بيتنا الثاني والعشرون ربات منزل متفائلات منجزات اخر روقان

السلام عليكم ورحمة الله وبركااته
كيف حالكم
انقطعت عنكم بسبب ظروف بس رجعت ورجوعي محدود
بس حبيت اقول لكم شي
مو كل رجال نفس بعض ولا كل رجال نفس طبع حتى لو كانو من نفس النمط
ولا تحطو ثقتكم في اي شخص مهم كان صادق معكم ونصحكم مو كل نصيحه تنفع مع رجال
انا سمعت نصايح ونصايح وفي نهايه كنت بخسر حياتي الشخصيه والزوجيه
ارجوكم بنات بدون نصايح رجال يختلفون مهم اجتمعو بنمط حتى لو كانو نفس شخصيه
ونفس الميول لاتنصحون مو كل نصيحه تنفع ......

كونو بحب وبقلب محب
دانة بقلبه كانت هنا

السلام عليكم ...


يومياتي عالسريع

خلصت دفعتين غسيل الحمدلله للبس الابيض وجهز العشا باميه ومنتو لاننا ما تغدينا .. الا خفايف ..


وغسلت الصحوووون .. ورتبت البيت ..


باقي لي دفعه غسيل لملابسي ... باجلها بكره او بعدة ..

وكتوووو

سلام عليكم حبايبي
الاسبوع الماضي كان كله تنظيف غرفتي وغرفة عيالي
غسلت المفارش وغسلت فلاتر المكيفات
ونفضت الغبااااار ومسحت الابواب
وخصصت يوم للمطبخ مسحت الادراج من برا
مانظفت عميق لان الجو مايساعد كل يوم تجيناموجة غبار
وغسلت كل الملابس وكويتها
وشغلي المعتادمن طبخ وغسيل موعين
وتدريس لولدي
وسلاااامتكم

ايرث انجل
ماشاء الله تبارك الله ع الطبخ اللي يفتح
النفس زوجي يتصفح جواله والتفت وشاف
صورة الصوره اللي فيها منسف
وقال لي سوي مثله
ههههههه.
........................
دانة قلبه
اهم شي انك بصحه وسلامه.
.........................
رايقه
الله يوفقك يارب.
........................
ملاك النرجس
شدي حيلك عشان تفرحين بأحلى النتايج.
.....................
وصال الطايف
حلوه اغراض سنتربوينت وفواحاتهم تعجبني.
..................
وتوره
قواك الله ياأحلى عروسه.
...................

الننس الحمد لله على السلامه
ايرث من ذووقك ياقمر وبالفعل الفواحه تغني عن البخور
دانه كل وحده تعرف زوجها وتعرف الطريقه الي تعامله بيهاااا
والنصائح الخارجيه سبب من اسباب فساد العلاقه الزوجيه
اهم شي انك بصحه وسلامه بالتوفيق
شذى الورد ماشاء الله يومياتك رائعه
بعد اخر رد كتبته قمت صليت وحطيت دفعه
ملابس بيضاء وبعدها ثنتين ملونه وحطيت بعدها بطانيتن
وباقي شراشف شوي وبحطها في الغساله
دخلت غرفه النوم غيرت المفارش واللحاف ولبس المخاد
ودخلت غرفه عيالي كمان غيرت الشراشف
والحمدلله رب العالمين

صباااحكم سعادة يا حبيبات قلبي

نمت على ٢ وصحيت على اذان الفجر

صليت وصحيت زوجي وصلى ورجع نام

وانا حطيت المناشف فالغساله

وسويت فتة فطير وكوب شاااي

افطرت وغسلت الحوووسه

وبدلت كيس الزباله يكرمكم ربي بعد ما بخيت معطررر

ونشرت المناشف دهنت رجولي بفازلين الوردي
وكتوووو


وصال وامووله

اشترتها من مكة بـ٥ ريال الوان كثيره

تحفظها لمدة ٣ اسابيع زي مو مكتوب عليها بس تحطينها ناشفه وتاخذين اللي تبين وتغسلينه

لي يومين حاطه فيها النعناع وشكلها حلوة حتى فالثلاجه

زي الشنطه من جو قماش وبرا بلاستك زي النايلون الثقيل مربعه وفالنص سحااااب


اتمنى اني افتدكم



دانه يا هلا فيك مو اي نصيحة تسمعينها تطبقينها لا شوفي هي من قلب محب وهل تناسب حياتك وقناعتك او لا

الله يسعععدك ويفرح همك


اليوم اتفقت انا واعز صديقاتي وبنت خالتو فنفس الوقت على حفظ سورة البقرة وبعدها ال عمران
على الاقل نسوي شي لاخرتنا بعيدا عن العمل الدنيوي من شغل للبيت وزيارلت وتسوق

حبيت اقولكم عشان تحفظونها لو ٥ ايات كل يوم مع الحفظ المركز ولها الاجر
فضلهما تحاجان عن صاحبهما يوم القيامه
ومعروف فضل سورة البقرة



استودعتكم الله



ما ابي الا دعوة صادقة فظهر الغيب

صباح الخير ،،،

امس ولله الحمد انجزت في بيتي

بس كان شغلي مقطع مابين ولدي والنت

خلصت مطبخي المغرب

وبناتي نظفوا غرفتهم بعد الترغيب والترهيب

وغيرت مفرش سريري وغسلت دورات المياه

وحممت عيالي وصلحت عشاهم تعشوا وناموا

رجع زوجي ١١ حطيت توست وشاهي تعشينا

ونام هو وانا اتقلب في فراشي من الم في رجليني

من الدوره ونمت ٣ وشوي وقمت ٥ ونص

لبست بنتي وعطيتها حليب ودربتها ع الاملاء

وراحت الله يحفظها ، نمت بعدها وقمت ٨ ونص

صلحت قهوه وعطيت ولدي خافض حراره

وقام زوجي تقهوى وراحوا للمستوصف

والحين انتظرهم يجون، مجهزه الشاهي وهو بيجيب

فطور ،

وسلامتكم ،،،

وتر الحنين ،،

الله يجزاك خير ع التذكير بحفظ البقره وال عمران

وانا معكم بإذن الله ابي اراجعها اخاف تتفلت مني

،،،،،،،،،،،،،،،،،،،

هلا دانه اهم شيء انك بخير
واكيد الواحد مايسمع كلام الناس يدرسه وينقحة قبل يستفاد منه
وزوجك علاقتك معه انتي تعرفينها مو اللي ينصحونك
ع العموم الله يسعدك دنيا وآخرة اهم شيء تكوني بخير
>>>>>>>>>لايكون انا نصحتك ما اذكر اني نصحت احد :)

.:.يومياتي كثيييررة...
اهم شي سويته لمعت القدوور و كنست المطبخ و رتبت الصحووون...
مسيطررة على الششغل الحمد لله...
طلعت الموول امسس شريت صندَل لي و شوز لي ملوووحة ,٠, مرريت على وحدة و فليناها سواا...عشانا اليووم من المطعم..يعني ما في تعب علي...بنات البراقة انضمت للبيتنا مؤخررا رحبوو فيها..وصولة عرفتيها صح من شلتنا...انا عارفة كل وحدة مشغولة بيومياتي بس ما يمممنع اذكركم يمكن نسيتوووو...و بس و زوجة اخوي ولد جابت حمووودي باركولي,.,

اليوم بعد ردي

افطرنا معصوب وكورن فليكس خخخخخخ مدري شلون اجتمعوا


طلع زوجي لشغله وانا بديت اتجهز للدار

رجعت المغرب ، ذاكرت لفطوم وعشيتها ونامت

مسكينه تعبااانه ماتشوف

وانا كملت استبيان جايبته معي من الدار

ورتبت البيت وكنست الصاله

وصلحت عشانا مكرونه بالتونه

انتظر زوجي يجي نتعشى وننااااام

تعبانه مررره نومي اليوم كلله مايتعدى ٤ ساعات

خبر هااااام وضروري
موقع أكاديمية التاج لتعليم القرآن الكريم عن بعد..
موقع جنااااااااااااان..
كثير منا يحلم بختم القرآن..وكثيرين كانوا ملتحقين بحلقات تحفيظ وتركوها بسبب دوام الجامعه او الوظايف وانشغلنا عن حفظ كتاب الرحمن..
بفضل من الله ونعمه..تم تدشين موقع أكاديمية التاج
عن طريق هالموقع تقدرون تكملون حفظكم عن بعد..
عشان اوضح لكم اكثر..
هو فيه قسمين للرجالوللنساء..
التسميع يتم داخل روم صوتي
وبمتابعه من مشايخ وأستاذات
الطالب يحدد الوقت والأيام اللي تناسبه..
في كل اسبوع 3ايام بس
السبت..الإثنين..الإربعاء
أو..
الأحد..الثلاثاء..الخميس
وقت ماتسجلون تحددون الأيام اللي تناسبكم والساعات اللي توافق فراغكم..
طبعا فيه ضوابط من حيث الحضور والغياب وعدد الاخطاء المسموح فيها في الصفحة الوحدة ..كل هالشغلات اطلعوا عليها بالموقع..
وتختارين في سنتين او ثلاث او اربع سنوات وياسرعها والله
وفي غضون هالسنوات بس تتشرفون بلقب
خاتم القرآن الكريم
وطبعا فيه شهادة موثقه..
هذا رابط الموقع..
http://go.3roos.com/v3aannmhidc
وترى التسجيل مجاني بدون رسوم ،،

^ انشروها فَ الدال ع الخير كفاعله

السلام عليكم..

اخباركم..

_______________________

يومياتي..

الفترة اللي راحت شرفت الشيخة ولا قدرت امسك شي..

وسلات الغسيل صابها قنبلة نووية..

وكل يومين يجينا عامل يحوس ويطلع..

الله يعدي هالفترة على خير..

ابرز انجازاتي بهالاسبوع..

نظفت كاونتر المطبخ تنظيف عميق.. ونظفت هواية الفرن وقصدرتها عشان اذا جاني احد افكه وتكون نظيفة..

فكيت شبابيك المقلط وغسلتها..

فكيت ستارة المطبخ وطلعتها عشان اغسلها ولا بعد سويت لها شي..غير اني نقعت حبالها بكلور..

ممم وش بعد... رتبت دولاب جود..

وبس... عندي صور قبل وبعد.. بحاول انزلها من عن طريق الجوال ان كانها ظبطت بدون تصغير وتحميل..

وقطو..

يووومياتي امس السبت
صحيت صلاه الفجر صليت وصحيت عيالي
سويت حليب زنجبيل وسندوشتات جبن
راحو لمدارسهم ونا قمت انشر الشراشف
بقيت في الغساله من الليل ورتبت غرفه عيالي
وغسلت شوي صحون وجلست اتصفح لساعه 9
طلعت دجاجه تذوب على راحتها وصحيت صلاه الظهر
فتحت لعيالي الباب الا وابوهم جاي معاهم قال بنام
ورجعت نومه للساعه 3 قمت سويت دجاج مع خضار في الضغط








تغدينا بعد صلاه العصر وفي الوقت الي كان الاكل على النار غسلت الصحون
والحمامات وبنتي كنست ولمعت المرايا
سويت شاي وحطيته في الثلاجه وغيرت لبناتي وطلعنا مهرجان الخالديه
دخلت الخيمه اخذتلي لفه وعيالي يلعبون تقهوينا وبعد العشاء رجعنا
صليت وعشيت عيالي نامو ونا تجهزت نزلت عند جارتي على الساعه
10 ونص امها عندها سويت معاي قهوه وجلسنا قرقر حتى الساعه 1 ونص
طلعت بيتي وغيرت لبنتي ونومتهم كويت يكن 20 قطعه والباقي سفطته وعلى الدواليب
وجلست اقطع خضار وافرزنها حتى الساعه3
صليت الوتر وتصفحت شوي ونمت والفجر صحيت كالعاده عملت شاي بحليب
ورتبت غرفه عيالي ودخلت نومه للظهر ورجعت نومه للساعه3 صحيت
الا وزوجي جايب لحمه سويت كبسه لحم وسلطه حاره
تغدينا ومسحت السيراميك ومشمع المطبخ وغسلت الصحون ولمعت البتوجاز
والطاولات وبخرت ورتبت غرفتي وسويت شاي وصلينا المغرب وطلعنا على محل
تخفيضات اشتريت ايرويك للمرحاض اكرمكم الله شفت الدعايه حقه واعجبني
وبالفعل ريحته روعه كل ما انسحب السيفون اكرمكم الله صورته لكم








