تجهيزات الولادة للبنات البحرين

اي سديم عنده أطقم حلوه
حق البنات مره جفت شي وايد حلو ع برنسس كلش ماكنت متخيلته من سديم


اي حسيت أني اختفيت ههههههه الموضوع صار شوي هادي اخر فتره وويا رمضان. تجهيزاتي اخر فتره انشغلت بس وايد وحشني الموضوع و البنات


اليوم كتبت رساله حق ولدي توصف شعوري و شي من هالقبيل وايد حلو الإحساس بنات أنصحكم تجربونه

والحلو ان لين يكبر او تكبر تراوونهم ،، ممكن تحطون الرساله في البوم البيبي مع صور الالترساوند و صوره اول ماينولد و صور تجهيزاته و تخشونه له لين يكبر وايد بيستانس :)

انا ميمعه صور الاترا ساود كلمره جم همره وتاريخه والوقت والالبوم الي يايبين لي
فيه اسجل اول ضحكه وتاريخها ووقتها
اول كامه وتاريخها ووقتها
وهم طوله و ووزنه اول ما بنولد
و احط هاي اشي الي يحطونه في يد البيبي الي عليه اسمه
عاجبتني فكره الالبوم

الله يتمم لكم بخير وتفرحون بشوفة ضناكم


خيو abeek o ma2behum
فكرة كلش حلوة ...انا جذي من اول صورة التراساوند لين اخر وحدة وعندي سيدي وصور لوجهه ...مثل الساعة مالت المستشفى وكرت الولادة الي ينحط بالسرير كلهم بالبومه ...
وعندي صورة اول ضحكة وطبعا عليها التاريخ والوقت ...واول مرة تحرك ...واول مرة قعد وحبى ومشى يعني كلشي عندي له ذكرى ...جهزي الكاميرا لكل اللحضات الحلوة ...

شموع وين اقدر اوصل المحرق بعيد عنكم بس اسمع ربعي وجيرانة يقولون سوق المحرق عجيب في التسوق ...يبي له روحة امرج ونروح شرايج خخخخ

تبديل الكفر مال السرير في حدود 25الى 35 واذا تبين رقم الي اعرفها في عراد قولي لي ...

فكرة التوزيعات احب هالسوالف ما تنقط والكل يستفيد منها ...وفكرة منتجات جونسون حلوة بس انا اعرف ناس وااايد ما عندهم عيال ومب حلوة اعطيهم هالتوزيعة
بفكر بشي ثاني فكرة الكوب حلوة بعد وحصلت واحد يطبع عليهم الثيم ب1500 ...وطبعا توزيعاتي بتكون شغل ايدي والستاند بعد ...


سالفة السوق زوجي خبرة بكل شوارع البحرين ...بحكم شغله قبل لما كنت اجهز لولدي ما احتجت نصايح من احد او يدلني لاي محل احسه خبرة وااايد كانه مجهز عيال من قبل ...
ولحين من يدل مكان يقولي عنه ..

مام ما اعرف عن الأسعار بالضبط بس ارخص من رويال بيبي
يصير المحل في عالي كانج رايحه نفق بوري اهو المحل يكون ع يدج اليسار

ام علي
يالله حياج ترى سوق المحرق وايد حلو بس كلا زحمه ومافي بارك هههه
وصج سالفه التوزيعات تخسرين فلوسج على شي يستفيدون منه احسن من شي ينقط

باعرض لكم تجربتي للي حابه تستفيد:
توزيعات الولادة من chooco moco في محرق توزيعات روعه واسعارهم حلوة.
طقم الولادة درت السوق مافي طقم اقل من ٢٠٠ دينار ، خذيت طقم من كارث بلانش ب٢٥٠ ، وعارضته للإيجار ب٨٠ ، للعلم استخدمته مدة اسبوع فقط وفي حاله ممتازة جداً.
الولادة في مستشفى الملك حمد ، المكان ممتاز و المعامله بعد.

وتذكرت الضيافة من سعد الدين ، والكب كيك من ميري كيك في بكوارة وايد حلو على ٣٠٠ فلس الحبة.

جوكو موكو يصير اي صووب ؟

اذا انتي يايه من صوب رامز محرق على يمينج تروحين سيدة اطوفين الدوار سيدة تاخذين التقاطع يمين بعدين تلفين يسار يتجوفين روضة على يسارج ويمهه المحل.

مشكوورة ابووي

السلام عليكم

انا المرة الي قبل ما خذيت طقم نفاس ولا شي مفرش يناسب الثيم الي انا اخترته هالمرة باخذ مفرش ا ابيض او وردي او ازرق سادة من جزيرة المفارش وبوديهم عشان يحطون الثيم الي ابيه ...وطقم البيبي وثياب ولدي وثيابي كلهم بخليهم يسونهم مرة وحدة بكون السعر اقل واحلى واي شي تبينه ..


شفت اطقم نفاس واسعارهم 200 وكلها اسبوعين وبس وبعدين بينقط .



التوزيعات جوكو موكو شفت توزيعات خالة زوجي ماعجبوني بس الشوكولا لذيذ... دلمون لشوكولا الضيافة وعندج ليلوز وسعد الدين بعد لذيذ الكب كيك مالهم
المعجنات لحين ما استقريت ...ابي مكان حلوة معجناتهم شرايكم بالشغل المنزلي عند ناس في البيت يسوى ؟؟

انا سويت ضيافتي في بسكوتو
دلمون جوكليتهم حلوو

انا بعد الطقم خذيت فراشي ابيض ساده من جزيره المفارش وخذته بو نفرين عشان اقدر استخدمه بعدين
لان ببنتي خسرته للحين مقطوط ما استخدمته حرام
و باقي الطقم خذت السله من مذركير وسويت نفس الثيم الفراش و الثياب البيبي ومالت المرضعه في رويال بيبي
ما يحتاج اسوي اشيا اكثر وهي كلها جم اسبوع وخذت سلال مثل لون الثيم عشان ثياب البيبي لان اوردي عندي في البيت كبت كبير للثياب

والضيافه الحلاوه وصيت من دلمون وسوسويت وميري
و الموالح وصيت من جناحي وسوسويت لان تبقى موالحهم شهر
ومايحتاج اسوي فطاير لان ما تبقى وايد واذا بارده
ما تسوى احد يأكلها

نسيت اشتري جووووكلت او اوصي
بس سويت عقيلي ومكس موالح

صباح الخير خواتي هاي اول مشاركه لي معاكم بس حبيت أخذ رأيكم في اخر كولكشن لتوزيعات للولاده ً وشنو الأستايل الدارج هالايام لمفارش النفاس ، وآخر سؤال لو ما عليكم امر شنو الثيم المناسب لمولود لبنت ،

بنت اللوزي
الحين هابين في
الفواكه المجففه في بوكس
مناكير
قلوسات او حمره ورديه
ميني معقمات بروايح حلوة من فيكتوريا سكرت وباث اند بدي ووركس مثلا
ميني صينيه فيها جوكليتين و مغلفه
طقم عدة الاظافر يعني بوكس فيه مقراض مبرد مقص
مناظر في بوكس
دفاتر صغيره
ميداليات

بالنسبه لثيم
مثلا فراولة برنسس ميني ماوس

تسلمين حبيبتي على ردج والله عطيتيني أفكار حلوه

عجبتني فكرة الفواكه المجففه بس يات متااخره

حبايبي من أتعرف محلات يحطون الثيم على الفراش ?

بنت اللوزي اقري مشاركتي يمكن تستفيدين

باعرض لكم تجربتي للي حابه تستفيد:
توزيعات الولادة من chooco moco في محرق توزيعات روعه واسعارهم حلوة.
طقم الولادة درت السوق مافي طقم اقل من 200 دينار ، خذيت طقم من كارث بلانش ب250 ، وعارضته للإيجار ب80 ، للعلم استخدمته مدة اسبوع فقط وفي حاله ممتازة جداً.
الولادة في مستشفى الملك حمد ، المكان ممتاز و المعامله بعد.
وتذكرت الضيافة من سعد الدين ، والكب كيك من ميري كيك في بكوارة وايد حلو على 300 فلس الحبة.

بالنسبة حق كتابه الاسم في محل في مجمع الريم نسيت اسمه يكتب الاسم على اي شي تبينه.