التجمع الثالث لأمهات ديسمبر 2011 لشهر جمادى الاول

كيف اصبحت نومة بيبيهاتكم
انا زنوب تصحى ترضع وتنام وايام يكون مزاجها متقلب ما ترضى تنام

ام سلمى سلامتك حبيبتي ما تشوفين شر ان شاء الله اصبحتي احسن

انتي خليتي لولب لو لا
انا الدكتورة خيرتني بين الهرموني والولب النحاسي
الكل يقول لي اخذي النحاسي ولو يخربط الدورة اول ايام بس يستعدل بعدين

وينكم يا بنات ماكو احد اليوم

السلام عليكم
ازيكم يا امهات


موضوع الشهر الجديد

مظهرش عندي فتهت عنكم وديما بدخل بايدي ورجلي شغالة هز في العربية

زياد الشهر ده نومه مقلوب خالص اكتر ما كان بيبي

بينام الفجر او الصبح الساعة 8
ويصحي يرضع وينام طول النهار
ويصهلل بعد 12 بالليل ويبقي ماريف كمان وميرضاش يرضع

مش عارفة ليه بقي كده



وحكاية شكل الراس

برده حسيتها غريبة فبقيت اعمل زي سمسمة ام اياد كده
بس هو بيقلب نفسه علي ضهره ويفضل يزق في المخدة ويعيط

أم سلمى2007;16025632:

دكتورة سمسمة أنا بخير وعمار بخير الحمد لله

رونق ألف سلامة علي اولادك كيفهم دلوقتى

جوفان وإم واى يارب نسمع أحلى خبر منكم عن قريب وتبلغونا بحملكم

صحيح يابنات فى حد من عيالكم بدأ يقعد وهو مسنود

اصل عمار بقى بيتخانق معايا علشان أقعده يتفرج على كل حاجة حواليه :lol:

انيمه يعيط أقعده وأسنده على صدرى وذراعى يبقى مبسوط ويضحك

ده غير إنهم كانوا بيقولوا إن ردة الفعل اللى لما توقفيه يشد رجله ويقف

بتنتهى بعد فترة قصيرة

هو ماشاء الله عليه لسه بيحب لما أوقفه وأسند رجله على رجلى يشد نفسه

ويقف

هو كده طبيعى ولا لا ^o)

اما بالنسبة للعب بقى بيحب قوى أغنى له اغنية ماما زمانها جاية ويضحك زى

الولد اللى فى الاغنية يشهق كده وهو بيضحك :adore:

وبدأ يتمرد على لبس الحفاظ ;)

اأجى علشان البسه الحفاظة يبدأ يهرب منى ويدفع نفسه لوراء علشان يهرب

منها المشكلة إنى مش قادرة لسه أسيبه من غيرها لان الجو عندنا متقلب

جدا وشوية برد وشوية دفء

مستنية يستقر ويبقى دافى علشان أأقدر أسيبه يلعب من غيرها

DR.smsema;16025793:

يااااااه يا ام سلمى كأنك بتتكلمى على ايااااااااد بالظببببببط حتى في الاغنية دى يحبها جدااا ونفس نظام البامبرز بيهرب لما اجى البسهوله بس انا خلاص بدأت اخليه فترات طويلة من غيره

وبالنسبة للقعدة عايزة اسأل حد اطفال فيها لان نفس الحكاية يحب يقعد وممكن اقعد جنبه على الكرسي واسنده بأي حاجة ويكون مبسوط كدة مش عارفة دة صح ولا غلط فكرت اجيبله الكرسي هزاز صغير واقعده بس بعدها لغيت الفكرة

احلى حاجة حبيب قلبي يبص لايده وصوابعه كأنه بيكتشفها ويعمل حركات بيها كدة كأنه بيسبح ربي يديه الصحة ويبارك فيه هو وكل اطفالكم

بنات اللى عندها خبرة في اكل البيبيهات ياريت تقول انا مش عايزة ادور عايزة كل واحدة تقول من خبرتها هي
مثلا دلوئتي لما ادى اياد زبادى عاجبه وقابله
ان شاء الله لما يخلص الرابع مش عارفة ينفع اديه خضار او فاكهة مسلوقة ولا لا

بناااااات من امتى البيبي ينام في اوضة لوحده ؟

أم سلمى2007;16026085:

حتى عمار مع إكتشاف إيده ده

لا ده النهاردة إتطور ووصل لرجله وبدأ يسحب بنطلونه ويبص عليهم

بالنسبة للأكل مع سلمى كانت رافضة اى أكل خارجى لغاية السنة

لا خضار ولا فاكهة والزبادى ده بالعافية

وده اللى خلانى فطمتها بدرى

بالنسبة لموضوع الزبادى قريت إنه ما ينفعش الطفل ياخده بدرى كده

كلنا بنفتكر إنه خفيف على الأطفال وسهل

لكن المشكلة فى البكتيريا اللى فيه إنها قوية على معداتهم

الأفضل دلوقتى هو الخضار والفاكهة المسلوقة

يعنى جزر كوسة بطاطس كمترى تفاح موز مهروس

قريت كمان إن نقدر نعمل لهم منقوع التمر

نشيل نوى التمر وننقعه فى مية مغلية وبعدين نضربه فى الخلاط

وبعدين نصفيه كويس ونحطه فى الرضاعة

إن شاء الله هأبدأ فيه من دلوقتى مع عمار

ياااااااااااااه
موضوع القعدة ده بقي اوفر قوي

انا ضهري بيوجعني له والله
عاوز يفضل قاعد 90 درجة مش مايل علي حاجة كده
لا قاعد قاعد

ويصرخ ويرفع راسه

ايه العيال دي
طب بتطاوعوهم وقت قد ايه كده؟؟
اصل متهيالي كده غلط علي عموده الفقري




وانتو حتبداو الكل بعد التالت ولا ايه؟؟؟
مش بدري كده



انا سمعت موضوع ان الاكل بدري بيعمل مشاكل قولون في المستقبل فحاول امسك نفسي علي نص الخامس كده انش اء الله
حبدا اعلمه المعلقة
وحجرب في سريلاك الرز الاول

om lucas;16028061:
ابشركم بنت اختي طلعت من المشفى يوم السبت


راجعة الكم المواضيع حلووووووة وعندي كام سوال الكم

بس انوم لوكي

حمد الله علي سلامتها يا ام لوكاس

ربنا يتم شفاها ويعافيها



ام سلمي
قريت ان الدكتور وافق يقعد طب اقصي وقت اد ايه

مشتاقة الكم شلونكم شخباركم
جانت فترة اعياد بس بصراحة مرحنا غير بيت اخت زوجي واختي

وراح اخليكم بدلة لوكو مال العيد


انتم شلونكم شخباركم
قرايت الواجب
ام علاوي انا نومة لوكاس كلش معتدلة الحمدلله
بس الصبح يبكي هواية مرات


والاكل حابدي من الشهر الجاي بيكون كمل 5 اشهر

وقالت الدكتور الممنوع


عسل بيض لبن..زبادي..
موز..جبن لحد سنة


وفي في قسم التربية والطفل بل منتدى معلومات بل صور لااكل الطفل من 6 اشهر لسنة

ومصورة كلش حلوة حاروح اجيب الرابط واجي

http://forums.3roos.com/showthread.php?t=502511


هذا رابط صور الاكل للطفل

DR.smsema;16050691:

اهليييييييييين ام زياد

لك وحشة
بالنسبة لأكل البيبي بدأت بعد الرابع
وبالنسبة للقعدة بقعد على الارض وساندة اياد بين رجلي بس يكون قاعد عالارض بيحب كدة خالص وبأكله وهو كدة كمان
عايزة اجيب لبن بقري اديهوله او اعمله زبادى في البيت واجرب اديهوله

ام سلمى ورونق اللولب النحاسي طبعا ارخص بكتيييييييييييير من الهرمونى
يعنى ممكن النحاسي ب12 ج والهرمونى ب 800 ج ومش موجود عندنا
في النوع التانى اللى زي ام سلمى مركباه دة تقريبا ب 35 ج
طيب ايه الفرق النحاسي ممكن يقعد ل 12 سنة ومش بيسبب التهابات ولا بيصدي زي ما في شائعات طالعة عليه
بتاع ام سلمى اخره 5 سنين
الهرمونى مش فاكرة بالظبط تقريبا 3 سنين احنا عندنا مش بنستخدمه خاالص ولا عمري شفته
لكن بالنسبة للاحسن في الكفاءة الهرمونى من ناحية انه يظبط الدورة ممكن يمنع التبويض ومش بيعمل نزيف كتير يعنى باختصار السلبيات اللى موجودة في النوعين التانيين بتقل فيه
بس اذا عندنا هنا واحدة جت تسألنى بين التلاتة هقولها طبعا ما تركبش الهرمونى
لانه فرضا سبب لها اي مضاعفات زي نزيف مثلا وكانت عايزة تشيله يعنى كأنها جبته وركبته عالفاضي يعنى هي ناحية اقتصادية اكتر

وعامة احنا هنا ماشيين بالنحااسي وزي الفل
مادام الواحدة مهتمة بنظافتها الشخصية يبأى هتخاف من ايه
الواحدة بتكون مش مركبة لوالب ولا حاجة وبتيجي لها التهابات صح
وعلى حسب نوع الالتهابات اذا التهابات المهبل العادية اللى بتيجي لكل النساء اللولب مظلوم فيها لانه لا بيسبها ولا يزودها وغير كدة دة ممكن يتركب وهي موجودة
نوع تانى من الاتهابات دة هو اللى مستحيل اركب لولب عليه وممكن ازودها اللى هي التهابات اللى في داخل قناة عنق الرحم او اللى جاي من الرحم

باااااقي البناات اخباااااااااااااركم ان شاء الله خير

لسة الدورة متأخرة

الله يخليكي يا ام اياد


طب الهرموني ده موجود في مصر


انا حالتي يناسبها الهرموني عشان وقف التبويض والاندومتريوزيس وكمان ورم ليفي


بس اسمع عنه بس مشفتش حد مركبه


اما النحاسي فعندنا الستات في العيلة بيركبوه وينسوه سنين ولا عمرهم شكو منه
لكن البنات مفيش واحدة بتكمل شهر علي بعضه لازم نزيف وتشيله

مش عارفة ده عيب في جيلنا ولا في الدكاترة اللي بتركب
الله اعلم

أم سلمى2007;16051140:

منكم نستفيد يادكتورة

طيب كنتى قلتى كده من بدرى

كنت خليت امى جابت اللولب النحاسى بدل البلاستيكى

يلا عامة حصل خير

د ودعة أنا اتعقدت من تأخير الأكل للطفل من اللى حصل مع بنتى

وتعالى شوفيها دلوقتى أكلها قليل جدا وباكلها الحاجات المفيدة بالعافية

وبالضغط

علشان كده إن شاء الله آخر الشهر ده عمار هيتم أربع شهور وهأبدأ أدخل له

الأكل وحدة وحدة يعنى مرة فى اليوم ونوع واحد

وبالنسبة للقعدة الدكتور ما قاليش ممكن اقعده أد إيه

لكن يتهيأ لى أخليه قاعد لغاية ما هو يبدأ يفرك ويتعب

وبعدين يعنى إنتى هتقعديه اكتر من ربع ساعة

اكيد لا

يعنى ما تخافيش على ظهره بإذن الله

الطفل مادام بدأ يسعى لحاجة معينة يعنى هو بقى جاهز جسديا ليها

اللى بيحذروا منها الدكاترة

إن ابنك ما يكونش هو عايز يقعد وتقعديه بالعافية

ساعتها هو جسديا مش جاهز وبتجبريه على القعدة وبالتالى

هتضريه فعلا

ولو عايزة نصيحتى بلاش تأكليه الأكل الجاهز

جهوزى له اكله بنفسك

انا جات لى عقدة من كل الاكل المعبأ صناعيا كله فيه بلاوى

والاطفال دلوقتى بقوا من سن صغير بيعانوا من الحساسية والمشاكل الصحية

نتيجة الحاجات اللى بقينا ندخلها فى نظامهم الغذائى

ماهو عمار اكبر من زياد ب3 ايام

ربنا يباركلك فيه


ازياد ممكن يقعد ساعغة والله .ابوه بيقعده علي رجله وينسي خالص وهو مبسوط ومش بيتضايق

فعشان كده مبحبش اطاوعه


الاكل بقي بعد تطعيم الاربع شهور كده حبدا اجرب

اصل السريلاك عندي :D:Dفحعمل منه ونعك ونرمي لحد ماشاوف دررجة استعداده لو شغال حبدا اعمل خضار وفاكهة بترتيب دكاترة الاطفال

عندي كذا لينك لسة مقريتهمش

صحيح يا ام سلمى خوفنا الزيادة هو اللى بيعمل عند الاطفال حساسية حتى تلاحظى في الغرب خليوا من معظم الامراض الا الحساسية وعلى ايه توااااااافه
جربي بربع معلقة الاكلة الجديدة وبعدها ساعتين نص معلقة وبعدها ساعتين معلقة
وشوفي هتحصل حاجة ولا لا وبالتدريج نبتدى



بالنسبة للزبادي دكتورة لوكاس قالت ممنوع لغاية سنة
لما درست اطفال قالوا عادى من 6 شهور على اساس انه كان اول حاجة يبتدى بيها ماهو اذا كانت غلط درسناها ليه طيب؟

سلام بنات شخباركم شكرًا يا دكتورة على السؤال أنا موجودة بس انشغلت اليوم في بيت الوالد ومع خولة معاناة الإمساك بعدما بدأت معاها بالأكل زاد معاها الإمساك مع أني لحد الآن أعطيها بس ربع بسكويتة فارليز أم لوكاس بانتظار بدلة الأمير وشكرا على اللينك

اخباااااااركم جميعاً
ام مشمش وينك يييييييابت

-----


ما هو وزن الطفل الطبيعي حسب العمر ؟
يجب أولاً أن تعرفي وزن الطفل الطبيعي قبل أن تحكمي على طفلك أنه نحيل أو بدين , و يتأثر وزن الطفل الطبيعي بوزن الولادة , حالة الأم خلال الحمل , وجود مرض مزمن , و تغذية الطفل ..
 و وزن الطفل الطبيعي
(الذي ولد بتمام الحمل و بوزن ولادة طبيعي و لأطفال الشرق الأوسط حسب مخططات النمو لمنظمة الصحة العالمية)
هو كما يلي :
 
 
وزن الطفل الطبيعي المثالي عند الولادة هو : 3.5 كغ , و ما بين 2,5 إلى 4,5 كغ يعتبر طبيعياً أيضاً
وزن الطفل الطبيعي المثالي بعمر شهر هو 4,5 كغ , و ما بين 3200 غ إلى 4200 غ يعتبر طبيعياً أيضاً
وزن الطفل الطبيعي المثالي بعمر شهرين هو 5,5 كغ , و ما بين 4500 غ إلى 6000 غ يعتبر طبيعياً أيضاً
وزن الطفل الطبيعي المثالي بعمر 3 أشهر هو 6,5 كغ , و ما بين 5000 غ إلى 8000 غ يعتبر طبيعياً أيضاً
وزن الطفل الطبيعي المثالي بعمر 4 أشهر هو 7 كغ , و ما بين 6000 غ إلى 9000 غ يعتبر طبيعياً أيضاً
وزن الطفل الطبيعي المثالي بعمر 5 أشهر هو 7,5 كغ , و ما بين 6200 غ إلى 9200 غ يعتبر طبيعياً أيضاً
وزن الطفل الطبيعي المثالي بعمر 6 أشهر هو 8 كغ , و ما بين 6500 غ إلى 10 كغ يعتبر طبيعياً أيضاً
وزن الطفل الطبيعي المثالي بعمر 7 أشهر هو 8,3 كغ , و ما بين 7000 غ إلى 10200 غ يعتبر طبيعياً أيضاً
وزن الطفل الطبيعي المثالي بعمر 8 أشهر هو 8.7 كغ , و ما بين 6200 غ إلى 10700 غ يعتبر طبيعياً أيضاً
وزن الطفل الطبيعي المثالي بعمر 9 أشهر هو 9 كغ , و ما بين 7200 غ إلى 11 كغ يعتبر طبيعياً أيضاً
وزن الطفل الطبيعي المثالي بعمر 10 أشهر هو 9 كغ , و ما بين 7400 غ إلى 11200 غ يعتبر طبيعياً أيضاً
وزن الطفل الطبيعي المثالي بعمر 11 شهر هو 9,2 كغ , و ما بين 7800 غ إلى 11700 غ يعتبر طبيعياً أيضاً
وزن الطفل الطبيعي المثالي بعمر سنة هو 10 كغ , و ما بين 8 كغ إلى 12 كغ يعتبر طبيعياً أيضاً
 
وزن الطفل الطبيعي المثالي بعمر 13 شهر هو 10,1  كغ , و ما بين 7800 غ إلى 11700 غ يعتبر طبيعياً أيضاً
وزن الطفل الطبيعي المثالي بعمر 14 شهر هو 10,2  كغ , و ما بين 8200غ إلى 12200 غ يعتبر طبيعياً أيضاً
وزن الطفل الطبيعي المثالي بعمر 15 شهر هو 10,3  كغ , و ما بين 8500غ إلى 13 كغ يعتبر طبيعياً أيضاً
وزن الطفل الطبيعي المثالي بعمر 16 شهر هو 10,5  كغ , و ما بين 8500غ إلى 13 كغ يعتبر طبيعياً أيضاً
وزن الطفل الطبيعي المثالي بعمر 17 شهر هو 10,7  كغ , و ما بين 9 كغ  إلى 13 كغ يعتبر طبيعياً أيضاً
وزن الطفل الطبيعي المثالي بعمر سنة و نصف (18 شهر) هو 11  كغ , و ما بين 9 كغ إلى 13,5 كغ يعتبر طبيعياً أيضاً
وزن الطفل الطبيعي المثالي بعمر 19 شهر هو 11,2  كغ , و ما بين 9200 غ  إلى 14 كغ يعتبر طبيعياً أيضاً
وزن الطفل الطبيعي المثالي بعمر 20 شهر هو 11,5  كغ , و ما بين 9500غ  إلى 14 كغ يعتبر طبيعياً أيضاً
وزن الطفل الطبيعي المثالي بعمر 21 شهر هو 11,7  كغ , و ما بين 9700غ  إلى 14,2 كغ يعتبر طبيعياً أيضاً
وزن الطفل الطبيعي المثالي بعمر 22 شهر هو 12  كغ , و ما بين 10 كغ إلى 14,5  كغ يعتبر طبيعياً أيضاً
وزن الطفل الطبيعي المثالي بعمر 23 شهر هو 12,2  كغ , و ما بين 10 كغ إلى 14,5  كغ يعتبر طبيعياً أيضاً
وزن الطفل الطبيعي المثالي بعمر سنتين (24 شهر) هو 12,3  كغ , و ما بين 10 كغ إلى 14,5  كغ يعتبر طبيعياً أيضاً
 
وزن الطفل الطبيعي المثالي بعمر سنتين و نصف  هو 13 كغ , و ما بين 11 كغ إلى 16  كغ يعتبر طبيعياً أيضاً
وزن الطفل الطبيعي المثالي بعمر 3 سنوات هو 14 كغ , و ما بين 12 كغ إلى 17  كغ يعتبر طبيعياً أيضاً
وزن الطفل الطبيعي المثالي بعمر 3 سنوات و نصف هو 15 كغ  , و ما بين 13 كغ إلى 19  كغ يعتبر طبيعياً أيضاً
وزن الطفل الطبيعي المثالي بعمر 4 سنوات هو 16 كغ , و ما بين 14 كغ إلى 20  كغ يعتبر طبيعياً أيضاً
وزن الطفل الطبيعي المثالي بعمر 4 سنوات و نصف هو 17 كغ , و ما بين 14 كغ إلى 22  كغ يعتبر طبيعياً أيضاً
وزن الطفل الطبيعي المثالي بعمر 5 سنوات هو 18 كغ , و ما بين 14,5 كغ إلى 23  كغ يعتبر طبيعياً أيضاً
 
 
ما هي أفضل طريقة لمراقبة وزن الطفل ؟
أفضل طريقة لمراقبة وزن الطفل هي تسجيل وزن الطفل على مخطط النمو الخاص بالطفل عند كل زيارة لطبيب الأطفال و مناقشة الوزن مع طبيب الأطفال .

----

فييييييييييييييييييييييين البنات
سبرنج سول شكرا عالمعلومات

ازيكم النهاردة؟؟؟



حد نومه مقلوب زي زيزو كده؟؟؟؟:'(:'(