« تجهيزات عرائس ' ليبيا ' لشهر محرم سنة1433هالجزء : 25»

سؤال مخالفة ..اختى كوين اوف ايس :-

شن اسم الماركة متاع الاى برو اللى عندك امتاع 9 دينار ؟
جواب مخالف:-
البرافانات غالية حتى الرجالية الحق هالفترة وانى خديت كم بارفان بس كلهم فوق المية ...يعنى لو حاجة كويسة على الاخر وماركة ...
ولكن عجبونى حتى مجموعة الرصاصى اتهبل وحتى هية سعرها معقول لو وحدة بتاخد تاخد من مجموعة الرصاصى وقريبة من البرافانات الباريسية ..انى الحق خديت باريسية وندمت لانى خديتهم غاليات يعنى مش وقتهم توة بعد الثورة الدنيا شايط فيها النار بس خديت وقدر الله ماشاء فعل البرفانات عادى وسيتس بس كلفونى 2000 دينار ...يعنى حرام والله ...وحتى خديتهم انى مستعجلة يعنى قبل كان الفرح الايام اللى فاتو بس توة تأجل ..فالبنات نصيحة تريتو زى مافى الذهب توة ...اصبرو او اشرو حتى من مجموعة الرصاصى

رد مخالفة لـــــــــــ :
اختى روح الوليد وروزة ..صحيتو على النعتة ...
وبخصوص الشادو الاستيكر او اللى يسموه شادو شيت ...لما اتجربوهم قولولى ؟؟..
انى لقيت فى اليوتيوب ماركة افون وشكله يهبل زى هذوو


وشفتهم كيف يحطو فيه والنتيجة روعة ...بدون تعب ... وهذا الفيديو ..واووو يهبل
]
وانى حابة فكرته بصراحة مسئلة تنسيق الالوان اهو ماتعبنيش بدات فى البداية وانى عروسة مرات تنسيق الالوان وتوزيعها جديدة عليهم فانفضل هذا ..
وحتى فكرته دايرينا ايقولو علشان لو ماعندكش وقت وسرعة فى حطتة هالشادو ...


وشفت اللى حاطتيه ياروزة حتى هوة تقريبا ايطالى ايهبل اسمه

Eye Majic Instant Eye Shadow
والفيديوووو بالايطالى
[YOUTUBE]YG1iWctZQSU[/YOUTUBE]

وهذا فيديو للمجك امتاعك ياروزة
[YOUTUBE]qaBWe7UdpzU[/YOUTUBE]

رد مخالف لى مصراتية صدمتينى حبوبة كم خديتى رائحة الى كلفوك 2000 حرام الحق راك بتتى بيهم من جديد هههههههههه معليشى دخلت روحى حقا هما ليك والا لى زوزك :p

جواب مخالفة لمصراتيه وننس
خديته من محلات الجملة متع المكياج في باب بن غشير
وهوا الماني اسمه penakle
وفرشته طويله ورقيقه اغلب التاتو المؤقت فرشتهم غليظه مش حلو الرسم بيها ولا مرخيه بس هادي صراحه حلوة وحسيته تابت لونه مش زي التانيات جربتهم بسرعه يلبزو كل من شافني يحسابه تاتو دائم
توا نحاول نصورلك اللي عندي

نورت ايامى;15796110:
رد مخالف لى مصراتية صدمتينى حبوبة كم خديتى رائحة الى كلفوك 2000 حرام الحق راك بتتى بيهم من جديد هههههههههه معليشى دخلت روحى حقا هما ليك والا لى زوزك :p

ههههههههه عادى بالعكس مادخلتيش روحك هذا اللى صار
يعنى ..ماتنخلعيش والله بصدق وحانصورهملكم وحاتشبحيهم ...خديت بارفانات عادية واطقم "سيتس " الحق هو خديتله كم حاجة اطقم بس كلهم حاجة راقية طبعا انى اكثر "ههههههه ":D:):rolleyes: ..بس زى ماقلتلكم غاليات الحق لانهم باريسية درجة اولى ...وسعرهم هكى ...وانى لانى عارفة انى مدمنة بارفانات:confused::confused: فاخليتهم اخر شئ فى تجهيزاتى ...بس شطبت كم حاجة معاهم ...بس اخر تجهيزاتى هما البرافانات والمكياج هذو اللى فضلى وطبعا الفيلو واكسسواراته ...يعنى حاجات الحوش كلها خديتها ومرتاحة منهم من الحاجة الكبيرة للصغيرة ...
بس اهو استعجلت فى البرافانات بس علشان موعد العرس الحق ربكنى وخلانى خديت بس اكيد شهر تانى وحاينزل كل شئ على السنة الجديدة بس انى على السنة الجديدة حانكون متجوزة كان سخر ربى ..ان شاء الله ..فامعاش عندى وقت انى نستنى او حتى نفكر ..اللى تعجبنى نتوكل على الله وناخدها ...بس لو عرسكم مازال فمازال ماتخدوش عطور نصيحة استنوهم زى الذهب راقية اسعارهم ...

QuEEn of icE;15796269:
جواب مخالفة لمصراتيه وننس
خديته من محلات الجملة متع المكياج في باب بن غشير
وهوا الماني اسمه penakle
وفرشته طويله ورقيقه اغلب التاتو المؤقت فرشتهم غليظه مش حلو الرسم بيها ولا مرخيه بس هادي صراحه حلوة وحسيته تابت لونه مش زي التانيات جربتهم بسرعه يلبزو كل من شافني يحسابه تاتو دائم

توا نحاول نصورلك اللي عندي

[YOUTUBE]iEOWDjvAl0U[/YOUTUBE]



أفضل تاتو حواجب على الاطلاق من penakle بسعـر خاص لعضوات






























__________________

رد لمصراتيه
مزبوط هادا هوا النسخه الموجوده هني زي يلي حنحطلك صورته هههههههه عشان متريحيش نفس البروداكت بس الغلاف زي هادا مرة خديته من محل اميرة يلي في الفرناج ب11 او ب12 يمكن بس من محلات الجملة لقيته ب9 وطبعا خودي رقم 2 لو شعرك اسود اني ناخد في رقم 3 شعري بني غامق ومنحبش لونه داكن المهم جربيه وادعيلي

عروسة ليبيا;15796367:

مصراتية كلامك ف محله
بصراحة الالفين هلبا معوضااات بس بليز ف باقي الامور رتبي روحك بالورقه والقلم

ووماتشريش حاجات اوفر صدقيني والله انا نادمه اني مااختصرتش هلبا لان ف الاخر الاسواق مش طايرة والقرش والدينار الي يفضل حتى بعدين نشري بيه

هلبا ناس حملو وتوحمو ع عطورهن اني اغلب الي نعرفهن كرهن هلبا عطور بعد الحمل

فكرتي
كنتي شريتي 2 ست حلوووين واحد لدخله وشهر العسل وتاني لما بعد شهر العسل وباقي العطور نوعتي ومكانش لازم يكونو فرنسيات كلهم

يعني من الرصاصي حبه
من العطور التركية كم حبه
والاحلا العطور الزيتي من محلات التركيب انا نعرف محل صاحب خالو ف ش 14 ف بنغازي يخلط فيهن يهبل

تعرفي عطر ليدي مليون ماحبيتش الاصلي وحبيت التركيب لان خالتي دايره لها تركيزه اخف من الاصلي وتطلبي التركيز يلي تبيه انتي

وميزة العطر الزيتي انك حتى لو شريتي العطر اصلي بدون لوشن تشري منه الزيتي مايفوتش 10 دينار وتصبيه ف بيبي اويل جونسون وبعد الشور اديري بيه جسمك وهو مبلول

ومانحكيلك ع الريحه الي تبقى لاصقه فييييييييييييييييييييك + النعومه لجسمك
يلا حبيت نقول هالكلام باش باقي العروسات يستفادو من تجاربنا

بخصوص عطور الرصاصي تجنن وحلوة فوق الوصف خصوصا بعض منها هلبا مميز وسعرهن حلوو راهو العطور استهلاك دائم الصراحه انا بسرعه مايتمو مني

ما اروعك حلووووووووووووووو ف بنغازي سعره من15 ل 20 وهو كبي
لعطر من اسكادا ومميز وتابت

وهادا ايموشن قديم ومعروف وريحته رايقه وحلوة

======================
============================

ويعوضك ياعروستنا ويعوض كل بنت ويعوض ازواجنااا يانارى عليهم هما شنو ايقولو امالة ههههههه
صح عارفة روحى ...بس مش مشكلة ممكن حتى اندير منهم هدايا بعد العرس يعنى الحق
ماستخسرتش فى روحى وخطيبى حاجة ...بس لان عندى مبلغ اصلا مخصصته للعطور ...فهذا اللى صار حتى جاء فى وقت غلا ونار شايطة ...
وتعرفى مع هالعطور نبى ناخد مجموعة الرصاصى مااروعك رجالى ونسائى يهبلووو ...وعندك اموشن انى من قبل مستعملته النسائى لانه يشبه عطر وومن من بوس و عجبنى الرجالى ووووووواو يهبل ..اختى شممتنى اموشن وماروعك الرجالى
------------------------------
وتعرفى موضوع تركيبة العطور ياخسارة ماعرفتهاش الا بعد ماشريت الايام اللى فاتو لانى ديمة انى وامالية مانشروش الا من محلات معينة والحق غاليات ومحلات التركيب ماندخللهمش نحسابهم بس بخور وحاجات هكى وانى ماعنديش فيهم ...
وتعرفى حتى ماكنتش بنشرى بخور بس امالية قنعونى ببخور الامارتية عجبتنى كم حاجة خديتها الحق مع الفلوس هذو زدت كم حاجة خليجية وبخور ..لان العروسة لازم من بخور يقولولى وعطور شرقية
بس سؤال لعروسة :
انى انحب البخور الليبية الحق ...نبى بخور حوقانى ليبي ..زى لقيتك فى موضوع كاتبة بخور بمية الزهر او حاجة زى هكى ..من وين تشرى فيه ...يعنى بخورات ليبية اصلية زمانية اذكرنى بحنى الله يرحمهااا ...

..فالمشكلة انى حتى انى زيك يكملو بسرعة ...وبعدين مش فى الثمن ياعروسة المشكلة
من الاخير المشكلة فية انى هههههههههه انى مجنونة بارفانات بشكل ماتتخيلى الحق وانى معترفة بهالشئ ...بس شن بندير هذا عيبى :-#:-#

سؤال مخالفة
من قابلتها الرولر هادي؟؟؟

جواب لــــــــــــــــــ كوين :
الحق مامرت علية بكل فى محلات ليبيا ...الا فى النت ...بس شبحت ايبعو فيها فى منتديات !!!

جواب لعروسة :- خلاص شوفيلى البخور الليبي الحوقانى بقداش وكيف الكمية يعنى بعلبة او فى شنو ...؟؟؟
سؤال ياعروسة ليبيا :-
بالله اكديلى على بليتات الاي شادو من " ماكس تتش" ...زى ماقلتيلى على النعتة يعنى المكان اللى فيه اكيد نلقى لانى هنى فى سبها ماقليتش بكل ...

رد مخالفة لمصراتية

ماركس اند سبنسر عندهم منتجات هكي بدي بتر وبدي لوشن وتقدري تاخدي ست كامل ولا كل حاجة بروحها ..وفيه هلبة خيارات..اني مش مجربتهم لكن اختي جربتهم وتشكر فيهم ..

باهى عروسة شن فيه تانى ماركات متوفرة غيرها فى ليبيا ؟؟؟

فيكي;15796772:
رد مخالفة لمصراتية

ماركس اند سبنسر عندهم منتجات هكي بدي بتر وبدي لوشن وتقدري تاخدي ست كامل ولا كل حاجة بروحها ..وفيه هلبة خيارات..اني مش مجربتهم لكن اختي جربتهم وتشكر فيهم ..

:thumbs_up: حت صاحبتى تشكر فيهم يا بنات زعما قداش الواجد يتحق لوشن للبتات ان شاء الله

QuEEn of icE;15796471:
سؤال مخالفة
من قابلتها الرولر هادي؟؟؟

سؤال مخالف : لشنو تستخدم هذي ؟

رد مخالف للغالية مصراتية :

بنسبة لستكر الظلال الجاهزة في محل في صفة مصحة المروة جنب محل بشاشة لعطارة بزبط