شات منتظرات الحمل وامهات المستقبل القريب باذن الله لشهر رجب/يونيو

هدى بعتلك رسالة ضرورى

تسلموا يا بنات..
انا سألت على فتكات محدش رد.. و سألنا دكاترة تانيين قالولنا مش محتاجة طالما مفيش اجهاض قبل كدا...
عموما انا و جوزي مرتاحين الى انني ماعملهاش و ربنا هو الحافظ... انا في غنى عن المتاهات اللي حتدخلنا فيها .. و كمان هي ابتمنعش اجهاض و بتكون مفيدة لو عنق الرحم مفتوح.. لكن لو العنق مقفول أصلا حتبقى زي قلتها...ربنا يدبرها من عنده...
انا صليت استخارة و حصلي تاني ان شاءالله و ربنا يدبرلنا أمرنا يارب...
دعواتكم..

موووووني الف سلامة عليكي.. إن شاءالله مش حاجة وحشة يا حبيتي تفاءلي بالخير وهابقي ادعيلك انهرده برده بس هو معادك طيب اتأجل لامتي؟؟؟؟

ميجوووووووو ماتزعليش يا ستي اصل صندوق الرسايل في بتاع 150 رسالة :) وعاوزة افضيه عشان اعرف ابعت رساله ومكسسسسسسسسسسسسسسله اوييييييي ولا مش شرط؟؟؟ بس حاضر هابعتهولك حااااضر :)

مانيا ربنا يهيئلك الخير يا جميل.. وإن شاءالله يكون قرارك صح :) بس انتي اهدي وماتتوتريش

مي....... قررتي ايه في موضوعك هاتروحي لدكتور جديد ولا هاتخليكي مع بتاعك؟؟؟؟؟؟

ودعه........ عامله ايه؟؟ رحتي العمرة؟؟ طيب دعتيلي ولا ايه :) وعملتي ايه مع زيزو؟؟؟؟؟؟؟

ربنا يخليكو و يجازيكو خير على دعواتكو يا بنات
جزاكى الله خير يا مها ربنا يباركلك يا رب المعاد اتأجل ليوم التلات بعد بكرة إن شاء الله

مانيا إن شاء الله ربنا يكتبلك الخير و يثبت حملك و يرزقك الذرية الصالحة

صحيح يا ودعة كنتى ربايحة عمرة عملتى إيه احكيلنا عمرة مقبولة إن شاء الله

دعوة حلوة.....لله;16117000:
ياه يالولي
فيكي الخير والله
محدش سال عليا هنا في الحكاية دي
الحمد لله اختفي
اكيد كان لخبطة هرمونات ودورة

غلط اللي بتفكري فه
استعمال اللبوس بدون داعي يسبب التهابات
المهبل فيه انواع بكتريا بتحميه
ولما نوع فيه يموت بسبب مضاد حيوي قوي مثلا
او غسول مهبلي قوي باستمرار او لبوس بدون داعي زائد اسباب تانية
نوع تاني بنشط ويبدا تظهر الاعراض اللي بنحس بيها

الوقاية

في النضافة وجفاف المنطقة واللبس القطن
ولو حستي باعراض
يبقي حسب نوع الارفزات بتاخدي علاج

ودعدع

انا الدكتور كاتبلى امريزول ان وانا معنديش حاجة الحمد لله بس قاللى وقاية ف فترة الحمل يعنى باخده مرتين ف الاسبوع بس مرة جت سيرته فقاللى هو مضايقك ف حاجة يعنى قلتله لاء قاللى كارهاه اوى خديه مرة واحدة ف الاسبوع:D:D

بس جايز الحامل يكون ليها وضع خاص برضه

انا افضل يا لولى متحطيش حاجة ف المنطقة دى غير بروشتة دكتور مش منطقة للعب والافتكاسات خالص:):)

magda 1;16114650:
لولو حبيبتي الحمد لله احمد كويس بس مطلع عيني واد رخخخم وانا يا ستي نزلت الشغل من اول مايو و بسيبه بس ٤ ساعات مع سته وربنا يهديه بقي كل ما اروح تقعد تقولي عملتيله وسويتله ده ما نمش ولا دقيقه طب وانا اعملك ايه مش ابنك هو الي داخله مش كويس عشان كده انا نزلت الشغل هو انا ناقصه بهدله و قرف و صحيان بدري بصراحه بتخنقني

