✿✿✿لمة بنات ليبيا الحرة لشهر ربيع الاول سنة 1433 - 2012 الجزء (6)✿✿✿

هلا هلا بالغالياااااات
قنووعة : ربي يشفي مريضكم وجميع مرضي المسلمين يااارب
قلوب صغيرة : عادي سموحة راهو كله بصارة
والحمد لله هالبصارة خلتنا نتعرفو عليك
اهلا وسهلا ومليون مرحبا بيك فى لمتنا
سلمها هالقليب الابيض وحشتك أكثر، سلمك نشادة ياسموحة اللهم آآآمين
وربي يحفظلك كل عزيز وغالي
تسلمي عسولة كلك دوق وربي يفرحك بما تحبي انا تمام ولله الحمد انتي شنو امورك
ليبية : انا الحمد لله تمام وبالنسبة للمرواح حتي هو مازال
كيف حالك وكيف حال خوك توا ان شاء الله احسن
حيووو : عادي عادي المكياج ماايخلي شئ واضح بكل
غير وسعي بالك هذا كله من التفكير والارهاق نهااار ابيض
كان من توا تبدي ارهاق معاش اتلايمي حتي تفرحي بيوم فرحك
وسعي بالك وحافظي على صلواتك فى وقتها وحافظي على اذكار الصباح والمساء
وربي اييسر لك كل شئ
همووسة : تعالى وين هربتي شنو بديري غداك خلينا انتبعك
ونطيب زيك (غش ) يعني ههههه
كل يوم انفكر فى الغدي واااااك
من أنا : كيف حالك مازال اتقولي من أنا متغيرتيش واصبحتي من انتم خخخخخخخخ
باقي البنات كيف حالكم
نجوووم اليوم وينك يابنت
حتي ننس وميراااس وعروسة ليبيا وكوين وقهيوة وبيكا وحلااااوام ميمي وسمايلي
وهلباااا عروسات غايبات
ان شاء الله غيابهم خير

صحتين همووسة
انا غداي طاجين دجاج ورز وسلاطة
توا غدوة انطيب فاصولياء دكرتيني بيهاااا
ههههههههه الحمد لله غداء غدوة مش حنفكر فيه هههه كان احيانا ربي

ديري فيوسيدين ياحيووووو على مكان الهيربس
معليش ديري حل ليوم اللى بيجو فيه اماليه وخلااص
وبعدين سلمي عليهم 5 دقائق وامك اتقول لهم راهو مريضة وتعبانة

هو هذا المرهم

http://go.3roos.com/mbb8l4bu9lt

المرهم هذا كويس حتي بعد تنظيف الوجه بالفتله او الشمع
اندير منه على وجهي كله باش مايطلعش حبوب
وحتي قبل لاتنحي الشعر من الوجه ادهني بيها
كويسة وآمنه جداً على البشرة