تجهيزات الولادة للبنات البحرين

أبيك ليش اشفيه طقمج؟؟؟
جوفي اشراقه رضيع في سبوعين اجهزون لج
انا سويت فراش من عندهم حلو خياطهم

بنات رحت اليوم ابن النفيس شكلي بولد هناك بدل ما اعور راسي واروح السلمانيه او مستشفى الملك حمد وما احصل جانس
تقريبا الولاده الطبيعيه تطلع ٦٠٠ دينار
اذا عندج ع الاقل ٤ زيارات في المستشفى

اي ورحت لرفيجتي عشان الجلابيه أهي ماشاء الله عليها تصمم وتسوي وتبيع
تصمم لج موديل ع الي يناسبج راوتني موديلات عندها نعوووووومي وايد
يناسبنا إحنا لضعاف
فالحمد الله فتكيت من الجلابيه
باجي البجامات هههه

أبيك

اي اذا مسوية طقم من قبل وايد بيصي عليج بس قلت من باب الاحتياط لو توهقتي ع الاقل مفرش او اذا كلش كلش روحي السعوديه اخذي بارز ترى جفت فالنت اشيا من السعودية بارزة و راقيه (نادرا جدا جدا مايعجبني شي فمن جذي استغربت ان عجبوني) :p


وصج ليش بتغيرين طقمج شصاااار ؟!!!!


شمووووع
انقذينا الشيخه نصنا متوهقين فالجلابيات

وين محلها و اذا عندج صور شغلها

دام ناعم و راقي و سعره زين يعني عز الطلب وينه عنه من زمان :p

اخس شعور فالدنيا

الدراسة فالحمل

ظهري صج صج تكسر


:( وهالامتحانات ولا تخلص وتريحنا

الله يهداه راعي المحل
عطيته الصورة الي ابيها
وامي قالت له يسوي لي بالضبببببببط نفس الصورة
اهوا سوالي الي ابيه بالضبط بس الفرق بين اللي فالصورة التطريز
المفروض يكوون عوود تطريز الصورة بس اهوا سوالي التطريييز وايد وايد صغير كبر الصبع يعني
مايبين ان كل شي يعجبني وقلت معلييه ناعم
بس ريلي ما اعجبه ونفس الشي امي ماعجبها بس قالت لي زين << يعني مش ولابد
وخليته وعاادي امس يوم ابرز اغراضي الا اجوفه ماعجبببببببني وحسيت ان صج مب حلو
بس دققت في راسي اغييره

وسرير الياهل على اساس بسوي لي شي معين بس للاسف ماحصلت قطعه نفس الي ابيه فالحين ابي اسوي لي
شي والمشكله ان ولاشي عاجبني

mum to be;16128374:
اخس شعور فالدنيا

الدراسة فالحمل

ظهري صج صج تكسر


:( وهالامتحانات ولا تخلص وتريحنا

الله يعييينج ابوووووي

shmoo3 alamal;16127787:
انا الجلابيه حسمت أمرها قلت لرفيجتي تسوي ع ذوقها
لان كلش ما اعرف أخيط ولا عندي موديلات ولا اعرف أخذ خلق

باقي لي اخلص اغراضي تناايش والتوزيعات الي مسوين لي ازمه
والمستشفى

بنات تعرفون مطابع يطبعون ع الاقلام وهالسوالف واذا تعرفون في السعوديه بعد وايد زين
رحت مطبعه السامر مايسوون ورحت مطبعه قالوا لي لازم كميه كبيره

اختي في مطبعة في سترة الصناعية اسمها مطبعة الاتحاد .. رحت سويت عندهم طباعة على الشرايط باسم البيبي واذا تبغين رقمهم بعطيش اياه

ابيك ومابيهم ..
انا فصلت لي فالسعوديه في سوق الدمام .. محل اسمه حسام
وواللي يمه محل اسمه بيبي هاوس
انا سويت في حسام .. وو فصلتلي تقريبا الطقم كامل .. وقالي يجهز بعد اسبوع او بعد احتمال قبل... جربيي روحي..

..-- وبعد انا قلتلج من قبل فصلت في محل في بوكواره اسمه فارنا يمكن مب متاكده من الاسلم عدل .. وبعد باسبوع مادري اسبوعين جهزه .. والريال صاحب المحل بحريني كبير فالسن وعليه حلـيو يقولج عادي اي شي تبغين اسويلج اياه .. وسعره رخيص ب 27 دينار .. 270 ريال .. ( الشنطه+ هاي مال البيبي اللي يشيلونه فيه )

مامي
ان شاء الله اول ما يجهزون بحطهم لكم ويمكن يعجبونكم ترى ماياخذون وقت بالكثير سبوعين

محد يسوى عطيني رقم مطبعه الاتحاد

شموووع
مشكووووره :)

بنات باسألكم اشراقة رضيع و ربعه و المحلات الي فالسعوديه

قط جربتوا تسون عندهم الكولت مال سرير الام الي في فترة النفاس او المستشفى ؟
تعرفون بجم يسونه؟واذا الخلق مالهم زينوله يحبب ويبين قديم ويا الغسيل
في رويال بيبي غالي فقلت ما بسوي الكولت من عندها ابي محل ارخص لان ما بستعمله الا جم يوم

مام تو بي
كلللش ماعندي فكره عن الكواليتي مال قماشهم،انه مثل سميته غلاي فصلت لي فالسعوديه
انشالله يفيدونج البنات. حبيبتي :)

بنات انه ليلحين متغربله ويه الكأرتات مال التوزيعات :(
خاطري اسوي هم دواىر و كل ما اروح مكتبه يقولون لي بنطبعهم و انتي قصيهم و اكيد بيصير مبهد إذا قصيتهم ويه مقص :| مادري شاسوي اللي تعرف مكتبه يسوون كارتات دوائر خبروني، و ماعليكم امر يفضل مكان في مدينة عيسى او مدينة حمد مني لإنه محرق ماقدر ارووووح :'( بيتنه اخر الدنيه دوار 20 خخخ

مامي
ما اعرف عن الكولتي بس بروح أخذ لي من السعوديه ارخص
لان رحت دبنهامز جفت واحد ابيض حلو وعجبني بس سعره واااايد
وهو ابو نفر ونص يعني ما بستفيد منه حق بعدين


علايه
جوفي مطبعه كرستال او المطبعة الي يم صيدليه البيان
وجوفي محلات السيارات مثل ما سوت عيون

شخباركم بنات البحرين
أنا عضوة جديدة بينكم واتمنى تساعدوني

ابي محلات تسوي لي التوزيعات وتكون اسعارها معقولة ومناسبة

والله يسهل علينا وعليكم .. ويتمم على خير

ضووء
انا حالي من حالج
السعوديه ارخص

بالنسبه لتجربتي بخصوص اشراقه رضيع هل مره سويت مهادات البيبي من عندهم لاني جربت بولدي سويت واحد كاان فضيع ويضبطون التطريزه عددل .. وخلقهم كولتي والاسنفج كولتي يعني صدق مريح للبيبي ومريح للام لما تبي تحمله يعني ثابت

مشكورين بنات ماتقصرون


أنا سالت عن الكولت بس يعني كفر اللحاف ماعرف شيسمونه بالفصحى :p


باقي أغراضي كله باسوي عند رويال بيبي بإذن الله

الكولت مال المستشفى مابي شي بارز ابي شي يشبه ستايل رويال بيبي و باراويهم اغراضي عشان يسون لي طقم الكولت ويا اغراض البيبي

اذا فاليسعودية يصير يسون لي بس الكولت مال سرير الام و نوعيتهم زينه و بجم يسونهم

يعني الخبر بيرفكت الدمام مادلها عدل بس يلا معليش الرياض اخر خيار بس اذا مكان اجرب افضل

شمؤوووع
حبيبتي وين اتصير مطبعة كريستال و المطبعه اللي يم صيدلية البيان؟
&#65154;&#823;&#823;يُ منطقه اقصد؟

عَـلآايـّه;16130098:
شمؤوووع
حبيبتي وين اتصير مطبعة كريستال و المطبعه اللي يم صيدلية البيان؟
&#65154;&#823;&#823;يُ منطقه اقصد؟

اختي يصيرون في جد علي
كريستال صايرة بالضبط عند الدوار اللي قريب من المعهد الحديث وصوب الدوار برادة طشاير ومحل فساتين اعراس
والمطبعة اللي صوب البيان قريبة منهم بعد تاخذين الدوار يمين اذا كنتين جاية من صوب مجمع مدينة عيسى وسيده اول لفة يمين والمطبعه بتكون على ايدش اليسار تبين