معلشى يا يجوز هى ممكن تكون بتحكيلك عادى مش بتشتكى منه يعنى:):)

أجمل ايام العمر;16114706:
بيللللا من امبارح كل ما اكلمها او ازعقلها فى حاجة تقولللى امشششششى يا بت

و احنا معندناش حد بيقول كلمة بت دى خاااااااااااااااااااااااااااااااااااااااالص

انا الموضوع ده منرفزنى جدااااااااااااااااااااااااااااااااااااا منها

يمكن سمعتها ف الشارع او ف التى فى
بنت اخويا فترة كدا برضه علقت على كلمة بت دى لما جننتنا والحمد لله اقنعناها انها نوووتى والبنات النووتى بس هم اللى بيقولوها
كل فترة كدا تعلق لنا ف كلمة والله مرة مسكت ف معفنة وكانت فضايح بئى قدام الناس :D:Dبئينا نحط ايدينا على بقنا كللنا ونشهق جامد ونعمل مكسوفين انها بتقول كلمة وحشة يعنى وايه دا كلمة نوووتى وافضل اقول لماما مامى هيا بتقول كلمة نوتى أوووى سو بااااد مش هقدر اقولها يا مامى ونعمل وعلانين منها لحد ما بطلتها

بس بلاش زعيق وكدا لا اعملى قرفانة منها ومن الكلمة:D:D:D:D

يارب عفوك و رضاك;16115128:
البنات اللي عندهم فكرة او عملوا ربط قبل كدا... عايزة اعرف عنق الرحم كان كام عندكم؟؟؟


انا عملت قياس انهاردة و طول عنق الرحم طلع 3.2 سم ...والدكتور بيقولي المفروض يكون 4 سم ...بس لاني ما حصليش ولادة مبكرة قبل كدا او اجهاض في وقت متأخر فممكن ماعملش ربط...هو سايبلنا حرية الاختيار اعمل او لأ ..وبيقولي لو حعمل لازم خلال الفترة دي من الاسبوع ال 13 للاسبوع ال 16 ..وانا انهاردة في الاسبوع ال 14...
انا مش عارفة اعمل ايه و قلقانة...اعمل وللا لأ ...واللي عملوها بيحسوا بمتاعب او حاجة بعد العملية؟؟وبتتعمل ببنج كلي فعلا؟؟
احكولي عملتوا ايه بالضبط...
الغلاسة بقى ان سعرها غريب اوي 4700 ريال :( يعني يعادل 7 او 8 الاف مصري... مترددة اوي اعملها وللا لأ ..:(

امانى انا شايفة ان دكتورك هو اللى يحدد محتاجة ولا مش محتاجة لكن متتصرفيش من مزاجك زدماغك كدا

وربنا ييسرلك الخير حيثما كان

لازم تاخدى منه كلمة محددة اعملها لا معملهاش :):):)

ريـري;16115156:
والله ياامونة انا رافضة بابا وماما يساعدوني في حاجة وانا قولتلهم انا ان شاء الله اللي هاجبها انا هدخل جمعية كبيرة لغاية مقدر اجيب تمن مقدمتها ان شاء الله وربنا يقدم اللي فيه الخير

اماني اللي الدكتور شايفة يعمله وبصراحة تمن العملية غاليه اوي معرفش بصراحة هننا بكام
ربنا يقومك بسلامة انتي والبيبي يارب




يابنات بالله عليكوا تدعوا لصاحبتي ربنا يوفقها في العريس
هي صحبتي من ايام ثانوي بس اكتر من الاخوات وانا جبتلها عريس زميلي في الشغل انسان الصراحة محترم اوي
وهو جيه وواحد زملنا تاني عند ماما وشافها هناك بس هو نزل وهو مبسوط وهي ارتاحتله
بالله ادعوا ربنا يجعله من نصبها اصل انا من سنتين كده جبتلها عريس كان جوزي بينزله شغل واتخطبوا بس محصلش نصيب
والمرة دي انا خايفة اوي طبعا كله بتاع ربنا

ربنا يكمل موضوع صاحبتك على خيرر ياااارب

وموضوع الشقة دا تبقى عبيطة وهبلة ههههههه:D:D الراجل بيستحل فلوس مراته لكن بيتكسف من فلوس اهل مراته
انا شايفة انهم يدوكى اى مبلغ امر واقع كدا وجوزك يعرف انهم مساهمين ف الشقة معاكى

أجمل ايام العمر;16112604:
ادعو لبيلللا عشان عيانة قوى يا روحى و مناخيرها سيوووووووووووووووووووووول و مقريفة جدا

سلامة بيللا ياهدى يارب تكون بخير دلوقتى

اضحكلها تضحكلك;16113916:
بناااااااااااااااااااااااااااااااااااااااااااااات ربنا يكرمكوا
ادعوا لحماتي وعمتي اتوفت امبارح وادفنت على صلاة الضهر
ادعولها ان ربنا يثبتها عند السؤال وينير قبرها ويفرشه من فرش الجنه
قد يستجيب ربنا لدعاء واحدة فيكوا محدش عارف

ربنا يجعل مثواها الجنة يا موئا البقاء لله

AnNoSha;16113942:
اولا ماتبقيش ام خرعه كدا هههههههههههههههه بكره الواد يتعلم ربنا يخليهولك يارب

ثانيا ماشاء الله كل دا اكل يابنتى اصلا عماله اوصى مامتى من دلوقتى وارص فى قايمه اكل تقولى اكل بكره تشوفى هتاكلى ولا لاء ههههههههههههههه الاكل زى ماهيتحط هيتشال ههههههههههههه

اقولها اعملى الحمام كذا والبط كذا والكوفته ياماما اتوصى وياريت بقى صينيه مكرونه باشاميل ههههههههههههههههههههههه بحبها انا اعمل ايه ومحشى ورق عنب وبتنجان وكوسه بقولها كفايه ان بابايا هيحط ايده ف الاكل هوه شيف اصلا هناكل الاكل يعنى هناكله تقولى بيتهيالك هههههههههههه كمان عندنا خالتى هتعملى اكل يوم ومرات عمى يوم ومرات خالى يوم وكلهم هيأبدعو بقى هههههههههههههههههههههههههههههه

بس طالبه من ماما تالت يوم يعملولى جمبرى ان شاء الله هههههههههه فايدته ايه معرفش اصلا بكرهه مش بحبه وعمرى ما اكلته بخاف من شكله بس محمود مصمم ياكلنى كل اللى مش باكله ههههههههه
انا اصلا مخضوضه يابنتى حاسه بردو لا هاكل ولا اتنيل ربنا يعدى اليومين دول على خير

انا بقالى فتره بسنفر جسمى هسنفره انهرده بملح حليب وبكره الصبح الساعه 8 هابدأ بسويت وسيبت الحمام المغربى ليوم الجمعه الصبح ان شاء الله يوم الفرح ان شاء الله ايمان طول مانتى قاعده ادعيلى الله يخليكى هههههههههههههه معرفش انا خايفه ليه كدا :o:o:o

زمانها عرفت فايدة الجمبرى ايه بئى:lol::lol::lol::lol:

اضحكلها تضحكلك;16118277:
مي....... قررتي ايه في موضوعك هاتروحي لدكتور جديد ولا هاتخليكي مع بتاعك؟؟؟؟؟؟

ودعه........ عامله ايه؟؟ رحتي العمرة؟؟ طيب دعتيلي ولا ايه :) وعملتي ايه مع زيزو؟؟؟؟؟؟؟

و الله يا مها انا فى حيرة جامدة اووووى و مش عارفة اعمل ايه واحدة صحبتى هى دكتورة قالتلى على دكتور بتقول كويس اسمه مصطفى عبد البر فى المنيل و فى الدكتور اللى انت قلتيلى عليه احمد الجزار ده برضه و انا بدور لسه كمان لان اهم حاجة يكون حد عنده ضمير انا محتارة جدا .. انا اصلا بفكر استنى الشهر الجاى كمان حتى مش هروح للدكتور و ساعتها هيبقى فات 6 شهور من ساعة الاجهاض بالمشاكل اللى حصلت بعده و هروح لدكتورى تانى و الله لقيته هياخد اجراء او يتقدم خطوة كان بها مكانش بقى هشوف غيره اكون ساعتها وصلت لحاجة وربنا كريم ادعيلى لان انا تعبت و زهقت جدا و حاسة انى فى دوامة و الله

