شات حوامل مصر لشهر محرم .. كل عام هجري وانتو طيبين

يابنات صحيح
هي حقنة التيتانوس دي اروح اخدها فييييين ؟

امووووووووونه وجعتى قلبى قووووووووووووووووووووووووووى وخوفتينى من الطبيعى

خليتينى اقول لا انا عايزة قيصرى تانى عاااااااااااااااااااااااااااااااااااااااااااااااااااااااا

ربنا يجعله فى ميزان حسناتك

بقيه البنات عاملين ايه

نزلتوا الانتخابات ولا لا

انا نزلت وتعبت قووووووووووووووووووووووووووووى ووقفت طوابير كتير وطلعت سلالم لما اتهريت

وجيت على باب اللجنه وواحده ادتنى بوكس على كوع فى بطنى علشان تزقنى وتدخل خلتنى صوتت وقلتلها ياشيخه حرام عليكى اللى فى بطنى

ايه الارف ده

جت الست اللى بتدخلنا اللجان وخدتنى وحطيتلى كرسى بس كنت خلاص بحتضر من الالم

وجيت اروح مش لقيت المواصلات ماشيه ومشيت كتيييييييييييييييييييييير لغايه البيت وصلت البيت بصوت نزلت 11 رجعت 4

اتصلت بجوزى جاب اكل وهو جاى وانا اترميت على السرير محسيتش الا بجوزى بيصحينى علشان اتغدى

يااااااااااااااااااااااااااااااه يوم عذاب

هوبا وحشانى فينك والكنتالوبه بتاعتك عامله زى اللى عندى

مدوخه الدكتور واخر مازهق قاللى غالبا بنت بس مش اكيد

مع انها اصلا كانت باصه علينا ووشها للجهاز واول ماقرب عليها رفعت رجليها لفوق وقعدت تلعب باليه مائى طلعت عينه من كل الزوايا

وجوزى انشكح قووووووووووى وقالى بنتى مؤدبه هههههههههههههههههههههههههههه

قلتله مش زى القرد ده كان فاتح رجله على اخرها طول ماهو قاعد قاللى رااااااااااااااااجل ولا يهمه اللى يبص يبص

وحقنه التيتانوس بتتاخد فى اى مكتب صحه قريب منك

بناااااااااااااااااااتتتت

انا عاملة تحويل من شات منتظرات الحمل:D

انا لسه متأكدة النهردة الحمد لله انى حامل ومش مصدقة برضه نفسى:Dمش هصدق غير لما بطنى تبألل قدامى:lol:

.. Hopes;15786287:
يابنات صحيح
هي حقنة التيتانوس دي اروح اخدها فييييين ؟

اممممم
دى عشان ايه :o
ما حدش طلبها منى


سمعت كمان ان فى تحليل سكر ؟؟
ده بيتعمل امتى ولازمته ايه بردو
ياريت تعرفوونى :)

شيمااااء
الف مبرووووووووووك ربنا يتمم لك على خيير
ونورتى التجمع :D

سلام عليكم يا بنات

وحشتووني كتير و الله

كنت متابعة من فترة للتانية و مش كنت باعرف اشارك لان النت مش ظريف

فلة و سلمى


الف سلامة و ربنا يخفف عنكم يارب

فلة و ساسو

ربنا يعدي الشهر دا على خير تقوموا بالسلامة انتوا و بيبهاتكوا ياااارب

امونة

حبيبة قلبي ربنا يبارك لك في عمر و يجعل تعبك في ميزان حسناتك

ربنا يتم نفاسك على خير و تتعافي بسرعة و يرزق عمر برزقه و يريح بالك امييييييين

هوبس

معلش يا حبيبتي

مسيرها تبان إن شاء الله

انا كنت ببرد نفسي جدا لغاية الدكتورة ما قالت لي من نفسها على حين غِرة :D

و انا بردو مش متخيلة الاحساس بتاع الامومة

نفسي ييجي بسرعة و في نفس الوقت قلقانة

ربنا ييسرها علينا كلنا و يقومنا باسلامة احنا و البيبيهات ياااارب


قوليلي الكنتالوباية دي بتجيبيها من سايت ايه عايزة اعرف انا في موسم ايه ؟ :)

حلاوتى زايدة حتة;15786352:
بناااااااااااااااااااتتتت

انا عاملة تحويل من شات منتظرات الحمل:D

انا لسه متأكدة النهردة الحمد لله انى حامل ومش مصدقة برضه نفسى:Dمش هصدق غير لما بطنى تبألل قدامى:lol:

ازيك عاملة ايه انا فكراكي بس مش فاكرة النيم بتاعك القديم ايه ؟

مبارك عليكي الحمل يا حبيبتي ويتمملك على خير



فلة


انا برضه ضرسي كان قارفني ورحت عملته امبارح الحمد لله بس لسه قارفني

شوية برضه بس احسن من الاول وكان الدكتور كاتبلي اموكسيل وبارامول

بس على فكرة انا لما رحت لدكتور السنان قالي ان الصداع من الجيوب الانفية


الدكتور اللى رحتله عند ماما عايز تحليل التهاب الكبدي حد عمله ؟؟؟

وله لازمه ولا ايه ؟

ايمووو

كل سنة و انتوا طيبين و يارب كل ايامكم سعادة و ربنا يبارك لكم في لوجي

حلاوتي زايدة حتة

مبروووك يا حبيبتي

ربنا يثبت حملك و تبأللي و تبقي أحلى ماما إن شاء الله


بنات هي حكاية النيبلز دي فعلا في التاسع بس الدكتورة قالت لي كدا

بس كذا حد قال لي ابدأي بدري

انا إن شاء الله كام يوم و ابدأ التامن

محتارة و الله لاني خايفة اوي من الحكاية دي

حاجة تانية كمان

هو فعلا التامن دا شهر صعب ؟

كل الناس مخوفني منه بزيادة حتى الدكتورة و خللي بالك و مش تتحركي و مش تجهدي نفسك

ياريت تقولولي تجاربكم مع التامن

مانشي

انا برضه الدكتور قالي على الموضوع ده من اول شهر بس كنت ادهن ايام وايام لأ

وبحاول الايام دي التزم شوية علشان خلاص انا في اخر التاسع

فانتى ممكن تركزي الفترة دي بقى ان شاء الله

الشهر التامن عدى عادي انا كنت بدأت احس بس بتقل وارهاق سريع

بس عارفه متحطيش في دماغك هتلاقي الدنيا بتعدي سهلللللللة اوي ان شاء الله

شيرى انتى بتهررررررررررررررررجى
انتى روحتى تنتخبى لوحدك بحالتك دى
ماخدتيش حد معاكى ليه انتى مش ساكنة فى بيت عيلة
انا حاسة بيكى بجد ازاى الدكتور مانعك من الحركة و تمشى و تقفى كتير
الحمد لله ربنا ستر ريحى خالص بقى و متنزليش من البيت

mam to be;15783918:

حبيبت قلبى سلامتك الف سلامه و انا حسه بيكى جداااااااااااا لانى عندى التهاب فى اللثه و لما هدى شويه الناحيه التانيه ضرس العقل:mad: مبهدلنى عملى وجع شانيع و وجع فى الضروس اللى جانبو و لما رحت للدكتور كتبلى على مضمضه و بسسسسسسس فتخيلى انا عامله ازاى ز طبعا مآثر على اكل و خسيت من كتر ما انا مش عارفه اكل :'( فمعلش استحملى و ربنا يصبرنا و ان شاء الله البنات يفيدوكى اكتر لانى انا هموت و حد ينقذنى من الالام الرهيب دا و ان شاء الله تبقى كويسه

الف سلامه عليكى من وجع سنانك وفعلا والله انا من الى شوفته من وجع سنانى بقول لجدتى وجع الطلق ولا وجع السنان قالتلى وجع الطلق طبعا قولتلها حراااااااااااااام عليكى اعدت تضحك انا الحمدالله روقت دلوقتى مع المضاد الحيوى وهاروح للدكتور باءه لما الالتهاب يروح هاخلعه واخلص

saso_m;15785110:

ازيكم يامامهات المستقبل
وكل سنة وانتو طبيبن والسنة الجاية احسن ان شاء الله


فلة


الف سلامة عليكى ومتقلقيش ع البيبى
ياحبيبة قلبى ربنا بيستر والله
انا حاسة بيكى والله انا قلقانة على بنتى موووووووووووووت
عشان نومى وحش وبنام زى حنان ترك فى مسلسل
ساره ولما قلت للدكتور قالى متقلقيش البيبى
فى كيس ميه ومن ساعتها سوقت فيها
وعلى فكرة انا بقالى اسبوع مش بنام
نهااااااااااائى لما راسي هتنفجر
وجوزى بيصحى يلاقينى قاعدة بيعيط من الصداع واننا نفسي انام
ولو نمت اقصى حاجة ساعتين واقوم تعبانة برضه
ربنا يهون علينا الشهر ده

ااه بجد التاسع ده داخل معانا داخله حلوة اووى مش عارفه ايه ده وانا كمان والله مش بناام خاالص ونومى متخلبط وخسيت خاالص طبعا من وجع سنانى وربنا يعدى الشهر ده على خير ياارب ونولد ويسهل ولادتنا يااااااااارب

د\امونة;15785213:
ازيكو يا بنات

انا جيت ومعايا عمر :) وقلت لازم احط قصتي زيكم:)

بس في حاجة لاحظتها من كلام ايمو , كلامها عن الرضاعة والنوم كانها بتتكلم عني بالضبط , الحياة بجد عذاااااااااب بالرضاعة وبقلة النوم وبالخوف على الولد , والهسهس كل شوية اقوم اشوف بيتنفس ولا لأ

د\امونة;15785217:
يعد حوالي ساعة جوا العمليات , الدطتور خرج وقال فين جوزها , جوزي راح دخل للدكتور قاله روح بنك الدم احجز دم لاننا احتمال نولدها قيصري !!!!!!!!!!!!!!

جوزي كانه اتخبط في دماغه , قال يارب معقول بعد كل اللي شافته تولد قيصري , وطلع لاهلي يقولهم الخبر , بيقولي مكنتش عارف انا بكلم مين ولا برد على مين , ومرات خالي بتقولي جوزك وشه اسود , والدنيا لفت بيه , والعيلة كلها انهارت

جوزي راح مع اخوه بنك الدم وهو بيقول , افرض ملقتش الفصيلة او الدم ملوث , وراسه بتلف , بعد شوية جاله اتصال من اخته , بتقوله تعال بسرعة ايمان ولدت , قالها طبيعي ولا قيصري قالتله طبيعي


انا بئة بعد ما فقت نص فوقة من البنج , سمعت صوت عياط طفل , قلت في نفسي معقول ولدت , طب ازاي , وامتى , وكنت ساعتها حاسة بالم الخياطة بس مش قادرة اتكلم , شاورت للدكتور يزودلي الجرعة بتاعة المخدر , وعمل كده بعدها شال انبوبة البنج

الدكتور قالي تحبي تشوفي عمر شاورتله لا

راج جابه وقربه من بقى رحت بوسته وقلت زي القمر , بس كنت في عالم تاني دايخة وعينيا مزغلله

حطو الولد على رجلي وطلعوني على الترولي , وانا طالعة شفت جوزي بيبتسملي , واول ما دخلوني الاوضة , الكل سلم عليا وانا انهرت في بكاء صامت , دموع بتنزل مني وانا ساكتة , بابا باسني وهو بيعيط وجوزي باس ايدس وخدي


جوزي بيقولي روحي رجعتلي لما طلعتي , وشفت الولد قلت دا شبه ايمان خالص لانه ابيض, بس بعد كده الولد بئة قمحي وكل اللي شوفه يقول نسخة من جوزي

حماتي جت وباست ايدي وراسي وقالتلي حمدالله على سلامتك وطول ما انا في العمليات هيا كانت بتعيط


ولدت الساعة 1 بالليل , ومنمتش من وجع الخياطة اللي كان اصعب من الطلق والله , كنت بموت , استنيت للساعة 10 الصبح لحد ما الدكتور جه وقلتله عايزة مسكن بموت , اداني حقنة فولتارين ارتحت عليها شوية


