شات حوامل مصر لشهر محرم .. كل عام هجري وانتو طيبين

مانا متغاظة منها اوووي برضو ياسها
شكلها هتطلع غلسه اوي من اولها كده :lol:
انتي عامله ايه واخبار التاسع ايييه

كلاسيك و فلة و ساسو

ربنا معاكم و يخفف عنكم و تقوموا بالسلامة يارب

هوبس حبيبتي

الدكتورة كويسة الحمد لله :)

انا دايما لما اروح اشوف اللي جايين العيادة معاهم اطفال

فبقول اكيد مش هوبس دي

اوعي تكوني بتاخدي معاكي ولاد اختك معاكي :))

احنا نبقى ندي مواعيد لبعض عند الدكتورة عشان نتقابل :D


ساسو

ربنا يكرمك يا حبيبتي و تولدي بألف سلامة و تكونوا تمام انتي و البيبي

انا الحمد لله كويسة بس النت في بيتنا مش ظريف أوي

الدكتورة قالت لي الحمد لله بنوتة

ربنا يكملها على خير و اخلص التامن بسلام

صحيح يا هوبس

انتي الدكتورة بتقولك تروحي كل اسبوعين ؟

انا كانت بتقولي كدا

بس اخر مرة قالت لي مش تيجي في التامن خالص

إلا لو في حاجة مش طبيعية لا قدر الله

بس مستغربة يعني اعتقد التامن بالذات المتابعة فيه بتبقى اكتر من الشهور اللي قبله

ربنا يكرم و تكون كل حاجة تمام

انا لسه في الخامس يامانشي وبتقولي فعلا كل اسبوعين
بس هو اللي اعرفه ان التامن مش محتاج متابعه غير لو فيه حاجه غريبه يعني لا قدر الله وتقلق
هو كده كده لو حسبتيها يعني هتلاقي انك بتروحي كل اسبوعين يعني مرتين في الشهر تقريبا يعني هتطنشي مره واحده بس مش كتير يعني

وانا مش باخد ولاد اختي معنديش اصلا اخوات كبار انا لسه اول العنقود :D
بس بقيت بروح غالبا الحد عشان السبت بيبقي ازحم شوية وانا جوزي اجازته سبت وحد

ربنا يكرم و مش احتاج اروح بإذن الله

انا بروح السبت بردو غالبا بس لسه اخر مرة رحت يوم الحد اللي فات و مش كان زحمة فعلا الحمد لله

انتي رحتي اخر حد دا ؟

fulla2010;15788521:

الله يسلمك يا كلاسيك ياارب وانا برضو هاخلع ضرسى لما الالتهاب يروح ان شاء الله واخلص منه وبخصوص سوالك لا والله انا مش عملته انا عملت السكر صايم وفاطر وصورة الدم دى على طول ولسه عامله تحاليل السيوله وصورة دم الى هى تحاليل قبل الولاده دى وخلاص


بنات انا النهارده بدخل الحمام لاقيت افرزات بنيه كده خوفت وقبل كده كان عندى افرزات كتير اصلا بيضا او صفر وكنت لسه مخلص كورس اللبوس ده بس انا خوفت اوى لما شوفت الافرزات الغامقه دى حاسيت انى هولد خلاص ولا دى من اعراض الولاده وكنت ماشيه امبارح كتير ورجعت البيت وعاادى تفتكرو الافرزات الغامقه دى ايه اعرض مخاض وولاده ولا ايه انا مزبهله والله انا اخد شااور على طوول وماقولتش لحد ولا حتى لماما بس هاروح للدكتوره بليل ااه كمان انا حاسه بحركة البيبى على فكرة ربنا يسترها والله داخلة التاسع دى مع وجع ضروسى وبعد كده برد وزكام وبعد الافرزات دى ربنا يسترهااااا ياارب :-#:-#

لسه برضه الدكتور مقاليش على تحاليل ما قبل الولادة دي:!!:

والافرازات دي اعتقد عادية ممكن علشان اتحركتي كتير

انا جيت نورت البيييييييييييييييييت

كل سنة وأنتم بخير

و انتى بخير يا بوسى

ازيك و ازاى دومى ؟؟؟

السلام عليكم ورحمة الله وبركاتة عاملين اية ياموزز بالقوى ههههههههههههههههههههه ربنا يقومكوا بالسلامة ياااااااااااااااااااااااااااااارب

ازيكم يامبقللين
وحشتوووووووووووووووووووووووووووووووووووووني بجد

د\امونة;15785949:
ايمو ..........كل عيد جواز وانتو طيبين , واوعي تركبي لوب سيبيها للظروف عشان تجيبي العيل التاني في ديل اخته ههههههههههههههه

وبصراحة بعد معاناه الولاده الطبيعي مش ممكن ابدا اركب لوب ولا زفت , انا همنع طبيعي وزي ما تيجي تيجي

ديل مييييييييييييييييين ده انا ال هيطلعلي ديل م التعب والاجهاد:|
لا ياختي ان شاء الله اركب لان حته امنع طبيعي دي مش عرفه كده مش بلعاها واخاف تيجي الطوبه ف المعطوبه واحمل تاني دلوقت:woo:

وانتي طيبه ياقمر عقبال عندكم:D

محبة_الرسول;15785958:


ايموو
كل سنة وانتى طيبة
عقباال 1000000 سنة ياارب فى حب وسعادة :)

ياحبيبتي تسلمي ياررررررررب
وربنا يقومك بالسلامه ويتمم حملك ع خير بأذن الله

فراشة الإيمان;15786312:
بقيه البنات عاملين ايه

نزلتوا الانتخابات ولا لا

انا نزلت وتعبت قووووووووووووووووووووووووووووى ووقفت طوابير كتير وطلعت سلالم لما اتهريت

وجيت على باب اللجنه وواحده ادتنى بوكس على كوع فى بطنى علشان تزقنى وتدخل خلتنى صوتت وقلتلها ياشيخه حرام عليكى اللى فى بطنى

ايه الارف ده

جت الست اللى بتدخلنا اللجان وخدتنى وحطيتلى كرسى بس كنت خلاص بحتضر من الالم

وجيت اروح مش لقيت المواصلات ماشيه ومشيت كتيييييييييييييييييييييير لغايه البيت وصلت البيت بصوت نزلت 11 رجعت 4

اتصلت بجوزى جاب اكل وهو جاى وانا اترميت على السرير محسيتش الا بجوزى بيصحينى علشان اتغدى

يااااااااااااااااااااااااااااااه يوم عذاب

يلهوووووويز ياشيري مكنش لازم يعني يلا معلش كله فدا مصـــــر;)

حلاوتى زايدة حتة;15786352:
بناااااااااااااااااااتتتت

انا عاملة تحويل من شات منتظرات الحمل:D

انا لسه متأكدة النهردة الحمد لله انى حامل ومش مصدقة برضه نفسى:Dمش هصدق غير لما بطنى تبألل قدامى:lol:

ياعسل الف الف مليووووووووون مبروك ربنا يتمم بخير يارب

مانشي;15786990:
ايمووو

كل سنة و انتوا طيبين و يارب كل ايامكم سعادة و ربنا يبارك لكم في لوجي


بنات هي حكاية النيبلز دي فعلا في التاسع بس الدكتورة قالت لي كدا

بس كذا حد قال لي ابدأي بدري

انا إن شاء الله كام يوم و ابدأ التامن

محتارة و الله لاني خايفة اوي من الحكاية دي

حاجة تانية كمان

هو فعلا التامن دا شهر صعب ؟
كل الناس مخوفني منه بزيادة حتى الدكتورة و خللي بالك و مش تتحركي و مش تجهدي نفسك
ياريت تقولولي تجاربكم مع التامن

تسلمي يامانشي وانتي طيبه ياحبيبتي يارررررب
بالنسبه للنيبلز من اول التاسع ابدأي اعملي الحجات دي
ومتخفيش ياحبيبتي من حاجه هيعدي بالطول والعرض هيعدي
انتي بس اهتمي بأكلك وصحتك وهانت خلاص اهي ربنا يفرح قلبك وبنوتك تبقى ف حضنك قريب ان شاء الله ويرزقك ساعه سهله يارب

fulla2010;15788521:

بنات انا النهارده بدخل الحمام لاقيت افرزات بنيه كده خوفت وقبل كده كان عندى افرزات كتير اصلا بيضا او صفر وكنت لسه مخلص كورس اللبوس ده بس انا خوفت اوى لما شوفت الافرزات الغامقه دى حاسيت انى هولد خلاص ولا دى من اعراض الولاده وكنت ماشيه امبارح كتير ورجعت البيت وعاادى تفتكرو الافرزات الغامقه دى ايه اعرض مخاض وولاده ولا ايه انا مزبهله والله انا اخد شااور على طوول وماقولتش لحد ولا حتى لماما بس هاروح للدكتوره بليل ااه كمان انا حاسه بحركة البيبى على فكرة ربنا يسترها والله داخلة التاسع دى مع وجع ضروسى وبعد كده برد وزكام وبعد الافرزات دى ربنا يسترهااااا ياارب :-#:-#

لا يافله اعراض الولاده بينزل دم مش افرزات بني بس عموما الافرازات بتزيد ف اخر شهر وبتكون بيضا غالبا عموما اطمني برده من الدكتوره وابقي طمنينا بقى والف سلامه عليكي ياحبيبتي

magda 1;15788621:
ازيكوا يا بنات و كل سنة و انتوا طيبين بمناسبه العام الهجري ربنا يجعل وشه حلو علينا جميعا ياررب ....

وانتي طيبه ياقمر ان شاء الله سنه سعيده ع الجميع

~OM-ADAM~;15790287:
كل سنة وأنتم بخير

وانتي بخير ياجميله

mesk_2005;15791919:
ازيكم يامبقللين
وحشتوووووووووووووووووووووووووووووووووووووني بجد

ازيك يا أم اروى عامله ايه ورور عامله ايه كل سنه وانتي طيبه

هوبز وساسو
شكرا ليكو يا بنات
يعنى هى مش مهمة اووى
طب الحمد لله :)


ازيكو يا بنات عاملين ايه :)

مانشي;15789676:
ربنا يكرم و مش احتاج اروح بإذن الله

انا بروح السبت بردو غالبا بس لسه اخر مرة رحت يوم الحد اللي فات و مش كان زحمة فعلا الحمد لله

انتي رحتي اخر حد دا ؟

اه انا رحت اخر حد ده بتاع المطرة
انا اللي طلعت انا وجوزي مبلولين من المطرة والناس قعدت تبصلنا كده وصعبانين عليهم :lol:

محبة_الرسول;15785993:
والله يا امونة بقيت محتارة ايه احسن الولادة الطبيعى ولا القيصرى ؟؟

سلفتى لسة والدة قريب عمر بردو على فكرة ;)
وجالها بواسير ومتبهدلة
عمالة تقولى ما تفكريش فى الطبيعى

انا فعلا موضوع البواسير ده مخوفنى اوووى :sick:
حد يقولى يا بنات هى امتى بتيجى ومش بتيجى امتى ههههههه

عشان ابقى فاهمة يعنى النظام :D

بأمانه يا علياء ومن تجربتي الطبيعي احسن مليون مره من القيصري وماحدش في الطبيعي بيجيله بواسير غير لما بيكون بيحزء ويعمل بوش من بدري اوي للان البوش دي تعمليها لم اتجيبي ال 10 سم اصلا وتكون الدكتوره فتحت من تحت كمان ,,,مش تقلقي والله الطبيعي احسن

