شات منتظرات الحمل وامهات المستقبل القريب باذن الله لشهر صفر/يناير

زوجى كل حياتى;15885079:

يا ساره انا اعرف انه دايما يحصل بينكم خلافات بسبب الموضوع ده فهو كده كده مصر وبيعمل اللي هو عايزه حاولي انتى باه تهدى وتفوتى علشان الامور تمشي ولو كده ممكن تاخدى حماتك معاكى ف شقتك كام يوم اكيد هتكونى مرتاحه اكتر لانك ف بيتك

ماشى يا سحر ما لو هي هتيجي عندي يومين وتمشى اقولك ماشى لكن لما بتيجي عندي اقل حاجة اسبوع او عشر ايام وانا كدا مش برتاح

وكمان متنسوش ان اودة نومي من لما تحرقت وانا لسة مش جبت اودة نوم وبنام فى اودة الاطفال

فلو هى جت هننام ازاى احنا التلاتة

فهمتي

وبصراحة ربنا يسامحنى انا مش صفيالها من ايام الخطوبة لانها كانت وحشة معايا ومع اهلى اوى وياما اتسببتل فى مشاكل كبيرة مع جوزي وياما عاملتنى وحش وطبعا استحالة انى انسى القسية ابدااا

لحظةحب;15885084:
منوره يا رشا متغيبيش تاني بقا

ساره يا بنتي الرجاله اغلبيتهم كده اختي جوزها بيوديها عند ماما ويتفقوا يباتوا يوم ممكن يقلب اسبوعين علشان يخرج ويرجع براحته

ايوة انا فهماكي بس انا بزعل يا ياسمين لية ميكونش زى الرجالة التانية اللى يحبو يقضو اجازاتهموايامهم فى بيوتهم

ولا علشان لسة مخلفناش يعنى مميبقاش لينا حياتنا الخاصة ؟؟

ربنا يهدية

ازيكواا يا بناااات ..... مهاااااا انا اهو الحمد لله زي ما انا متقلقيش يا اختي شكلي مطووووله هههههه ....... انا قلقانه علي دينااااااا ان شاء الله هكلمها الصبح اطمن عليها ربنا يكملها علي خير يارررب و يسترها معاها يارررب ........ عليااااا بسم الله ما شاء الله عليكي التورته شكلها تحفه تسلم ايدك هاتي حته بقي ههههه

فعلا يا بنات دينا بقالها يومين مش بتدخل

وكمان ميرا

وريري

وشوشيت

نفسى اطمن عليهم

ربنا يطمنا عليهم ان شاء الله

كلكو نمتو ؟؟؟؟؟؟؟

شيرين صحيح نسيت ارد عليكي هو انتي مش بتاخدي دوا يوقف اللبن ولا ايه يا بنتي؟؟؟

سحورة وحشتنا مشاركاتك يا جميل وربنا يراضيكي انتي وجوزك بالذرية الصالحة إن شاء الله

ميجووووووو ماشي يا قرده بس برضه انا حاسة انك هاتفاجئينا وتختفي وتولدي من غير إنذارات .. ربنا يسترها معاكي إن شاء الله

ساااااااارة انتي بتفكريني بنفسي اول الجواز.. كنت ارجع اجري من الشغل اطبخ في رمضان وابقى هلكانة وكنت حامل كمان بسسسسسسسسسس عشان خاطر مايقوليش نروح نفطر عند ماما وهو لو عليه رمضان كله يقضيه هناك عشان اللمة وانا بقى اتفرس واقوله مش عارفة اعد معاك براحتي وبتاع..... شوفيني دلوقتي بقى لما يجي رمضان كل كام يوم اقوله مش هايعزمونا تاني؟؟؟؟؟؟؟؟؟؟؟؟:D:D يا بنتي لازم الطناش وبعدين نظرية الزوج اللي بيحب يقضي اجازته مع مراته في بيتهم دي بصرررررررراحة مش موجوده انا باحس ان احنا اللي بنهتم بالقصص دي لكن هي اصلا مش فارقة معاهم
انا ليا واحدة صاحبتي عمرها في حياتها ماخرجت خروجة يا عيني من غير اهل جوزها.. اي خروجة تلاقيه مكلم اخواته يخرجوا معاهم.. تخيلي؟؟؟؟؟؟؟
انا بقى جوزي اول ما حد من اخواته يكلمه يقوله تعالوا معانا هانروح في مكان تلاقي السعادة والانشكاح ويصحيني من الفجر ان احنا خارجين مع اهله.. صحيح بنخرج وحدنا بس مع اهله باحسه مبسوط اويييييييي مش عارفة ليه؟؟؟؟ مع ان انا لو اهلي اللي موجودين مش هابقى سعييييدة اوي كده يعني.... لما احكي لماما تقوللي ماتحاوليش حتى لو مش بيحبهم وفي بينهم خلافات هايفضل عنده ولاء ليهم ودي اسمها العصبية.. انا بس عاوزاكي تتعايشي انتي جربتي القمصة والخناق حاولي تتعايشي بقى واعرفي ان معظمنا نفس المواويل والله بس بحاول نفوت وخلاص