روحت البيت وبدات معاناتي مع الرضاعة , اولا مفيش لبن , ثانيا مفيش حلمة والولد قطع صدري وخر دم , ثالثا , مش قادرة اقعد خالص ارضع , الم الخياطة كان بشششششششششع, وبيحرق موت

الولد كان ميت من الجوع , اديته جلوكوز واعشاب ومكنش بينام من الجوع وجابلي انهيار عصبي

بدات بعد يومين اديله لبن صناعي بالسرنجة , وبعدين لقيتها شمروع فاشل , ودلوقتي بديله صناعي بالبيبرونة لان صدري مولع نار وبيوجعني وانا نايمة ولما امشي


من يومين جاتلي بنت عمي , قالتلي الولد اصفر شوية , قلتلها انا لاحظت فعلا انه اصفر بس قلت يمكن الاضاءة وحشة في اوضتي , بس قلت لجوزي وقالي نروح للدكتور ونكشف

الدكتور قالي روحي المستشفى قيسي الصفرا لان الولد عنده صفرا , رحت وقالولي النسبة 9.4 وطلي الاحظه في اليومين دول وارضعه كتير , واديني بلاحظه وربنا يستر , هقيس الصفرا تاني يوم الخميس , وربنا يشفيه يارب

بجد خلتينى اعيط :'(:'(:'(وانا بقرا حكايتك يا حببتى الف حمدالله على سلامتك يا جميل ربنا يجعله فى ميزان حسناتك ياارب بس حقنة الضهر ماكنش ليها فايده ولا ايه هى نص ساعه ويحطلك جرعه كمااان غريبه والف حمدالله على سلامه عمر وابقى طمنينا عليه من الصفرا ربنا يشفيه ويعافيه ياارب ويوسع رزقه ياااااارب ويكمل نفاسك على خير يااااااااااارب

.. Hopes;15786287:
يابنات صحيح
هي حقنة التيتانوس دي اروح اخدها فييييين ؟

هبه عامله ايه يا حببتى التيتانوس بتتاخد من اى مكتب صحه قريب من بيتك

فراشة الإيمان;15786312:
بقيه البنات عاملين ايه

نزلتوا الانتخابات ولا لا

انا نزلت وتعبت قووووووووووووووووووووووووووووى ووقفت طوابير كتير وطلعت سلالم لما اتهريت

وجيت على باب اللجنه وواحده ادتنى بوكس على كوع فى بطنى علشان تزقنى وتدخل خلتنى صوتت وقلتلها ياشيخه حرام عليكى اللى فى بطنى

ايه الارف ده

جت الست اللى بتدخلنا اللجان وخدتنى وحطيتلى كرسى بس كنت خلاص بحتضر من الالم

وجيت اروح مش لقيت المواصلات ماشيه ومشيت كتيييييييييييييييييييييير لغايه البيت وصلت البيت بصوت نزلت 11 رجعت 4

اتصلت بجوزى جاب اكل وهو جاى وانا اترميت على السرير محسيتش الا بجوزى بيصحينى علشان اتغدى

يااااااااااااااااااااااااااااااه يوم عذاب

وانا نزلت امبارح بليل بس كانت فاضيه وكنت انا وماما واختى واختى التانيه وكل الى يشوفنى ببطنى دى يوسعلى حسسونى انى مميزه ومافيش عشر دقايق وانتخبت

انما انتى بجد افتريتى على نفسك بجد يا شيرى الف حمدالله على سلامتك يا جميل خلى بالك على نفسك بس انا حاسه انك هامله نفسك بجد

حلاوتى زايدة حتة;15786352:
بناااااااااااااااااااتتتت

انا عاملة تحويل من شات منتظرات الحمل:D

انا لسه متأكدة النهردة الحمد لله انى حامل ومش مصدقة برضه نفسى:Dمش هصدق غير لما بطنى تبألل قدامى:lol:

الف الف مبروووك يا جميل ربنا يتمم حملك على خير يااااااااااارب

مانشي;15786955:
سلام عليكم يا بنات

وحشتووني كتير و الله

كنت متابعة من فترة للتانية و مش كنت باعرف اشارك لان النت مش ظريف

فلة و سلمى


الف سلامة و ربنا يخفف عنكم يارب

فلة و ساسو

ربنا يعدي الشهر دا على خير تقوموا بالسلامة انتوا و بيبهاتكوا ياااارب

امونة

حبيبة قلبي ربنا يبارك لك في عمر و يجعل تعبك في ميزان حسناتك

ربنا يتم نفاسك على خير و تتعافي بسرعة و يرزق عمر برزقه و يريح بالك امييييييين

هوبس

معلش يا حبيبتي

مسيرها تبان إن شاء الله

انا كنت ببرد نفسي جدا لغاية الدكتورة ما قالت لي من نفسها على حين غِرة :D

و انا بردو مش متخيلة الاحساس بتاع الامومة

نفسي ييجي بسرعة و في نفس الوقت قلقانة

ربنا ييسرها علينا كلنا و يقومنا باسلامة احنا و البيبيهات ياااارب


قوليلي الكنتالوباية دي بتجيبيها من سايت ايه عايزة اعرف انا في موسم ايه ؟ :)

مانشى واحشانى اوى فيينك يا جميل مبروك انك عرفتى النوع يا جميل وماتقلقيش الشهور بتجرى هوااااااااااا

* كلاسيك *;15786969:
ازيك عاملة ايه انا فكراكي بس مش فاكرة النيم بتاعك القديم ايه ؟

مبارك عليكي الحمل يا حبيبتي ويتمملك على خير



فلة


انا برضه ضرسي كان قارفني ورحت عملته امبارح الحمد لله بس لسه قارفني

شوية برضه بس احسن من الاول وكان الدكتور كاتبلي اموكسيل وبارامول

بس على فكرة انا لما رحت لدكتور السنان قالي ان الصداع من الجيوب الانفية


الدكتور اللى رحتله عند ماما عايز تحليل التهاب الكبدي حد عمله ؟؟؟

وله لازمه ولا ايه ؟

الله يسلمك يا كلاسيك ياارب وانا برضو هاخلع ضرسى لما الالتهاب يروح ان شاء الله واخلص منه وبخصوص سوالك لا والله انا مش عملته انا عملت السكر صايم وفاطر وصورة الدم دى على طول ولسه عامله تحاليل السيوله وصورة دم الى هى تحاليل قبل الولاده دى وخلاص

مانشي;15786990:
ايمووو

كل سنة و انتوا طيبين و يارب كل ايامكم سعادة و ربنا يبارك لكم في لوجي

حلاوتي زايدة حتة

مبروووك يا حبيبتي

ربنا يثبت حملك و تبأللي و تبقي أحلى ماما إن شاء الله


بنات هي حكاية النيبلز دي فعلا في التاسع بس الدكتورة قالت لي كدا

بس كذا حد قال لي ابدأي بدري

انا إن شاء الله كام يوم و ابدأ التامن

محتارة و الله لاني خايفة اوي من الحكاية دي

حاجة تانية كمان

هو فعلا التامن دا شهر صعب ؟

كل الناس مخوفني منه بزيادة حتى الدكتورة و خللي بالك و مش تتحركي و مش تجهدي نفسك

ياريت تقولولي تجاربكم مع التامن

لا والله الشهر الى كان صعب بالنسبالى بجد الساااااااااابع حتى الدكتوره كانت بتقولى اوعى تتحركى انما التامن عدى بسهوله ماحستش بيه
انما النيبلز والكلام ده خليكى لما تدخلى التاسع احسسن صدقينى



بنات انا النهارده بدخل الحمام لاقيت افرزات بنيه كده خوفت وقبل كده كان عندى افرزات كتير اصلا بيضا او صفر وكنت لسه مخلص كورس اللبوس ده بس انا خوفت اوى لما شوفت الافرزات الغامقه دى حاسيت انى هولد خلاص ولا دى من اعراض الولاده وكنت ماشيه امبارح كتير ورجعت البيت وعاادى تفتكرو الافرزات الغامقه دى ايه اعرض مخاض وولاده ولا ايه انا مزبهله والله انا اخد شااور على طوول وماقولتش لحد ولا حتى لماما بس هاروح للدكتوره بليل ااه كمان انا حاسه بحركة البيبى على فكرة ربنا يسترها والله داخلة التاسع دى مع وجع ضروسى وبعد كده برد وزكام وبعد الافرزات دى ربنا يسترهااااا ياارب :-#:-#

ازيكوا يا بنات و كل سنة و انتوا طيبين بمناسبه العام الهجري ربنا يجعل وشه حلو علينا جميعا ياررب .... فله اللف سلامه عليكي وجع السنان ده بشع اوي ربنا يكون في عونك و يمكن الافرازات البني ديه التهابات ولا حاجه ربنا يطمنك ياررب هو انتي دخلتي التاسع ولا لسه

الله يسلمك يا ميجو ياارب

ااه دخلت التاسع زى ما متكوب فى التيكر

وغير كده انا لسه مخلصه كورس علاج بتاع الالتهابات بتاع 3 ايام ورا بعض ده

فراشة الإيمان;15786322:
هوبا وحشانى فينك والكنتالوبه بتاعتك عامله زى اللى عندى

مدوخه الدكتور واخر مازهق قاللى غالبا بنت بس مش اكيد

مع انها اصلا كانت باصه علينا ووشها للجهاز واول ماقرب عليها رفعت رجليها لفوق وقعدت تلعب باليه مائى طلعت عينه من كل الزوايا

وجوزى انشكح قووووووووووى وقالى بنتى مؤدبه هههههههههههههههههههههههههههه

قلتله مش زى القرد ده كان فاتح رجله على اخرها طول ماهو قاعد قاللى رااااااااااااااااجل ولا يهمه اللى يبص يبص

انا منزلتش انتخب بصراحه ماما وجوزي قعدوا يقولولي متنزليش هتقفي كتير والزحمة وبلاش لحد يخبطك ولا حاجه كان نفسي انزل اووي :(
انا كنتالوبتي بتلعب باليه برضو وبتعوم والله عماله تطلع فوق وتحت محمد بيقولي ده بتعوم شكلها عندها زعانف ههههههههههههه

حلاوتى زايدة حتة;15786352:
بناااااااااااااااااااتتتت

انا عاملة تحويل من شات منتظرات الحمل:D

انا لسه متأكدة النهردة الحمد لله انى حامل ومش مصدقة برضه نفسى:Dمش هصدق غير لما بطنى تبألل قدامى:lol:

يارب ياشيماء يثبت حملك ويرزقك الطفل الصالح ياااااااارب

محبة_الرسول;15786364:
اممممم
دى عشان ايه :o
ما حدش طلبها منى


سمعت كمان ان فى تحليل سكر ؟؟
ده بيتعمل امتى ولازمته ايه بردو
ياريت تعرفوونى :)

دي حقنة تطعيم مش كل الدكاترة بتطلبها بس بتبقي تحسبا يعني من التلوث وكده
وتحليل السكر انا عملته في اول الحمل اللي فات قبل ماينزل وبعدين الحمل ده جه بعدها علطول فالدكتورة قالتلي مش محتاجين نعمله تاني في الاول والمرة اللي فاتت سألتها في تحاليل بتتعمل دلوقت ولا حاجه قالتلي لما ندخل السابع ان شاء الله

مانشي;15786955:
سلام عليكم يا بنات



هوبس

معلش يا حبيبتي

مسيرها تبان إن شاء الله

انا كنت ببرد نفسي جدا لغاية الدكتورة ما قالت لي من نفسها على حين غِرة :D

و انا بردو مش متخيلة الاحساس بتاع الامومة

نفسي ييجي بسرعة و في نفس الوقت قلقانة

ربنا ييسرها علينا كلنا و يقومنا باسلامة احنا و البيبيهات ياااارب


قوليلي الكنتالوباية دي بتجيبيها من سايت ايه عايزة اعرف انا في موسم ايه ؟ :)

دوسي علي التوقيع هيوديكي للموقع علطول
اخبار الدكتورة ايه صحيح انا بقعد في العياده ببص لكل اللي قاعدين واقول دي مانشي :lol: