تجهيزات الولادة للبنات البحرين

ابيك حبيبتي رويال بيبي ماعندهم سعر ثابت حق الطقم الكامل :)

يعني انتي تحددين السعر حسب القطع الي تطلبينها

أنا سويت ٢٨ قطعه ما شا الله و ماوصل هالسعر :)

الي انا قريته في صفحتهم ان الطقم كامل بيطلع من ٣٥٠ ليً٤٠٠
وحتى لما سالتها نفس الكلام قالت لي بس يختلف على حسبب عدد القطع

في اشياء وايد ممكن تسوينها فالمحل ماتخطر ع بالج من جذي الطقم عندهم يختلف عن باقي المحلات

يعني مثلا في لوحات ٣ سايزات و في شي غريب يتعلق ع الباب مثل الروله و في شي تعطين روحجفيه لين ترضعين و مخدة رضاعه و فساتين او جلابيات طقم مع الوان اغراض البيبي و شبشب و اشياء وايد مب الكل يسويها يمكن من جذي قالت لج هلون :)

لان في ناس يسون كل شي فالمحل و بعضهم يسون اكثر من شنطة و اكثر من مفرش و اكثر من بدله له و البيئية كولت للبيبي و للام و الخ :p

انا عندي اهم شي
المفرش و مهاد وقبعه و مال الكلينكس والشنطه
اما الباقي اقدر اتقاضى عنهم

حبيباتي مام تو بي وابيك ومابيهم مشكورين عالرد لي زيارة له ان شاءالله

انا والحب ترى وياها وحده تسوي توزيعات بعد
اذا تبين قوليلها تعطيج رقمها وجوفي اهيه شتسوين اتقول ان عندها افكار

ابيك اذا تبين هالاشيا حسب توقعاتي


المفرش٤٥ و مهاد ٥ وقبعه ٦ و مال الكلينكس ١٥ والشنطه ٤٠ يعني تقريبا ١١٠

اي الي تسوي توزيعات ما شا الله وايد شغلها بيرفكت يعني حسيت الفنشنق وايد مرتب كان خاطري اسوي عندها بس للأسف كنت مجهزه تقريبا اغراض التوزيعات كلها لان امي الله يخليها يايبتلي اياهم من برع البحرين ان شا الله فالكراتين اليايه ناويه اسوي عندهم

أنا و الحب
حاضرين أبوي

مام تو بي انا الي ماعجبني فيها
تعالي اتصلي واخذي موعد وباييب لج سمبلس و مو كل السمبلس بعضهم صور
ويوم سالتها شنو عندج بالضبط قالت لي كل شي شنو يعني كل شي
بس طرشت لي ستاند يوسف كان واي حلو بس ما يبين شنو التوزيعات بالضبط

واو قلتوا كلام وااايد ...

نور المسا شكلي بروح هالمحل الي تقولين عنه وبشوف الاغراض مالهم لاني ابي اسوي طقم من شنطة ومفرش ومهاد وقبعة وبدلتين ...هذا الطقم الثاني والطقم الاول والاساسي بسويه عند بنية من عراد ...
الا بسالج اختي يسون لي سليب باق ؟؟
ابي انا افصله عشان الثيم الي يعجبني ما ابي جاهز ..

رويال كلشي يسوون
اي شي في بالج حتى كبت حق البيبي بيسون لج اذا تبين او ستاره

السلام عليكم ،،،،. :) بكل فخر ؛ صار لي ٣ ايام اقرأ الموضوع ... صفحة صفحة .. رد رد .. ما شاء الله عليكم من جد موضوع يستأهل الواحد يشارك فيه و يستمر فيه ... حصلت منكم وايد أفكار ونصائح واستفدت الكثير ربي يبارك فيكم ... أنا حاليا بالأسبوع ٢٢ احس تو الناس على التجهيز بس الدكتورة ما طمنتني وتقول ولادة مبكرة والموضوع يخرع ...... خاصة ان عندي عيالي ٢ ربي يحفظهم ولادة مبكرة ولا واحد منهم لحقت اجهز لهم اغراض ولا توزيع ولا شي اعتمدت الجاهز حزة الحزة نظرا للظروف ..... عاد هالمرة خاطري اجهز واوزع وارتب أموري قبل بوقت عشان لا سمح الله صدقت توقعات الدكتورة اكون جهزت نفسي ... والا شرايكم؟ ،،،،، طبعا بعد العيد برتب قائمة احتياجاتي بس ابي اعرف متى التخفيضات؟ احد عنده فكرة ؟!! ،،،،،،،،،،، ادعوا لي الله يتمم حملي على خير .. وقلبي داعي لكم ....

