« تجهيزات عرائس ' قطر ' لشهر محرم 1433 - 2011 م / الجزء : 119 »

هلا نوراااااان

اسالت عنج العافيه

الحمد لله رب العالمين

كنت مرقده في المستشفى تقريبا شهر بعدها سقطت توامي في اخر الخامس بسبب مكروب في الرحم
الله يرحمهم ويعوضني بدالهم .. اللهم اجرني في مصيبتي واخلفني خيرا منها
الحمد لله رب العالمين

شكرا على السؤال
F:

الكتوم;15800367:
بنات ابي فساتين سهره جاهزة

راقية غير جلامور والرويال ..؟

جلامور حراميه
عندج زاي +السلام+شوفي اللولوه وفي فيلاجيو
ان شاء الله تلقين

او عندج المحلات الي ورى رويال بلازا

kawkawii

يآآحيآآآآتي

معليه انتي مؤمنه بالله وربي صرف عنج شي
الحمدلله على كل حال ..اهم شي انتي بخير خلاص :**


بنات آنا آول وحده اتزوج في خواتي ان شاء الله
فمآآعرف شنو الاشياء الاساسية اللي اركز عليها فالعرس بشكل عام
يعني انا وامي نطقطق نسال منيه ومنيه حالتنا صعبه ><
ساعدوني .. انا حجزت الكوشة والطاولات الحمدلله
شنو الاشياء اللي اركز عليها من اضائة ومن ضيافة و,,الخ

شمواه
..
اغلبنا ياما توهقنا ... وانا نفس وضعج كنت قبل 5 سنين
المشكله في اهلج مب الكل بتلاقين يساعدج فعلا .. والبعض الله يهديهم بينصحج بشغلات توهق او مب ذاك الزود :( فنصيحه لا تصدقين كل شئ الا اذا شفتيه جدام عينج وسامعه ناس وايد مادحينه


....

هاي الشغلات الرئيسيه الي لازم تراعينها بالترتيـــب :
*حجز قاعه العرس "علشان تعرفين متى بالضبط وعدد المعازيم بالتقريب
*حجز المكياج والتسريحه للعرس اول ما تعرفين تاريخ العرس علشان ما تتوهقين وما تلقين حد عدل بعدين.. ولا تحجزين متاخر.. احجزي على 5 او 6 بالكثير.. لان وراج لبس وتعطر وتصوير قبل ما تدشين القاعه .. ودخلتج لا تخلينها بعد 10 بالليل لان التاخير مب حلو .. وان كان عرسج يصادف شتا خلي الدخله 9 ونص او 9 احسن !!!
*حجز ديكور القاعه "كوش وطاولات" بس هاي ما يعني ان قرارج النهائي مع المصمم لازم يخلص في نفس اليوم .. بس الاهم ان المصمم الي تتعاملين وياه مسجل عنده ان في عرس بهاليوم واهو بيقولج متى اخر مجال تبدين فيه رايج النهائي في الكوشه والطاولات وتزين القاعه .
*حجز الاضائه+التصوير+الدي جي + المطرب+الفرقه +بنات الضيافه+ البطاقات <قبل العرس على الاقل ب4 شهور تكونين مخلصه منهم.. والبطاقات لازم تكون جاهزه قبل العرس بشهرين علشان يمدي تخلصون الاسامي وتوزعون قبل العرس بكم اسبوع!
*وطبعا اثناء ما سبق انتي قاعده تخلصين جهازج وفستان وطرحه عرسج وتسنعين عمرج:)
*الضيافه من صواني وتوزيعات حلو ومالح والي على الطاوله+العطور والبخور للعرس.
*حجز الحنا واذا تبين تسوين ليله حنا في قاعه ممكن تحجزين القاعه وترتيباتها من قبل !

اممممممممم هاي الشغلات المهمه والاساسيه الي في بالي .. ان شاء الله اكون افدتج
ومن الحين حطيلج دفتر خاص لتجهيزات العرس وتجهيزاتج
والاهم ملف او ظرف كبير حطي فيه ظروف .. كل ظرف اكتبي عليه اسم المحل وفيه فاتورته وكم دفعتي وكم تم لهم حطيه داخل ..علشان تتجنبين الخربطه !

kawkawii;15800914:
هلا نوراااااان

اسالت عنج العافيه

الحمد لله رب العالمين

كنت مرقده في المستشفى تقريبا شهر بعدها سقطت توامي في اخر الخامس بسبب مكروب في الرحم
الله يرحمهم ويعوضني بدالهم .. اللهم اجرني في مصيبتي واخلفني خيرا منها
الحمد لله رب العالمين

شكرا على السؤال
F:

السلام عليكم

شخباركم بنات ان شالله بخير
ثانكيو عاللي ردوا علي فالجزء الاخير ..

امممم بنات هل تنصحوني اسوي ميك ابي بنفسي؟ بما اني غيرت رايي ومابي عرس
بسوي ان شالله عشا عائلي مع شوية كشخة .. @.@
عقب ميك اب الملجة قررت اني اسوي حق نفسي بس احين صرت اخاف قلت اخاف ما اضبط رسمة الكحل المناسبة لي اووو اذا قررت احط شادو يمكن اخبص الدنيا
طبعا انا كنت مفكرة اني ماحط لان كل تجاربي ويا الماكييرات مو حلوة لان ويهي بيبي فيس واحس محد يضبطلي شي يناسب ملامحي مثل ما ابي /-:

امممم باقي تقريبا شهرين للعرس >,< احس اني تاخرت بس طمنوني هل بقدر الاقي كوافيرات ؟ واذا بحط ميك اب.. ماكييرات؟

وممكن ترشحون لي كوافيرة تقدر تبدع بس مو اووفر ابي شي ناعم وانثوي هع هع
ويفضل ما تاخذ همجة ع تسريحة ل جم ساعة في عشا عائلي @.@

وجست ان كيس ماكييرة ماتغير ملامحي الناعمة ابد بس تحلي ^^

والله يسعدكم (:

---

كنت رايحة شوبنج امس وخذت بعض الاغراض بس براويكم هالشي المعين اللي خذته خخخخ مال عبط *.*

http://go.3roos.com/835d0defxfe

رموش ع شكل ريش واحد اسود والثاني ابيض خخخخخ اشرايكم *.*
يااا حبي للخرابيط الغريبة ^.^

---

كاوكااوي

كنت مستغربة ليش مختفية ~.~ بس لعله خير ، الله يعوضج ويرزقج بالذرية الصالحة ...


---

مع السلامة بنات (:

كاكاوي
الحمدلله على سلامتج وربي يعووضج خير
F:

لي لي

مايصير تغامرين يوم عرسج بنفسج مبتدئة توج تتعلمين للميك اب
عندج صالون دانييل احجزيها تجيج البيت ومدام ماتبين ثقيل وحوسه لاتقولين انج عروس عشان ماتثقل الميك اب ولا تثقل السعر
وبعد ديانا البنات هنيه وايد يمدحوونها
بالتوفيق
F:

kawkawii;15800914:
هلا نوراااااان

اسالت عنج العافيه

الحمد لله رب العالمين

كنت مرقده في المستشفى تقريبا شهر بعدها سقطت توامي في اخر الخامس بسبب مكروب في الرحم
الله يرحمهم ويعوضني بدالهم .. اللهم اجرني في مصيبتي واخلفني خيرا منها
الحمد لله رب العالمين

شكرا على السؤال
F:

الله يعــوضج ان شاءالله ويــأجرج في مصيبتج وانتي تستاهلين كل خير حبيبتي,, ووربي يجعلهم شفعاء لج ومن عصافير الجنــه ان شاءالله تعالى,,

____________________________________________

لي لي

مــايصير عزيزتي تحطين مكياجج بنفسج,,وحتى لو مب مسويه عرس بس انتي عروس واكيد بتصورين بتكون لج ذكرى وبعد انتي مبتدئه واخاف ماتضبطين مكياجج عدل.. في وايد ماكيرات يضبطون المكياج اللبناني الناعم مثل هيلدا اللبنانيه ووفاء اللي بصالون سندريلاو بعد جني هذيله انا مجربتهم وشايفتهم يسون على عرايس.. واذا مب حابه اتسوين مكياج عروس اطلبي منهم مكياج خطووبه او مكياج مميز وحتى شعرج لا اتقولين انج عروس واطلبي لج وحده انتي دوم تتعاملين معاها وترتاحين لها..

الله يسر لج امورج ان شاءالله,,

السلام عليكم

خلاص خرعتوني لازم اختار ماكييرة وااااء >,<
بس المشكلة اني حتى ناعم ما يعجبني ): واحس انه يغير شكلي
ميك اب الملجة كان حده ناعم ع قولة الماكييرة والكل قال انه ناعم بس انا ماعجبني وايد خاصة ان الماكييرة حاولت تضغط ع يبهتي عشان تنزل حواجبي شوي خخخخ عبالها اني رافعتهم من الخرعة خخخخ << تبي تشكل ويهي ع كيفها لان. حواجبي تقريبا سيده ومايلين لشكل رقم &#1640; ع خفيف بس << حواجب بريئة يعني خخخخ
انا ابي حد يتكيف ويا ويهي البريء ):

وبعد انا ناوية اكون فالسويت ذاك الوقت عشان اتصور اهناك قبل فلازم اييبهم الفندق ف شكلي باقولهم ذكرى زواجي خخخخخخ

بحط صورة اهني ل ميك اب عاجبني اذا شايفين شي جي من شغل ماكييرة قولولي (بعض اسامي الماكييرات اللي قلتوهم حطيتهم عندي)

 http://go.3roos.com/jv8z56nk2x4
الشادو مو نفسه بالضبط بس يعني شي نعوم جي

امممم ايوا ماقلتولي من حق التسريحات لان ماعندي خبرة فهالسوالف /-:
ابي تسريحات كيوت وناعمة مشابههة للصورتين ..
http://go.3roos.com/f3esmilzy8j

http://go.3roos.com/g2oaibln7ul

ثانكيو ع ردكم (:


شي ثاني

تعرفون وين الاقي تيجان شي حلووو @.@

وسؤال شوي .. غبي خخخ : ابي بخاخ ماي (مب مال اوتي او اللي فالصوالين) غرشة حلوة فاضية تعرفون وين القى؟ خخخخ

اممم وبس
الله يعطيكم العافية بنات (:

لااا ستوب !
تذكرت .. انا ابي مصورة وياي .. هل الماكييرة والكوافيرة بيشكون لو اني يبت مصورة تصورني كل شوي ؟ ولا اخاف المصورة تفضحني وتقول يا عروس ههههه شسوي ؟ >,< اقولها ع خطتي مثلا ؟ ههههه
ولا اش ذكرى الزواج هذي خخخ ماكييرة وكوافيرة ومصورة وسويت متروس ورد ومكشخينه ؟ خخخخ
شسوي ؟! >,<

ماقدر اييبهم البيت لاني مب مسوية العشا اهناك @.@

kawkawii;15802926:
شمواه
..
اغلبنا ياما توهقنا ... وانا نفس وضعج كنت قبل 5 سنين
المشكله في اهلج مب الكل بتلاقين يساعدج فعلا .. والبعض الله يهديهم بينصحج بشغلات توهق او مب ذاك الزود :( فنصيحه لا تصدقين كل شئ الا اذا شفتيه جدام عينج وسامعه ناس وايد مادحينه


....

هاي الشغلات الرئيسيه الي لازم تراعينها بالترتيـــب :
*حجز قاعه العرس "علشان تعرفين متى بالضبط وعدد المعازيم بالتقريب
*حجز المكياج والتسريحه للعرس اول ما تعرفين تاريخ العرس علشان ما تتوهقين وما تلقين حد عدل بعدين.. ولا تحجزين متاخر.. احجزي على 5 او 6 بالكثير.. لان وراج لبس وتعطر وتصوير قبل ما تدشين القاعه .. ودخلتج لا تخلينها بعد 10 بالليل لان التاخير مب حلو .. وان كان عرسج يصادف شتا خلي الدخله 9 ونص او 9 احسن !!!
*حجز ديكور القاعه "كوش وطاولات" بس هاي ما يعني ان قرارج النهائي مع المصمم لازم يخلص في نفس اليوم .. بس الاهم ان المصمم الي تتعاملين وياه مسجل عنده ان في عرس بهاليوم واهو بيقولج متى اخر مجال تبدين فيه رايج النهائي في الكوشه والطاولات وتزين القاعه .
*حجز الاضائه+التصوير+الدي جي + المطرب+الفرقه +بنات الضيافه+ البطاقات <قبل العرس على الاقل ب4 شهور تكونين مخلصه منهم.. والبطاقات لازم تكون جاهزه قبل العرس بشهرين علشان يمدي تخلصون الاسامي وتوزعون قبل العرس بكم اسبوع!
*وطبعا اثناء ما سبق انتي قاعده تخلصين جهازج وفستان وطرحه عرسج وتسنعين عمرج:)
*الضيافه من صواني وتوزيعات حلو ومالح والي على الطاوله+العطور والبخور للعرس.
*حجز الحنا واذا تبين تسوين ليله حنا في قاعه ممكن تحجزين القاعه وترتيباتها من قبل !

اممممممممم هاي الشغلات المهمه والاساسيه الي في بالي .. ان شاء الله اكون افدتج
ومن الحين حطيلج دفتر خاص لتجهيزات العرس وتجهيزاتج
والاهم ملف او ظرف كبير حطي فيه ظروف .. كل ظرف اكتبي عليه اسم المحل وفيه فاتورته وكم دفعتي وكم تم لهم حطيه داخل ..علشان تتجنبين الخربطه !

YA 7AYATY WALLH FDTENY WAAAAAJD
OKTBT ALLE GLTEH KLH
THHHHHHHHHHHHHHHHHHHHHHHNX:****

الله يسلمكم ..امين.. ما قصرتوا جميعا :)

.....................
شمواه
اني تايم دير
....................
لي لي
انا ما لحقت على الاجزاء الي قبل ولا ادري ليش ما تبين تسوين عرس لكن بقولج اياها بالفم المليان"بكره بتتحسفين على قد شعر راسج وراس اهلج بعد انج ما سويتي عرس".. لا تولين انا ما ابي والخ.. كلنا قلنا قبل ما نبي وسوينا والحمد لله رب العالمين .. انا كنت ما ابي اسوي ليله حنا وسويت بسيطه جدا بس علشان بكره ما اقول "الوحده تصير عروس جدام الناس مره وحده في العمر باذن الله وانا ما سويت لي كذا وكذا" ..
هذاني قلت لج

وبخصوص المكياج .. زوالج تحطين مكياج بنفسج الا اذا كنتي ماكيره محترفه ..
انتي تبين مكياج ناعم ما تبين اوفر .. يمكن لانج ما تعودي حطين مكياج او شئ قبل .. بس جدام الناس العدال والسنع والزين واجب ولو قصرتي بيكون وضعج منقود ومب حلو جدام اهل المعرس بالذات .. فشوفي نوعيه المكياج الي تبينه ولو عندج صوره احسن ... سوي بروفه مكياج وتسريحه عند وحده من ماكيرات ماك او اي ماكيره لبنانيه شغلها ناعم واحجزيها .. لان بكره بتبتلشين اذا تاخرتي ماراح تلقين حجز والله يعينج حزتها !

اذا تدورين تيجان .. شوفي محلات الاكسسوارات الي في بوث في لاند واحد جدام ايفانز والثصاني جدام اوبرا واظن في واحد مقابل بي اتش اس
وعندج بعد محل لوران للاكسسوارات مقابل سناء ساقبا في الستي !!

بخصوص البخاخ بتلقين في الجمعيه بخاخات فاضيه وايد :)

اما سالفه المصوره .. احجزي عند غايه الاحلام تصوير فيديو او فوتو لج وللعرس.. لكن سالفه ان تنصورين حزه لمكياج والشعر في ماكيرات وكوافيرات ما يرضون ينصورون .. فشوفي اذا بتصورين بس يدهم او ممكن تستاذننين الماكيره قبل !

وبالنسبه للتعدل في العرس .. مب في السويت الي لج انتي وريلج طبعا .. عاده مع القاعات في غرف يعطونها للعروس ساعات تيجي مع القاعه او تحجزينها بروحها
فشوفي شنو يناسبج واحجزي ..

ومبروك يا عروس :*

kawkawii;15800920:
جلامور حراميه
عندج زاي +السلام+شوفي اللولوه وفي فيلاجيو
ان شاء الله تلقين

او عندج المحلات الي ورى رويال بلازا

مشكووورة حبي :o

الله يعوضج خير وحمد لله على سلامتج F:

كاكاوي حبيبتي هههههه
طيحتي قلبي فبطني بس الحمدلله تداركت الوضع هههه
رحت وتناقشت ويا ريلي واهو ذكرني بمخططاتنا وطمني(:

اممم انا فالبداية كنت مصرة مليون بالامية ع اني اسوي عرس.. بس كل هاي انقلب لما سويت حفلة ملجة انا اصلا ما كنت مخططتها مع رفيجتي اللي اهي اخت ريلي! وانقلب اكثر لما رحت اجهز فالرياض عالسريع @.@
صرت افكر بجدية اني ما ابذر فلوس ريلي ع عرس ماعرف فيه الا اهلي المباشرين واهله المباشرين ورفيجة او رفيجتين !
قمت افكر اسوي اشيا انا ابيها في عرس استانس فيه ومع ذلك مافيه سلبيات حفلة الملجة مع انها بس كانت عائلية /-:

فالملجة الله يسلمج طول اليوم متوترة وخايفة ورفيجتي حالتها اصعب مني لانها اهتمت بامور تنظيم الحفلة وبعض الاشيا صارت عكس اللي خططت له ): لين طلعت يدام الناس كانت اصعب لحظة فاليوم لدرجة اني مشيت جم خطوة ع زفتي : اقبلت يا زينها (: بدون ميوزك وعقبها قمت اررررجف @.@ زين ان محد انتبه /-:
والله يستر عالاغلاط اللي سويتها خخخ مشيت اسرع من المفروض وكله ارفع راسي عشان قذلتي اللي كل شوي تغطي ويهي هههه وكله امسك فستاني واعدله ورفيجتي كله توصيني ابتسم وما اطالع الارض عاد انا شكلي تهورت وقمت ارفع راسي اكثر من المفروض<< كله من قذلتي ): وكنت ابتسم مع ان رفيجتي خاطرها تكون انا من مكياجي لين ابتساماتي وانا ابي اكون اهي من هدوئها ورزانتها ومشيتها البطيئة وراسها النازل ههههههه

المهم حسيت اني مخدرة طول اليوم ما حسيت بنفسي الا لما رحت عالهدوء اثناء عشاي مع ريلي وخاصة اثنااء رجعتي لرفيجتي والبنات مع انهم تموا عشر دقايق او ربع ساعة ،بس استانست وياهم اكثر من كل الحفلة مع اني ماعرفهم كلش (:

 بس ماقدر اقول انها ما كانت خفلة حلوة بس مع ذلك تاكدت اني وحدة وحدانية واحب الهدوء والازعاج والجمع الكبير يخليني اصدع
تخيلي! ثاني يوم الحفلة قمت اسمع صوت غريب في اذوني! جنها قطرات مطر تطيح صوت رقيييق تموا هالشكل لمدة شهر وازود والدكتور مب عارف اشفيني خخخخ يقول يمكن الشعيرات تاثروا من الصوت العالي @.@
مع انه كان مب عالي ذاك الزود لكن اقل بوايد من الاعراس
بس الحمدلله طبت (:


المهم .. انا فكرت بهالشي والحمدلله قاعدة انفذه :(ماشالله عالافكار هع هع)
اني اكشخ والبس فستان وتاج وتسريحة وميك اب وشبك الخ
اني اخذ مصورة فوتو وحدة بس(بقول السبب عقب شوي)
اتعامل مع محل عشان يزين لي السويت + اليخت
ان شالله اخطط اني اكشخ فالسويت عشان علطول اتصور فيه بنفسي ومع ريلي ويمكن لو اهلي يبون بتصور وياهم اهناك وعقبها نروح لليخت ونتم لنص الليل تقريبا ونتعشئ اهناك ونتصور ويمكن احط جم اغنية بدون ميوزك او اي شي ك خلفية بس مشكلة للحين ماعرف من وين /-:

انا مرتاحة مع هالفكرة وراح اخذ من العرس اللي ابيه بدون لا اتخرع جدام الناس وبدون لا اصدع وبدون لا حد يصكني بعين وبدون الطنازة والقيل والقال
تصدقين وايد ناس حتى سالفة اليخت ما عجبتهم !
حسيت باحباااط بس ريلي يطمني دايما وقال مادام عاجبتج الفكرة عيل ماعليج من كلام الناس
وهاي اللي قاعدة اسويه
حتى القريب اللي يقول اشدعوة زواج بالخش!
وكلام اسوأ منه ):
بس الكل يدري ان الناس مستحيل يرضون بشي عشان جي بتم اسوي شي فخاطري ..
حتى وحدة رفيجة علطول قالت لما قلت لها سالفة اليخت : اصلا محد بيي!!! وعقبها قالت انا معزومة صح ؟ ولين قلت لها العدد محدود لين شفت كفى لاهلي واهله باقولج ... راحت ازعلت /-:

بما ان العدد محدود عشان جي قلت مصورة وحدة ..
فالنهاية انا جربت احساس العرس فالملجة وما عجبني لدرجة اني اسوي عرس لاني عارفة نفسي ، حتى اعراس الناس ماروحها الا نادر
حتى انتي بنفسج قلتيلي شكلج ما تروحين اعراس وايد ثاني يوم عرس اختج اللي عزمتيني عليه خخخخخ


<< وايد تكلمت @.@

عادي شباب خخخخ

اممم البخاخات دورت فجم جمعية ما حصلت @.@
بالنسبة للكوافيرات وجي مشكورة (: وشكلي لازم اكتب الحجز في لستتي لاني كله انسى! ):
اممم والتيجان تسلمييين ساعدتيني ^.^

كاوكاوي تعجبني صراحتج خليج جذي (:

اي صح .. وقلت خل اصرف فلوس ريلي عالسفر ع مدى طويل احسن ههههه واااو صج وناسة السفر وايد احلى من العرس خخخ

يللا قولوا لا اله الا الله ، الله اكبر ! چــــخخخخخ!<< اكاكم ذبحتوا الخروف ! زين جذي؟! ):
اخ اخ ع الله العبط ما يروح مع الزواج <,<

اممم وبث حاليا الله يعطيكم العافية حبايب ^.^

 

ههههههههههههههههههههه يعافيج

تدرين .. ودي اسوي فيج رقصه السيزر سلط مال مكدونالز <لنا رقصه خاصه لما نبي نخضه بالصلصه خخخخخ
لان صج يبيلج خض

فديتج تجربتج مع الملجه شكلها تعيس عليج لانج انتي ماخذه انطباع عنها قبل ما تصير انها تعيسه ومميشه نفسج بخذافير كرهتج بالسالفه اكثر
ما خذيتيه انه هاي يومج وتنزفين لريلج اول مره والخ
.
محد منا خطط لشئ في العرس او حفله وجا 100% مثل ما كنا نبي ,,, شخصيا اشياء وايد كنت ابيها لعرسي وما صارت فقمت اسويها لاعراس غيري
وحتى يوم سقطت او الله اجل حملي كنت طول السنوات الي قبل اجهز ولادات غيري كانها لي واساعد اي حد يجهز لله مب لشئ ثاني طبعا وافرغ شئ من الشغلات الي ابي اسويها قبل ما تصير موضه قديمه او الله يمكن ما يكتب لي اسويها وكذا
.
نيجي لسالفه عرسج
فكره اليخت ما فهمتها مثل ما تقصدين .. يمكن حلوه ويمكن لأ .. بس راغي تاريخ عرسج يصادف اي جو خخخخخخ
ولا تسوين عرس عود .. سوي عرس عائلي .. لان العرس اساسا مب مظهر قد ما اهو تقليد بعد للاشهار بهالزواج لان التكتم عليه يشكك بمصداقيته
وقلت لج من شكلج ما تروحين اعراس لان باين من كلامج مالج معارف ولا لج مع احترامي بشئ اسمه "ألواجهه الاجتماعيه" لان بكره بتكونين متزوجه ولج واجهتج وبتكونين واجهه اجتماعيه لزوجج وسط الحريم . انا وايد ناس ما كنت اعرفهم قبل ما اعرس لان ما كنت اطلع من البيت او ازاور الا في العيد او مره كل كم شهر
لكن فهمت ان في شئ اسمه واجهه اجتماعيه كزوجه لازم احافظ عليها واعرف نفسي بالناس مب انطر اهم يتعرفون علي او اضطر اجابلهم كل يوم علشان اعرفهم
وواجهتج الاجتماعيه تكبر مكانتج عند زوجج بكره على فكره .. في ايد بنات ما يراعون هالشئ وحدهم مجتمعهم الضيق جدا وناس تنعد على الاصابع .. لكن هاي غلط !!!!!!!
.
سوي عرس عاىلي صغير في قاعه صغيره واعزمي القراب لج وشوفي اهل ريلج من بيعزمون" مع ان مستنكره ان اهل ريلج راضين انج ما تسوين عرس ..ما في اهل ما يبون يفرحون بولدهم"
.
اسفه اذا ضايقج كلامي .. لكن مب حابه اشوفج ترتكبين غلطه عوده في شئ ما يتكرر رغم انج مقتنعه من كلامج حاليا فيه واسكت ..
لاني متاكده مب ميه في الميه الا مليون فوق الميه انج بتتحسفين بكره ..وبتقولين ياليت وياليت..

بنات ... انعدموا الخياطين العدلين لفساتين السهره في قطر
انا دبه ما الاقي جاهز ههههه
وين اخيط؟؟ غير عن ايلي ابي راشد ..
انا كنت اخيط عند مير الي كانت في لابوم .. بس سافرت نهائي وجا بدالها واحد زلمه ملتحي لا شغل ولا اسلوب عدل مع الزباين للاسف

الإمبراطورة لي.لي كوتوموتو;15815213:



اي صح .. وقلت خل اصرف فلوس ريلي عالسفر ع مدى طويل احسن ههههه واااو صج وناسة السفر وايد احلى من العرس خخخ


 

:thumbs_up:اييدج مليون بالمية روحي شهر عسل طوووووووويل صج صج صج احلى ايام وماتنسى

كاوكاوي (:

بالنسبة للملجة بالعكس ما كان عندي لا فكرة ولا شي عنها . دشيت عمياني /-: زين ان رفيجتي علمتني شلون امشي عالزفة قبل لا ادش! ولا جان صارت علوووم ~.~
حتى سالفة الكيكة وقصها ما كنت ادري عنها الا لما شفتها خخخخخخ لا والصور اللي صورونا اياها فضيحة ككك الكل كان يضحك ع ريلي لانه يقص الكيكة بالسيف جنه يذبح خروف ههههه عاد انا من "تخدري" فالحفلة ماسويت الا اني حطيت ايدي عالسيف .. وشاركت في ذبح الخروف *.* ياااخي ماعلموه شلون يقصها انا شسوووي وااااء وانا بروحي مستحية ومادري عن نفسي .. يعني بقعد اعلمه يقصها من الطرف مثلا خخخ

بس الصراحة انتي معاج حق (:
وانا اشكرج لانج تنصحيني
بس بعد ، كل الناس سووا فقاعة بكل الالوان والاشكال ، خلني اسوي شي مختلف ويكون لي انا العروس فالمقام الاول قبل الناس
وبعد انا اصلا مسويته عرس عائلي ان شالله فاليخت وهاي يعتبر اشهار مب شرط كل العالم يدري ، وبعد حفلة الملجة اشهار وعقبها لما وزعت الجوكلت فالتحفيظ اشهار من قللللب ! لدرجة ان وحدة يسمونها "انترنت" هي اول وحدة لحقتني اول ما دشيت التحفيظ!!! ياشين اللقافة ~.~ وثاني يوم كل الطبقة الاجتماعية درت خخخخ لدرجة ان ناس ازعلوا واتصلوا ع امي وقالولها ليش ما عزمتونا! ياخي حفلة بسييطة للاهل بس لو اكثر جان مايكفي المكان /-:

بالنسبة للجو سالنا ، يقولون بيكون برد شوي بس صعب اناجل لعدة اسباب ومنهم عرس رفيجتي عقبي لازم اسافر وارد لعرسها وعقب اسافر مرة ثانية خخخخخ
وعادي في صالة فاليخت اللي يستبرد يدش (:

والواجهة الاجتماعية @.@
هالشي مسببلي مغص ~.~
بس يالله الله يسهلها ذيك الوقت خخخخ

واهله الله يسلمج لو تعرفينهم بتقولين تفكيرهم غير الناس
تقريبا وايد منهم ما يحبون الاعراس والاغاني والازعاج والاسراف خصوصا (:
 امه همها الاولي ان ولدها يامن بيته واستقراره ويمكن مفهوم الفرحة بولدها جذي..
الحمدلله ريلي ماعليه ديون من اي نوع ولا انا ابيه يتدين كلش لان الدين هم واسالي اي حد مديون
الناس يغلطون واحنا المفروض نتعظ منهم مو نمشي ع نفس غلطتهم ، ف بالتالي انا مابي اصرف همجة ع ليلة زائلة
فالملجة مثل ما قلت ، طول اليوم مب حاسة بنفسي الا لما كل الناس راحوا ! حتى ما كلت من البوفيه .:>.<:. هههه بس مالومهم كانوا مختبصين عدل مع الحفلة، الزبدة الحفلة والعرس والركيض والتجهيز لمدة شهور والتعبببب حق ليلة معظمها تروح عالناس مع اني قبل الملجة والتجهيز فالرياض كنت حاطة ع راسي شعار العرس! الا اسويه ! يعني الحفلة والسفر كانت تجربة an eye opening
سافرت من قبل .. بس تسافرين وتراكضين حق جم لبس وجم غرض من الصبح لين الليل ومع ذلك رديت وباقي خرابيط ثانية @.@ صج استانست بالسفر وصج تفاجات بالتعب حق اشيا للعرس اللي كله ليلة وحدة ، ليش ما اسوي شي استانس فيه ؟ ليش بدل لا افرح بليلة وحدة خل افرح بايام وليالي وايدة ؟
في وايد اسباب اني ما اسوي عرس بس بعد واحد من الاسباب ان العرس فالدوحة استغلال لحساب البنكين ، اقصد للعرسان.. الواحد يتعب لين ايمع له جم بيزة اخر شي ياخذون همجات همجات ع اشيا ما تستاهل سعرها! مثال : خذت طقم قميص ليلة العرس ب &#1640;&#1632;&#1632; من الرياض ، موجود مثله فالدوحة ب &#1635;&#1632;&#1632;&#1632; او &#1636;&#1632;&#1632;&#1632; /-: مب حرام جي؟ يمكن العرس صج شي مهم لنا بس لين الواحد يشوف الدنيا بكل اشكالها يستصغر مثل هالاشيا ، في ناس يموتون يوووع جنهم هياكل عظمية بدل لا احط الاف في ايدين حرامية خل اامن اكل لآلاف الناس او اامن مستقبل دراسي ليهال او اسوي مشروع قطري يضاف لرصيد قطر ويستفيدون منه الناس ..
انا ابدا ما احاول اني ابين نفسي وحدة زينة جدامكم بهالكلام ، الناس اللي يبون عرس الله يسعدهم ويهنيهم ويرزقهم ويبارك لهم ع نياتهم كلن ع حسب نيته الطيبة (:
انتي لج مفهومج فالحياة والله يزيدج حكمة (: بس كل الناس لهم مفاهيمهم وارائهم ، يمكن اتيي وحدة تقول انا متاكدة مليووون بالامية انج بتقولين ياااليت ما سويت عرس! ههههه وبيكون عندها اسبابها مثل ما عندج
انا مب اني مب مسوية عرس كلش ، بالعكس انا بسويلي عرس خاص فيني (: حتى لو ما كان &#1633;&#1632;&#1632;&#1642; مثل ما ابي بس انا وحدة اسوي اشيا مختلفة عن الناس ولو انا مقتنعة فيه وايد ماراح يهمني كلام الناس خااصة لو استانست فيه

يعني معقولة عشا هادي في يخت وسط بحر وهوا وجو رومنسي من قلب ! مب حلو ؟
ان شالله طول عمري اسرح في ذكرى عرسي الرومنسي واقول انا سويت جي وسويت جي واستانست!

اهو جي ولا جي احنا تقريبا صرفنا ميزانية عرس صغير خخخ عالفنادق والحجوزات للسفر لعدة اماكن (: و ع التجهيزات وتجهيز المكان اللي بقعد فيه الخ
ايوا وبالنسبة للناس بنسويلهم عشا بعد ! بس فيوم غير يوم عرسي ..

ولووو في حالة اني تحسفت اني ما سويت عرس " لا قدر الله!" خلاص بسوي عرس ذيك الوقت خخخخخ ادري مب نفس الاحساس ، شكلي بسوي مشروع خيري بزوج جم وحدة وياي كككك بس انا اول وحدة ! $.$

الحمدلله السفر متيسر لنا خاصة <.< عشان جي بطلع سعر العرس فالسفر خخخ الله يا كاوكاوي السفر عجيييب بلا واجهة اجتماعية بلا بطيخ سافري وتعرفي عالناس الوان واشكال بره ! خخخخخ اتغشمر هيهيهيي

ان شالله لين عرست بخبركم بالتفاصيل بس ادعولي كل شي يتم بخير واستانس والكل يستانس لي(:
ولين سافرت ان شالله للاماكن الروعة اللي حجزنا فيها براويكم جم صورة عشان كل عروس اتطنقر ع ريلها وتقول مابي عرس ابي اسافر ككككك اتغشمر لحد يتهور @.@ اللي يبي عرس الله يهنيه واللي ما يبيه الله يهنيه (:

بس كاوكاوي ممكن تقولين لي على شنو بتحسف لو سويت مثل فكرتي الفوقانية ؟ لو في شي او شيات بحاول اضيفها لفكرتي(:

وتسلمين ع اهتمامج والله ^.^ جزاج الله خير

سوري وايد هذرت ):


---

زينة قطر


هههه حبيبتي مشكورة ع تاييدج ^.^
شهر العسل انا ما اعترف فيه ولا ريلي .. بما انه مب من تقاليدنا الاسلامية
يارب تكون سنوات العسل وحياة العسل (:
وسالفة سفر ع مدى طويل قصدت ان نسافر طول حياتنا والحمدلله السفر سهل لي ول ريلي عشان جذي
ماظن شهر كامل سفر بيكون حلو بيكون تعب خاصة العرايس يتسوقون وين بيودون اغراضهم خخخخ

عشان جي فكرة السفر المقصقص احلى (:
وان شالله نبتدي سفراتنا بمكة عقب العرس علطول (:
هاي اول مرة فحياتي اروح واعتمر @.@

الله يهنيج يا زينة (:

---

صلوا عالنبي عليه الصلاة والسلام
اللي يتحسف ع اي شي ما سواه ، قولوا الحمدلله ..
هاي نصيب كل وحدة ، ومحد بياخذ اكثر او اقل من الرزق اللي يرزقنا اياه الله
تبون شي ، اطلبوا من الرزاق ، لا تتطالعون الناس وتتمنون وتتحسفون او حتى تحسدون ، الحسد اللي راح يضركم انتوا اولا..
ان جاكم اللي تبونه مبروك ههه وان لا ، خلاص الله يعلم باللي فيه الخير لنا
كلامي مب موجه لحد معين لحد يفهم غلط (:
بس هاي كلام يطلع من خاطري

سوري تعبتكم مع مشاركاتي الطويلة ):

الا صح تذكرت ! كاوكاوي! اعرف وحدة سوت عرس وندمت ! وقالت لو جات الفرصة ماراح اسوي عرس كلش! اظن السبب الرئيسي ان الناس ضروها /-:
<< اكاه لقيت استثناء في قاعدة التحسف عالعرس خخخخخ

پيس آوت!

 

لي لي

ماشاءالله تبارك الله
الله يوفقج يارب ويتمم لج على خير
ويتم كل شي احلى من ماتبين

اعرف وحده ماكانت تبي تسوي عرس وبتكتفي بعشا وبتسافر وبعدها بتسوي حفل استقبال بس اهل الريال سووها سالفة

الله يسعدج F:

kawkawii;15815343:
بنات ... انعدموا الخياطين العدلين لفساتين السهره في قطر
انا دبه ما الاقي جاهز ههههه
وين اخيط؟؟ غير عن ايلي ابي راشد ..
انا كنت اخيط عند مير الي كانت في لابوم .. بس سافرت نهائي وجا بدالها واحد زلمه ملتحي لا شغل ولا اسلوب عدل مع الزباين للاسف

امس حاضرة عرس ماشاءالله فساتين البنات شزززينها ودج تمسكينهم وحده وحده تسالين وين مفصلين =(

عندي قطعه ومفكرة في الموديل بس أبي حد ينفذ ومحتارة :thumbs_down:

نوراااااان;15816490:

بنات لو سمحتو ابيكم تفيدوني

بما ان اليوم الزطني جاي ابي لبس حلو لبنوتي
وابي حركات مثلا قبعات اكسسوراتوين بلقى اشياء حلوة

,,,,,,,,,,,,,,,,,,,,,,,,,,,,,,,,,,,,,,,,,,,,,,,,

فت ول
وفيه اكشاك في المولات