بيتنا الثاني والعشرون ربات منزل متفائلات منجزات اخر روقان

مساء النظااااافه
انجزت المطبخ
باقي الثلاجه. بكره
ماقدر اشتغل لاني اتعب
غسلت حمام الحريم بمنظف جل العملاق
باقي الكوي اكثر من 20 قطعه:'(
مين فيكم عندهااا كوي نتشجع مع بعض
وننجز
صح ماحصلت شغاله تجي للبيت
لازم زوجي يروح لهم وهو كسووول:-!
دانه بقلبه كانت هنا

دانة انا
بشترك معاك
عندي كوي
شرايك نحدد وقت نخلصصة

اللهم انصر اهل سوريا نصرا عزيزا

اللهم اشفي مرضاهم وارحم ضعفائهم وتقبل شهدائهم

اللهم احقن دمائهم

اللهم انصرهم .. اللهم انصرهم .. اللهم انصرهم

حسبي الله ع كل ظالم

الله يرينا فيه عجائب قدرته

http://go.3roos.com/cvygbw8sw2y

الرابط فيه مقاطع تدمع لها العيون وينفطر القلب

اللي ماتقدر تتحمل لا تشوف بس تسمع النشيد

حسبي الله ونعم الوكيل

ام ملوحه
وش ريك بكره
انا ببداء العصر وانتي شوفي الوقت المناسب
نرجس
الله لايحرمك من امك يارب
ويهدي اخوك ويبعد عنه عياااال الحرام
عجبني ردك بلعكس خلينا كذا
بدل الركوووود

جوجو
وينك عسى خيييير

وتر
وش قصدك الملابس او المواعين
اذا الملابس انا مثلك ثلاث ايام
اكثر من20قطعه:(
والحين الكوي

بطلع فيني نوووم
تصبحون على حب وسعااااده
دانة بقلبه كانت هنا

ماشاء الله عليكم كذا الحماس والا فلاااا
موووفقين

السلام عليكم

أي والله فااقدة جداويا وبقووووة
عسى المانع خيير


يومياتي
بسيطة على قدي ^^
ترتيب وغسيل مواعين
ومسحت شباك المطبخ من الغبار
والمكروويف وخلفه وحوله وبس
بكرة بتسنع أكثر إن شاء الله


وتفائلو بالخير تجدووه =)

اللي يحبون (التسريحات وأمور الشعر)
من بحثي في اليوتيوب
حصلت قناة حلوه كلها تسريحات
لثنتين خوات توأم
سهله ونقدر نسويها في البيت

أكتبو في اليوتيوب

luxy hair

بس خفضو الصوت فيها موسيقى


:::

صبآح الخير..


وصال النور نورك غلاي:L:



يومياتي واخيرااا:thumbs_up:
..


بعدماودعت ولدي الله يحرسه
رغيرت للصغير ورضعته وقام ولدي فطرته ورجعت نمت
قمت الظهر فتحت لولدي واكلنا فواكه ودخل زوجي ينام هو وولدي
روشت ولدي الوسطي وسويت ساندويشات وشاهي نعناع
اكلنا بعد العصر وعجنت عجينه العشر دقايق
سويت منها بيتزاء وسينابون وسلقت ذرة كامله
وكملت القهوة تقهوى زوجي وطلع معزوم
تقهويت عند بدايه وقعدت اذاكر لولدي لين صدععععت
وولدي الوسطي تعبان حلقه ملتهب وكحه وترجيع تكرمون الله يشفيه
سويت عشانا مكرونه عشيتهم وغيرت لبسهم ونومتهم دهنت ولدي زيت زيتون وكمون
وقريت عليهم ودخلت المطبخ فرغت الغساله وحطيت دفعه وغسسلت البااااقي
وعقمت المجلى وكيست لحم جانا من الجيران الله يجزاهم خير وعالفريزر
بدلت لبسي وتدهنت ..وسلامتكووو

الاسبوع اللي راح نظفت عميق مجلس الضيووف والصاله وغرفه عيالي
باقي غرفتي والمطبخ والحمامات
...
روز هلا بك منورتنا والله
دانه هلا وغلا وين الغيبه
..............
تصبحون على خير وسعااااده

