« تجهيزات عرائس ' قطر ' لشهر محرم 1433 - 2011 م / الجزء : 119 »

لي لي

ما شاء الله عليج ههههههههههههههههههههههههههه

شوفي اذا انتي مقتنعه اقتناع تام والي حواليج كلهم مايدينج ومعطينج سبورت على اي شئ تسوينه سويه
كل وحده لها قناعاتها بعد ومجتمعها ومحيطها انا احاول اقنعج حسب خبرتي خاصه اني متزوجه من زمان وكنت في مرحله تقريبا نفسج ولي افكاري الغريبه لدرجه ان كان بخاطري البس فستان عرس اسود خخخخخخخخخخخخ سوتها العام على فكره اظن ساره جسيكا باركر وذكرتني برغبتي العويه القديمه خخخخخ زين ما سويتها لان مع اني لبست فستان عرس ابيض في عرسي لليوم بعد ودي البس فستان عرس ثاني خخخخخخ رغبه بدون سبب ... على قوله وحده .. كل وحده تبي ترجع جديده بقراطيسها خخخخخخخخخخخخ

المهم في النهايه هاي خبرتي وقناعاتي انا وغلط افرضها عليج غصب الا اذا كنتي اختي من امي وابوي غصب عنج تطيعيني خخخخخخخخخخخخ
<تذكرت يوم عرس اختي كنت دزاستر واختي دزاستر بغت تطيح لانها من التوتر تمشي غلط وماده البوز ومدنعه فالفستان يجي طويل جدام لما تدنعين فبغت تطيح وعلى قد ما اقول لها احس مب معاي اصلا ههههه وامي لاحقتها لحاق طول الزفه تكلمها >_< خربت التصوير ههههههههههههه فدزاستر كان الوضع لليوم نطالع ونضحك عليه ههههههه فالموقف السلبي صار ذكرى في النهايه تضحك :)
مب مديح فيني يوم عرست .. بس لان كنت صج خايفه اطيح من قلب فكنت مركزه على ملامحي ومشيتي ومراعيه فستاني من تحت والشوز و نوع الارضيه الي امشي عليها بعد هههههههه ولا ابي حد جنبي الا رفيجتي تساعدني عند الدري بس تيود يدي.. لان زواجي كان تقليدي واهل زوجي ما شفتهم الا في العرس ! ولازم فيرست امبرشن حلو قد ما اقدر مب من اولها تحنقل على الفيس والفيديو يحطونه في امريكا فانيست هوم فيديو هههههههههههههههههههههه..

بالعكس عيشي الجو الرومانسي.. احلى من الرسميات في نظري.. وازرعي في يومج قد ما تبين من الذكريات وصوري واستانسي !!

على فكره .. سؤال برايف .. اليخت خاص فيكم ولا تاجير ؟؟ .. انا اعرف ااجر برى الدوحه بس في قطر ما جربت .. ابي يخت برايفت والكرو يكون منعزل او نسائي .. والسعر مب شاطح واهم شئ اليخت جديد مب عمر سمبوك اجدادي مصبغ خخخخخخخ

نوراااااان;15816490:

بنات لو سمحتو ابيكم تفيدوني

بما ان اليوم الزطني جاي ابي لبس حلو لبنوتي
وابي حركات مثلا قبعات اكسسوراتوين بلقى اشياء حلوة

,,,,,,,,,,,,,,,,,,,,,,,,,,,,,,,,,,,,,,,,,,,,,,,,

فديتج وايد اعلانات تيجي في البلاك بري عن مصممات وكدا..
شوفي سوق واقف القسم النسائي وكذا بتلقين لان ما شاء الله سوق واقف منترس شغلات لليوم الوطني


...
اوداج

كان سالتي :'( تنقذينا من الوهقه

نورااان

آمين ياارب &#12541;(&#65307;&#9661;&#65307;)&#12494;

التصوير للحين للاسف انا اموري تمشي ع بيض بما ان علي قانون يديد : اني ماطلع بره البيت الا وريل حد كبير ع ريلي وين ما اروح خخخخ ومحد فاضيلي واستحي اطلب من رفيجتي كل شوية بما انها عروس بعد @.@ واثناء هالظروف بعد بما ان في وحدة متوفية لهم من بعيد شوي ): الله يرحمها ويعين ريلها..
اممم قبل جم يوم رحت غاية الاحلام بس مارضوا ع شرط ريلي بسالفة التصوير خخخخ  واتصلت في ام شهد اللي رشحتوها لي ، وسالتها وايد وقلت لها بعد اتطرشلي لي رقم محلها عاد شكلها راحت تعشت ونست خخخخ ف لازم اروح دايركت عندها مع ريلي عشان ما اضطر اقنع حد بشرط مب مقتنعة فيه ذاك الزود خخخ وبعد عندها كوش ما كوش باشوف يمكن تقدر تكشخ لي السويت واليخت @.@

محلها فالعزيزية اذا اتدلونه قولولي (:

كاوكاوي قالت اخذلي تصوير من غاية الاحلام بس ريلي حاط ع هالمكان اكس كبير بما ان اخته قالت له انها شافت ريال فمحلهم يعدل ع صور الحريم (&#65507;&#12540;&#65507;)

عرسي عقب شهرين تقريبا (T ^ T)

مشكورة عالدعاوي (:

---


اوداج

آمين آمين (T ^ T)
مسكينة هالبنت ههه هاي مثل رفيجتي ماتبي عرس من اول ما انخطبت او حتى قبل بعد.. بس اهل الريال مب راضيين لانه ولدهم البجر والا يشوفونه معرس خخخ مادة البوز احين تحس انها مغصوبة عالعرس (&#9839;&#65344;&#8743;´)

لاااااااع ليش ما سالتيهم حبة حبة حبة
حبة لج حبة لي حبة ل كاوكاوي ): 
ابي حق عرس رفيجتي فستان ماعرف للحين شسوي وهي عقبي علطول لازم اختار من احين ):
عندي فستانين اثنين يداد بس ماحس انهم ينفعون لعرسها ابي شي رسمي واكشخ اكثر خخخ
قبل ايام رحت وياها عالمحلات اللي فالستي وانا اخترت فستان ابيض متروس شك ورفيجتها اختارت نفسه بس احمر المسكينة قامت تولول وتقول بتغطون علي (T ^ T) هههه كنت اتغشمر وياها طبعا

والله يسعدج يو تووو (:

---

كاوكاوي (:

خوفتيني .. اخاف فيوم من الايام اتذكر نفسي احين واقول اشهالافكار العوية اللي كنت افكر فيها !
يارب افكاري ما تكون عوية هههه 
انا صج اشوف اني شاذة شوية عن المجتمع خخخخ وكلما حسيت بالضغط منه راح انفلت اكثر ههه عاد الله يستر ما انفلت انفلات كلي ولا جان بينفوني خخخخخخخخ
ولا انا قبل كنت مسيرة كليا من الكل خاصة اني اخر العنقود واموري كلها اهلي مسيطرين عليها لاصغر الاشيا /-:
طبعا بتقولون اخر العنقود اكيد دلوعة الكل خخخخ بالعكس انا محد دلعني الا ابوي الله يرحمه ، يعني اول خمس سنوات دلع وعقب وفاته : اهمال لمدة &#1633;&#1640; سنة + سيطرة ع اموري = تمرد خخخخخ خوش عملية حسابية (^o^)

يعني لين شفتوا مني ينون عادي اعذروني خخخخ

 وبالنسبة ل تشجيع اللي حوالي لي : اصلا يوم ما بغيت اسوي ف قاعة بعد ما عجبهم بعض الامور وسالفة اليخت بعد طلعوا فيها عيوب ، خاصة كبير السن ، مهما ريلي المسكين سوالي يشوفه سوا كل شي غلط ! /-: فلو بمشي ع رايهم راح اندم مثل ما ندمت في خطبتي وفي ملجتي ): ف خليني عالاقل عرسي اسوي بعض اللي فخاطري لعل وعسى استانس ! هههه

وزين انج ما لبستي اسود هاي حركات قوطيين خخخخ 
شفت موقع لتصميم وبيع فساتين اعراس بكل الالوان ، حتى لون الكيوي يسوونه واللي تلبس اسود متروسة اوشام وحلقان وميك اب اسود وشعر اسوود الصراحة مب عروس ابدا /-:
بس لو سويتي فستان اسود بشجعج ههههه اهم شي تضبطينه ويطلع حلو بس عرس جدام ناس هالكثر وخاصة اول مرة  ريلج واهله يشوفونج يمكن تكون صدمة زلزالية ككككككك

انا كنت ابي فستان منفوووش حقي بس لين راحت فكرة العرس عن بالي قررت اسويلي فلات خخخ وبو ذيل طويل لان مابي اقعد واتحرك ويا ريلي معظم الوقت وانا جني كيس فوشار
وللحين فخاطري ،فكرت اسوي فستان منفوش قصير لعرس رفيجتي ، بس اهي استنكرت اشوي لان اهل ريلها تقول ما بيلبسون قصير خخخ ورفيجتي الثانية خرعتني تقول لي بتكونين انتي الوحيدة بو قصير @.@ قلت خلاص مب لابسة ): وللحين هالمنفوش فخاطري + قصير خخخخخ الا بلبسه بس مادري متى الله اعلم (T ^ T)


 هههههه اما اميركاز فانييست فيديوز للحين شغال ؟
&#9734;*:.&#65377;. o(&#8807;&#9661;&#8806;)o .&#65377;.:*&#9734;
مسكينة اختج حاسة فيها 
لو اهي دزاستر انا يوم حفلة ملجتي شلون ؟! كنت اتمايل فمشيتي ): واحس اني منثرة فكل مكان واتحرك وايد حتى لما اوقف وااايد كنت اتحرك ماساة خخخ بس صج الواحد ما يحس بعمره ذيك الوقت #.#
ماشالله عليج اتخيلج *.*
اممم ايوا لو عندج افكار لي عشان اخلي هاليوم مميز اكثر وتكون فيه ذكريات فيديني لان حاليا ما فكرت الا باللي كتبته لكم @.@
قلت حق ريلي يفكر عقبها قال لي بركبج منطاد! وفكرته الثانية اني اقط نفسي من الطيارة ببراشوت!!!! قلت له ارجوك مابي اموت يوم عرسي >.<
وغيرهم قلت لهم فكروا وللحين مخيخاتهم ما اشتغلت هههه

وسؤالج : تاجير ولا جان زين خاص خخخ
ريلي سال عن اللي في دبي عندهم طاقم نسائي ويقول ان ارخص من الدوحة ويمكن يصير تييبينهم الدوحة بس يمكن يطلع سعر اوفر بس اهو مب متاكد لانه ما سال وايد عن اللي في دبي، اظن بتلاقين المعلومات فالنت
 
وهو قال قبل سنتين سال الفردان جنه وهما قالوله بنوفرلك يخت وبوفيه وكل شي من دبي ب &#1635;&#1632;&#1632; الف! بس شكله الريال ما فهم عليه خخخ

يقول ان اليخت اللي اخترناه يديد وهو &#1640;&#1637; قدم يكفي ل &#1633;&#1637; شخص وريلي حاول وياه وقال يمكن &#1633;&#1639; بس اذا اكثر ماقدر لازم اتواصل ويا الشركة عشان اعرف رايهم وجي @.@
في اكبر &#1633;&#1632;&#1632; قدم بس حق &#1633;&#1632; اشخاص خخخخ شلون جي مادري ككك
حق اللي اخترناه مابين &#1635;&#1634;&#1632;&#1632; و &#1635;&#1639;&#1632;&#1632; ريال على الساعة <.< يعتمد ع حسب ايام دوام او ويكند واظن هو كان سائل قبل عن يخت بو &#1637;&#1632; قدم جنه حوالي الالفين فالساعة ..
اهو قال انه تواصل ويا شركتين هاي اللي موجودين فالدوحة للاسف ماعندنا وايد خيارات خخخ ، بس الحمدلله (:

ايوا مافي طاقم نسائي عندنا للاسف بس اللي اخترناه ريلي يقول طاقم رياييل بس منعزل @.@

سؤال : حق شنو تبينه خخخخخخخ اعترفي (^_&#8722;)&#8722;&#9734;

---


بنات،، ممكن تقولون لي لو تعرفون وين القى شنط سفر متوسطين وصغار بس الوانهم حلوة ؟ مابي الوان غامجة ومملة


ايوا رحت لاستشارية الجلد اللي قلتولي عنها في مركز الحياة الطبي ، وباختصار قالت ماقدر اسويلج شي بخصوص اثار العنقز ): خلاص بكون عروس معنقزة ): يللا الحمدلله (: عادي بستوي فهد منقط هع هع

احس اني ناسية شي /-:

يللا تشاو هانيز &#9734;&#12316;&#65288;&#12445;&#12290;&#8706;&#65289;

لي لي
نصيحه لاتجازفين بفكار خارجه عن المالوف في ليله عمرج
اذا انتي ما تحملتي صوت السماعات لانج مب متعوده على الصوت راح تتحملين موج البحر؟
وبعدين يخت بهالحجم وبهالسعر اكيد ما راح يكون شي مناسب لحفله عرس
58 قدم و17 شخص وين راح يقعدون؟
ولاتنسين الجو والهوا !
هالافكار خليها لحفله زواجج السنه الجايه ان شالله
العروس بروحها متوتره بليله عرسها فلازيدين الضغط على عمرج بشي اصلا مب مناسب
اختاري قاعه صغيره وباتي بفندق نصيحه لاتخربين هالليله

لي لي

ههههههههههههههههههههههههههههههههههههههههههههه

برجع على موضوع الافكار والعرس نكست تايم

بس على طاري اليخت .. اي حتى طيارات خاصه كلها من دبي
الماساه ان في الدوحه لو بتجيبين شئ خاص طياره او يخت او حتى ان شاء الله ناقله طائرات
الشركات في دبي بالذات يا كثرها وكل وحده تقول الزود عندي طبعا على حسب الي في جيبج
ويجون الدوحه المطار او المراسي ما تعطي تصريح او على الاقل توفر لهم مواقف او تفتح لهم المجال في المدرج .. يعني المعماله اهني زباله
وفيها نوع من فرض الاحتكار ..
في دبي وايد شركات يخوت وبعضها اول ردي عليها اوفر اي وقت تبين وكانج تحجزين تذكره سينما من سهوله التوافر وخدمه الزباين .. ويمكن يطرشون لج ليمو من الفندق او البيت للطياره او اليخت .. واذا تبين شو وعروض في اليخت بيوفرون لج ..

فوايد سهل ان تقولين لي احجز اي شئ ابيه اهناك على ان اخذ شئ اهني للاسف
حتى الي عندهم يخوت خاصه متبهدلين .. <يخوت مب طرادات!
فاغلب اهلي الي عندهم وغاوين ركوب يا سافطين عن الرتز بالدزززز والمبلغ الفلاني .. او مفتكين وسافطين في دبي .. اهناك اريح واحسن في المعامله والخدمه

فيوم قلتي يخت اهني مستنكره ان في حد ياجر هههههههههه قلت من وين لقوا حد سنع بكروا نسائي
في دبي حتى جنسيات الكرو لو تبين تقدرين تختارينهم !!

حبيبتي لي لي أهنيج ع هالتفكير
ما شالله عليج ربي يحفظج ويحميج من كل شر

بالنسبة لليخت أنا قريت مره انه فندق دبليو عنده يخت حق حفلات وعنده طياره بعد تخيلي هههههه حتى اتذكر اختي قالت شرايج نسوي حفلة تخرجوا ف طياره ههههههه

المهم استفسري لانه احس &#1633;&#1639; شخص مايكفي انتي أكيد بتعزمين خالاتج وحريم خوالج وبناتهم غير عن عماتج وحريم عمامج وبناتهم

غير عن اهل زوجج من الدرجة الاولى

ورفيجاتج ورفيجات خواتج وخواته يعني احس مايكفي

استفسري هناك حبيبتي بس اتصلي اول شي

وربي يوفقج وسهل امورج  

كاميليا عزيزتي (^^)&#65295;~~~
احس ماعرف شاقولج من ناحية ومن ناحية عندي وايد كلام @.@
اذا الله اراد ان ليلة عرسي تخترب راح تخترب ولو سويتها في قصر
وبعد شي تعلمته اثر في نظرتي للحياة وايد : لازم نقول يس! للحياة.. ولا بنتم طول عمرنا عايشين في صندوق وخايفين من كل هبة هوا ~.~
 كل ما جات فرصة لازم نستغلها واذا انا بتبع هالطريقة لازم ابتدي من اليوم مو اقول خل اسوي العرس بشكل تقليدي ~.~ وعقب ببتدي حياتي/-: التاجيل يخرب السالفة خخخ شالفايدة عيل نكون متفتحين للحياة لو بناجل /-:
انا ودي يكون فحياتي اكشن ، حتى لو سالفة اليخت اختربت ، ماعليه الدنيا ما انتهت ذيك الساعة بطلعلي فكرة جنونية ثانية هههه مابي اتشائم عادي الا عرس وليلة وحدة حتى لو اختربت @.@
في عنصر وايد مهم : اللي هو الريال اللي بتزوجه! لو انه من افضل الخلق وعرست في مغارة راح استانس! ولو عرست في حدائق عدن وعقبه اسكن في قصر مع اسوأ الناس راح تسود الدنيا فعيوني وراح اقول يوم عرسي يوم اسود و لو انكتب فكتب التاريخ من حلاته!
انا الشي الوحيد اللي يخرب علي اي شي في حياتي اهو كلام الناس ، وايد اتأثر وهالشي غصبا عني ~.~ يعني لو بسوي شي الا يطلعون الف عيب وعيب فيه وغير جي يحبطوني عشااان جي دايما اخش مخططاتي لين سويتها وانجزتها ونجحت! عقبها الناس يدرون هههه
الزبدة محد يخربها علي الا الناس ولا لو انا ناوية اعرس في كوخ راح يكون عرس حلو بعد!! وان شالله الله بيتمم الليلة ع كل خير ^.^

الا ع طاري موج البحر ههههه حسستيني ان عايشين فجزيرة نتعرض لموجات تسونامي كل شوي هههه مثل رفيجتي اللي قامت تقول : والرطوبة! والجو! والمطر ! والهوا! وفساتينا! 
انا احب البحر وصوته ولو علت موجة كلها خمسة سنتمتر هههه والهوا احب الهوااا لعبتي الهوا بسوي فيلم هندي مع الهوا والمطر الله الله يا حبذا لو مطرت بعد! (&#8978;&#9661;&#8978;) هاي لازم اخبرهم يربطوني بحبل عشان ما اتهور واقط نفسي فالبحر ككككك
ولو كان برد راح اطلع عالسطح وراح اطلع وناستي بالغصب من كرشة هالبرد! تذكرت كلمة ابلتي فالتحفيظ ههه لازم ما نخلي الظروف تقهرنا احنا اللي لازم نقهر الظروف، ولو لا، جان ناموسة تعضني في اكبر عرس جان خربت لي فرحتي وتميت اولول و اولول وان عرسي اخترب لان طلعت لي حبة حمرة مكان العضة/-:
 
اي اليخت خمسة وثمانين قدم انتي عكستي الرقم خخخ
واليخت فيه سطحه طبعا وصالة واظن ثلاث حجر ع حسب كلام ريلي بس لازم اشوفه بنفسي لين فضيت >.<
وطبعا ان شالله ببات في السويت اللي كنت فيه فالبداية ولا انا كنت ناوية اني اتم فاليخت! بس مابي ريلي يحط ميزانية عرس كامل ع يخت عشان جي تغيرت الخطة (:

و ع سالفة التوتر انا مب موترني الا اني ما اجهز كل شي عالاقل قبل العرس بشهر ): لاني يوم شليت سالفة العرس الكامل من بالي شنووو ارتحتتتت *.* هم وانزال من صدري .:>.<:. وانا من النوع اللي وايد احاتي /-:
ف بما اني شليت سالفة العرس البيرفكت من بالي خلاص استرخيت خخخ لاني لو بسوي عرس جدام الناس لازم يكون كل شي ع ذوقي الحلو هع هع

واشكرج ع نصيحتج (: بس مايصير اتذبذب كل شوي و اغير رايي لاني مب بروحي فالسالفة..
واظن للحين قاعة ريفيرا محجوزة نسينا انكنسل @.@
ع اي حال مشكورة ع اهتمامج يالطيبة (:

---


 كاوكاوي

شكرا عالمعلومات افدتيني .. ان شالله في مناسبة حلوة اجرب اليخوت في دبي ^.^
والحمدلله عالنعمة عندنا (:

---

قطوة بيضة!

ذكرتيني بقطاوتي ): بضطر اهدهم لين عرست ومافي حد يهتم فيهم اخ اخ قلبي يعورنيييي ع عيالي وااااااي .:>.<:.

لين حد يبي يتبناهم خبروني خخخ
قطو ابيض بعيون سماوية وخشم وردي
واخوه القطو البرتقالي مخطط بعيون صفرة دااافية @.@
كككك

والله انكم خطرين ، ريلي ويا افكاره المينونة الحمدلله اني تزوجته كككك من احد افكاره ان نعرس فطيارة خخخخ بس الحمدلله انه متزوجني عشان اصقل افكاره واقوله اليخت احسن مفتوح عالاقل خخخخ
 ومشكووووورة فندق دبليو بساله عن يخته @.@
والعدد بالعكس يكفي احنا اصلا شوي 
عوايلنا منقرضة << فئة نادرة شكلنا كككك
وتسلمين حبوبة يو توو الله يسعدج ^.^

---

بنات /-:

بالاضافة للسؤال السابق عن شنط السفر 
ممكن تقولون لي عن محل اقدر الاقي فيه اناشيد اعراس او اي شي هادي ورومنسي ككك مثلا محل دي جي او محل تسجيلات ،، اللي حوالي ما يعرفون /-: 
اممم وشي مهم لعرسي: شموع كهربائية او ببطارية أياً كان : وين الاقيهم ؟ 

اممم وثانكس (^^)&#65295;~~~

الشنط للسفر عندج على حسب براند الشنطه تلقين
بس غالبا بتلقين في حياه بلازا مقابل الصقر تقريبا
وعندج في هاي لاند المول فوق
وعندج حتى في اللولو تلقين شناط حلوه براند ممتاز ساعات

لا تاخذين ال في او اي شئ من هالسوالف .. لان اولا هالشنط للي عندهم طيارات خاصه فمراعين معامله الشنطه في المطار او ان للشاليهاات والرحلات
خبرج في المطارات ممكن نباق في بعض الدول او ودعيها لانها بتشقق او تتشمخ او شئ للاسف <<لي تجارب T^T
حاليا مرتاحه مع براندين "دلسي+سمسونايت" كارفتهم في سفراتي وسفرات ريلي ساعات ياخدهم ولليوم كانهم يداد
واذا بتروحين دول او منتجات او سفرات في مطارات صغيره او مب راقيه
راعي ان شنطتج لو فيها 4 تواير بدال تايرين احسن !!!

بالنسبه للاناشيد او الموسيقى الي تبينها
ما فهمت شنو نوعيه الي تدورينه ؟؟؟؟؟
يعني تبين شئ شغاال في اليخت تحطينه؟
ما تبين اغاني وطقطقه؟؟ولا تبين موسيقى بس كلاسيكيه؟؟
...

لي لي انا نصحتج وانتي سوي اللي انتي مقتنعه فيه اما توسونامي هههههههههههه ضحكتيني انتي ترا مب محتاجه غير هفه هوا تعفس لج اليخت وتلوع جبدج وبيضيع يومج كله وانتي منسدحه على الفراش جربي تاخذين لج لفه في البحر وشوفي تستحملين الموج والا قبل العرس

لي لي

شوفي هالموضوع يمكن يفيدج

http://forums.3roos.com/showthread.php?t=643718

أوداج;15816588:

فت ول
وفيه اكشاك في المولات

kawkawii;15817442:
فديتج وايد اعلانات تيجي في البلاك بري عن مصممات وكدا..
شوفي سوق واقف القسم النسائي وكذا بتلقين لان ما شاء الله سوق واقف منترس شغلات لليوم الوطني

لي لي
مره سألتي عن بخاخ ماي بشكل حلو

ياس عندهم غراش بخاخ كشخه ملونين ، مادري لو فتحو فرع في الدوحه

اذا حد رايح الامارات وصيه

كاوكاوي
لا تاخذين ال في << مافهمت ~.~

ع طاري سمسونايت خخخ صح انا اسمع انها من احسن الانواع بس قبل مدة ريلي يقول لي ان شنطته سمسونايت وتقطعت فالمطار مرة خخخخخ
 اممم وشنو سالفة اربع تواير احسن من تايرين ؟ @.@
والاناشيد امممم اقصد ابي اشيا احطها ك خلفية عن العرس والعروس وهكذا .. بدون ميوزك الخ
وابي اشيا ترقص بدفوف وهيك حق البنات لو يبون يرقصون خخخ
بس مابي شي مزعج ، مثال صوت ثامر توفيق عاجبني ومركلس خخخ اهو مصري اظن بس يغني خليجي بعد ^.^
اقدر احصل عالنت اببلاش خخخ بس يبيله وقت وايد للدوارة وتنقين اشيا مناسبة وهااي اذا راوبطهم المتنحة اشتغلت خخخ ف ابي اريح مخي واخذ جاهز @.@ 

اممم وبس ثانكيو  ألوت (:

---

كاميليا
اممم انا رحت لليخت وشفته ولو اني انجذبت للاكبر بو اربع طوابق خخخ بس للاسف كله خاص والشركة اللي احنا نبي منها ما عندهم الا يختين
والشركة الثانية اللي تقدرين تحجزين منها عن طريج فورسيزن عندها يخوت اصغر واسعارهم اعلى من الاولية..
اول ما دشيته ما عجبني خخخخ لاني كنت ابي مساحة خارجية اكثر @.@
جدام عند البوز ما ينفع وايد صغيرة بس فوق البوز بشوي في مساحة يقولج تحطين كوشنات ومادري وشو خخخ وتقعدين اهناك بس صعبة لان الكرو بيكون فوووق وبتنشافين خخخ بس عادي ريلي بيحلها لو نبي نقعد عالبوز خخخخخ
وفي الخلف في مساحة خارجية زوينة وعقبها اتدشين صالة اليخت فيها مثل كنب لازق فطوف اليخت وتي في عالصوب الثاني خخخ وعقبه في طاولة مستطيلة بكراسيها للعشا ومقابلها طاولة  دائرية صغيرة وكنب او كراسي جنه مثبتة امممم وبعد في اجهزة للتحكم فاليخت .. وتحت في ثلاث غرف وحمامات الله يعزكم ووحدة رئيسية من بينهم لها حمام ببانيو وغرفة بخار وشاور ومادري شنو بعد نسيت خخخ 
الكرو بيكون عالتوب كلش اهناك اجهزة تحكم بعد ..
<< وايد اشيا بس لا تتخيلون لان انا احب الاماكن الوسيعة وبالنسبة لي اشوفه صغير بس لين خذت لفة قمت افكر وين بحط ذي ووين بيقعدون وجي ولين طلعت حسيت اني ابي اكمل الفكرة واسوي العشا اهني خخخخخ 
وبس استخرت ع هالموضوع وبكمله ان شالله (:
 ---

اودااااج

اي شفتهم هذول من زمان بس ما يعجبني اصواتهم وايد.. انا افضل زفتي دوت كوم مسويه ثامر توفيق يعجبني صوته ماشالله ^.^
بس انا ابي شي فالدوحة بعد جست ان كيس ما اتوهق لان زفتي دوت كوم مكانهم في جدة ويصير يطرشون اهني بس بعد مثل ما قلت جست ان كيس @.@
والبخاخ امممم اوكي تسلمين حبيبتي ^.^

---

نورااان

انا امس رحت لمحلها وضعنا عدل خخخ
ماعرف ادلي بس اهو جنب محل فن المعادن او شي جذي ولوحتهم ما كانت مضوية خخ الليتات مسكرة بس بعطيج رقمها عشان اتدليج..
التصوير اهما يقولون كلللهم حريم مافي ولا ريال 
انا كنت ناوية اتعامل فالتصوير والديكور للسويت واليخت بس للاسف الديكور وهالشغلات ما عجبني عندهم .. 
ف يمكن اتعامل مع محل ورد عنده تشيكلات اكثر @.@ 
التصوير مب اكيد بعد بس ان شالله تمشي الامور .. 

