumbs_up::thumbs_up::thumbs_up::thumbs_up:
ده اللي حقوله


موني
ازيك ياجميل ربنا يعينك علي الشغل
انا معرفش حكاية بيحسن جودة البويضات غير الدوا اللي بيتباع في مركز جنين.....بياخدوه البنات اللي عندهم سن ياس مبكر وغالبا المركز بيوصفله لكل الناس اللي بيعملو حقن
زائد فيتامين ه وفيتامين سي..زوالمفروض جلوكوفاج لو فيه وزن زائد او نسبة تكيس

واحنا ان شاء الله حننزل في ميعاد اجازته الجاي نهائي علي شهر 4...الا ان يحبسنا حابس:D


هدي
ربنا يتمملك بخير واحسن انك حتروحي لمامتك....

مي....شيرين
سلامتكم من الخنقة ربنا يفرج همكم ويفك الكرب عاجلا غير آجل

ربنا يكرمك يا ودعة يا رب و تيجو بالسلامه إن شاء الله و ربنا يوفقكو و يسعدكو يا رب و ييسرلكو أموركم

بالنسبة للتكيس انا يا ودعة وزنى زايد و مش عارفة اخس خالص مالص و ملاحظة بقالى كام شهر كدة فى شعر خشن فى دقنى و رقبتى انا مكانش عندى خالص الأول متهيألى كدة يبقى تكيس و لا إيه لأن كمان انا بقالى كذا شهر كنت موقفة البيريود لما كنت باخد الزولادكس و بعدها مانع الحمل و الدنيا عندى بزرميط - الشعر دة طالع بقاله كام شهر و بيزيد كمان تفتكرى اخد جلوكوفاج من نفسي هل فيه مشكله؟؟ و لا استنى لما اروح للدكتور و اسأله بس انا لسة معادى معاه بعد تقريبا 3 اسابيع لما التحاليل تطلع- هل فى مشكله لو أخدته من نفسي



مهاميهو بصى انا مش مبسوطة لا من مرسي ولا من المجلس العسكرى هى اصلا كلها لعبة السياسة قذرة و ادينا قاعدين بنتفرج و ربنا يستر
أخبار البمبينو إيه مفيش اسامى فى دماغك

.. Hopes;16139193:
ازيكو يابنانيت
انا الحمدلله لا بدخل هنا ولا بدخل فيس الا خطف كده :D
ولو فتحت الفيس مش بلحق افتح هنا ولو فتحت هنا مبلحقش افتح هناك الا قليل اوي اوي

عاوزة اخد رأيكو في حاجه بقا خلينا نرغي

انا قاعده في ايجار جديد وبدأنا نوضب شقتنا وخلصنا بس الكهربا والسباكه والحلوق ولسه الباقي كله محارة وسيراميك والابواب والشبابيك والدهان وكده
دلوقت بقا الجو ولعه نااااااااار واحنا بنفكر نركب تكييف بس مترددين بما انه فاضلنا كام شهر
تفتكروا نركب تكييف ولا نسرع في التوضيب شوية ونصبر علي الحر

ماذا تفعل لو كنت مكاني

ربنا يوفقك يا هبة و تخلصو بسرعة إن شاء الله
انا رأيي استحملو شوية او هاتى مروحة لأن حرام تجيبو تكييف و تركبوه و بعد كدة تنقلوه تانى او تسيبوه فى الشقة انتو اولى بالفلوس دى إلا إذا لسه بدرى على الشقة يبقى ساعتها هاتوه و ربنا يسهل
هو فعلا الجو ناااار بس ربنا يرحمنا من عنده

صباح الفل

انا لو مكانك يا هبة هجييييييييييب التكيييييييييييييييييييييف الجو نااااااااااااااااااااااااااااااااااااااااااار انا حاسة انى بووووووووولد كل لحظة من الحر ربنا يجيرنا من النار يارب

انا برده لو مكانك هاصبر يا هبه........ انا قعدت سنتين في شقة ايجار برده وكانت نااااااااااااااااااااااار بس ربنا عوضني بشقتي دي الحمدلله الجو فيها احسن وبرده معنديش تكييفات......... محدش عنده فكرة لو جبت تكييف بالتقسيط هادفع في حدود كام في الشهر؟؟؟

مووني انا الحمدلله بخير والبامبينو بتسلم عليكي :) لسه والله ماخترتش اسم ولا اشتريت حاجة عندي حال تناااااحة رهييبة بسبب الحرررررر..... حتى لما بانزل بالليل باتخنق برده

دعوة حلوة.....لله;16139137:
:thumbs_up::thumbs_up::thumbs_up::thumbs_up:
ده اللي حقوله


موني
ازيك ياجميل ربنا يعينك علي الشغل
انا معرفش حكاية بيحسن جودة البويضات غير الدوا اللي بيتباع في مركز جنين.....بياخدوه البنات اللي عندهم سن ياس مبكر وغالبا المركز بيوصفله لكل الناس اللي بيعملو حقن
زائد فيتامين ه وفيتامين سي..زوالمفروض جلوكوفاج لو فيه وزن زائد او نسبة تكيس

واحنا ان شاء الله حننزل في ميعاد اجازته الجاي نهائي علي شهر 4...الا ان يحبسنا حابس:D


هدي
ربنا يتمملك بخير واحسن انك حتروحي لمامتك....

مي....شيرين
سلامتكم من الخنقة ربنا يفرج همكم ويفك الكرب عاجلا غير آجل

انتو هتنزلوا خالص يا ودعة نهائى نهائى يعنى
ميرسى على الدعوة الحلوة ربا يتقبل

.. Hopes;16139193:
ازيكو يابنانيت
انا الحمدلله لا بدخل هنا ولا بدخل فيس الا خطف كده :D
ولو فتحت الفيس مش بلحق افتح هنا ولو فتحت هنا مبلحقش افتح هناك الا قليل اوي اوي

عاوزة اخد رأيكو في حاجه بقا خلينا نرغي

انا قاعده في ايجار جديد وبدأنا نوضب شقتنا وخلصنا بس الكهربا والسباكه والحلوق ولسه الباقي كله محارة وسيراميك والابواب والشبابيك والدهان وكده
دلوقت بقا الجو ولعه نااااااااار واحنا بنفكر نركب تكييف بس مترددين بما انه فاضلنا كام شهر
تفتكروا نركب تكييف ولا نسرع في التوضيب شوية ونصبر علي الحر

ماذا تفعل لو كنت مكاني

هو ده يتوقف على انتو قدامكم اد ايه خاصة ان يوم الصنايعية بسنة لو كام شهر و خلاص استحملوهم باى شكل لو لسه كتير هاتى التكييف و ابقى انقليه و خلاص

mooney608;16139206:
السلام عليكم و رحمة الله و بركاته



مى ربنا يفك ضيقتك يا حبيبتى استغفرى ربنا كتير و حاولى تشغلى نفسك بحاجة تانية تخرجك من الضيقة
بس سؤال ممكن تحكيلى تجربتك مع المركز و ليه مش بتنصحى بيه دة انا كنت بفكر فيه و ناس كتير شكرولى فيهم
بصى موضوع جودة البويضات دة على حسب ما فهمت من البنت و قريت فى منتديات كتير بنات كاتبين ان احيانا سبب فشل الحقن المجهرى بيكون من سوء جودة البويضات او الحيوانات لمنوية فعلشان كدة سألت ريري عن الدوا اللى جوزها بياخده و كمان بسأل عن حاجة تحسن جودة البويضات و زى ما ودعة قالت المركز جنين بيدو دوا عبارة عن فيتامينات و حاجة تانية أسمه dhea بس دة مش مش بيدوه للكل بيدوه بس للى بيكون تحليل DHS فى مشكله و هى البنت بتاخده و بتاخد الفيتامينات بس من الواضح انها عندها مشكله فعلا فى جودة البويضات لأن مرة بعد سحب البويضات مفيش ولا واحدة اتلقحت و باظو كلهم فهى عايزة تحسن من جودتهم قبل ما تعيد المحاولة ربنا يكرم الجميع

انتى صحيح يا مى استقريتى على إيه

انا بحاول يا مونى و الله انا على فكرة مش مضايقة من موضوع الخلفة ده تحديدا كله بايد ربنا انا مشكلتى انى حاسة ان الموضوع ده منعكس على كل حاجة فى حياتى و ان انا حياتى متجمدة لانها مربوطة بالموضوع ده يعنى عارفة لما تحسى ان حياتك كان معمول لها pause
كل حاجة واقفة يعنى انا مثلا عاوزة اغير شغلى و مش عارفة لان الشغل الحالى افضل وضع مع قصة المتابعة و العلاج و لو حصل حمل لانى بشتغل بارت تايم و مبنزلش كل يوم ده مثلا نفع جدا ساعة لما كنت حامل و لنا حصل الاجهاض و قعدت شهر فى البيت لو انا بشتغل فى ظروف تانية كانت هتبقى مشكلة فى حجات كتير عاوزين نعملها بس انا مش عارفة بكره فيه ايه فمش عاوزة ادخل فى اى حاجة كبيرة ماديا لانك عارفة مصاريف الدكاترة و العلاج خاصة مع حالة البلد و الظروف اللى فيها ده غير مشكلة العلاقات الاجتماعية اللى بازت من تحت راس الموضوع ده انا تقريبا معادش ليه اصحاب و الباقيين مش بينوبنى من وراهم غير حرقة الدم و التدخل فى اللى ملهمش فيه فانا اللى بقيت بقصر .. بجد انا تعبت من حالة التجمد اللى انا فيها دى اووووى مش عارفة انتو فاهمينى و لا لاء بس ادينى بفضفض معاكو شويه


بالنسبة للمركز بقى انا عملت فيه عملية التنضيف بعد الاجهاض و مش عارفة انت عارفة قصة ان معملوهاش كويس و جالى نزيف جامد بعدها و روحت لدكتور تانى ادانى دوا ينزل الحجات الباقية و كانت قصة كده
المهم الدكتور التانى اللى انا رحتله مشكرش فيهم خالص و قالى ان مشاكلهم كتير فعلا و ان معندهمش ضمير و هو بيشوف ده كتير يعنى و الممرضة اللى فى عيادته كنت بدردش معاها قبل ما ادخل مرة و قالتلى انها كانت شغالة فيه و مشكرتش فيهم برضه خالص ده غير انه غاااالى جدا على الفاضى
انا اصلا كنت متابعة مع الدكتور اسماعيل ابو الفتوح فى عيادته و من واقع تجربتى معاه و اللى شوفته هو كويس جدا فى مرحلة ان انتى بتدورى على سبب لعدم الحمل هو شاطلر فى النقطة دى و بيجيب نتيجة مع ناس كتير و ربنا بيكرمهم و يحملوا بعد ارادة ربنا طبعا لكن اكتر من كده لاء يعنى لا متابعة حمل و لا حجات صغيرة زى عملية التنضيف و لا اى حاجة بعيدة عن الموضوع ده لان التعامل فيها بيكون من غير اهتمام ده اللى انا شفته انت ممكن تروحيله تعرضى عليه حالتك و تشوفى هيقول ايه انا شايفة انك تعملى كده و مش هتخسرى حاجة و طبعا انا بكلمك عن تجربتى و عن اللى شفته و سمعته ممكن حد تانى يشكر فيهم او يقول غير كده او ممكن انتى لو رحتى ترتاحى ..

مها@ متكسليييييييش و انزلى هاتى اى حاجة هتلاقى مودك فك و كمان عشان كل ما الوقت بيعدى الحر بيزيد و انت ى بتتقلى اكتر و اكتر ...

انا حاسة انى بقيت شبه البطريييييييييييييق

اه بالنسبة لاستقريت على ايه و الله انا لسه بدور على دكتولر بس فى دكتور بفكر اروحله اسمه محمد حسين طلبه هو عيادته فى المهندسين قريبة من شغلى انا شفت اليافطة بتاعته اصلا بالصدفة و انا ماشية و انه متخصص فى تاخر الانجاب و عملت سيرش عليه لقيت ناس كتير بيشكروا فيه و هو كان فى مركز ادم لفترة بس فتح عيادة لوحدة
فدخل ضمن اختياراتى غالبا هصلى استخارة و ربنا يسهل
انا كتبت كتير اوى قاعدين بس تقولوا محدش بيشارك ادينى انطلقت اهووووة

مى@ الحالة اللى انتىف يها دى طبيعية جدا انا كنت كدة و اكتتتتتتتتتتتتتتتتتتتر كنت كل حاجة رابطاها بقصة الخلفة و الحمل ... كللللللللللللللللل حاجة اى حاجة اقول لما ربنا يكرمنى هعمل كذا و كذا و عارفة ان الحياة عندك واقفة على كدة و مش هقدر اطلب منك انك تطلعى نفسك برة الدايرة المغلقة دى لانك مهما عملتى مش هتعرفى ... لانى ياما حاولت

كل اللى اقدر اقولهولك ... لو انتى فعلا بتشتغلى بارت تايم حاولى تعملللى شئ مفيد فى وقت فراغك يلهيكى عن التفكير فى الخلفة و اللى وراها ... لانك لما ربنا يكرمك باذن الله هتحسى انك ضيعتى وقت كتيييييييييييييييييييييييييييييييييييييير بدون لازمة و هتندمى عليه قوى لما يكون نفسك تعملى حاجة و مش عارفة بسبب البيبى ان شاء الله و انشغالك معاه

و هدعيلك باذن الله و انا بولد ربنا يبدل همك فرج و فرح يارب اللهم آميييييييييييييين

مى@ ربنا يكرمك بالخير و فعلا اعملى استخارة و شوفى انتى مرتاحة لايه اكتر حاجة و روحى و يارب يكون الخير ليكى يارب

هروح اطفى على الاكل و احمى بيلللا و ارجع تانى باذن الله

أجمل ايام العمر;16139319:
مى@ الحالة اللى انتىف يها دى طبيعية جدا انا كنت كدة و اكتتتتتتتتتتتتتتتتتتتر كنت كل حاجة رابطاها بقصة الخلفة و الحمل ... كللللللللللللللللل حاجة اى حاجة اقول لما ربنا يكرمنى هعمل كذا و كذا و عارفة ان الحياة عندك واقفة على كدة و مش هقدر اطلب منك انك تطلعى نفسك برة الدايرة المغلقة دى لانك مهما عملتى مش هتعرفى ... لانى ياما حاولت

كل اللى اقدر اقولهولك ... لو انتى فعلا بتشتغلى بارت تايم حاولى تعملللى شئ مفيد فى وقت فراغك يلهيكى عن التفكير فى الخلفة و اللى وراها ... لانك لما ربنا يكرمك باذن الله هتحسى انك ضيعتى وقت كتيييييييييييييييييييييييييييييييييييييير بدون لازمة و هتندمى عليه قوى لما يكون نفسك تعملى حاجة و مش عارفة بسبب البيبى ان شاء الله و انشغالك معاه

و هدعيلك باذن الله و انا بولد ربنا يبدل همك فرج و فرح يارب اللهم آميييييييييييييين

ربنا يفرجها من عنده يا هدى بس انا شاغلة وقتى تماما لانى لو قعدت فاضية هيجيلى انهيار عصبى من كتر التفكير انا بشتغل و بدرس و باخد كورس و وقتى كله مليااان بس مش عارفة اطلع بره الحكاية دى خالص
و اتوصى بالدعاء و انتى بتولدى بقى و ربنا يتقبل منك

وحشتتتتتتتتتونى وحشتنونىىىىىىىىى وحشونى:056::056: وحشتو عيونى:study: وفكرتونى بالى فات:04: هلا اهلا اهلا اهلا اهلا باعز الحبايب اهلا اهلا اهلا اهلا بالولو :|الى غايب يا لو لو وحشتينا ضلمتى:worn_out: ليالينا وهربوا الحبايب وهربوا الحبايب :059::059:

حد بقولى احباركو لانى بفالى كنير موش يدخل

انا مرتاحة هنا اكتر من الجروب هناك بصراحة

الجو نااااااااااااااااااااااااااااار


ازيكم يا بنات , عاملين ايه في الحر دا


هدى ,,,,,,,,,,, بجد ربنا يكون في عونك انك حامل على الاخر والدنيا مولعة ووراكي بنت تهد الحيل , ربنا يقويكي ويقومك بالسلامة انتي وجميلة يارب

بالنسبة لجروب الفيس انا شايفة انه لا يغني ابدا عن هنا , انا بحب النجمع دا اوي , وهفضل هنا وهناك , امال هضيع وقتي في ايه :)



هبه ,,,,,,,,,,, استني عالتكييف شوية , انا عندي تكييف بس بنام في اوضة تانية غير اللي فيها التكييف , عشان عمر باشا ينام راحته من غير دوشة , عشان كدا مش شايفة ان التكييف له اهمية اوي , اصبري شوية لحد ما تخلصي تشطيب شقتك , ولو حرانه اوي اقلعي ملط ههههههههههههه انا بلبس حمالات وبرمودة او شورت وكل يوم باخد دش قبل ما انام عشان جسمي يبقى بارد



ريري ,,,,,,,,,, مبروك على تحسن تحليل جوزك انا فرحت اوي والله لما شفت التحليل , ربنا يكمل مرحلة علاجه على خير , والنسب تتحسن اكتر , بس ليه عايزة تستني 3 شهور ؟ انا رايي حاولي تعملي التلقيح دلوقتي وتكسبي وقت




ميوي ..........ازيك يا جميل , ايه الحيرة بتاعة الدكاترة اللي انتي مدخلة نفسك فيها دي , انتي توكلي على الله واتشجعي بئة وروحي لاي اسم من الاسامي الكبيرة اللي انتي جمعتيها , وابداي في التلقيح , اعملي اكشن في حياتك بدل ما هيا paused كدا , وان شاء الله ربنا يكرمك في الايام الكريمة دي واحنا داخلين على رمضان بالحمل



مها ,,,,,,,,,,,, انزلي يا بنتي واشتري لبس للنونة , ولو ان اهلي كلهم كان يقولولي ما تنزليش ولا تشتري دا فال وحش , بس دا طبعا كلام هيل , انزلي وغيري جو واشتري حتى الداخلي وكام سالوبيت بيت وطقمين خروج كفاية عشان النونة هتكبر بسرعة عليهم
هو انتي عندك حاجات من بتاعة علي زي العربية والسرير والكارست والحاجات دي ولا لأ , لو معندكيش انزلي اشتريهم عشان ميتراكمش عليكي مبلغ محترم

قوليلي انتي ناوية تولدي فين باذن الله ؟




شيري ..........مالك يا جميل مخنوقة من ايه ؟ اوعي يكون من اللي بالي بالك :) احكي يا بنتي وفضفضي خلينا نفرفشك شوية




موني ,,,,,,,,,,,,ايه اخبار المناسبات اللي عندك حضرتيها ولا لسه ؟ واخبار الفستان ايه ؟ قفلتيه ازاي ؟ انا كنت سالتك قبل كدا بس مشفتش ردك



ميرا ومانيا وحشتوووووووووووني يا عيال , ربنا يطمنا عليكم يارب









انا مش عارفة انا قلتلكم ولا لا , بس الواد عمر بقاله 3 اسابيع في التهابات وتسلخات فظيعة , لدرجة ان جلده زي ما يكون محروق ويبنزل دم

اول اسبوعين وديته للدكتور واخد مراهم مضاد حيوي وكورتيزون وفطريات , ولا عملت اي حاجة , مع اني كثفت حملة النضافة عليه , وانا اصلا قبل التسلخات كنت بغيرله كل 3 ساعات والبامبرز حتى بيكون فاضي وبحميه مرتين في الاسبوع , بس الحر قايم بالواجب مع الواد

من اسبوع جوزي حكي لصاحبه على عمر قاله بنتي كانت كدا وعملتلها خلطة نشا وزيت زيتون وقلعتهها البامبرز بقت كويسة

عملت كدا والحمد لله الجروح بتاعة عمر خفت عن الاول كتير وطبعا مقلعاه البامبرز ماعدا وقت النوم , وهلكانة معاه في الغسيل وايدي اوتارها سوبر ملتهبة


رحت لدكتور عظام في مستشفى الحكمة , وقلتله عايزة اخد حقنة كورتيزون , قالي دي فيها خطورة لانها ممكن تسبب قطع في الاوتار بنسبة 40 % , وقالي خدي العلاج دا وهاتي جبيرة من الصيدليه البسيها علطول

بستعمل الدوا بتاعه بس واجعلي معدتي خالص



ايه كمان عايزة اقوله ممممممممممممممممممم


اه انا مسافرة المنصورة ان شاء الله يوم الجمعة الفجر وهقعد هناك شهر عشان ماما جاية من الكويت

لولي المجنونة ههههههههههههههه

وحشتيني يا قرده , اخبار القرود بتوعك ايه

RAINBOW2000;16139312:
اه بالنسبة لاستقريت على ايه و الله انا لسه بدور على دكتولر بس فى دكتور بفكر اروحله اسمه محمد حسين طلبه هو عيادته فى المهندسين قريبة من شغلى انا شفت اليافطة بتاعته اصلا بالصدفة و انا ماشية و انه متخصص فى تاخر الانجاب و عملت سيرش عليه لقيت ناس كتير بيشكروا فيه و هو كان فى مركز ادم لفترة بس فتح عيادة لوحدة
فدخل ضمن اختياراتى غالبا هصلى استخارة و ربنا يسهل
انا كتبت كتير اوى قاعدين بس تقولوا محدش بيشارك ادينى انطلقت اهووووة

علي فكره لدكتور محمد مازال يعمل في مستشفي آدم وهو كويس انا عملت حقن في مستشفي ادم وهو اللي رجعلي الاجنه وهو محترم فيه ناس بتابع معاه في العياده تنشيط وترجع الاجنه في ادم