صباح السكر ياعسل
صباح الحب يااجمل تجمع
صباحكم بسمه من زوج وضحكه طفل
صباحكم تفائل

كوامن
يعطيك الف عافيه
لمعه
يعطيك الف عااافيه
الغيبه لاتذكريني فيهااا <<فيس يبكي من قلب>>>

همس
يعطيك الف عااافيه
والكوي اذا بكوي بجلس 6ساعات :(

وصال
من بعد التهديد زاد النشاط

من عندهااا رقم
جوجو ودودي واروما
يبلغونا عنهم
وبعد وفاء ودفا الثلج ومايمدحني ورايقه
وغيرهم
والله لهم وحشه

يومياتي
صحيت على صوت زوزي
صلحت القهوه وبجهز الغداء
وبنزل تحت
وبس
اليوم عندي كوي الله يعني عليه يارب
من عندهاا كوي تشترك معي ومع ام ملوحه


دانة بقلبه كانت هنا

مساء الحب
مساء العشق للعشاااق
مساء الملابس والكوي
ممسائكم حب
بعد ردي جهزت الغداء ولقهوه
وانتظرت زوجي وجاء علي الساعه
11
الساعه12
اتصل ولد عمه
وقال بتغداء تحت
لان غدهم لحم
وانا سخنت الغداء وطلعت من
المطبخ
ونسيت الفرن. وانا
جالسه اشم ريحه انحرق الغداء
:'(:'(:'(:'(
وجاني تحطيم ضاق صدري وماتغديت
وكملت شغلي
حطيت دفعه ملابس بيضاء
والحين مقابله الكوي
:-(

ماشفت ردودكم
اعذروني من الجوال اتصفح
دانه بقلبه كانت هنا

بنات اعذروني الكتابه من الجوال
صعبه خصوص انك ماتشوفين الرد وقت الكتابه
نرجس
اذا تعرفين طريقه تغيير لون
من لوحة التحكم قوليلي
لاني نسيت كيف الطريقه

دانه بقلبه كانت هنا

السلام عليكم ورجمة الله وبركااااته
يسعد لي مساكم يالغوالي
امس كتبت يومياتي وطارت يوم غيرت الصفحه
كانت بالمختصر
صحيت الظهر صلحت الغدا
تغدينا انا وزوجي والعيال نايمين
غسلت الصحون ومسحت السيراميك
بمطهر ديتول وكنست
وشغلت الفواحه شاريه معطر جديدبريحة التوت
ريحته امممممم تهوووس
بعد المغرب طلعت لشارع السويلم
>شارع خاص ببيع الالعاب<
اشتري لولدي هدايا للروضه
الام الزائره كان علي اليوم
شريت لهم هدايا
وكيكه كبيره مكتوب عليها اسمه
كان بخاطري كيكه عليها صورته
بس ماامداني
وزوجي عجلني يقول مباراة النصر
قلت لين الحين تشجعه مايأست هههه
ورجعنا والقهر صار يلعب علي
وجلس يتابع مباراة الاتحاد والهلال
بس ماادري مين يشجع فيهم:p
روشتهم وعشيتهم وخليتهم ينامون
وولدي ماجاه نوم فرحان ياقلبي:L:
يوم نامو جلست اجهز الهدايا
واعبيها بالاكياس
كانت عباره عن كيس عليه صورة سياره كريزي
الحمرا وجواته كوب حليب برسومات تهبل
وبوك بنفس شخصية السياره ودفتر تلوين
نفس الشي
وعصا طويله تولع ليزر
كنت شاااايله هم هاليوم مااادري
:hysterical: وش صار لي هههه
رهبه مو طبيعيه ماادري
هذي اثار الجلوس البيت
الجرأه راحت مررره خايفه
وجلست اعطي نفسي تعزيزات
اني قويه وأجتماعيه وجريأه
وهذي الحقيقه بس الظاهر كبرت وراحت:p
صحيت عيالي بدري
ولبستهم وخليت ولدي يشوف الهدايا
طلعو وانا بديت اجهز نفسي
شويت لشعري حمام زيت وجهزت لبسي
وتروشت واستشورت
وكنت مختاره هاليوم عشان زوجي عنده اجازه
وبيمسك سومي بس خذلني وقال خذي
ولدك معك حاولت لكن هيهات
قلت اجل باوديه اهلي ابيه يقول لا
قال خلاص نوديه :-oوبيت اهلي بعيد
فكرت لين كل جلستي ساعه ليش اروح
اطق مشوار وانكد على امي
فقررت اخذه تهيءءءءء:badly:
شفته مصحصح ورووشته ع الصبح وهو ينتفض
ولبسته ونومته
وجهزت شنطته ولبست
ورحت والحمد لله عدى اليوم ع خير
الشي اللي ماتوقعته ولدي يوم شافني
خنقته العبررررره
توقعته بيجي يضمني والا يطير باخوه
بس ماادري وش ردة الفعل اللي صارت
والحمد لله انبسطو كلهم
وصورتهم وقلبو راسي
وكبرو راسي طول الوقت يقولون لي معلمه
معلمه :D وواحد منهم يقول لا هذي مو معلمه
هذي ام سلمان :-#
وجيت البيت هلكااااانه
رتبت الحوسه وفرزت الغسيل قررت اخليه
الجمعه بإذن الله لاني اليوم طالعه لاهلي
غسلت الحوسه اللي بالمطبخ
وشلت الملابس الوسخه
ورتبت سريري
سويت لي كوب شاي حليب
وكروسان زعتر وجيت اكتب لكم .
نفسي ارد عليكم وحده وحده بس باقول لكم شي واحد
أحبــــــــــــــــــــــــــــــــــــــــــــــــــكــــــــــــــــم.
عندي صور كثيررره بالايفون بس ماعرفت البرنامج
اللي ينزلها اذا عرفت وعد انزلها لكم.

