تجهيزات الولادة للبنات البحرين
عبيرالنرجس
17-03-2012
2,165 رد
103,256 مشاهدة
هلا دهونة
الله يسهل على اختج ويتمم علينا آميييييين
انا اللي اعرفه انه مذركير تخفيضاته العدلة في شهر واحد ، بس هالسنة مستغربة مسوين الحين ماادري هل بيسون بعد في واحد
والقهر لين تسئلين الموظفين كله يقولون لج ماادري ، خل تنتظر لنص ١٢ وتشوف الوضع
ام نوف
اتوقع مع البسكوت المالح أحلى يكون فيه معجنات ، انا سمعت جست بيرفكت انه معجناته اتم فرش يومين او ثلاثة ومجربتهم لذيذ
روشيه بعد روعة ورق عنبهم بالرمان فكرة انج تستبدلينه بالمعجنات
حصوص
اي والله اللي يشوف اغراض بوتري بارن يهون عن مذركير من قلب
شوقتوني اجوف بوتري بارن
اخاف اروحه ويطيح من عيني مال مذركير أنا كنت بأخذه عشان الكوالتي مو الشكل
لان خاطري فستاسل معين ماعندهم ههه
قاعده ااثث شقتي اليديدة ووايد مشاوير عندي و توني والدة بقيصرية و منحكره فالبيت معنه صار لي شهر وزود بس احس طلعتي صعبه
وطبعي ماحب أخذ الا اذا افتريت ع كل مكان عشان أتأكد ان خذت احلى شي وماتحسف عقب
لكن حق شقة كامله و عقب قيصرية هلشي مستحيل ههههههه
انزين يا حلوات وين احصل كبتات لو الخشب الفاتح حق اليهال؟
مذركير الاصلي كبت بابين صغار ب ٢٨٠ دينار ومستحيل يكفي ولدي فباضطر أخذ منه ٢ بيصير فوق ال ٥٠٠ دينار حق ياهل احس :$
وين تنصحوني؟
غير بوتري بارن ،، قبل مااخذ سريره بامر بوتري بارن اعرف روحي ماباقدر ايود روحي ههههه
و ال baby bedding وين احصل احلى شي؟ رحت سنتربوينت طبعا ماعجبوني و مذركير الاصلي الولاديين مادشوا مزاجي رحت تويز أر اص خذت واحد ملون حدده كيوت وناعم و حلو نفس الستايل الي. فبالي
ابي بعد شكل حق السرير الثاني والي فتويز أر اص الاشكال الباقيه بني و ازرق أنا ماحب هلون ألوان تككون حدها مالت صبيان احب الي كيوت و الوانه فرايحيه فرررش
وين احصل؟
مام تو بي
روحي ماماز ان باباز و بريمامان اللي في زينة في السيف اتوقع عندهم اللي خاطرج فيه لانه مرة شفت طقم اخضر وفرايحي مريهم وشوفي
هلا والله
مخمليات انا في بنتي سويت من جاست بيرفيكت فابي اغير هالمره , روشيه خياري الوحيد الحين واكثر شي احبه ورق عنب بالرمان اتهقين يصير اسوي نوع واحد بس ؟
انا اليوم خلاص افتكيت من جلابية النفاس سويتها عند سيكريت قطعتين وطويله سواها لي ب 55 دينار .
ورحت عند رويال بيبي فصلت لي مهاد لان في بالي شي فكرة وابيهم يطبقونها لي سوو لي اياه ب 6 دينار .
انتظر تخفيضات هوم سنتر ابي مفرش اوف وايت منهم لان مابي اقط فلوس على شي حق يوم فباخذ واحد عشان بعدها استخدمه للغرفتنا
انا اليوم عندي كان موعد انا اتابع في العسكري وناوية اولد فيه مع ان بعيد عنا لاني ساكنة في البسيتين .
بس ناويه اولد هناك بس لان عندهم ابرة الظهر واعرف ناس وايد ماخذينها عندهم وتمام كلهم مدحوها لي . المهم اليوم قلت للدكتوره ابيها عاد قالت اذا كان دكتور البج موجود لان ساعات مايتواجد الصراحة اكتأبت .