Bossy22;15786068:
بس يا عيال حقنة الابيديورال بيقولو مبتحسيش بحاجة خالص

ايوه مش بتحسي بحاجه خالص من الوسط لحد الرجلين يابوسي

حلاوتى زايدة حتة;15786352:
بناااااااااااااااااااتتتت

انا عاملة تحويل من شات منتظرات الحمل:D

انا لسه متأكدة النهردة الحمد لله انى حامل ومش مصدقة برضه نفسى:Dمش هصدق غير لما بطنى تبألل قدامى:lol:

مبروووووووووووووووووك وربنا يتمملك بخير ,,,اسمك ايه بقى؟؟؟

مانشي;15786990:
ايمووو

كل سنة و انتوا طيبين و يارب كل ايامكم سعادة و ربنا يبارك لكم في لوجي

حلاوتي زايدة حتة

مبروووك يا حبيبتي

ربنا يثبت حملك و تبأللي و تبقي أحلى ماما إن شاء الله


بنات هي حكاية النيبلز دي فعلا في التاسع بس الدكتورة قالت لي كدا

بس كذا حد قال لي ابدأي بدري

انا إن شاء الله كام يوم و ابدأ التامن

محتارة و الله لاني خايفة اوي من الحكاية دي

حاجة تانية كمان

هو فعلا التامن دا شهر صعب ؟

كل الناس مخوفني منه بزيادة حتى الدكتورة و خللي بالك و مش تتحركي و مش تجهدي نفسك

ياريت تقولولي تجاربكم مع التامن

التامن بتحسي بالتعب والارهاق اكتر ومش بيبقى فيكي حيل تعملي اي حاجه غير انك تروحي الحمام وبس بجد لكن مافيهوش خوف صحيا ان شاء الله اتطمني

fulla2010;15788720:
الله يسلمك يا ميجو ياارب

ااه دخلت التاسع زى ما متكوب فى التيكر

وغير كده انا لسه مخلصه كورس علاج بتاع الالتهابات بتاع 3 ايام ورا بعض ده

مبرووووووووووووووك ياباشا وعقبال لما تخلصي بقى وتاخدي افراج

امونه ايه يابنتي المأساه اللي انتي كنتي فيها دي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بجد انتي اتكتبلك عمر تاني ياحبيبتي والله ,,,انا مش مصدقه ولا كأني ولدت طبيعي زيك خالص وانا سبقاكي بشهر واحد بس مش كتير بس انا حكايتي غيرك خالص .... بس انا مش فاهمه ازاي اخدتي بنج كامل وازاي ولدتي طبيعي ؟؟امال عملتي بوش ازاي وانتي متخدره ؟؟؟؟ وابعتيلي رقمك على الخاص ضروري

انا زعلالالالالالالالالالالانه منكم ماحدش بيسأل عليا ويقول فين سموره الاموره اللي كانت منوره الشات ههههههههه واحب اقولكم اني كل يوم لما اهرب من سلمى وتكون نايمه اجري افتح الفيس واقول حاشوف الدنيا وبعدين ادخل على الشات هنا ويادوب اشوف كلمتين وسلمى تفتح الجاعوره واجري عليها ودمتم بقى خلاص كده......
بس بجد كل الحوامل هنا احب ابشركم بمستقبل مشرررررررررررررررررررررررق لدرجة ان الشمس حارقه وحيحيلكم ضربة شمس تتطلع عنيكم ههههههه دي كنتيه ياعيال عن العذاب اللي مستينكم والله بجد انا بحمد ربنا اني جيت عند اهلي والا كان زماني ناكشه شعري وماشيه بنظم اشارات المرور في الشارع للان سلمى متعبه اوي ونومها قليل ماعرفش ليه وطبعا الرضاعه مش حكيلكم للان الامهات حكوا وكفوا ووفوا بصراحه

هههههههههههه ايه يا سمر ده ربنا يطمن قلبك

انا اخدت بنج كلى بردو فى الاخر

ربنا يطمنك ياسمر :D