بنوتات عندي لكم تقرير عن امس ;)
رجعت من الدوام قلت حق اختي عقب المغرب باوديج السيتي لانها من جم يوم تحن وصلنا على ال 6 وشي وسيييييده فكتوريا سيكرت لان قايلتلها صديقتها مسويين سيل دشينا الا تقريبا مخلصين كل شي بس جفت سات فيه عطر وعطر صغنون حق الشنطه وشور جل وكريم ب 7 ونص ومافي الا 5 جان اوقف عندهم واقول حق اختي روحي ييبي سله ووراي فلبينيين يبون ياخذون بس انا جني ابو الهول :lol:
خذت لي 2 عندي مناسبتين هالشهر والشهر الياي وامي تبي 2 بعد اهوه يشبه ذي بس العلبه مستطيله
ماقدرت اركز في الريحه لان لويه وشمينا الف شي بس جفت منتدى كويتي يمدحونه
اختي خذت لها عطر غير مسويينه ب 10 وبدي سبري ب 5 على سويت وفواكه جنه
طلعنا ودشينا bath & body works الا ذبحـــــــــــــه مسويين 50% مب على كل شي بس في واااااايد اشيه الصابون والشموع ومعطرات الجو خذت لي وحق خواتي عطر صغنوون حق الشنطه سات ويا كريم ب 5 نفس ذي :D
اهوه قوطي مربع يوم ردينا البيت اكتشفنا ان ينفتح ويصير جذي
وحذت سات عود نفس ذي ب 5 ونص
واسعار الستات من 4,750 لي 6 ونص يختلف على العلبه واللي ب 6 ونص ويا غلوس تحسفت ما خذت لي :(
وخذت حق امي واختي على واحد
وكان في على cherry - paris - twilight - sweet pea بس هذي اللي اتذكره
واختي بعد طخت جم شي جفنا اغراضنا الا يمكن 10 اجياس قلت لها السياره بعيــــــــده شنسوي وطرشتها اتييب لنا جاري من كارفور والله ساعدنا واايد وعيون الاوادم عساها البط مبققه على الجاري مايدرون ان ثلاثة ارباع الاغراض حق هدايا انا ماخذت الا العطر الصغنون والكريم :'(
عقبها طلعنا تخيلوا اجوف الساعه الا 8 ونص يمكن وانا قايله حق الخطيب 9 في البيت قالتلي اختي وين نروح الحين قلت لها يلا نروح H&M خذت لي فستان ومسويين بعد تخفيض خذت لي جم اندر وير
طلعنا جفت لاسنزا ماعندهم تخفيض وجان اتذكر كلورة يوم مرينا يم باريس غاليري اجوف اختي تستنشق الريحه تقولي الاااي قلت لها بسررررررررعه نركب فوق انشالله اجمل مسوي تخفيض ونركب جان يخيب املي :badly:
نزلنا مره 2 تحت بدلنا الارصده وعطونا snow man ball water يشبه ذي
ترى على كل 50 دينار يعطونكم واحد وتدخلون السحب احنا حصلنا 2
بس بعدها اختي خذت لها من بنك بيري واحنا راجعين وصلنا البيت 9 ونص
وترى العروض في المحلين لي 22 مادري 26 من الشهر بس فكتوريا جنه الصبح ينزلون ف اللي بتروح في الليل احتمال ماتحصل شي
وبـــــــــــــس :)
![]("http://www.3roos.com/files/ups/2011/414106/01325749600.jpg")
![]("http://www.3roos.com/files/ups/2011/414106/01325749839.jpg")
![]("http://www.3roos.com/files/ups/2011/414106/01325749949.jpg")
![]("http://www.3roos.com/files/ups/2011/414106/01325751860.jpg")