ربنا يهيئلك الخير يا ميوي والله حاسه بيكي اوي معلش :( ضاقت ولما استحكمت حلقاتها فرجت وكنت أظنها لا تفرج
بس خللي بالك انا مصطفي عبدالبر ده كلمت عيادته الشهر اللي فات لما برده كنت بادور على دكتور عدل في المنطقة قالولي الحجز باين قبلها بأسبوعين شهر حاجة كده وبيقوله زحمة مووووت فحاولي تاخدي معاد وخلاص لو في حجز بالتليفون على اساس بعد شهر ماتستنيش شهر تاني وكمان رمضان خلاص والمواعيد هاتبقي لخابيط.. بس انا دايما عاوزة اسالك في حاجة وبانسي.. هو انتي يا مي عملتي كل القصص والتحاليل اللي البنات عملتها يعني اشعة الصبغة والحاجات دي.. على اساس باسمع ان امونة وشيماء ربنا كرمهم بعديها على طول

طبعا طبعا انتم اندال محدش فيكو سئل عليا :D:D

انا مريت بايام عاصفة

التلات عملت طاجن فريك بالكبد والقوانص ونقعت القوانص والكبد ف خل وملح وميه ومنضفاهم كويس جدا ومستويين كويس والاكل كان تحفة ماشاء الله

جيت بئى اشتغلت اسهال بعد الاكل بساعتين كدا،،قلت اسهال اسهال احسن من المغص

الساعة 1 بالليل بئى الاسهال بئى ترجيع كمان ،،قلت الحمد لله رجعت وارتحت

نص ساعة الاقى مغص بيقطع بطنى كلللللللللللللللللها والبنت عمالة تخبط جااااامد

ودخلت اسهال برضه و ترجيع ومغص ملوش حل ربنا يبعدو عن اى حد يااااااارب صعب صعب صعب

لحد ما جسمى مبئاش فيه حاجة اصلا ارجعها او اسهلها بقى كله مياااااااااه وفضلت اصوت من المغص مع انى ولا بحب الصويت ولا بحب اتألم بس فعلا الالم كان فوق احتماااالى

ووصلت لانى بسهل وعايزة ارجع ف نفس الوقت اعمل ايه اعمل ايه:sick::sick::sick:
كان جنبى جردل عشان كنت ناوية تانى يوم امسح الريسبشن فجبته من البلكونة

قمت زاقة الموب وبئيت اسهال وترجييع
والمغص مستمررررررررر

جوزى كلم المركز الساعة 5 كدا قاله اديها انتينال طالما البوسكوبان ودوا القىء مش جايب نتيجة مانا برجع كله

جوزى نزل لحد المعادى بيلف عليه وجابه كنت خلاص خلصاااانة

فأخدته ورجعت برضه

كلمت المركز الساعة 6:15 قلتله مش قادرة حتى الانتينال رجعته قاللى هو مفعوله مفروض مش قبل 4 5 ساعات انتى كدا بئالك 8 ساعات بتصفى ف جسمك ومفيش حاجة نافعة لازم تيجى المركز حد يشوفك

طبعا جوزى لبسنى وعملى قهوة بلموون تمسك بطنى شوية واكلت لبان عشان القىء وكلمت ماما تقابلنى عند الدكتور

رحنا قاللى البيبى كويسة بس قالها وكأنه بيقول ماشى الحال مرتحتلوش ربنا يستر:'( قاللى انزلى على المركز تحت وعملى اوردر وادى خبر للمرضات تحت جهزولى اوضة
وعلقت محاليل:hysterical::hysterical::hysterical:

واول ما شفت الدم نازل من ايدى وهى بتركب الكانيولا جبت وراااااااااااااااا وخفت من الولادة أووووووووى :'(

وشوية كدا كتبلى روشته اد كدا وكلها ملخبطة قبل الاكل ب نص ساعة وبعد الاكل وف اى وقت 3 ادوية + دوا احتياطى كدا
والمية ممنوع عشان مسهلش وانا اصلا بعطش بسرعة:'(:'(

روحت الحمد لله المغص بئى مغصة كدا فجأة وتروح
ونمت نوم الاببببببببببببببببببل نوم رهييييييييييييييييييييييييييب وصحيت جسمى مكسسسسسسسسسسر من المحاليل والترجيع

وطبعا باكل بقسماطية ومقدرش اكملها ونص ساعة ادخل اسهاال تانى
وبالليل جسمى كان مولللللللللللعععععع سخن جدااااااااا مش عارفة اتنفس وكمادات شغالة على راسى ورجلى ومفيش فايدة

ماما كلممت المركز تانى الدكتور قالها تاخد بانادول ،،،،وانا نسفت دماغى مششش عايزة ادوية انا خايفة على البنت والله

