✿✿✿لمة بنات ليبيا الحرة لشهر ربيع الاول سنة 1433 - 2012 الجزء (6)✿✿✿

هموسة ونجومة وانتم من اهل الخير كان زدتو اشوية
سارة سلمك حبوبة شني اخبارك انت

قالولي بنت ان شاءالله وانت قاعدة امكسدة ههههههه

تصبحي علي خير هموسة

لؤلؤة ان شاء الله علي خير وتشديها بين ايديك أحلى شئ بنوتات،،،، ولالا مش مكسدة ههههه

ان شاءالله ربي يسمع منك وانشوفو احلى بنوتة ليك ....انجل قصدك حامل انت توة ؟؟؟ في اي شهر

لؤلؤة ايه بداية واحد عرفت ،،،، نهاية اسبوع هذا ان شاء الله نسكر ثاني ونخش في ثالت

انجل مبروك ربي ايتمم عليك واتجيبي احلى بنوتة ان شاءالله

يالله ليلتكم سعيدة

حتى اني هو هاداكا تصبحوا علي الف خير

السلااام عليكم كيف حالكم

يارب اشفي كل مريض

وخلص كل حامل
ويارب اعطي كل وحده في اللمه ما في بالها قولوااااااااااااااا اميييييييييييييييييييييييين

عندي استفسار من يعرف اسعار عيادة البشري في الولاده الطبيعيه والا القيصيريه ياريت تفيدوني ومن فيها دكتوره كويسه

السلام عليكم ورحمه الله وبركاته

يـابنوتات ومدامات وامهات ,.,,, مـن فـضلكم أدعوا لحد عزيز عليا :'( قاعد في العـناية مركزة

عـنده القلـب :'( يـاربي اشفيه واشفي جميع مرضي المسلمين

ماتنسوشي من الدعاء :(ولك بالمثل ان شاء الله

لا حول ولا قوة الا بالله

في امان الله

السلام عليكم
ربي يسامحكم علي كلامك والله لا جاسوسه ولاشئ ربي يسامحكم والله عاجبني جوكم بالعكس
لكن مرات راني انخش من تلفوني يكتب بالانكليزي واكتر شئ منحبش ردود هلبه حتي في المنتدي نستمتع بالقرايه اكتر
والله بجد ربي يسامحكم اصلا انشوف في روحي اني جديده مالياش هلبه كيف امسجله في المنتدي وانشوف فيكم انتم تعرفو
بعض ليكم وقت جميع شن بنقوللكم اني اسفه كان ضيقتكم وربي يسامحكم علي كلامكم هذا ماعندي ماانقول
والله العظيم حتي الي نلقاها دايره دعاء والله الشاهد اني ندعيلها في قلبي وانحس بمرضها ووجعها

صباح الخير

ان شاء الله يكون يوم افضل علينا وعلي بلادنا

انجل الف الف مبروك حبيبتي ان شاء الله ربي يرزقك بطفل سليم معافى
امس كتبتلك رد علي المغرب وامسحته اتلخبطت بينك وبين وحده ثانيه قلت شكلها انجل الثانية مش امتاع المغرب



تحكمني ان شاء الله ربي يشفيه ويلبسه ثوب الصحة والعافية

سرو ياحلوه شني اخبارك انتي والصغار؟ مازال ماعندكش زياره قريبه للبلاد؟

وعليكم السلام قلوب صغيره

هما يبصرو عليك لااكثر ولااقل يعني الله يهديك لما كتبو جاسوسة علي شني بتتجسسي ؟! ماعندناش مايستحق التعب والتجسس
واهو اعتبريها استفزاز حلو ليك باش تبدي تشاركي معانا
عرفينا بنفسك؟؟

مشكوره ياليبيه علي كلامك الطيب .. لا لا شكلها متعرفش تكتب ... والا املاتها ضعيفة ,,,, اما صوابعها قطعوهملها الزنتااااااااااااااااااااااان

ههههههههههههههههههههههههه
معليش هذا استفزاز حلو

اهوينا طفشناهاااااااااااااااااااااااااااااااااا القلوب .....
هذا استفزاز حتي هوا
ربي يسامح وخلاص عادي صار خير انشاء الله

مرحبتين قلوب صغيرة معليشي ما تحرجيش هيا بصارة والحق اني قريب متت من الضحك ربي يفرحك يا نجمتن والله خليتيني بنموت من الضحك وانتي ما تحرجيش وحتى اني زيك جديدة خشي نتعرفوا يا حلوة

اسأل الله العظيم رب العرش العظيم ان يشفي مريضك يا تحكمني وان يشفي عتمان مريض نجمتن وكل مرضي المسلمين

لؤلؤة ان شاء الله تجيبي احلى بنوتة وتنوضي بالسلامة وصحيتي عالرد في التجهيزات

سارة فقط ليكي وحشة وربي يحفظلك صغارك
هموسة صحيتي عالترحيب
نبي نتعرف عليكم كلكم لكن انتو الاغلب تخشوا في الليل واني ما نحبش نسهر
من انا الامورة نحب اسلوبك وتلقائيتك
وعروسة ليبيا ومصراتية للشرقاوي شن اخبارهم

يتصفح الموضوع حالياً: 2 (2 من الأعضاء و 0 من الزوار) ‏white heart85m, ‏هنو السمحه
هنو مرحبتين وكيف حالك واعتقد انك جديدة صح؟

بنات من مداير رجيم توا