عندك حق يا مها

فعلا بحس جوزي لو احنا خارجين مع اخواتة بيكون مبسوط اوى

وبيكون مبسوط بلمتهم

انا بقول يمكن علشان هو بيحب اخواتة وعيالهم وان احنا لسة مخلفاش
مش عارفة

بس بيني وبينك يمكن علشان انا من جوايا مش بحب حماتى اوى يمكن علشان كدا الموضوع بيضايقني

وخصوصا مثلاان اختة اللى هو بيحبها وبيحب عيالها دي

عندها هي وجوزها طقووووووووووووووس

يعنى ممكن جوزها ياخد شهر اجازى علشان يقضيها معاها فى البيت هى والعيال وبالرغم من كدا وهى ساكنة جنب حماتى مش مثلا تعرف اننا هنا فتيجي علشان تشوف اخوها لا الوقات اللى هما يكون متفقين انهم هيجو فية يجو فية فهمتي

بيني وبينك دا اللى بيعملني وبيزعلنى يعنى هى وجوزها لبعضهم ومش بتهتم مثلا انها تيجي ولا تعمل مخصوص لحد وهو يقعدنا علشانها يا سلام وان لمة العيلة حلوة بردو لكن جوزي مش بيحسسني بيها نفسى يكون كدا معايا انا وولادة ان شاء الله لكن مش معنى اننا لسة مخلفناش اننا نبقى عايشين لغيرنا وفرحتنا بيهم مش بنفسنا

بحس انى بقى اقل من الناس وان هو مش بيحبني

وبيني وبينك انا مخنوقة اصلا وعمالة اعيط لوحدي دلوقتى ادام الكمبيوتر زى المجنونة

يلا الحمدلله

دانا ماصدقت الاقى حد اتكلم معاه

يا حبيبتي يا سارة انتي بتعيطي ليه يا بنتي دلوقتي ايه الهبل ده؟؟؟؟؟؟؟؟؟؟؟؟
انتي فاكرة الموضوع عشان الخلفة؟؟؟؟؟؟؟ لااااااااااااااااا طبعااااااااااا طب مانا جربت وكان على سنة و4 شهور قبل العيا بتاعه عارفة كان جوزي بقى بيعمل ايه يقوللي نروح ونبات عشان يتعود على اهلي....... يعني الموضوع مالهوش علاقة خاااااااالص بالخلفة بالعكس ده بيزيد
انتي اللي عندك حساسية جامده اوي بصراحة وبعدين مثال اخته ده غلط خالص.. مش الست هي اللي بتحرك الراجل يا سارة هو اللي بيوجهها زي ما جوزك عاوزك مع اهله هو جوزها عاوزها في البيت معاه هي ماتقدرش تجرجره وتقوله تعالى معايا نعد بعيالنا عند ماما.. ماتجيش يعني..... فهي مش فارقة عنك هي تبع جوزها ما بيقرر بتعمل وجوزها حابب قعدة البيت دي قصة تانية تمامااااااااااااااااا

بصي يا سارة اهدي شوية وافتكري انك الحمدلله ربنا ارادلك حمل قبل كده وإن شاء الله هايتكرر وتحملي تاني يعني فيه امل كبير الحمدلله
لكن النفسية النيلة دي هاتأثر على كل حاجة لازم نحسن الظن بالله
انا باقولك والله وباشجع نفسي بالكلام ده عشان ساعات باضعف زيك كده

ربنا يهدي يا مها

انا فعلا اللى حساسة زيادة عن اللزوم وكل حاجة اخدها على الخلفة مع ان العيب مش منى والكل عارف كدا

بس بردو الموضوع بالنسبالى انا مش فارق المشكلة عند مين بالنسبالى فى الاخر محصلة واحدة

مفيش اطفال


الحمد لله على كل حال

عموما بكرة بابا وماما هيكون طول النهار بارة فى مشاوير وطبعا مش هقعد لوحدة هيودونى عند حماتى بعد الصلاة كدا

بجد مش عارفة مالى

حتى الصلاة مبقتش ملتزمة بيها زى الاول

الاول كنت بقرا قران كتير وبدعي ربنا كتير وبصلى

وبسبح دلوقتى مفييش مبقتش زى الاول

ودا من بعد ما جوزى عمل العملي على طول بقالى تلات شهور مش ملتزمة بالصلاة

مكنتش كدا

دا غير حاجات كتير يا مها مقدرش اتكلم عنها اصلا

ربنا بفك كربنا جميعا

الا الصلاة يا سارة كده هاتقلبي يأس من رحمة ربنا لو قصرتي في حاجة تانية فترة معلش لكن الصلاة حاولي جااااااااااااااااامد
بصي فكري دايما ان بنوتك اللي اتوفت دي في الجنة وهي اللي هاتاخد بإيدك إنشاء الله ومايصحش تبقى مابتصليش وعاوزة تخشى معاها الجنة.. بصي يا بنتي احنا في ابتلاء ولو جوزك ده معندوش اي مشاكل ممكن برضه ربنا يمنع عنك الخلفة يبقى في كل الاحوال قصة الخلفة دي حاجة من عند ربنا والانسان مالهوش اي دور فيها يبقى في عز ازمتك بقى تبعدي اوي كده عن ربنا؟؟؟؟؟؟ استهدي بالله انا مش هاتقل عليكي واقولك لازم ترجعي تدعي وتقري قرآن وحاجات كتييييير انا برضه مش باعمل كل حاجة بس انا هاقولك بس الخمس فروض حافظي عليهم والاستغفار بسسسسسسسسسسسس وإن شاء الله هايرجعلك اليقين بالله كده وترجعي زي الاول واحسن

ربنا يهدينا كلنا يا مها

ويرزقنا ويعوض علينا ويفرح قلبنا وييسرها علينا


الحمد لله


انا هقوم اصلى ركعتين لله

يلا تصبحي على خير

ولما تروحي لجوزك بكرة فرفشي كده وضحكي بقي وسيبك من حماتك اللي كانت وحشة قبل الجواز وبتاع خلاص بقي يا سارة ايام وراحت لحال سبيلها هانعد ندور على النكد بملقاط انتي عندك مشاكل اد كده مش ناقصة نفتكر اللي عدى وفات كمان..... وانا رأيي اصلااااا حاولي تدوري على اي حاجة اشغلي نفسك بيها ارجعي للرياضة.. انتي بتقولي كنتي رياضية وبتاع ارجعي او شوفي شغل مثلاااا.. انا مش عارفة ظروفك اوي بس انا نفسي تخرجي من الدايرة الحزينة دي وخناقاتك مع جوزك والمواويل دي

امين يا سارة
وانتي من اهله يا جميل :)

:-#صباح الخيييييييييييييييير
عاملين ايه يا عيال يارغايين
سارة اهدى كده يا حبيبتى متاخديش كل حاجة على اعصابك
انا مجربة موضوع البيات ده و بتخنق منه
و جوزى بردووو بيبقى فى منتهى السعاده و هو عند اهله و هزار و رغى و انا مبينطقش معايا:-#
خرس زوجى بعيد عنك هههههههههههههه
و الله ببقى مستغربة و هو طبيعته اصلااا كانت كده هزار و فرفشة معرفش بقى كئيب ليه من ساعة متجوزنى هههههههههههههه
و طبعا كتير من خناقتنا علىالموضوع البيات هناك ده
يعنى انا نزلت مصر 3 شهور
طول ال 3 شهور كل يوووم عند حمااااتى كل يووووم
لا و مكنش عاجبهم
و يقولونا مش بتباتووو معانا
و انا اعمل الحجة ان مفيش سرير لجودى
يقولولنا هاتو سريرها هنا :confused:
و مرة رحت ابات عند اختى من نفسى
قالوللى ماهى جووودى اهيه بتنام فى سرير غير بتاعها انتو عاملينها حجتكووو:mad:
و فعلا رحنا بتنا معاهم
و موضوع الاطفال ده بالعكس تماااما
ده بيزود الموضوع لانهم بيبقو اصلا عايزين يشوفو البيبى اكتر من ابنهم
و عشان البيبى يعرفهم و يحبهم اكتر من اهلى :mad:
يعنى مرة اخت جوزى صغيرة بتقول كل الاطفال بيحبو الخالات اكتلر من العمات
راحتت حماااتى قالتلها لاااااااااااااا بيحبو اللى بيشوفوهم اكتر (عيهم يعنى لانى مرحت عند اهلى اللا كام مرة تتعد على اصابع اليد الواحده)
فمتربطيش كل حاجة ببعض و تتعبى نفسك
و بالنسبة لاخت جوزك هو فى واحد على كوكو الارض ممكن ياخد اجازة شهر يقعد مع مراته و عياله ههههههههههه
غير مهند طبعا ههههههههههههه
و طمنينا على التحليل بقى وربنا يراضيكى قريب انتى و كل من يتمنى الزريه يارب

بوسى@ انتى فقققققققققر ضحكتينى موووووووووووووووووووووووووووووت على مهند اللى بياخد اجازة شهر يقضيها مع مراته و عياله

انا جوزى بيتخنق مووووووووووووووووووووووت كل ما يدخل يلاقينى بتفرج على مهند

بقوله ماهو انا او مكتفية ذاتيا عاطفيا مكنتش هتفرج عليه لكن انا بشوف النص الللى ناقص بغيظه يعنى

يقوم هو بقى يقعد يتفرج معايا و يقولى شوفى نور بتعمل ايه .....؟؟؟

اقوله لما تبقى انت مهند ابقى انا نور و نفضل نناقر فى بعض

حاجة تقرررررررررررررررف

هههههههههههههههه
هدى لا انا جوزى قفشنى متلبسة و انا بتفرج على العشق الممنوع
و كان مهند فى البيبسين ههههههههههههههه
وزعل و كان فيلم هندى هههههههههههههه

مها
الدكتور كتبلى حبوب عشان اللبن ينشف
بس رغم كدة اللبن كتير عشان مش عاوزاة طبعا
ياله الحمد لله والشكر لله

سارة
انا فعلا كنت بعانى من مشكلتك دى
انى بحس ان جوزى مرتبط بولاد اخته قوووووووى وكان دا محسسنى بالذل
والحمد لله هرجع احس الاحساس دا تانى باين ربنا مش كتبلى اتحرم من الاحساس دا

بصراحة مش فاكرة مين فيكم اللى اتكلمت عن الولاد والبنات
بقول لاى واحدة ارضى بتصيبك سواء بنت او ولد
بعد اللى حصلى
انا تمنيت انى كنت اجيب بنت بس كانت تعيش وكان هتبقا احسن عندى من 10 ولاد
ومقومش بعد ذل 3 سنين و9 شهور حمل ذل من غير عيل
وانصح اى واحد برضة بتتشاكل مع جوزها عشان اسم
انا قلت بعدها ياريتنى ما اتشكلت معاه حتى كان يعيش ويتسما اى حاجة


فكل واحد تقول الحمد لله اهم حاجة يجى او يجى بصحة ومعافى ويحمية ويحفظة ربنا


ربنا ما يجرب على اى واحدة ابدا اللى انا شفتة ولا حسيته

عاوزة العب المزرعة السعيدة العبها ازاى