---

بنات هع
ممكن ترشحولي محل للورد والديكور وهيك حق سويت فالرتز واليخت/-:
انا اهم شي عندي الوان مشكلة وتشيكلات حلوة للورد والزهور(ولو عندهم ورد صناعي او اييبونه من بره يكون احسن) + جم قطعة خلق ناعم شيفون مثلا يحذفونه مني مناك عالاثاث والارض = شي راقي ومب اوفر لان اصلا السويت الوانه ماشالله قوية ومزركشة هههه وما يبيله اضافات اكثر من جي
وحبذا لو عندهم شموع بالبطارية او الكهربا حق اليخت ابي اترسه خخخ ولو ماعندهم بطلب من النت /-:
 
الله يعطيكم العافية (: 

السلام عليكم

هديه اختي بعد كم اسبوع وحجزت غانيا للشعر
ابي اتطمن زياده شرايكم في شغلها ؟


لي لي
انا انطرج عقب العرس ابي اعرف شلون طلع عرسج
سالفه اليخت احسها وايد مغامره

وترى صج الحين وايد بنات قاموا مايسوون اعراس ويكتفون
بعشاء بسيط او ليله حنه

اختي من اسبوعين كان عرسها بس سوت ليله حنه
وثاني يوم لبست فستان ابيض وراحت الفندق

الله يوفق الجميع :)

لي لي

المنى للدي جي عندهم زفات واغاني اسلاميه


كاوكاوي

الله يفرح قلبج قريب

قلب بنت الانتر
اميـــــــــــــــــن يا قلب اجمعين F:

وبخصوص غانيا
انا العام وحده نصحتني بها وكنت متردده اجربها
لكن بعدها ما صرت اسوي خاصه المناسبات المهمه الا عندها !!!
ما شاء الله شغلها نااااااااعم ومرتب والقنت وثابت!! ومعاملتها ما شاء الله حليوه وتحافظ على مواعيدها وان صار شئ واضطرت تتاخر تبلغج !وكشغل ما تطول!!
هاي رايي واخذيها وتوكلي على الله
اني وي اذا مناسبه مهمه او شئ نصيحه حالها حال اي كوافيره يفضل تاكدين عليها قبل موعدج متى والساعه كم :thumbs_up:

قلب بنت الانتر 

ههه اوكي الله يستر ~.~
والله يوفق اختج (:
ومشكورة ^.^

---

كاوكاوي

ثاني صورة للشنط الوردية هذي كانت صورتهم عندي من كثر ما عاجبيني .:>.<:.
ابي مثلهم بس ماعرف من وين ):
وثالث صورة مالت سمسونايت شفتهم توني فالصالون الازرق بس الشنطة مالت الكابن واااايد تنتوفة انا ابي شي اكبر للكابن ، رحت اللولو والكابن سايز مالهم اكبر خخخخ 
بس ملاحظة بالنسبة للصالون الازرق
شنطة تنتوفة ب &#1636;&#1632;&#1632;&#1632; ريال ! ويا بلفيت سبشل ايديشن، ولين دشيتوا موقعهم واااااااااااااااااااااااااااايد ارخص <.<

اي خذت منهم شنطة ميك اب للسفر وخلاص خخخخ

ومشكورة كاوكاوتي (:

كاوكاوي

انا اثق بذوقج
خلاص تطمنت ^^
ومن اسلوبها حسيت انها اوكي
بقول لكم تجربتي معاها عقب المناسبه ان شاء الله

قلب بنت الانتر;15830458:
السلام عليكم

هديه اختي بعد كم اسبوع وحجزت غانيا للشعر
ابي اتطمن زياده شرايكم في شغلها ؟


:)

تطمني شغلها فوق الروووعه

انا خلاص ماحب اتعامل مع غيرهاا


وانا احب الشغلات الغريبه ماحب كل مره اطلع بنفس الستايل والي يعجبني انها ماشالله تضبط لي كل شي بس اراويها الفستان وهي تعطيني كذا حيار يناسب اللوك

اعتمديها وبقوه