ابتدي عيل من الحين حبيبتي
كتبي اللسته و من عقب العيد ابتدي تشترين وتمحين كل شي شريتيه
طقم البيبي فكر من الحين اي لون تبين الثييم
بخصوص التوزيعات اشتري شي ما يخترب يعني مثلا
لوشن / معقم / كوب
ابتعدي عن الجوكلت والاكل
ويالله حياج الله ويانا حبيبتي دايوشي تبينه احنا حاضرين

يحفظك ربي .... بسالكم بنات ... في تاجرات وايد في البيوت يشتغلون ويطرشون عروضهم من خلال البلاك بيري و الواتس اب ويسوون توازيع و مفارش الخ ... هل تنصحون اسوي عندهم والا المحلات افضل؟ المشكلة ان المحلات أغلى و زحمة والا شرايكم؟

انا اذا باقترح عليج باقولج محل احسن لان اكثر الناس يتعاملون وياهم اما الي في البيوت فنادرا
يعني انا مثلا اعرف وحده في عراد تسوي هالشغلات
لو بتسالين ١٠٠ بنت يمكن محد يعرفها الا انا
اما اذا في محل فبمجرد انج تكتبين اسمه او المكان وبيردون عليج
وتقدرين بالرصيد اتحددين كلشي وقت التسليم مثلا

بس مو معناته انهم كلهم مب زينين الي يسوون في البيت
بس المحل اظمن

ابيك ماقصرت واهلين فيك ويانا

اختي المفروض من قبل مبدية عشان مايصيدج ضروف مفاجأة وماتكونين مجهزة شي ...
بعد العيد طلعي بس لاتعبين روحج شوي شوي وكلهم ينقضون بسرعة

سالفة شغل البيت انا ما احب هالاشياء بس جربت من عند بنية من عراد ومثل ما قالت ابيك محد يعرفها بس شغلها مرتب ..والسعر مناسب
وتقدرين تروحين لها او اطرشين الثيم واي شي عبر التلفون ...والتوزيعات ما احس يسون كلش انتين اشتغلي عليهم او وديهم محل لان ياخذون دبل السعر ...بولدي كنت بخلي تاجرة تسوي لي تخيلي تبي الحبة ب500 فلس وانا سويتها بروحي باقل الفريم ب200 فلس والكاكو افضل نوعية وادري بطعمه كلفني كااامل بالستاند 50 دينار ...

حتى الثياب مو كل قطعة مثل الصورة مرة انصدت بهالشي طلبت بدلة لولدي شكلها يهبل في الصورة وصلني واااو تلوع الجبد ماتسوى دينار ..ومنها تادبت ما اخذ شي الا لما اروح اعاينه عند صاحبة الشي وما اخذ السوق احسه ارخص ..



والله شرايكم في كلامي

انه رأيي من رأي خواتي المحلات اضمن لج من ناحيه الاستلام و الدقة

=abeek o ma2behum
=ام القمر علي
=بنت اللوزي. :D والله رأيكم صح .... :confused: أنا بس فكرت فيها كدعم ... الله ييسر واخلص اهم الأغراض بأسرع وقت اما الكماليات فيتكون اخر اللسته ...

بنات من مرت هالايام على تويز أر اص ... سمعت تخفيضات ؟ اللي عندها فكرة الى متى التخفيضات وهل يسوى والا لا تخبرنا مشكورة ....

السلام عليكم

اي والله يبي لينا احد يخبرنا باخر التخفيضات لان محتاجين نشتري اغراض للبيبي والتخفيض افضل عشان نستغل الفلوس عدل ..

خلص موسم التخفيضات على ما اعتقد بس انا سمعت ان مذركير الشايع
بيسوون عقب العيد واذا صار بخبركم ان شاء الله
بالنسبه لتويز ار اس انا الي اخبره ان في كورنر كلش صغير حق اغراض البيبي فشنو تشترون منه ؟!!