33 نقول يا تري بتعملي الأاكله دي ازاي؟ مبدعات مصر القمرات شهر صفر 1433

ام بودي يا جاااااااااااااامد ماشاء الله تبارك الرحمن الشاورما تحفة والفراخ شكلها خطييييييييييرة الف هنا جريييي على الموقع ;)

.. Hopes;15898812:
نور
لوسمحتي كنتي قلتي قبل كده بتحطي علي المكرونة بالبشاميل بقسماط.. كنت عاوزة اعرف بترشيها علي الوش يعني طبقه ولا ايه؟

اه بخلط البقسماط + رشة بسيطة ملحط + رشة فلفل اسمر وارش على الوش طبقعة رايح جاي كده لحد ما اغطي الوش خااااالص ومرة خلط البقسماط + فيجيتار سبايسي بس متحطيش ملح ولا فلفل بتبقى روووووووووعة

ام عمر افندى;15899557:
ام بووودى يا معذباااانى هههه تسلم ايدك يا جميييييل

نووور ما هو هتلاقى على العيدان دى ورق استعمليه وانا عموما بحب الكرفس اللى هنا ولو عاوزة تحطى العيدان وتبقا طريه حطيها مع الخضار;) من الاول

انا مش بحب ااكد على حاجه فى الاكل لانى عارفه انها اذواااق واللى يعجبنى ممكن جدا ميعجبش غيرى فجربى عجبك خيييير وبركه معجبكيش متعرفنيش تااانى ههههههههه

بكره ولاول مره بعد طووووول انتظار معزووومه برا ههههههه

لالالا انا بحب الكرفس فشوربة الخضار واي طاجن اسماك او سبيط وشوربة السي فود كمان

حلاوتى زايدة حتة;15901994:
عايزة طرييقة حاجة فاشلة جدا

الفتة:-#:-#بس الفتة المصرى ام صلصة وتووم وتقلية عشان انا معايا الفتة السورى:Dآل يعنى العالمية مقطعة بعضها :lol:

هقووووووووولك يا جميل
هتعملي الرز ابيض عادي
هتجيبي عيش قطعيه كده بالمقص او باديكي زي ما تحبي وهاتي طاسة او صينية حطي فيها كام معلقة سمنة وافضلي حمصي العيش فيه لحد ما يتحمر ويقرمش بيكون جميييل قوي الحركة دي
تسلقي اللحمة
الدقة بقى هتعملي ايه يا ستي انا الحركة دي جربتها من شيف كان جه مرة في التي في
هتجيبي 2 طماطماية حلوة كده تبشريها بالمبشرة مش خلاط ابدااا لا مبشرة
تجيبي فصين توم كبار كده دقيهم بقرن فلفل وسنة ملح واقسميهم بالنص
في الطاسة شوحي نص التوم لما يصفر انزلي عليه بـ 3 ملعقة خل + نص كباية مية ورشة فلفل اسمر وسيبيه يغلي يحبة تحسي بس المية قلت حوالي عقلة عن الحبة اللي حطيتيهم واطفي عليها
في طاسة تانية شوحي الباقي من التوم ولما يصفر انزلي عليه بالطماطم المبشورة وشوية مية+ وفلفل اسمر وسيبيه يتسبك كويس ولما يتخن جامد زودي قد معلقتين مية يتلحلح يا دوب يغلي اطفي عليه على طول
انتي ممكن تحطي في الطماطم خل بس انا عاملة الوصفة الخل لوحده والصلصة لوحدها
فملهوش لزوم

حطي بقى العيش في سرفيس واسقيه بالشوربة لحد الشوربة ما تغطي يا دوب بس العيش ورشي فلفل اسمر كده بسيط وغطي عليه حوالي 2 دقيقة عبال يشرب الشوربة
بعدين اغرفي الرز على الوش طبقة اغرفيها بالترتيب عشان مش هتعرفي تفردي بسهولة وساوي الرز ورشي فلفل اسمر على وش الرز بيطلع طعمه جميل قووووووووي ورصي اللحمة عليها بعد ما تحمريها في حتة سمنة ورشي عليها فلفل اسمر وملح
وخلي الصلصة والخل برة عشان كل واحد يحط اللي يعجبه
ممكن لو كلكم بتحبو الخل لما تلاقي العيش شرب الشوربة قبل ما تحطي الرز وزعي الخل على وش العيش عشان يبقى كله في النص وبعدين حطي الرز
وبالف هنااااااااا
انتي بتعملي الفتة السورية ازااااي :D

banota_helwa;15902011:
حبايبى الحلوين وحشتووووووووووووووووونى اوى اوى
عاملين ايه فى البرد ده
انا كعادتى مش بحب ادخل عليكى بايدى فاضيه وانتوا عارفنى هههههههههههههه
شوفوا كده جبت ايه ليكم وانا جايه

بسم الله ماشاء الله جميييييييييييييييلة هي دي تورتة انتي عملاها صح؟؟؟؟
تسلم اديكي جميلة والله

تسلميلى يانور دى عمايلى بس على قدى شويه
بس والله طعمها تحففففففففففففففففففففففففة بجد ماشاء الله

banota_helwa;15902088:
تسلميلى يانور دى عمايلى بس على قدى شويه
بس والله طعمها تحففففففففففففففففففففففففة بجد ماشاء الله

انا وااااااااثقة ان طعمها تحفة انتي بتجري ريقي اكتر منا حرام عليكي هههههههههههههههه :hysterical:
قولي الطريقة هي تورتاية مش كده؟؟
الطريقة حالا الاقيها :struggle:

الكيك بطريقه نانى ربنا يكرمها ويرضيها يااااااااااااارب
(5 بيضات + كوبايه ونص سكر+ كوبايه ونص دقيق وطبعا فانيليا)
وعملت الكيك امبارح وغلفتها وعلى التلاجه علطول والنهارده بقى كانت المرحله التانيه
كريم شانتيه وكمبوت خوخ ودى شيكولاته خام سيحتها وعملت بيها اشكال والتفاح الموجود غطيته بطبقه رقيقه من الجيلاتين عشان مش يسود والحمد لله طلعت تحفه بجد والله

بنوته.......تسلم ايدك شكلك مبدعه
ام بودى ............تسلم ايدك انزلى بالطريقه

يلا جبتلك بقى صور غدانا انهرده كنت عاملة محشي كرررررررنب ولحمة مسلوقة وحمرتها في سمنة ورشيت ملح وفلفل اسمر وشوربة وخيار حلقات
على فكرة المرة دي سلقت الكرنبة زي الفيديو اللي كان موجود ست غالية
بجد طريقة السلق دي رووووووووووووووووووووعة ماشاء الله فوق الوصف وتشجع الواحد انه يعمل محشي ومش بتاخد سلق اكتر من 10 دقايق
انا الاول كنت بسلق ورقة ورقة واحط في الحلة 3 ورقات وسعات 4 بالعافية عشان بيكون نافش في الحلة واقعد ساعة اسلق وارمي باقي الكرنبة في التلاجة من الزهق بجد الطريقة دي تحففففففففة

بصراحة كنت فاكرة كويس قوي اصور الاكل اول ما اضبط الطرابيزة
بس افتكرت في نص الاكل فقولت والله لصوره بقى زي ما هو 8o|
معلش بقى صغرت الصورة قوي ومن غير ما اخد بالي سيفت على الاصل :(







بس اديني هحط صورة للكرنب زووم لوحده وهو مفركش هههههههههه والطبق ده لام ميزووووووو عشان هي بتحب محشي الكرنب جدااا







على فكرة انا بمووووووووووت في الخيار مع محشي الكرنب بس بحس ليه مذاق خاااااااص مزاج بقى ;)

وحالا عملت شعرية بلبن وزبيب وده طبقي صورته وهدية مني لرورو عشان تنتعش شوية ;)

تسلم ايدك يابت يانور المحشى شكله مش ممكن
وتسلم ايديكو كلكم علشان محدش يزعل ولو انى بظبط ام بودى عالفيس بس ياله تستاهل الصراحه
وبنوته تسلمى عالتورته

نورررررررررررررر................تسلم ايدم الاكل يفتح النفس بجد
انا انهارده غدانا كان صنيه بطاطس ف الفرن وفراخ وملوخيه ناشفه ورز بشعريه


بنات اعيد السؤال هنا بقى
انا اشتريت من سنينس من قسم السى فود
اصابع السوريمى بنكهه الكابوريا
استخدماتها ايه بقى وبتتعمل ازاى لانها كلها بالانجلش؟؟؟؟؟؟؟؟؟؟؟؟؟؟؟

&&رانيا&&;15898984:


متشكره يابنات يارب اكون ضيفه خفيفه على قلبكم واه يابوسى ربنا يهون عليا حملى جزاكى الله خيرا

:!!::!!::!!:^o)^o)^o)^o)^o)
انتي يابت اتعدلي بقى
والله شككتيني ف نفسي بس انا متاكده انك رورو برضو هههههههههههههههه
طبعا رورو دلع مدام رانيا :adore::adore::adore:

ايمى ام معاذ اكلك بيغيظنى بالف هنا على قلبكم

تسسسسسسسسلمي يا قلبي والله يهنيكي

banota_helwa;15902011:
حبايبى الحلوين وحشتووووووووووووووووونى اوى اوى
عاملين ايه فى البرد ده
انا كعادتى مش بحب ادخل عليكى بايدى فاضيه وانتوا عارفنى هههههههههههههه
شوفوا كده جبت ايه ليكم وانا جايه

تححححححححفه بجدبسم الله ما شاء الله عليكي يا قمر
وحشاني ع فكره جدااااااااااااا
انا Om moaz سابقا :D
انتي عامله اشكال الشيكولا دي بكيس الحلواني ؟

بيرق أمل;15902627:
يلا جبتلك بقى صور غدانا انهرده كنت عاملة محشي كرررررررنب ولحمة مسلوقة وحمرتها في سمنة ورشيت ملح وفلفل اسمر وشوربة وخيار حلقات
على فكرة المرة دي سلقت الكرنبة زي الفيديو اللي كان موجود ست غالية
بجد طريقة السلق دي رووووووووووووووووووووعة ماشاء الله فوق الوصف وتشجع الواحد انه يعمل محشي ومش بتاخد سلق اكتر من 10 دقايق
انا الاول كنت بسلق ورقة ورقة واحط في الحلة 3 ورقات وسعات 4 بالعافية عشان بيكون نافش في الحلة واقعد ساعة اسلق وارمي باقي الكرنبة في التلاجة من الزهق بجد الطريقة دي تحففففففففة

بصراحة كنت فاكرة كويس قوي اصور الاكل اول ما اضبط الطرابيزة
بس افتكرت في نص الاكل فقولت والله لصوره بقى زي ما هو 8o|
معلش بقى صغرت الصورة قوي ومن غير ما اخد بالي سيفت على الاصل :(










بس اديني هحط صورة للكرنب زووم لوحده وهو مفركش هههههههههه والطبق ده لام ميزووووووو عشان هي بتحب محشي الكرنب جدااا










على فكرة انا بمووووووووووت في الخيار مع محشي الكرنب بس بحس ليه مذاق خاااااااص مزاج بقى ;)

وحالا عملت شعرية بلبن وزبيب وده طبقي صورته وهدية مني لرورو عشان تنتعش شوية ;)

تحححححححححححححفه يا نور بجد ما شاء الله
ومحشي الكرنب وااااااااااااااااااااااو مش قادره نفسي اكله دلوقتي
مع ان ماما عملته لي يوم الخميس والله مخصوص ليااااا بس برضو عاوزة اكله تاني :lol::lol:
تسلم اييييييدك بجد
وانا مابحبش الخيار اصلا مع اي حاجه خالص ههههههههههه كنت مستغرباه مع المحشي لقيتك قلتي بتحبيه ومذاق خاص وكلام ماليش فيه هههههههههههههههه
بالهنا والشفااااااا
وقولي طريقة سلق الكرنب بتاعة غاليه عشان انا الفيديوز مش بتشتغل عندي

ra_tamima;15902705:
نورررررررررررررر................تسلم ايدم الاكل يفتح النفس بجد
انا انهارده غدانا كان صنيه بطاطس ف الفرن وفراخ وملوخيه ناشفه ورز بشعريه


بنات اعيد السؤال هنا بقى
انا اشتريت من سنينس من قسم السى فود
اصابع السوريمى بنكهه الكابوريا
استخدماتها ايه بقى وبتتعمل ازاى لانها كلها بالانجلش؟؟؟؟؟؟؟؟؟؟؟؟؟؟؟

بالهنا والشفا يا قمر
انا مش عارفه والله ماليش ف السي فود اوي للاسف :(
مع ان جوزي اي حاجه فيها نكهة سمك ينقض عليها ههههههههههههههه بس انا مش بعرف اعمل وافنن فيه كده زي الاسكندرانيه اصل جوزي فيه عرق ف العيله اسكندراني وهو كان عايش معاااااااااااهم للاسف بقى
بس برضو مش بعرررررررررف اخري سمك مشوي ومقلي وجمبري ههههههههههههههه

غدانا انهرده

معلش تصوير موبايل بقى عاااااااااااااا جوزي مش راضي يحن عليا ويصلح لي الكاميرا اهئ اهئ

مسقعه باللحمه المفرومه بس اتحرقت شوية اياد باشا ربنا يهديه كان مجنني كالعاده


حاساها مالهاش ملامح مسقعه ههههههههههههههههههه


بطاطس بالبشاميل بطريقة رشروش كانت حلوة اوووووووي وعجبت جوزي جدا



وكفتة رز
بس كانت سخنه اوي وجوزي كان مستعجل وانا طبعا لازم اصور هههههههههههههههه



وبس كده شوية حاجات مالهمش علاقه ببعض بس اهو كله بيروح ف الغسيل
وكان فيه رز وعيش طبعا

تسلم ايدك ياايمان والحمدلله انها عجبت جوزك
تيميه انا مليش فى البتاعه ديه الصراحه
بصى اكتبى الكلام فى ترجمه جوجل وجربى هههههههههههههه

ايمى ام معاذ انا عارفاكى طبعا ياقمر انساكى ازاى
على فكرة الشيكولاته هقولك عاملاها بايه بس مش تضحكى عليا
عارفه الاكياس بتاعه السبوع كان عندى واحد منهم عملته وشكلت بيهم الشيكولاته بصراحه
انا الحمد لله مش بحب اوقف نفسى على حاجة معينه وكله بيمشى وبيبقى تمام هههههههههههههههه

رشرووش;15902673:
تسلم ايدك يابت يانور المحشى شكله مش ممكن
وتسلم ايديكو كلكم علشان محدش يزعل ولو انى بظبط ام بودى عالفيس بس ياله تستاهل الصراحه
وبنوته تسلمى عالتورته

تسلمي يا رشرووووش اتفضليه عاملة ايه في التلللللج؟؟؟

ra_tamima;15902705:
نورررررررررررررر................تسلم ايدم الاكل يفتح النفس بجد
انا انهارده غدانا كان صنيه بطاطس ف الفرن وفراخ وملوخيه ناشفه ورز بشعريه


بنات اعيد السؤال هنا بقى
انا اشتريت من سنينس من قسم السى فود
اصابع السوريمى بنكهه الكابوريا
استخدماتها ايه بقى وبتتعمل ازاى لانها كلها بالانجلش؟؟؟؟؟؟؟؟؟؟؟؟؟؟؟

الله يسلمك يا جمييييل والف هنا عليكم البطاطس والملوخية
انا مش عارفة ايه ده بصراحة يا رشا
انتي تقصدي لحم كابوريا بس صوابع؟؟؟ كانت مرة بوسي قالت عليه باين
لو ده اللي تقصديه تقدري تعمليه في السي فود او تشوحيه بسيط قووووي في حتة زبدة وترشي ملح وفلفل وكده سندوتشات بس متطوليش عشان بيدوب

وده عملتلك سيرش لقيت الطريقة دي جبتهالك كوبي
بصى يا قمر انا بعمل بيها سلطه مكرونه بتكون جميله جداا بتسلقى مكرونه و تصفيها و تقطعى الكابوريا و حلقات زيتون و فلفل الوان و تخلطى مايونيز و قشطه و رشه بسيطه جدا فلفل اسود و بنكون سلطه حلوه جداا و كمان بحطها مع البيتزا لما بعملها سى فود او بتجيبى شرايح بف بانسيرى و تلفيها حواليها او تسوى البف فى قوالب الكب كيك و بتعملى باشميل سميك نوعا و تقطعى صوابع الكابوريه و تخلطيها مع البشاميل و تحشى بيها البف و رشه جبنه موزاريلا و تحت الشوايه بس الجينه تسيح و تحمر برضو شيك و جميله

وشوفي الفيديو ده يا رشا
[YOUTUBE]qtDxFAc8DLI[/YOUTUBE]


يارب اكون ساعدتك :)

Emo0o0Z;15902786:

تحححححححححححححفه يا نور بجد ما شاء الله
ومحشي الكرنب وااااااااااااااااااااااو مش قادره نفسي اكله دلوقتي
مع ان ماما عملته لي يوم الخميس والله مخصوص ليااااا بس برضو عاوزة اكله تاني :lol::lol:
تسلم اييييييدك بجد
وانا مابحبش الخيار اصلا مع اي حاجه خالص ههههههههههه كنت مستغرباه مع المحشي لقيتك قلتي بتحبيه ومذاق خاص وكلام ماليش فيه هههههههههههههههه
بالهنا والشفااااااا
وقولي طريقة سلق الكرنب بتاعة غاليه عشان انا الفيديوز مش بتشتغل عندي

ايه الاكل الجاااااامد ده مع اني مش شايفة حاجة غير بقدونس ههههههههههههههه المرة الجاية صوري بتركيز
تعالي انا عزماكي كرنب يلا دي المسافة بيني وبينك فركة كعب ههههههههههه
وانا مش بحب الخضار قوي كده ني يعني معرفش اكل طماطم او خيار او جزر او خس او الكلام ده كده بحس بيجيلي اشمئزاز ودي حاجة مش حلوة نفسي اتعلم اكل الحاجات دي بشراهة عادي عشان مفيد :(

طريقة سلق الكرنب يا ستي جبتهالك من النت اهو
هتجيبي الكرنبة وتقوري الحتة بتاعة الراس بالسكينة زي الصورة دي وتشيلي الراس
حاولي وانتي بتقوري تكوني مميلة السكينة عشان تطلع الراس معاكي مثلثة متدخليش بالسكينة بالطول عامودي لا خليه مايلة فهمه ليه عشان تعرفي تطلعي الرااس






وتقوري الراس كده





هاتي الحلة اللي هتسلقي فيها ودخلي فيها الكرنبة بحالها شوفيها هتقضي ولا لاء واملي مية على الكرنبة لحد ما تعرفي تغطيها وبعدين طلعي الكرنبة على جمب وشوية المية اللي كفو معاكي يغطو الكرنبة حطيها على النار تغلي بملح وحطي ربع معلقة كمون على فكرة انا اول مررررة اجرب الكمون في سلق الكرنب كنت خايفة يغير الطعم لاني مش بحب الكمون في المحشي بس بجد مفيش تغيير
انا قولتلك حركة المية دي عشان متمليش عشوائي وتيجي تسقطي الكرنبة تلاقي المية اتكبت من الحلة على البوتاجاز وتتلسعي
لما المية خلاص هتوصل للغليان اسقطي الكرنبة وخلي الحتة الفاضية بتاعة الراس من الحلة من تحت زي كده




وتسيبيها تغلي 5 دقايق وتروحي قلباها بالمقصوصة او معلقتين وتخلي الراسة من فوق
فايدة الحركة اللي عملتيها دي عشان البخار يدخل من فتحة الراس هيخلي الورق يفرفط من بعضه ويطلع بسهولة ويتسلق
اهو اقلبيها كده





هتلاقي الورق بدأ يفك من بعضه ابداي طلعيه بالملقاط ده ولا اسمه ايه كده




انا بصراحة بقيت اطلعه بايدي ، جبت ايد المقصوصة وحطيتها في الراس في النص ورفعت الكرنبة بالمايل عشان تنزل المية وبقيت اطلع الورق واحطه في صينية بس هقولك بصراحة كان سخن قوووووووي روحت رامية الكرنبة في الحوض وفتحت عليها المية وقعدت اطلع الورق كلللله في صينية اللي باعمل فيها الكيك

اخدت تاني نص كمية الورق حطيتها في المية تاني نفسها اللي بتغلي لمدة 3 دقايق وطلعته
واخدت الكمية التانية 3 دقايق برضه
وبطلعه تحت الحنفية على طول عشان ميقعدش يكمل سواه ويتهرى

وبسسسسس يا جميل انا كده عملت معاكي الواجب وزياده
والله العظيم امبارح كنت هصور الخطوات بس لقيت الكاميرا البطارية فاضية ولسه عايزة تتشحن والموبايل بخاف عليه يبوظ في البخار او من المية اديا :D

نووور ياحبيبتى هاتى بوسه بجد الشعريه باللبن جميييله والاكل يجنن كالعاده عشان من ايديكى بالف هنا ربنا يجعله بصحه عليكى وعلى جوزك وهاتى بوسه كمان عشان انتى خدووومه بجد وانا بعز الناس الخدووومه اوى ربنا يجعله ف ميزان حسناتك

ايمى ام معاااذ الكفته جميله اوى وانا ماشفتش الا البقدووونس ههههههه بس تسلم ايدييييكى قليلى عملتى البشاميل بالبطاطس ازاى او روشا تقولى ايهما اقررررب

ساااااااااااااااااااااااااارة كالعاده ابدااااااااااااااااااع ف التورتات
ربنا يريييييح باااالك ويفك كرررررررررررررررربك ويزيييييييييح همك ويجعلك من السعداااااااااااااء ويعطييييكى اللى تتمنييييه وزيااااااااااااادة

تسلم الايادى يا عيال
ام بودى و نوورو بنوتة الاكل تحفة
و ايمى تسلم ايدك بس هو فى حاجة خضرا غامق جمب البقدونس ده ايه؟؟؟؟؟
و الكفتة نفسى فيها اوى تسلم ايدك
انا اصابع الكابوريا عملت بيها فاهيتا سى فود طلعت تحفة
ايمى على فكرة صينية السمك مبحسلهاش طعم من غير كرفس لازم تجربيه

انا النهارده الغدا سندوتشات فراخ بانية وبيبسى و احتمال شيبسى بس بفكر اخبى كيس الشيبسى ليا لوحدى اكله بكرة
:p

هو فى حله يابت انور تكفى كرنب بتاع مصر حنجرب انا لما شوفت المحشى اتصلت بماما تعملى حله اتعشى بيها ههههههههههههههههههه اصلى مليش فى قاعده الحشو ابدا
وحموت يانور من الساقعه وضهرى بيموتنى واكتافى كمان ياله هانت فاضلى شهر واخف هههههههههههه

وحشتونى ونفسى ارد على مشاركات واحده واحده

واعلق على اطباقكم اللى جرت ريقى

بس للاسف فاتنى كتييييييييييييييييييييييييييييييييييييير

تسلم ايديكم كلكم يا احلى مبدعات بجد دايما رافعين علم مصر ام الدنيا

ده غدانا امبارح فراخ مشويه كانت امممممممممممممممممممممم





معلش مقدرتش استنى صورتها وهى بتدخن الريحه كانت مجوعانى




وده رز بالكركم





وبطاطس محمره




وده الصوص اللى كان نازل من الفراخ كان طعمه تحفففففففففففففففففه


وكان جمبهم كول سلو بس نسيت اصور وكلنا اكل حرماااااااااااااااااااان جوزى بقى يضحك ويقولى ياما الاكل حلو قوووووووووووووووووووووى بزياده يا اما احنا اللى جعانين قوووووووووى قلتله لا طبعا الاكل اللى حلو بص لابنك اللى على طول قافل بقه ومش راضى ياكل وانت تعرف بص لقى زياد مفترس طبق الرز وماسك دبوسه وشغاااااااااااااااال هم النم قام ضحك زياد بصلنا قالنا الرز طعمه حلو قوى ياماما والكوكو جمييييييييييييييييييييله

ههههههههههههههههههههههههههه قلتله صدقت

ربنا يخليكو يا بنات
وكلكو مش شايفين حاجه ههههههههههههههههههههههههههههه
والله المسقعه كانت روووووووعه بس اتفحمت شوية انا قلت احط بقدونس عشان لونها يفتح شوية ههههههههههههه


رورو البطاطس بطاطس مسلوقه عادي خالص وطلعتها من الميه وحطيت عليها ملح وفلفل وشطه وهرستها وحطيتها ف صينيه وحطيت فوقها البشاميل وبس
كنت عاوزة اعملها طبقات باللحمه المفرومه بس قلت احط شوية اللحمه ع المسقعه احسن ههههههههههههه هم كانو طبق صغنن فاضل من الاسبوع اللي فات



نووووووووووووووووور ربنا يكرمك بجد وجزاكي الله كل خييييييييييييييير تعبتك يا روح قلبي
كنتي قلتي بالكلام بس وانا كنت هفهم والله هههههههههههه
ع فكره ماما بتعمله كده لما بتكون الكرنبه صغيره بس طبعا نادر لو لقيتي كرنبه تكفي اكبر حلة عندك ههههههههههههههههههه
ربنا يخليكي يا روح قلبي ويرزقك بالذريه الصالحه ويسعدك