بنت خالى دكتورة حمياات ماما كلمتها زيادة طمأنينة قالتها بنادول بتاع السخونية مش البرد آمن ف الحمل مفيهوش خطر

جوزى وبابا نزلو يلفو عليه مش لاقيين

لحد ما لقوه بس مستورد مش الازرق لاء علبة بيضا كدا للسخونية برضه بس مش مصرى
ماشاء الله نص ساعة بالظبط نمت جاااااااامد صحيت غرقانة ف المية والحرارة هديت الحمد لله

فضلت كدا اربع خميس لحد ما زهقت من الاسهال وانا اصلا لا باكل ولا بشرب اعمل ايه اكتر من كدا !!!!!

ماما كلمت الدكتور قاللها لسه !!!!!!:-o:-o:-o
خلاص تنزل تاخد الحقنة اللى كتبتها اسمها كورتيجون كولتيجون حاجة كدا ولو معملتش حاجة تيجى المركز وهنشوف نعمل ايه ساعتها !!!!
انا قلت هيضحو بالأم !!!!

نزلت اخدتها الساعة 11 بالليل حقنة غبية وكسرتلى جسمى ورحنا عباس العقاد عشان طبعا ماخدهاش ف صيدلية هنا لان كان بالليل ومفيش بنات ف صيدليات بالليل بابا قال اى منطقة محدش يعرفنا فيها:D:D

الحمد لله فضلت نايمة اربع خميس صحصحت شوية على الجمعة بعد الصلاة كدا بس الاسهال مستمررررر

المهم بئى انى لما كنت بريح من النوم واصحى شوية ههههه كنت بتسلى ف البامفلت بتاعت الادوية

ماشاء الله كلها مكتوب عليها يمنع استخدامها فى الحمل والرضاعة هههههههه

عملت سيرش على النت لقيت منتدى صيادلة كدا قايلين عليهم اوك

اهمهم ايزادوكسين مكتوب يسبب تشوهات الاجنة

بس انا قلت مش هفهم اكتر من الدكتور يعنى هو كان شايفنى بموت ومسندنى ومش قادرة اتكلم حتى لان مكنش هو اللى بيرد عليا فى التليفون كان دكتور الشيفت ف المركز تحت
حتى هو قال للمرضة امسكيها وطلعيها على السرير لانى كان باين عليا اوى ومقلعتش النضارة غير وانا بكشف عشان عينى كان باين عليها التعب ووشى كان متدمر

الحمد لله على كل شىء

اهلى هزؤنى وبهدلونى على الكبد والقوانص لان اصلا هنا بيقرفو منها جدااااااا لان لو الكائن عيان او مريض المرض والسموم كلها بتتركز ف الكبد فاحنا هنا اصلا مش بناكلها لكن جوزى بيحبها جداااا للأسف

والحمد لله اعلنت القطيعة للفراخ واللحوم وقررت اكون نباتية الفراخ تتعبنى واللحوم تبهدلنى اكل ايه طيب وانا مبئتش بحب السمك
بس عايزة اسئل الدكتور اعوض البروتين دا منين

ادعولى يابنات البيبى متكونس اتأثرت بحاجة ولا تعبت وتكون بخير كدا ياااااارب

ياااااااااه يا شيماء الف سلامة عليكي ده من ايه ده كله سبحان الله..... بس نفس الدور ده جالك قبل كده صح؟؟ ربنا يشفيكي ويعدي اللي جاي على خير بس غرييييييبة اوي هو مفيش صيدليات جنبكوا خالص كده؟؟ البانادول والانتينال بتلفوا عليها؟؟؟ غريبة اوي

مش من الكبد إن شاءالله يا شيماء هو اكيد فيرس في الجو ولا حاجة.. ولازم طبعا تاكلي بروتينات حمرا ولو مش ليكي نفس اوي كلي فول مؤقتا لحد مامعدتك ترجع طبيعيه زي الاول.. وماتقلقيش من موضوع الادويه إن شاءالله خير

انا هنا عند ماما طبعا مبحبش اللاب بتاع ماما ههههههه اصلها بتستخدم جوجل كرووم ومسيفة الباس وورد بتاعها وبتقولى متدخليش على اى حاجة عشان مبوظلهاش الهيستورى هههههه فانا بضطر آسفة ادخل من الاكسبلورر وانا بكرهه جدااااا وبيهنج ف الفيس بوك والمنتدى هنا فعشان كدا مكنتش بدخل السبت والجمعة لما فقت

المهم حماتى الحبيبة جت بالسلامة الحمد لله
وجابت للبنت لبس الحمد لله

انا بقى عاية اسئل تانى عشان خلاص هنزل

اجيب الملابس الداخلية ايه ؟؟؟ الفانلات والشايات وكدا

هى خلاص كدا ماشاء الله عندها السلوبيتات الداخلية دى يكفوها معرفش اجيب شايات ولا لاء

واجيب لحد سن كام شهر ؟؟؟

يعنى كفاية لحد 6 شهور ولكا يصغرو انزل اشترى تانى ولا انزل اخلص مرة واحدة ؟؟؟

برضه انا معرفش جسمها هيبئى كبير صغير معرفش

والصياد للبنات اللى راحو عامل زى لف & كير كدا ولا هدوم قطن بس ؟؟؟؟ عشان عايزة اجيب حاجات تانيو غير الهدوم

خلاص يا شيماء طالما جابتلها سالوبيتات داخليه مالهاش لازمة خااااااااااااالص الشايات والفانلات.. خصوصا انك هاتولدي إن شاءالله في عز الحر يعني هي اسبوع وهاتقعدي البنت بلبوووووصة :) يادوب بالسالوبيت الداخلي والبامبرز

اضحكلها تضحكلك;16118427:
ياااااااااه يا شيماء الف سلامة عليكي ده من ايه ده كله سبحان الله..... بس نفس الدور ده جالك قبل كده صح؟؟ ربنا يشفيكي ويعدي اللي جاي على خير بس غرييييييبة اوي هو مفيش صيدليات جنبكوا خالص كده؟؟ البانادول والانتينال بتلفوا عليها؟؟؟ غريبة اوي

الله يخليكى يا موئا وفعلا نفس الدور جالى من شهرين كدا بس راح لوحده والمغص مكنش شديد كدا دا كان رهيب والله اعوذ بالله

وبيتى مفيش غير العزبى نادى الصيد بس اللى جنبى مكنش موجود فيه فى جوا شوية عباد الرحمن بس عمرنا ما داخلنا جوا ولا جوزى يعرفها اصلا فمضمنش يلاقى الانتينال فيه
فنزل المعادى وشكله لف عليه برضه لان بيقولى نزلت لحد الجزائر

والبنادول كنا عند ماما وشكله مكنش موجود برضه واول مرة جبته برضه جبته من عند الشغل ملقتوش هنا

اضحكلها تضحكلك;16118430:
مش من الكبد إن شاءالله يا شيماء هو اكيد فيرس في الجو ولا حاجة.. ولازم طبعا تاكلي بروتينات حمرا ولو مش ليكي نفس اوي كلي فول مؤقتا لحد مامعدتك ترجع طبيعيه زي الاول.. وماتقلقيش من موضوع الادويه إن شاءالله خير

والله يا موئا احنا لبسناها ف الكبد والقوانص لان الفريك قمح هيعملى ايه يعنى فمفيش غيرهم والحمد لله على نعمة الترجيع والاسهال الحمد لله اان الجسم بيطرد اى حاجة وحشة مش بيمتصها فعلا ألم اهون من ألم

الغريبة ان ف كل مرة الدور يجيلى جوزى يكون آكل معايا وميحسش بحاجة الحمد لله

شكلها عين مدورة ومأورة ياموئة لان برضه اهل جوزى عندهم حوارات كدا ربنا يستر

انا النهردة اكلت فول الصبح بس عايزة اشوف موضوع البروتينات دا لانى قفلت المرة اللى فاتت ممبار واييييييييه ماما اللى عاملاه والبيت كللله أكل منه والمرة دى فراخ وانا اللى منضفاها بنفسى ومنقوعة ف خل كمااااان

ادعى يا موئى للنونو تكون بخير ،،،، الدكتور كان كاتبلى ادوية انا اصلا مبحبش اخد ادوية

اضحكلها تضحكلك;16118450:
خلاص يا شيماء طالما جابتلها سالوبيتات داخليه مالهاش لازمة خااااااااااااالص الشايات والفانلات.. خصوصا انك هاتولدي إن شاءالله في عز الحر يعني هي اسبوع وهاتقعدي البنت بلبوووووصة :) يادوب بالسالوبيت الداخلي والبامبرز

