التجمع السابع للحوامل اللواتي سيلدن بمشيئة الله في ديسمبر 2011

بنات دعواتكم لاياد لاحظت عليه ان الصفرة ما خفتش كنت شاكة ياربي لون عينيه شوية متغير ولا لا وانا محتارة قلت طيب بنعمل تحليل لقيت النسبة شوية عالية والمفروض انها كانت نزلت لانه كمل الشهر
طلعنا عالمستشفى وتحليل تانى ودكاترة هم الحمد لله طمنونا شوية بس الاخصائي قالي كمان 4 ايام واروحلهم تانى
الله يكرمكم دعواتكم لاياااد بالشفاء

السلام عليكم يابنات

وحشتووووووونى قوى اليومين دول :)

بس كانت حالتى صعبة قوى

طبعا أنا كنت أول يومين بعد الولادة كنت باشرب كوب سنامكى الصبح علشان

أتفادى الإمساك

بعد ما روحت البيت وبدأت أغير لعمار الحفاض لقيته بيعمل حمام كتير وشبه

سائل إفتكرت إن السنامكى وصلت له فى الحليب وعملت له إسهال وهى

اللى اتسببت له فى المغص

وبطلتها بس الله لا يوريكم بقى عندى إمساك فظيع وبعد ماكنت بدأت احس

بتحسن الجرح رجع تانى يالمنى جدا:(

وفى نفس الوقت صدرى من تدفق الحليب حصل له إحتقان شديد لدرجة إن

اللبن حجر فيه ومش عايز حتى يتشفط وده كمان سبب لى ألف إضافى

ده غير إن الجو مرة واحدة عندنا برد قوى وعمار حصل له بوادر زكام :(

فإجتمعت الاسباب كلها من كل جهة

رحنا النهاردة المستشفى كشفنا على عمار الدكتورة طمنتنى عليه وكتبت له

على قطرة ماء بملح لما يحس بصعوبة فى التنفس واشفط بعدها أنفه بشفاط

الانف لان الشفط على الجاف هيتعبه

وطمنتنى بالنسبة للإسهال وقالت لى ده مش إسهال ده طبيعى جدا فى أول

أيامه مادام مالهوش ريحة وحشة يبقى طبيعى بإذن الله

ولما حكيت لها على المعاناة اللى باعانى منها قالت لى لازم أراجع دكتورتى

على طول لانه طول ما انا تعبانة هيفضل هو كمان تعبان

فعلا رحت عيادات النساء فى وقتها ومالقتش دكتورتى فدخلت لدكتورة تانية

وكشفت عليا وقالت لى الحمد لله الجرح بدأ يلم والتعب اللى حاسة بيه ده

بسبب الإمساك فكتبت لى على مسكن أقوى وملين شراب وتحاميل جلسرين

علشان كنت عايزة ملين فورى وبالنسبة للأحتقان فى صدرى قالت لى أرضع

عمار من الصدر المحتقن وأشفط التانى

وقالت لى إن المضاد الحيوى والمسكن هيخففوا الإحتقان عندى

وقالت لى أعمل كمادات مية دافية وكمادات مية باردة علشان تخفف عليا الألم

والتحجر

وربنا يهونها

جوفان يارب نسمع منك احلى خبر :D

سمسمة ألف سلامة على إياد وإن شاء الله النسبة تنزل قبل ما تروحى تانى

للدكتور

النهاردة حلقت شعر عمار علشان النهاردة السابع :lol:

إتفرجوا عليا وعلى الحوسة اللى كنت فيها امى خلعت وراحت تنام

وزوجى يادوب مسك ماكينة الحلاقة وماقدرش يحلق له

وإتدبست أنا وقعدت احلق له ياعينى إفتكرت مشهد فى مسلسل قديم اسمه البخيل وأنا

كان فريد شوقى بخيل وبيحلق لعياله بنفسه وكان ماسك وائل نور وبيحلق له

والواد عمال يصرخ تحت إيده وفريد شوقى خلى شكل رأسه شوارع:lol:

برضه عمار بقى شكل رأسه شوارع بس الحمد لله هو كان نايم ومستحلى

الموضوع على الآخر وانا باحلق له

المهم إنها تمت على خير :rolleyes: