حركات زوجي مع خواته تحرق لي قلبي

دلوعة بدران;15788166:

مشكورين بنااااااات على ردودكم ونصايحكم ... بس انا بجد احس مقهوووره كثير ....

يمكن لانكم ما عشتوا الوضع اللي انا عشته .... هذي المواقف اللي ذكرتها تتكرر مثلها وشبيهه لها يوميا
يعني هو مع خواااته ما احس انه اخووووهم ... احس انه اختهم استغفر الله

والله اخوااانه لما يجوا يزورونا يتأدبن ولا يطلع صوووتهن ولا شي من هالسوالف ينقال

مجرد سوالف عااااااديه تدور بينهم .. بس مع ريلي غير .. كل شي ينقلب

مدري ليش يمكن لانه وااااااايد طيب وحنوووووون معطنهم ويه

سوالف البنات كلها تنحكى له ... كل يوووم لما يرجعن من الدوااااام لازم يقعدن وياااه
ويعطوووه تقرير شاامل لكل شي صار لهن ف الدوااام سواءا مواقف مع زميلاتهن او اي شخص ثاااني ... انا انقهر احس سوالف مالها طعمه
يعني اخووووج شو له دخل ف ربيعتج وبشرتها وكيف تعتني ببشرتها ومدري شوو

وفوق هذا خواااته صريحااااات جدا معاااااه ... يعني في موقف صار ايام ملجتنا

ف حفلة الملجة كان طالع لي حبوووب حمرا صغيره ف كتفي عشان الحلاوه

ثاني يوووم من الملجه كنا نسولف انا ويااه وسألته شو انطباااع اهلك عن اهلي والحفله وعني

قال خواتي يقووولن الحفله حلوووه وانتي فستانج كان حلووو وكنتي حلوه بس فيج حبوووووب في كتفج .. وخوووواتج ما فيهن

قلت له منو قالك هالكلام ... قال خواتي يقولن
واذكر اني تضااايجت يومها موووت وهو حس فيني وصار ما يخبرني تعليقاتهم علي

وعااااد بنت اخته اللي زعلانه عليه لانه تضارب وياهااااا عشاني ... يعني عقب هذا
لج ويه بعد ترسلي له انج زعلانه عليه وما تبي تشوفيه .... يعني الميانه طايحه ع الاخر
ماعرف شوو اقول وشو اخلي .... الله يعيني بس

[
]
[
ههه والله ماقول الا الله يعينك
بس ولو اختي طنشي محد كامل خليك واثقة من نفسك
ويمكن بنت اخته كانت تبيه لاحد ثاني
واختارك ف شايلة عليه لهذا السبب والله اعلم مجرد توقعات
مدام لاجت ملكته ولاعرسه
[
]
[

حبيبتي راح أختصر كلامي في سئال واحد وياريت تجاوبيني عليه
إنتي لما يصير عندك في المستقبل بنات وأولاد
مو راح يكون همك الوحيد أن علاقتهم تكون كلها محبة مثل علاقت زوجك مع خواته
ولا الولاد علا طول يخاصمون أخواتهم لأنهم رجال وما يحترموهم
شو الوضع لي راح يسعدك
خليكي عاقلة
وأي شيئ بين زوجك وخواته لاااااااااااااااااا تدخلين
ولا تنسي انو ولي أمرهم بعد أبوهم ومثل بناتو
لا تقولي أنك راح تغيري من بنتك إذا زوجك لاعبها وضحك معاها وقال لها حبيبتي بموت فيك
إذا فأخواته مثل بناته ولو كن أكبرن منه

حبيبتي معك حق في المشكلتين الأولى والثانيه
بس الثالثه أحس عادي هذول خواته ومافيها شي لو كلمهم وكتب لهم كذا...
هدي ياعسل شوي ترى الغيره الزااايده مشكله...
الله يألف فيما بينكم ويصلح الحاااال....

الله يسخر لك زوجك

أشواك ورد;15785272:
مرحبا , جوفي يا حبيبتي كل ردة الفعل الي طلعت منج جطيه في الزبالة سوي عليه دليت

في المره القادمه لأن موقف العرس بيتكرر , ولكن دائما تذكري أن الموقف ماتردين عليه بعد

يومين في نفس الوقت , يعني تهيأ لج الجو طلع زوجج , بعد ما يطلع زوجج من المجلس ,

خذي فلانه اخته على جنب , اذا كانوا من النوع المحافظين وفيهم تدين بس لاهيين ,

ادخلي عليهم من هالباب , وكلميهم بكل ثقه وبكل ثقل ومع ابتسامه , فلانه ترى الكلام الي

قلتيه حق اخوج مب عدل - واياكي أن تعصبي لأن العصبية تقلل من مكانة الوحده تحذري

تعصبين تعلمي شلون تضبطين نفسج حتى لو الي جدامج عصبت وتضايقت -قولي لها

حتى الرسول صلى الله عليه وسلم نهى عن ذكر مفاتن الناس اعتبرها فتنه , اذا كانت من

الي ما يتفاهم معاه , قولي لها أنا قلت لج , ما ابي ينعاد هالسيناريو , بس اطلعي من

عندها عشان تفكر في الموضوع عدل , بالنسبه لبنت اخته , هل صار موقف بينج وبينها

حاولي في جمعتكم الجايه تجاملينها , والإعتراف الي اعترف لج زوجج لا تقولينه حق حد

بعدين زوجج يطلع فتان ,يعني اشتغلي على المواضيع وياهم مب وياه

مثلا حاولي أنج تتعاطفين مع بنت اخته , حبيها جامليها , اذا جفتيها يمكن شوي تحس

بغيره اقطعي هالغيرة , يمكن تحس أنج ما تعطينها وجه , وهالموضوع انسيه لا تحطينه في

بالج , بالنسبه لردة فعله مع خواته هذي أمور لا تدققين فيها , كأنج تدخلتي في امر اسمحي

لي ما يخصج , وفي نفس الوقت ممكن يجيب لج الضرر , وتصرفاتج مع زوجج تمسكين موبايله

كل هذي الأمور تؤدي الى الفتور , ابتعدي عنها افضل , الزوج يحب الزوجه الي واثقه فيه .

:thumbs_up::thumbs_up::thumbs_up::thumbs_up:مع الاخت فعلن كلامها صح وعليكى بدعاء الدعاء فاهمتنى

روبما متزوج و ما يريدو يزعجوك

انتي ليش دلوعه كذا كل اشوي قمتي تبكين بعدين عادي جدا جدا جدا الي صار
انا واخواني كذا مافي بينا شي واخو يقول لاخته حبيبتي وين المشكله

انتي ترى مرره دلوعه وبعدين لما بنت اخته تكرهك وتكلم معاها مافيها شي تكرهك على نفسها

ترى جد قهرتني

الله يفرج همك

الله ييهدي الجمميع ..)

حبيبتي انتبهي بس هذي سالفتك نفس صديقتي بس غلط يوصفون بنات الناس منهي عنه الرسول عليه الصلاه والسلام بعدين هم ليش يسون كذا عارفين انك تعصبين بسرعه وتنفعلين عشان كذا هم يسون انتي خليك هاديه قدر ماتقدرين بدون شوشره وكل بساطه اذا سمعتيهم يوصفون بنات خلق الله قوليلهم مايصلح كذا هذا الكلام منهي عن الرسول قوليها لاتخافين وهم بيستحون على الي يسونه بعدين ليش انتي مضيقه خلقك هم قدامه بنات خالته قبل لاييتزوجك لو يبيهم خذهم صح يعني لاتهتمين كثير وبنت اخته اكيد مقهوره منك لئنك مبسوطه مع زوجك وبعدين وشلون تعرف انكم مع بعض وترسل اكيد زوجك معطيها وجه زياده على الزوم اذا ارسلت مره ثانيه قولي الله يرزقها بزوج الصالح عشان يعرف انها محتاجه احد يهتم فيها وقوليها في وجها كل مره بس بمزحه الله يرزقك الزوج الصالح عشان تستحي على وجها ولاعاد ترسل شي وانتي مع زوجك بعدين حبيبتي هذولي خواته مهما كان مالهم الا اخوانهم اكيد بيكلمون بعض يعني احمدي ربك انهم خواته مب بعضهم استغفر الله بس لازم تكونين هاديه قدامهم وخاصه بنت اخته اذا قالت ماحبها لتعصبين اضحكي وقولي المحبه من الله سبحان الله حتى انا ماحبها لئنها قريبهمن زوجك اكيد بيقولها وهي الي بتنقهر مب انتي انتبهي تعصبين ماراح تستفيدين غير الطلاق الله لايقوله مثل صديقتي وهذيهي تحسفت نصيحه من اخت لختها

حبيبتي هدولي خواته ولازم يكلمهم ويتواصل معهم ومافيه شي لقال لهم احبكم وكلام حلو بس بنت اخته لازم توقفيها عند حدها وانتي اصبري و خفي من غيرتك وصدقيني بيتغير بيجونكم عيال و بينشغل في بيته وعياله الله يهديك يسخركم لبعض

حبيبتي الغيرة على الزوج شيئ حلو بس ما من أهله و محارمه.. و بعدين لا تنتقدي أهل زوجك قدامه مهما كانت الأسباب، عندي صديقتي غيورة و زوجها يحبها و هو بار جدا بأمه كل يوم يزورها فهي من غيرتها صارت تفتعل معاه مشاكل و غلطت في أمه و أهله و في النهاية خيرته يا هي يا أهله و للأسف طلقها و اختار أهله و لغاية اليوم ما قادرين نصلح بينهم أو نخليه يسامحها و يرجعها لذمته
أخواته موجودين في حياته بس إنت حبيبته و اختياره فلا تحطي نفسك في مقارنات

بصراحه المشكله الاولى انهم يوصفون بنات له فهذا مايجوز حرام وعيبب عليهم


وسالفته مع بنت اخته طنيها لان اللي مايحبك الله لايحبه بس حاولي انك تعرفين ايش الرسايل اللي بينهم بس بذكاء
لاني اعرف وحده تحب عمها حب حب

اما مشكلته مع خواته طنشيه واذا كلمتي اخوانك ولا خواتك قولي له نفس الكلام
حياتي وعمري حتى حبيبي يعني كأنهم هم اغلى ناس عندك بالدنياء حتى لو كانت صديقتك


ولاتبينين له ولا لاخواته انك غيرانه حاولي تضحكين معهم واذا طلعتوا لاي مكان وشفتي حاجات تخص البنات
اشريهم لهم اسبقيه على الهدايا قبله بس لاتبالغين مو كل ماطلعتي شريتي

وانا اقول لك هالشي هذا عشان تدفنين الغيره اللي بداخلك عليهم


لانك غيور مثلي وحاسه فيك :)

عآدي ي الغآليه تعآمله مع خوآته أنآ عندي 4 أخوآن وآحد منهم كذآ نتعآمل معه ب

لدرجه أننآ نضمه ونلعب ويشيلنآآ

وهم خوآلي بعد تعآملنآ معهم كذآ كذآ مرهـ أضم خآلي وأبوسسسهآ لمى أشوفه

ولا ذآ قآلي كلآم ومدحني عند أهلي أقوم وأبوسسسسسه

شي عآد جدآ يـ الغآليه ولاتخلين الغيرهـ تهدم بيييتك

وبـ النسسسسبه لبنت أخته

صصصآرت مع أختي لمى تزوجة بنت أخوي صآرت تكرهـ زوج أختي وتسسسسمعه كلآم قآسي جدآ

في البدآيه كنى نهآوشهآ لاكن أكتششفنآ أنهآ غيرآنه منه

وصصصآر لمى يجي يجيب لهآ هدآيآ أو شكولاته وصآرت تموت فيه الحين

حآولي تكسسبينهآ أو خلي زوجك يوقفهآ عند حدهآآ

مثل يقولهآ أذآ مآتبيني أزعل لاتتكلمي عليهآآ

sousou35;15795459:
روبما متزوج و ما يريدو يزعجوك

لا ان شاء الله مو متزوج
لا تشغلين عمررررك:D

الله يعينك بس انتي خليك فوق لاتنزلين نفسك لهم ترى هاذ كله حقد
خلي ثقتكي بالله كبيره ولاتهتمين لبنت اخته
حبيبتي لاتبيني له الغيره ترى ماهي في صالحك نصيحه

احذري من بنت اخته ترى راح تزرع بينكم مشاكل

اول مشكلة ويااااااااج عيييب و ما يجوز
يوصفون بنات خلق الله قدام اخوهم المفروض
يحط حد لهالشي اوا انتي تنصحينهم من اخت لخواتها

مشكلة بنت اخته اما ان كانت تحبج او لا
لااا تهتمين و هل صار بينج و بينها موقف يخليها تكرهج ؟؟
اذا لا يمكن قبل لا تتزوجون متعلقة فيه و تغار عليه
الرسايل الي ترسلها صح تضايقين منها بس سوي نفسج
قدااامه مو متهمة و حاولي تعرفين السبب بطريقتج بس بذكاء
و تقربي منها اكثر سولفي اضحكي وياها لما يجون بيتكم
او لما تزوروهم

مشكلتج الثالثة انا ما اشوف انها مشلكة ابد بالعكسسسس
بستانس لما اشوف زوجي يحب خواته هالكثر هم خواته من
لحمه و دمه و لا تنسي ان اخووهم قبل لا تصيرين زوجته لو
كنت مكانج ماااا اهتم

`البنات كفوا وفوا واني استفدت من مشكلتج هووووواية وردود البنات
الله يخلي زوجج الج يارب وجيبوا دستة عيال
لعد لو تشوفين اخووووووو زوجي مشكلتج صفر بل نسبة الي هههههههه
وكل اتحمل يوم صرت حامل نسيت الاكو والماكو ولمن جبت ولاراح ادير بال مراح افكر مثل قبل واقع ولازم ارضى بي