يه في بالي اغير المستشفى بس عموما المستشفيات الخاصة اغلى بوايد فقلت يمكن الامريكي سعره زين ؟
من عندها فكرة عن الامريكي ؟واسعارهم ؟
هلا ام نوف
اذا انتي بتسوين البسكوت عند بسكاتو والورق عنب من روشيه احس اوكى لانه بعد فيه حلويات
بالنسبة للمستشفى ، الحين الأسعار متقاربة ، يعني انتي في العسكري جم كانت بيطلع عليج
امممم ماادري الامريكي وايد قديم ومكانه زحمة وما في باركات مااحس يسوي الوحدة تولد فيه
عندج اللي اسعارهم قريبة من الامريكي ابن النفيس والكندي واثنينهم يعطون إبرة الظهر لانه دكتور التخدير دوم موجود وحتى لو مو موجود ينادونه لانه بتطلبينها في ملفج قبل الولادة ، بس نظامهم لازم على الاقل اخر ٣ مراجعات تكون عندهم عشان تولدين عندهم
رويال البحرين أغلى الولادة الطبيعية ب ٨٠٠ ، اما اللي فوق في حدود ال ٦٠٠ وحتى الامريكي
والتخصصي نسيت لانه رفعوا اسعارهم
انا دشيت التاسع و حده تعبو لوعة
و الحموضة لاعن قفدي
وين ماروح اخذ معاي حبوب رينية
تحت مخدتي في شيته و في الميلس و الحجرة و بيتنا و بيت يدي و شقتي
جني مدمنة
اي شي اكلة او اشربه يسبب لي حموضة
الله يسهل علينا يارب
برزت اغراض البيبي حق المستشفى بس باقي اغراضي
و التناتيش الخفيفة
احس روحي بولد بسرعة لاني مارتاح و لوية مع ولدي قومة وقعدة و لاني مب بجر فأحس بولد بسرعة
باجر بحف جسمي و بانتظر اللحظة الحاسمة خخخخخخ
فكرت اروح الحواي آخذ لي اغراض تسهيل الولادة
ضيافتي للمستشفى بتكون موالح من امبرس باخذ معجنات و باسوي اوردر ورق عنب بس مادري من وين ماقررت و كان في خاطري اخذ من بسكاتو الموالح بس هونت لان كل من سوى
خوات ريلي ثنتينهم سوووا
و اهما من النوع اللي كل الناس تقلدهم ههههههههه فهونت
و الحلاوة قلت باخذ من باتشي و بس
اما عن تزيين باب الغرفة فمستحيل اسوي ورود و نفافيخ لان مال اول و الورود مب زين تسحب الاكسجين و لاني احب كل شي سيمبل قلت باسوي اسم البيبي بالطوووول و فوقهم فراشة او وردة ... اي شي كيوت و بسيط
و جفت في الرملي محل تحت جفت مسويين فيس ميني ماوس و مكتوب الاسم فالوسط بالخشب وايد عندهم حركات حلوة و كيوت و تقدرين تحطينها بعدين في غرفة البيبي يعني تستفيدين منه ما تقطينة
يلا عطونا افكار حق تزيين باب الغرفة
ام نوف احس قبل الامريكي كشخة و اهتمام الحين صار المكان حزر مو نفس قبل
انا ان شاء الله ولادتي في ابن النفيس يوم في ولدي ولدت عندهم صراحة احلىو احسن اهتمام
عجبني تعاملهم وايد
اما العسكري و المستشفيات الحكومية بشكل عام مب شي لان شقد ناس عندهم وشكثر يهال
مايلحقون
و لازم نسمع شكاوي
تخيلي انا بنت خالة رفيجتي ولدت في السلمانية تخيلي يبون يشقونها و المقص مو راضي و الهندية عصبت تبي تشقها و تصارخ نو كاتنق ( no cuting )
تخيلوا العناية و تخيلوا حالتها فقيرة
لا مأساة
صج يومين بس اللي بتم فيها فالمستشفى و ناس تقول حرام اقط فلوس بالمئات على يومين
بس هاي اهم يومين في حياتج
ولادة و تعب بعد الولادة
الله يعين
هلا مخمليات مشكوووره حبيبتي شكلي بجيك الكندي وابن النفيس بس اتعرفين جم سعر ابره الظهر عندهم ؟
مخاوية جم طلعت عليج ولادتج في ابن النفيس ؟ وعندج فكرة عن سعر ابره الظهر ؟
مرحبا
شخباركم
حبيت اخبركم اني ولدت تاريخ 29/11 وجبت احلى عبود
ام نوف التخصصي عندهم ابرة الظهر وكأنه سععرها حدود ١٢٨
انا ماطلبتها بس صديقتي اخذتها وهالكثر سعرها
والتخصصي سعرهم للغرفة اليلوكس ٦٩٠
انا كلفتنيةالولادة تقريبا ٨٠٣
انا والحب
الحمدلله على سلامتج و سلامة عبودي
يتربى بعزج و عز ابوه ان شاء الله و يبلغج فيه معرس
مخمليات
حبي لين رحتي يطبعون لج ورقة فيها اسعار الغرف
في الغرفة العادية و لسويت لصغير و لسويت العود و كلهم احسهم صغار بس زينين يعني.
انا خذيت في ولديو في ولادتي هذي ان شاء الله اكبر غرفة و تكلف ٦١٠ جنه
المهم ان مع الاكل و الادوية يعني خليلج ٧٠٠ احتياط ماتدرين
طبعا هذا للطبيعي
اماالقيصرية ف الاسعار تختلف
اقل شي اتوقع ب ١٢٠٠ اذا ما خاب ظني
و ابرة الظهر صراحة ماحربتها و لا اعرف عن سعرها
امممممم
الكندي ارخص من ابن النفيس لان شامل كل شي
الاكل و هالسوالف
اما ابن النفيس سعر الوجبة بخمسة دينار تقريبا و هذا كله زيادة البيزات اللي تدفعينها اول شي حق الولادة بس بدون شي
بس اخترت ابن النفيس لان احس العناية افضل و المكان شرح اكثر
انتي روحي و اختاري من الحين عشان تقررين
تسلموون والله ماقصررتو شكلي بروح لهم وباخذ الاسعار وبشوف بس كله الخاصه اخاف يعطوني سعر وعقب يزيدون ويتضربون
الله يسلمكم
اذا فضيت بكتب لكم قصة ولادتي وبحط تجهيزاتي
ان شاء الله قريبا اصور لكم تجهيزاتي
هلا حبيبتي مخاوية
بالنسبة للمحل اللي في الرملي وين صاير بالضبط ما أتذكر شفت محل للتجهيزات
وعن المستشفى ام نوف الله يسهل عليها هي اللي تستفسر بس عادي من زهايمر الحمل الوحدة ما تركز
وربي يسهل عليج وتولدين بالسلامة
للي ولدو الحمدلله على سلاامتكم ياررب ويتربون في عزكم ان شاءالله وناطرين التجهيزااات
يلا ناطرين قصص ولادتكم و تجهيزاتكم
الله يعينكم ع التعب عاد الحين
المحل صار تحت كلش عند الباب عاد بوابة رقم جم مادري بس في الطابق اللي تحت كلش
اليوم مريت ماماز اند باباز في ثياب حلوة حسيتهم حق العيد وفساتين راااااقيه حق البنوتات وعندهم تخفيض 40 بالميه
صباح الخير هلا ام نوف شخبارج؟؟
انه باذن الله باولد في الامريكي وترى الامريكي احسن مستشفى خاص لانه قديم وخبره وكفايه دكتورة بانو اكثر من 30 سنة خبره وشاطره ماشاء الله عليها والي يقول قديم المبنى عادي الواحد اهم شي يدخل المستشفى واهو متطمن انهم خبره وانه عندي لستت اسعارهم بس اغلى شي اذا قيصرية وغرفة vip 1300 واذا طبيعي و vip 900 واذا طبيعي وغرفة عادية ب 600 جنه وعندهم ابره الظهر بس مكتوب السعر بروحه تدفعينه وانتي روحي راجعي في المستشفى الي ترتاحين له وجوفي اذا اوكي واصلي فيه :)
وين يصير بسكاتو ؟ ومتى اسوي اوردر الولاده ؟ وعلى جم اسعاره تقريباً ؟