تجهيزات الولادة للبنات البحرين

انا من وجهة نظر شخصيه ولاني ام صغيره وهل دشاديش مايعجوني ابدااا وماحسهم عمليا
ماخدت ولا وحده
اخدت كله بجاامات ومعاهم روب بستخدمهم عقب وبيبينوني صغييره ومعاهم شباشب بعد
بولادتي الاولى سويت جذي واكتشفت اني لو زيدت بجامات احسن بعد لانه الوحده تتوصخ ساعات حليب وحاله وتتطر تغيير ومريحين بعد الولاده لانهم قطن يعني هيك شي والحين لو اخم السوق بجامات احس بعد ابي وتحطمت بخصوص زارا !! كنت اظن سيل صج طلع خراطه !

مس شوقر

انا بعد ام صغيرونه عمري اقل من ٢٠ سنه :o:p

بس انا رأيي وسط ابي ثنتين حق المستشفى وأقيم لين بيوني الناس لكن باخذ أشئت ناعمه مو الي فيها كش كش و هالسوالف و معاهم روب او لتسويات يد طويله عشان اذا بيدش دكتور وله عامل وله شي احتياط يعني

لكن حق باقي ايام النفاس باخذ بجامات نعومي الي قطن منزلين اشيا فوشي و ازرق كيوت الي تاخذين برمودا بروحه و تركيين له اكثر من تيشيرت و في طقم معاهم شبشب خصوصا هالكولكشن وايد حسيته كيوت

فباركب لي جم بجامة حق البيت و باخذ اطقمهم القطن بعد الي بارزين بجامه و روب و شبشب

و ناوية اخذ من اويشو الي فالسعوديه بعد هالاشيا الكيوت حق البيت مريحين. اذا بيوني خالاتيو عماتي كيوت شكلهم فعادي اقعد أبهم مو جنهم بجامه جنهم بدلة بيت مريحه


بس اذا بيوني ناس ما اعتقد باقعد بذلين بالبس فساتين الحمل ماخذتلي اشيا راقيه و مريحه حق العيد حق ايام الحمل اقدر البسهم

لكن للمستشفى عيزت ادور اشيا نفس الي فبالي مب لاقيه


يايبين لي جلابيه مغربية بيضه و فيها شغل كلش كلش ناعم وايد حلوه تصلح حق اذا احد بيزورني خصوصا اذا توهقت بس احط الكلوي فوق راس فطر ما ايبون لي شيلتي


وايد راقيه و شكلها يشبه قمصان النوم من زود ما شغلها ناعم لاقصى حد خصوصا انها بيضه بس احس وايد صعب الرضاعه ابها من جذي كنسلتها من بالي


ابي شي مثلها لكن بازره ههههههه :p

عيون حلوووين الجلابيات
وانا رأيي حلو ان تلبسون جلابيات لاستقبال أفخم واحلى من بجامه حتى لو كان عليها روب

الي تعرف عن مستشفى الملك حمد تخبرنا ابي أولد فيه بس انا مب من المحرق بس بيت أبوي هناك يصير
ولو بدفع لهم جم يكون
او الي عندها رقمهم تسدحه هني

يعطيكم الف عافيه كروششششات :)

مام تو بي انه بعد ماما صغيروونه اقل من 20 :!!:
انتي شكلج مو من صوبج شغلات تفصيل و جي ،انه افتر مخي ادور جلابيات نفاس ناعمه حدها و مالقيت ،لين اضطريت افصل لي حسب مززاجي و افك روحي :p
و عن البجامات انه بعد خمخمت لي شكثررر بجامااات احسهم اريح للحركه و اضبط للقعده
خذيت من رد تاق و ماكس و ماركس و جم وحده من حبيب قلبي مشوار :lol:

الحين مفروض ابرز شناط المستشفى و حدي متكيسللللللله :|

شمووع اعتقققققد ان عادي مو مكتوب ف الجريده انحق اهل المحرق بس
مكتوب ان افتتحو طواري الولاده
اصلا انتي لو رحتي العسكري وفيج ولااده خلاصايولدونج لايقولون ذي ولا يقولون ذاك
فحزت الحزه مااعتقد انمستشفىبيقولون لج ما بنولدج

بخصزص سيل زارا حدده خررررطي اصلا ما اتذذذكر اني جفت عليه سيل
بس دشيتتطمشت على ثياب اليهال وماعجبوني هالمره

وجلاببات الرسبشن مال الولاده انا بعد مب شاريه لي بافصل لي ثنتين ميني جلابيه وباخليها ساده وفيها رسمه
او شريطه او اي شي بسييييط وباخليه يسوي لي ازره من جدام حق الرضاعه