طيب يا موئا اجيب حاجات كبيرة ولا انزل كل وقت بوقته عشان اشوف جسمها اضمن ؟؟؟؟؟؟
يعنى اجيب حاجات لحد سنة وسنة ونص وكدا؟؟؟؟

وهم بيفضلو يلبسو السلوبيتات دى لحد امتى ؟؟؟؟؟

والببرونات اجيب واحدة للبن واحدة للأعشاب كام ملل ؟؟؟

اضحكلها تضحكلك;16118407:
ربنا يهيئلك الخير يا ميوي والله حاسه بيكي اوي معلش :( ضاقت ولما استحكمت حلقاتها فرجت وكنت أظنها لا تفرج
بس خللي بالك انا مصطفي عبدالبر ده كلمت عيادته الشهر اللي فات لما برده كنت بادور على دكتور عدل في المنطقة قالولي الحجز باين قبلها بأسبوعين شهر حاجة كده وبيقوله زحمة مووووت فحاولي تاخدي معاد وخلاص لو في حجز بالتليفون على اساس بعد شهر ماتستنيش شهر تاني وكمان رمضان خلاص والمواعيد هاتبقي لخابيط.. بس انا دايما عاوزة اسالك في حاجة وبانسي.. هو انتي يا مي عملتي كل القصص والتحاليل اللي البنات عملتها يعني اشعة الصبغة والحاجات دي.. على اساس باسمع ان امونة وشيماء ربنا كرمهم بعديها على طول

انت تسمعى عن مصطفى عبد البر ده يا مها انا اصلى اول مرة اسمع عنه و كويس فعلا ؟
انا عملت الفحوصات كلها ايوه و كله كان كويس و حملت اصلا بعد اشعة الصبغة ب 3 شهور

حلاوتى زايدة حتة;16118411:
طبعا طبعا انتم اندال محدش فيكو سئل عليا :D:D

انا مريت بايام عاصفة

التلات عملت طاجن فريك بالكبد والقوانص ونقعت القوانص والكبد ف خل وملح وميه ومنضفاهم كويس جدا ومستويين كويس والاكل كان تحفة ماشاء الله

جيت بئى اشتغلت اسهال بعد الاكل بساعتين كدا،،قلت اسهال اسهال احسن من المغص

الساعة 1 بالليل بئى الاسهال بئى ترجيع كمان ،،قلت الحمد لله رجعت وارتحت

نص ساعة الاقى مغص بيقطع بطنى كلللللللللللللللللها والبنت عمالة تخبط جااااامد

ودخلت اسهال برضه و ترجيع ومغص ملوش حل ربنا يبعدو عن اى حد يااااااارب صعب صعب صعب

لحد ما جسمى مبئاش فيه حاجة اصلا ارجعها او اسهلها بقى كله مياااااااااه وفضلت اصوت من المغص مع انى ولا بحب الصويت ولا بحب اتألم بس فعلا الالم كان فوق احتماااالى

ووصلت لانى بسهل وعايزة ارجع ف نفس الوقت اعمل ايه اعمل ايه:sick::sick::sick:
كان جنبى جردل عشان كنت ناوية تانى يوم امسح الريسبشن فجبته من البلكونة

قمت زاقة الموب وبئيت اسهال وترجييع
والمغص مستمررررررررر

جوزى كلم المركز الساعة 5 كدا قاله اديها انتينال طالما البوسكوبان ودوا القىء مش جايب نتيجة مانا برجع كله

جوزى نزل لحد المعادى بيلف عليه وجابه كنت خلاص خلصاااانة

فأخدته ورجعت برضه

كلمت المركز الساعة 6:15 قلتله مش قادرة حتى الانتينال رجعته قاللى هو مفعوله مفروض مش قبل 4 5 ساعات انتى كدا بئالك 8 ساعات بتصفى ف جسمك ومفيش حاجة نافعة لازم تيجى المركز حد يشوفك

طبعا جوزى لبسنى وعملى قهوة بلموون تمسك بطنى شوية واكلت لبان عشان القىء وكلمت ماما تقابلنى عند الدكتور

رحنا قاللى البيبى كويسة بس قالها وكأنه بيقول ماشى الحال مرتحتلوش ربنا يستر:'( قاللى انزلى على المركز تحت وعملى اوردر وادى خبر للمرضات تحت جهزولى اوضة
وعلقت محاليل:hysterical::hysterical::hysterical:

واول ما شفت الدم نازل من ايدى وهى بتركب الكانيولا جبت وراااااااااااااااا وخفت من الولادة أووووووووى :'(

وشوية كدا كتبلى روشته اد كدا وكلها ملخبطة قبل الاكل ب نص ساعة وبعد الاكل وف اى وقت 3 ادوية + دوا احتياطى كدا
والمية ممنوع عشان مسهلش وانا اصلا بعطش بسرعة:'(:'(

روحت الحمد لله المغص بئى مغصة كدا فجأة وتروح
ونمت نوم الاببببببببببببببببببل نوم رهييييييييييييييييييييييييييب وصحيت جسمى مكسسسسسسسسسسر من المحاليل والترجيع

وطبعا باكل بقسماطية ومقدرش اكملها ونص ساعة ادخل اسهاال تانى
وبالليل جسمى كان مولللللللللللعععععع سخن جدااااااااا مش عارفة اتنفس وكمادات شغالة على راسى ورجلى ومفيش فايدة

ماما كلممت المركز تانى الدكتور قالها تاخد بانادول ،،،،وانا نسفت دماغى مششش عايزة ادوية انا خايفة على البنت والله

بنت خالى دكتورة حمياات ماما كلمتها زيادة طمأنينة قالتها بنادول بتاع السخونية مش البرد آمن ف الحمل مفيهوش خطر

جوزى وبابا نزلو يلفو عليه مش لاقيين

لحد ما لقوه بس مستورد مش الازرق لاء علبة بيضا كدا للسخونية برضه بس مش مصرى
ماشاء الله نص ساعة بالظبط نمت جاااااااامد صحيت غرقانة ف المية والحرارة هديت الحمد لله

فضلت كدا اربع خميس لحد ما زهقت من الاسهال وانا اصلا لا باكل ولا بشرب اعمل ايه اكتر من كدا !!!!!

ماما كلمت الدكتور قاللها لسه !!!!!!:-o:-o:-o
خلاص تنزل تاخد الحقنة اللى كتبتها اسمها كورتيجون كولتيجون حاجة كدا ولو معملتش حاجة تيجى المركز وهنشوف نعمل ايه ساعتها !!!!
انا قلت هيضحو بالأم !!!!

نزلت اخدتها الساعة 11 بالليل حقنة غبية وكسرتلى جسمى ورحنا عباس العقاد عشان طبعا ماخدهاش ف صيدلية هنا لان كان بالليل ومفيش بنات ف صيدليات بالليل بابا قال اى منطقة محدش يعرفنا فيها:D:D

الحمد لله فضلت نايمة اربع خميس صحصحت شوية على الجمعة بعد الصلاة كدا بس الاسهال مستمررررر

يا عينى يا شيماء اتلف سلامة عليكى الحمد لله عدت على خير انا اصلا كنت هقولك على موضوع الكبدة ده حاولوا يا جماعة كلكوا بلاش منها و كبده اللحمة برضه لان محدش ضامن حاجة خالص و اى حاجة فى الطائر او الحيوان مرض او دوا او هرمونات فعلا بتتركز فى الكبد فعلى ايه بقى ملهاش داعى

RAINBOW2000;16118472:
انت تسمعى عن مصطفى عبد البر ده يا مها انا اصلى اول مرة اسمع عنه و كويس فعلا ؟
انا عملت الفحوصات كلها ايوه و كله كان كويس و حملت اصلا بعد اشعة الصبغة ب 3 شهور

يا عينى يا شيماء اتلف سلامة عليكى الحمد لله عدت على خير انا اصلا كنت هقولك على موضوع الكبدة ده حاولوا يا جماعة كلكوا بلاش منها و كبده اللحمة برضه لان محدش ضامن حاجة خالص و اى حاجة فى الطائر او الحيوان مرض او دوا او هرمونات فعلا بتتركز فى الكبد فعلى ايه بقى ملهاش داعى

الله يسلمك يا ميوى ربنا يكرمك
وفعلا ماما بتقولى من اسبوعين كدا بابا جاب كبدة بلدى ماما مفتحتش الطبق اصلا والله قالتله نفسى طالعة منها أووووى خدها اديها لحد غلبان
بقو بيقرفو اوى هنا من كبد اللحمة كمااان ومقاطعين اللحوم اصلا

انا لما باكل برا والله بطنى مبتوجعنيش كدا