شات منتظرات الحمل وامهات المستقبل القريب باذن الله لشهر صفر/يناير

ايه يا جماعة مود الاكتئاب اللى جه على الشات ده ده انا داخلة اتفك معاكو شوية لقيت حالتكو حالة ربنا يعينا جميعا يا رب

سارة
حاولى بالسياسة كده ان انتى تتفقى مع جوزك على مواعيد محددة تروحوا فيها لاهله لان بصراحة عندك حق انت اكيد بتبقى مش مرتاحة خالص هناك و ما اظنش ان الموضوع ده ليه علاقة بان ربنا لسه مش رزقكم بنونو لان لو فى نونو اظن المشكلة هتزيد و هيقولك اهلى عاوزين يشوفوا ابنى و لا بنتى .. عارفة يا سارة انا حاسة ان جزء من حل مشكلتك انك تشغلى نفسك بحاجة لانك ساعاتها هيبقى ليكى ظروف و نظام ممكن تخليكى مش متاح على طول انك تقعدى مع اهل جوزك ليه مش تاخدى كورسات او تعملى حاجة خيرية او حتى ليه مش تدورى على شغل

شيرين
انا مش عارفة اقولك ايه بصراحة لان انا عارفة اللى شوفتيه ده كتير و مش سهل انا لما ابنى راح بعد 3 شهور كانت حالتى صعبة جدا بس رجعت لقيت انها اهون ما كان الحمل يكمل و يروح برضه و هتلاقى ده اهون من انه يعيش فترة و تتعلقى بيه و يروح منك و هتلاقى الاصعب من كده انه يكبر قدامك و يروح منك فجاة و الله انا قلبى بيوجعنى اوى لما بشوف امهات الشهداء اللى بيموتوا فى التحرير دول فى المظاهرات اللى ولادهم بيروحوا فى ثانية فكلها ابتلاءات فى الاخر و كل واحد على قد طاقته ... اوعى تحسى بالذل ابدا يا شيرين لان اللى بيحسسك بكده ملوش فى نفسه حاجة و ربنا هيردله كل ده بعد كده خليكى واثقة ان ربنا كريم و هيعوض صبرك و صبرنا كلنا خير فى الاخر بس على طول قولى اللهم اجرنى فى مصيبتى و اخلف لى خيرا منها

انا اهوه يا موزز مبلحقش اغيب بس ربنا ما يحرمني من سؤالكم عليا ياررررب

جروب الاكل اسمه اكلات بنات عروس حلو اوووي هيعجبكم

ساره روقي يا بطه كده انا كنت زيك لان جوزي مكنش في عنده اغلي من امه وكنت بغير منها جداااااااااااا حتي واحنا هنا لما كان بيكلمها علي النت بالساعات والضحك وبتاع بقول انا فين من ده كله ولما ننزل مصر كان لازززززززززم وهو طالع يعدي وهو خارج يعدي احنا مش في نفس العماره هما عمارتين جنب بعض يعني كنت بتشل بصراحه واحكي لماما تقعد تدعيله وتقول الهي يخليه يارب يارب ابني كان طلع زيه كده يسال عليا في الرايحه والجايه وتدعيييله وتقولي بطلي عبط ده انتي مفروض تتبسطي يا هبله اللي مالوش خير في امه هيكون ليه خير في مين حتي لو انتي ملاك لازم امه الاول وده يزيدك حب ليه مش غيره وكنت بفكر في كلامها والاقيه صح ميه في الميه والله لغايه ما حماتي اتوفت وخلاص جوزي مبقاش له حد غير اخوه الصغير ربنا يرحمها يارررب

بوسي الصين الشعبيه



انا شوفت برنامج عن الصين من كام يوم علي قناه النهار المهم كله متصور هناك والمذيعه راحت اماكن كتيرر اوي بس في حاجه قالتها رعبتني بجد بتقول ان الصينيين مش بيدفنوا الجثث لا بيحرقوها زي بعض الهنود كده وبتقول ان لو مسلم مات هناك واهله عاوزين ينزلوه بلده زي مصر كده بيدفعوا حوالي 80 الف جنيه في مصر للطيران والحكومه هناك بتصبر عليهم كام يوم عشان يخدوا الجثه ولو مش معاهم المبلغ ده بيضطروا يحرقوا الجثه عادي زي الصنيين فهي بتناشد مصر للطيران يخففوا المبلغ ده عشان حرام ياتري الكلام ده بجججججججججججد ؟؟؟ وكمان انتي بتاكلي ازاي هناك في اماكن للاكل الحلال وكده والدبح حلال هناك ولا ايه ؟؟ الموضوع ده شاغلني وقولت اسالك عليه ؟

shoshet*himo;15886151:
بوسي الصين الشعبيه



انا شوفت برنامج عن الصين من كام يوم علي قناه النهار المهم كله متصور هناك والمذيعه راحت اماكن كتيرر اوي بس في حاجه قالتها رعبتني بجد بتقول ان الصينيين مش بيدفنوا الجثث لا بيحرقوها زي بعض الهنود كده وبتقول ان لو مسلم مات هناك واهله عاوزين ينزلوه بلده زي مصر كده بيدفعوا حوالي 80 الف جنيه في مصر للطيران والحكومه هناك بتصبر عليهم كام يوم عشان يخدوا الجثه ولو مش معاهم المبلغ ده بيضطروا يحرقوا الجثه عادي زي الصنيين فهي بتناشد مصر للطيران يخففوا المبلغ ده عشان حرام ياتري الكلام ده بجججججججججججد ؟؟؟ وكمان انتي بتاكلي ازاي هناك في اماكن للاكل الحلال وكده والدبح حلال هناك ولا ايه ؟؟ الموضوع ده شاغلني وقولت اسالك عليه ؟

:-o:-o
يعنى انا لو متت هيحرقونى اعااااااااااااااااااااا
بس عمرى ما سمعت عن كده ربنا يستر
بس عادى الصينيين يعملو اى حاجة ممكن تتخيليها او متتخيليهاش
و عادى كل الاكل هنا عادى
و فى لحمة و فراخ حلاال عادى
حتى كنت عاملة محشى كرنب و فراخ تاخدى حتة :D
و فى محلات حلاال بس انا مباكلش منها لانها اكل صينى
وعادى بناكل سى فود فى مطاعم عادى
قشطة حتى النهارده لقينا تمر فرحت بيه اوى:)

Bossy22;15886199:
:-o:-o
يعنى انا لو متت هيحرقونى اعااااااااااااااااااااا
بس عمرى ما سمعت عن كده ربنا يستر
بس عادى الصينيين يعملو اى حاجة ممكن تتخيليها او متتخيليهاش
و عادى كل الاكل هنا عادى
و فى لحمة و فراخ حلاال عادى
حتى كنت عاملة محشى كرنب و فراخ تاخدى حتة :D
و فى محلات حلاال بس انا مباكلش منها لانها اكل صينى
وعادى بناكل سى فود فى مطاعم عادى
قشطة حتى النهارده لقينا تمر فرحت بيه اوى:)

لا يا حبيبتي بعد الشر عليكي وبالف هنا وشفا المحشي انا كنت عامله برضه محشي ورق عنب ولحمه والحمدلله ان عندكم اكل حلال يا ستي بجد بجد الحمدلله علي نعمه الاسلام وانتوا فعلا بقا معندكمش نايل سات ولا عرب سات كلها قنوات صيني بس وحوالي 52 قناه بس؟؟؟

ازيكم يابنااات وحشتونى
ساره...............انا حاسه بيكى جدااااااا لانى ف بيت عيله والمفروض علينا اننا نمضى حضور كل يوم ويبقى اليوم كله بس انا بقى غيرت القاعده دى لاننا انا وجوزى متفقين من زمان ان الكلام ده مش هايحصل وقالى عيشى ف شقتك براحتك وبمزاجك انزلى طبعا كنت مكروهها جداااااااااا بس مع مرور الوقت اتعودو بس برضه مش بيحبونى لان كمان جوزى الكبير وحبيب امه جداااااااااااااااا وهى حاسه انى سحبته عندى بس طبعا ده غلط لان ده رايئ جوزى وقراره من قبل الجواز لانه رافض بيت العيله بس غصب عنه بقى وان شاء الله ناويين نسيبه بس قدام شويه
وعلى فكره جوزى مفيش احن منه على اهله وعليا وعلى كل اللى حواليه بس هو شايف ان التدخل الزياده هايعمل مشاكل الا اذا انا اللى دخلت بمزاجى
يعنى عايزه ااقولك مشكلتك دى عند معظمنا مع اختلاف التفاصيل وحوار الاطفال ده مش سبب خالص لانى برضه تقريبا نفس ظروفك ورغم كده اهله بيعاملونى معامله مش كويسه ومش مقدرين بس مش فارقه معايا لانى بكل بساطه ممكن هو يتعالج وانا اللى اطلع عندى مشكله (بس المهم انى اطمن عليه )

كبرى دماغك وعيشى حياتك وحاولى تنظمى معاه حوار اهله بس بهدوء لانه مش هايجى بالعافيه خااالص بس لازم تحاولى لانك لو اتعودتى على كده هاتتعبى وهايبقى مطالب منك كده علطووول

ازيك يا رشا اخبارك اية ؟

ازيكوا يا بنات عاملين ايه
شيرين انا بدخل اطمن من فتره للتانيه بس النت عندى وحش اوى وطبعا قريت الظرف اللى مريتى بيه وكنت عايزه ارد على كلامك بس للاسف النت وحش اوى
بصى اولا انا حاسه بيكى جدااااااااااااااااااااا لانى مريت بنفس الموقف وفى نفس التوقيت من الحمل تقريبا
عايزه اقولك انك مقضتيش 3 سنين ذل وتسع شهور حمل بردوا ذل وتعب بالعكس انتى كسبتى جدااااا كسبتى انك بقيتى من الصابرين وكسبتى بيت فى الجنه اسمه بيت الحمد اللى بيفوز بيه اللى بيصبر على فقد الابن وفى حديث شريف من بقولك كده من عندى طبعا
بصى ياشيرين اعتبرى نفسك وهبتى وقتك وصحتك لربنا لمده 9 شهور وفى المقابل ربنا كافئك بالجنه وبشفيع ياخد بايدك للجنه يقوم القيامه يبقى كده طلعتى من الموقف كسبانه ولا خسرانه
انا عارفه ان الموقف لسه علشان فى بدايه صعب اوى غليكى وعارفه وحاسه بشعورك وتفكيرك واحاسيسك وعارفه انى مهما قولت او وصفت ممكن متصدقيش انى حاسه بيكى اوى او على الاقل حاسه انتى بتفكرى ازاى بس والله ربنا هيعوضك خير بس انتى دايما احتسبى وبلاش تسلمى تفكيرك للشيطان
انا عارفه ان عيبنا كبشر اننا بنبقى عايزين كل حاجه ملموسه وفى وقتها يعنى بكعنى تانى نتعب نلاقى مقابل بس والله لما يكون رضا ربنا علينا والجنه هى المقابل بتاع تعبنا يبقى احنا فى نعمه غيرنا كتير بيقضى عمره كله بيسعى ينولها

واخر حاجه والله هقولهالك ادعى ربنا يعوض صبرك خير ويرزقكك من حيث لا تحتسبى
وهدعيلك الدعوه بتاعه بابا ليا اللهم ازرقك الصبر والنسيان

وفى حاجه تانيه نسيت اقولها لكل البنات اللى مكتئبه فى الشات ان ربنا بيعطى كل انسان قدر احتماله وفى الاخر كلنا عند ربنا متساويين وواخدين 24 قيراط من الدنيا متقسمين كل انسان على حسب ما ربنا مقدرله يعنى اللى تحسن انها تعبانه او مخنوقه او عندها مشكله صعب حلها او منغصه عليها عيشتها تفتكر ان بردوا هى عندها اللى مش عند واحده تانيه من هموم او مشاكل او غيره وانها متساويه معاها بس بطريقه او توزيعه تانيه من عند ربنا مش عارفه عرفت اوصل قصدى ولا لا

شيرين...............منوره ياحبيبتى ربنا يصبرك ويرزقك عن قريب ان شاء الله

لؤلؤة

بصراحة كلامك ريحنى شوية

بنات ادعولى
نازله تدريب شغل يوم الاتنين ادعولى ربنا يكملى فيه على خير واكمل فيه علشان انا محتاجله اووووووى
والحمد لله مواعيده حلوه اوى بالنسبالى
ربنا يجعل وشه خير عليا يااااارب

ربنا يوفقك يا رشا

انتوا فين يا بنااااااااااااااااااااات عاوزة اتكلم مع حد

انا موجوده ياشيرين ولا بلاش انا؟؟؟؟؟

اخبارك اية يا رشا
دا انتى عسل يا رشا

يتصفح الموضوع حالياً: 5 (5 من الأعضاء و 0 من الزوار) ‏حبيبة امها 4, ‏paradise rose, ‏زوجى كل حياتى, ‏RAINBOW2000


مين الخامس
ساكتين لية

رشا وشري وامنيه

ازززيكم

رشا ربنا يوفقك في الشغل الجديد يا قمر بس هتشتغلي ايه ؟؟

ازيك يا شوشو اخبارك اية