حق بيت امي بامير لي بجامات عاديه فطن

ولين بيوني نااس باخذ لي جمن وحده بارزه منرد تاق انزين يعني من بييني فالنفاس

عمااات ريلي ممثلا ايون بيت امي ؟ ولا لين رديت بيتنا ايوني

ماعرف هالسوالف

ان شاء الله يمديني باجر اروح اسأل المستشفى أأمن لي مكان ههههه
ابي احد يصمم لي بطاقات ولغراش الماي تعرفون محل أسعاره زينه
اخوي يعرف بس نحاسه مابي اقوله عشان ما يعرف الاسم ههههه

شموع باجر اليمعه

احس تروحين بيوم دوام عادي وايد احسن واذا صار وسالتي لاتنسين

ساليهم عن الحجر زاذا يصير تجوفينهم او لا وسعر الحجر

وهيك يعني ومنكم نستفيد انا كل يوم اقول باجر وباجر بس ماعندي وقت

علاية

اي مااحب افصل احس يصير جنه جلابية بيت مال عيايز :p

مايصير مرتب احس

لا ناوية اخذ بجامات من نعومي و اويشو و يمكن ومنس سيكرت احس ارقى شي يعني مال مكس ومشوار و هالاماكن ماظن باحصل شي راقي يصلح اذا فجأة ياووني عماتي وله خالاتي :p.. مادري ليش مارتاح نفسيا اذا البس من هالاماكن حتى لو جدام اهلي الي كلش كلووز:biggrin:

بس مثل ماقالوا البنات حق المستشفى أرقى قمصان نوم فناوية اخذ لي جمن وحده

عندي وحده باعدلها عشان تصير تصلح للرضاعه و باخذ لي غيرها ٣ احتمال اخذ من نعومي و استرهم بطريقة ما :p
اعرف روحي م بارتاح الا اذا خذت بالضبط نفس الستايل الي ابيه ههههههه و الباقي اذا كلش توهقت باخذ جلابيات الي كلش ناعمين شيفون بيج او أوف وايت. باعدلهم بحيث يصلحون حق رضاعه

اممم اذا تبون انا عجبتني جلابيه تهبل في ماركس اند سبانسر تصلح لاستقبال معاها روب فضييعه بس سعرها بروحها في الخمسين والروب ماتذكر بجم .. بس فعلا تصلح

لا بو خمسين وايد الصراحه
كفايه انها بتتلعوز والحاله حاله انا عندي اشتري ثنتين بسعرها احسنلي

مام تو بي

الحين لين خذيتي خلق ع اللي يريحج و الدانتيل و الشرايط اللي يعجبونج و وديتيهم خوش خياط
شلون بيصيرون مال عيايز بالعكس بيطلعون ع اللي تبينه و اللي ف بالج بالضبط، و لو ييتي لجهة الكواليتي مثل الشي اثنينهم إذا دمرتيهم بيندمرون و إذا حطيتي بالج مابيختربون:p

بنات وين احصل السلسله اللي تيود اللهايه/مصاصه/سهايه ف ثياب الياهم علشان ماتطيح؟
سنتربوينت.ماعجبوني اللي فيه وماجيكت في مكان غير اساساً لأني كنت ناسية الاختراع:lol:

بخصوص حبل الهايات جيكي مادركير الاصلي ورد تاغ

اؤكي مشكؤوره حبيبتي :)

ووولكم بس ترى مانصح احد بالهايات وماكو اي دكتور ينصح فيهم !

علاية امي تقول لي نفس الشي

بس مادري ماعمري فحياتي لبست جلابية غير فالقرقاعون احس مادري شلون بيصير شكلي ههههههه بس اذا توهقت الحل بيكون اني افصل مثل ما قلتي

الحبل مال اللهايه انا أخذت من الولو هايبر ماركت
عندهم حلوين
الجلابيات الي عندها موديل تحطه
ووين تخيطون انا اروح الغادي الي في المحرق الي يم حلويات جناحي
بس أسعارها بعد فوق مؤ رخيصه

انا للحين مافكررررت
اصلا احس اني ماراح البس جلابيات النفاس مادري شلون شكلي بيكون
وفيتفس للشي الصراويل القطنيه والتيشرتات مبعمليين صج ان مريحين بس شلون بارضع الياهل

اختي ابيك وماابيهم في تي شيرتات مفتوحين من قداام وبكثررره انا عن الجلابيات احس نفسي بدون ثياب هههه مارتاح فيهم ابد اساسا مو متعوده على هل امور ثياب الطلعات والدراسه كلهم كاجول وجينزات فابدا مو متعووده