magda 1;16114650:
لولو حبيبتي الحمد لله احمد كويس بس مطلع عيني واد رخخخم وانا يا ستي نزلت الشغل من اول مايو و بسيبه بس ٤ ساعات مع سته وربنا يهديه بقي كل ما اروح تقعد تقولي عملتيله وسويتله ده ما نمش ولا دقيقه طب وانا اعملك ايه مش ابنك هو الي داخله مش كويس عشان كده انا نزلت الشغل هو انا ناقصه بهدله و قرف و صحيان بدري بصراحه بتخنقني
معلش ياميجو كبرى دماغك طيب انا ساعات ماما بتتخنق برضو من زن عبد الرحمن وعمر وبتقعد تزعق
هما برضو كبار ربنا يعينهم لازم نستحملهم معلش وربنا يهديهالك
أجمل ايام العمر;16114706:
بيللللا من امبارح كل ما اكلمها او ازعقلها فى حاجة تقولللى امشششششى يا بت
و احنا معندناش حد بيقول كلمة بت دى خاااااااااااااااااااااااااااااااااااااااالص
انا الموضوع ده منرفزنى جدااااااااااااااااااااااااااااااااااااا منها
اكيد من التليفزيو ياهدى
يابنتى انتى متنرفزة من كلمة بت بس ربنا يستر على ولادنا من التلفزيون واللى هيسمعوه
يارب عفوك و رضاك;16115128:
البنات اللي عندهم فكرة او عملوا ربط قبل كدا... عايزة اعرف عنق الرحم كان كام عندكم؟؟؟
انا عملت قياس انهاردة و طول عنق الرحم طلع 3.2 سم ...والدكتور بيقولي المفروض يكون 4 سم ...بس لاني ما حصليش ولادة مبكرة قبل كدا او اجهاض في وقت متأخر فممكن ماعملش ربط...هو سايبلنا حرية الاختيار اعمل او لأ ..وبيقولي لو حعمل لازم خلال الفترة دي من الاسبوع ال 13 للاسبوع ال 16 ..وانا انهاردة في الاسبوع ال 14...
انا مش عارفة اعمل ايه و قلقانة...اعمل وللا لأ ...واللي عملوها بيحسوا بمتاعب او حاجة بعد العملية؟؟وبتتعمل ببنج كلي فعلا؟؟
احكولي عملتوا ايه بالضبط...
الغلاسة بقى ان سعرها غريب اوي 4700 ريال :( يعني يعادل 7 او 8 الاف مصري... مترددة اوي اعملها وللا لأ ..:(
غالية اوى يامونى بس انا رايى معلش اعمليها انا الدكتور بصراحة مقاليش كام سم بس انا صممت اعمله من قبل هو اصلا مايقولى حاجة وربنا يعينك يارب
طبعا بتتعمل ببنج كلى ولما بتصحى هتلاقى شوية مغص وبالمسكنات هتكونى تمام ان شاء الله
محبة_الرسول;16115139:
اهلاااااا
ازيك يا دينا عاملة ايه :)
والشباب اخبارهم ايييييه
عندهم اد ايه دلوقتى ؟؟
ازيك انتى يالولو
احنا بخير الحمد لله والشوباب بقوا رجالة اهم وعندهم 4 شهور
كل العيااال رخميييييييييين عاادى هههههههه
معلش يا ميجو ربنا معاكى
واسمعى وطنشى هتعملى ايه يعنى طالما محتاجة للشغل
يبقى هى تستحمل :D
ههههههههههه
بمناسبة كلام الاطفال الرخم
معاذ ابن اختى واد عنده حب استطلاع بطريقة فظيييييييعة
مامته زهقت منه ولما يسالها سؤال تقوله مش لازم تعرف كل حاجة
دلوتى هو كل ما حد يكلمه يقوله الكلمة دى مش لازم تعرف كل حاجة
ههههههههههه
واد رخمممم
ولما يرجع من الحضانة ما بقاش يحكى لها على حاجة
ويقولها بردو الكلمة دى لما تساله عملت ايه :-#
هههههههههههه عسول
ريـري;16115156:
يابنات بالله عليكوا تدعوا لصاحبتي ربنا يوفقها في العريس
هي صحبتي من ايام ثانوي بس اكتر من الاخوات وانا جبتلها عريس زميلي في الشغل انسان الصراحة محترم اوي
وهو جيه وواحد زملنا تاني عند ماما وشافها هناك بس هو نزل وهو مبسوط وهي ارتاحتله
بالله ادعوا ربنا يجعله من نصبها اصل انا من سنتين كده جبتلها عريس كان جوزي بينزله شغل واتخطبوا بس محصلش نصيب
والمرة دي انا خايفة اوي طبعا كله بتاع ربنا
ربنا يوفقها يارب للى فيه الخير
يارب عفوك و رضاك;16116188:
المشكلة يا سارة ان ممكن الربط يعمل التهابات برده و يحصل اجهاض بسبب الالتهاب...كمان انا باخد اسبرين و لازم اوقفه كام يوم قبل العملية عشان مايحصلش نزيف... و انا خايفة اوقفه بصراحة والدكتور مش محدد حالتي ضروري فيها ربط وللا لأ ... يعني هو شايف ان الطول كدا طبيعي بس للاحتياط زيادة ممكن نعمل ربط عشان كدا محتارة...وبعدين انا ناوية اولد في مستشفى تانية ان شاءالله هل لازم اللي يعملي ربط هو نفسه اللي يفكه وللا اي حد يفكه؟؟
ياريت دينا و اي حد عمل ربط او قياس لعنق الرحم و يقولي كان كام و عمل ايه؟؟ويادينا قوليلي عملتي ايه وقفتي الاسبرين وللا ايه؟؟
بصى يامونى الربط طبيعى بيحصل فيه التهابات بس انتى بتاخدى لبوس باستمرار كوقاية من الالتهابات دى اعملى اللى عليكى وماتقصريش فى حاجة وبعد كده كل شئ بأمر الله لكن ماتقوليش هعمل ربط ويحصل التهابات واجهاض لا قدر الله تفائلى انتى بتاخدى بالاسباب وكل شئ على الله
ومش لازم اللى يعمل الربط هو اللى يفكه ولا حاجة ساعة الولادة الدكتور اللى بيولدك بيفكه عادى
انا عملهولى دكتور وولدنى واحد تانى خالص
ماتقلقيش يا مونا وتوكلى على الله