ماشاء الله عليك ياشذااااااوي كذا
الحماس الله يعطيك العافيه
ذكرتيني بالرهبه الاجتماعيه لانا ما نختلط في ناس جدد
نحس بالخوف اخر مره رحت اسئل عن بنتي دقيت باب الفصل
فتحت الابله الباب قلتلها السلام عليكم انا ابله فتون قصدي ام فتون
والله جلست اضحك على نفسي في البيت واحس ضربات قلبي سريعه
مدري كيف لا توظفت اش بسوي مع اني زمان ماكنت كذا في الجامعه
ما فيه بنت الا اعرفهااااا
دانه الله يعوض عليك في غداك الي ماخذ بالك يتهنى

مساء الخير
وصااااال
تسلمين والله
وسالفة فتون شي ثاني
خهخههخخ
والله انا مثلكم ويمكن انحس منكم ماعرف اقول كلمتين علي بعض
اقعد عند الناس ساااااااكته علي صامت لو 3ساعات
واذا احد سألني ارتبك وماعرف وش اقول
و غير كذا ماطلع من بيتي ابد ماتوصل مع احد
لاجيران ولا جماعه نادر احضر العزايم:-(
من الخجل للي فيني
هموسه
انا مثلك جاني طفش لاتلفزيون ولا لاب توب
ولا شي:'(
ومقابله الكوي
شذاوي
فديت ولدك من الخجل ماعرف وش يسوي
اهم شي انك وسعتي صدره
الله لايحرمك منه ويجعله من عباااده الصالحين
يومياتي
بعد اخر رد جاني
نوووووم فضيع ونمت
صحيت الساعه 6
وعلي طول اجهز القهوه
وشغل التلفزيون
وانفجعت مافيه اشاااره
وحاول فيه واتصل
على زوجي قال ابوي خربه:-(
قلت طيب وش اسوي عندي كوي
وماعندي لاب توب
قال بكره. ...بكره
وجلست مع نفسي وانا في قمة الطفش
وشربت قهوه والحين اشجع نفسي
للكوي:'(:-( :-\ :-!


كونو بحب وبقلب محب
دانه بقلبه كااااانت هنا