التجمع السابع للحوامل اللواتي سيلدن بمشيئة الله في ديسمبر 2011

ام مشمش اد ايه كان عمر جيران مامتك اللى جاتلهم الصفرة ومشيت امتى ؟؟؟؟؟؟

ماشاء الله يابنات :lol:

الله يرحم أيام زمان

كانت شكوتنا زمان مش عارفة أنام:hysterical:

الحموضة مغلبانى:worn_out:

الحساسية هتموتنى :badly:

وإلخ إلخ

دلوقتى شكوتنا

ابنى مش بينام من المغص:|

حبيبة ماما متسلخة:thumbs_down:

لا كده مرتاحين ولا كده مرتاحين

ياعينى على الأم

حالها يغم

لا خال ولا عم

يشيلوا الهم:rolleyes::lol:

بالنسبة للى بيشتكوا من المغص

راجعوا أكلكم وحاولوا تعملوا جدول باللى بتاكلوه

لأن غالبا المغص اللى بييجى للأطفال اللى بيرضعوا طبيعى ناتج من نوعية

الأكل اللى بتاكله الأم ونفس النظام للغازات

بالنسبة للتسلخات

فى كريم سودو هنا فى السعودية ودول الخليج

حلو بس بقى يابنات عرفت معلومة غريبة وشكلها فعلا حقيقى

إن كثرة استخدام كريمات التسلخ بوفرة بتعمل مفعول عكسى

يعنى بتخلى جلد الطفل حساس أكثر ضد التسلخات ومش بيستحملها

وعلامة ده إنها بتخلى جلد الطفل بيلمع

وأفضل علاج للتسلخات هو تعريض جلد الطفل للشمس وقت بسيط كل يوم

واحدة كانت بنتها على طول جلدها متسلخ وتوديها للدكتور ويقول لها عرضيها للشمس

وهى مش مقتنعة وتقول إيه علاقة التسلخات بالشمس

المهم فضلت تجرب جميع أنواع الكريمات ومافيش فايدة

لغاية ما جربت الشمس وبتقول فعلا خلال يومين ظهرت النتيجة واضحة جدا

وبرضه ممكن تستخدموا زيت اللوز أو زيت الزيتون الاتنين حلوين للبشرة

سمسمة حبيبتى عرضى إياد للشمس بشكل يومى وقت الظهرية

وإن شاء الله مع فيتامين د والشمس الصفراء هتنزل

ربنا يحفظه لك من كل سوء

بكرة أبو عمار حجز له إن شاء الله فى المستشفى علشات نعمل له الختان

وأنا وأبوه كل ما نبص له قلبنا يتقطع عليه وإننا إزاى هنغدر بيه ونوديه للألم

بإيدينا وهو ياقلبى ما يعرفش إيه اللى مستنيه

بس نقول إيه :

الدور الدور الدور الدور

موعود ياللى عليك الدور:-#

أمر وربنا كتبه على جميع الذكور

زى ما إنكتب علينا إحنا الحريم أمور كتير

الحمد لله الذى لا يحمد على مكروه سواه

أم مشمش أنا راسلت أمس المشرفة مسزز غموضة

وهى راسلتنى بتسأل عن المشرفة اللى بتفتح لنا التجمع كل مرة كانت

فاكرة إن تجمعاتنا السابقة عندهم فى الشات فرسلت لها ووضحت لها

الموضوع وأدينى مستنية رد منها وربنا يسهل

ألف سلامة عليكى يا كارو

وأنا كمان ماسكة عمار بإيد وبأكتب بإيد

بس شكلى هأسيبك وأمشى لأنه نام خلاص

وعايزة أقوم أستغل الوقت وأنام لى شوية لأنى بكرة إن شاء الله هأختنه

والله أعلم هيبقى الحال إزاى