وشريت كماليات اخرى ومرينا شرينا سمك ورجعنا في طريقي مريت خواتي اسلم
عليهم ورجعت البيت الي عملتله ساندوش جبن والي اكل رز باقي الغداء ونامو
صليت العشاء وسويت شاي وسنوشتات جبن لي ولزوجي تعشينا وبس
والحمدلله رب العالمين
بالتوووفيق للجميع

روووز ماشاء الله يوميات رائعه ننتظر الصور
شذى الله يجزاك خير ياقمر
انثى الله يعينك ويفرج همك
الباقين موفقين بحول الله

السلام عليكم ،،،
اخباركم جميعااا
من اعمالي الي احسها مهمه غير عن الروتين اليومي،
تنظيف دواليب عيالي عميييييييييق،
وغرفتي ولله الحمد ماعدا الشبابيك مالمستها ابدااا،،
مقرره بكره اغسل شباك الصاله وانظفه وامسك الصاله من الي تنظيف ،
احتمال نغير فرش الصاله ،
وبس هذا ابرز الي افكر فيه
واحتمال اغسل ملابس عندي بعد ،،
تحياتي.

صباح الحب وسعاااااده
مشكورين حبايبي وانا موقصدي انتم
لا انا قصدي اشخاص كان لهم اسلوب في الاقناع
بس الحمدالله اني رجعت الي طبيعتي
بفضل الله سبحانه ثم بفضل زوجي
بس حبين اوضح لكم موكل من قال شي
نسمعه ونمشي معه بدون نفكير مثل الانماط شخصيه
ببعضها يطلب الغموض وتكتم
ونتم تعرفون الانماط اكثر مني هي حلوه
بس ناخذ منه للي ينااسب شخصيتنا وقناعتنا
ومثل ماقالت وصال كلامهاااا صح100%
انتبهو علي ازواجكم وحياتنا
والله اني ماتمني يحصل لكم للي حصلي لاني كنت بنتهي بسببه
بس الحمدالله علي كل شي
......................
ام نصور
هلابك والله
كنت افمر فيك وادعي لك ربي يرزقك بطفل سليم يارب
سبحان الله قبل كم شهر كنت تشكين من الوحام والحين ماشالله مابقى شي
الله يرزق زوجك الوظيفه الحلال للي تسعد قلبك وقلبه ويهون عليك الغربه
ام فارس
ذكرتني بنفسي العام كانت غسالتي خربانه وشوفي حالتي غسيل
علي يدي وشطف الملابس وماكان فيه مجفف علي نشاره علي طول اوالمويه تمشي
وشوفي حالتي اشطف الارض وامسح وبعد ساعتين نفس طريقه
بس الحين الحمدالله مع غسالتي توشيبا راحه:-)
مهاوي
وينك ماشوف لك رد
روز
حمدالله علي سلامه نورتي الشرقيه
احبك الهي
عسى خير غيابك وبشريني عنك
شذاوي
يعطيك الف عافيه
خوخه
يعطيك الف عافيه
فوفو
وينك عسي خير
مايمدحني
فيه اخبار عنهاا
دفا الثلج
اخبارك وينك بنات احد يعرف عنها شي يطمني
جوجو
ماشوف لك رد عسي خييير
اموله
لك وحشه يابنت:-*
همس
يعطيك الف عافيه
وصال
ماشالله صور تفتح النفس
بناتي زهرة حياتي
عسي خير غيابك
الننس
يعطيك الف عافيه
عطر كوكو
يعطيك الف عافيه الله يكتب لك الاجر
كوامن
اخبارك لك كم يوم ماشفنا لك رد
رايقه
وينك عسي خييير
نرجس
الله يوفقك ولايضيع لك تعب
دودي
عسي خييير غيابك
اروما
فاقده يومياتك
وتر
يعطيك الف عافيه يومياتك تذكرني بدايه زواجي:-[
خيط من حرير
يعطيك الف عاااافيه
الباقي

اعذروني
ماشفت الصفحات:-\.
دانه بقلبه كانت هنا