حركات زوجي مع خواته تحرق لي قلبي

M!ss CoLoRz;15785201:
اول مشكلة معاج حق

ثاني مشكلة يعني فيها نظر ... زوجج المفروض يكون حازم مع بنت اخته ويقول لها ما ارضى على زوجتي هالكلام سواء بسبب ولا بدون بسبب وماله داهي كل شوي تقول له ما احب زوجتك ... حبتج ما حبيتج مشكلتها مو مشكلة زوجج

ثالث مشكلة لا .. هني عاد انتي لازم توقفين ... علاقته بأخواته أبدا أبدا أبدا أبدا مالج حق تتدخلين فيها وتفرضين عيله شنو الصح وشنو الغلط
بالعكس شي في قمة الأخلاق والأدب إنه يعتذر لأخته ويداري خاطرها والأحلى علاقته فيهم قوية هالشي نقطة لصالحه مو ضده وشي حلو ينادون بعض باسم دلع مو نفس الباقي .. الوحدة او الواحد يتزوج وعياله طوله وللحين الاخوان ينادون بعض مريووم و فطووم و عبوود وحموود وعزوز !!!!

نصيحة لا تحاولين تبعدين زوجج عن أهله لنج ما تبين أحد يبعدج عن أهلج وباجر الله بيعيطج عيال وبتعرفين الاحساس

أشواك ورد;15785272:
مرحبا , جوفي يا حبيبتي كل ردة الفعل الي طلعت منج جطيه في الزبالة سوي عليه دليت

في المره القادمه لأن موقف العرس بيتكرر , ولكن دائما تذكري أن الموقف ماتردين عليه بعد

يومين في نفس الوقت , يعني تهيأ لج الجو طلع زوجج , بعد ما يطلع زوجج من المجلس ,

خذي فلانه اخته على جنب , اذا كانوا من النوع المحافظين وفيهم تدين بس لاهيين ,

ادخلي عليهم من هالباب , وكلميهم بكل ثقه وبكل ثقل ومع ابتسامه , فلانه ترى الكلام الي

قلتيه حق اخوج مب عدل - واياكي أن تعصبي لأن العصبية تقلل من مكانة الوحده تحذري

تعصبين تعلمي شلون تضبطين نفسج حتى لو الي جدامج عصبت وتضايقت -قولي لها

حتى الرسول صلى الله عليه وسلم نهى عن ذكر مفاتن الناس اعتبرها فتنه , اذا كانت من

الي ما يتفاهم معاه , قولي لها أنا قلت لج , ما ابي ينعاد هالسيناريو , بس اطلعي من

عندها عشان تفكر في الموضوع عدل , بالنسبه لبنت اخته , هل صار موقف بينج وبينها

حاولي في جمعتكم الجايه تجاملينها , والإعتراف الي اعترف لج زوجج لا تقولينه حق حد

بعدين زوجج يطلع فتان ,يعني اشتغلي على المواضيع وياهم مب وياه

مثلا حاولي أنج تتعاطفين مع بنت اخته , حبيها جامليها , اذا جفتيها يمكن شوي تحس

بغيره اقطعي هالغيرة , يمكن تحس أنج ما تعطينها وجه , وهالموضوع انسيه لا تحطينه في

بالج , بالنسبه لردة فعله مع خواته هذي أمور لا تدققين فيها , كأنج تدخلتي في امر اسمحي

لي ما يخصج , وفي نفس الوقت ممكن يجيب لج الضرر , وتصرفاتج مع زوجج تمسكين موبايله

كل هذي الأمور تؤدي الى الفتور , ابتعدي عنها افضل , الزوج يحب الزوجه الي واثقه فيه .