« تجهيزات عرائس ' ليبيا ' لشهر محرم سنة1433هالجزء : 25»

مصراتية لشرقاوى;15783635:
عيونك الحلوات ياعروستنا الحلوة اللى مانستغنوش عنها ...
بخصوص الدار النوم مــــــــــــــــــــــــــودرن وبقوه ........انحب الحديث والبساطة فى نفس الوقت ..
وبخصوص لون الورغان :
دم غزال بالعكس عرايسى اكثر هاللون ...انحس يعطى دف لدار النوم الحق ..
وهوة من نوع كنج سايز وراقى يعنى حتى اقماشه مريح مايربكش فى دار النوم فى نفخة وكم قطعة يعنى مانحتاج انضيفله شئ ...وثمنه فيه 275 دينار
وبخصوص الورغانات الستان ومادراك وغيرها فصوص وكرستال ودندشة ولميع هههههههههه :D
الحق مانحبااش انحب الحاجات المودرن وعمليات انحسهم مش ذوقى ...و مانرتاحش معاهم الحق نقعد على اعصابى حتى لو شبحتهم عند حد .....وهذا لاش مش قادرة انديرهم حتى لو كنت عروسة :o

بارك الله فيك روزة:



سؤال مخالفة:

نبي مزين اتمكيج مكياج حللللووووو وراقي وتسريحة نويزكة،،، لبناني يعني لانه عندي مناسبتين وحدة بنمشي لشعيب وبتكلفني هلبة فا في مناسبة تانية نمشي لغيرها

روزة اكرم;15782344:

جواب المخالفة

سلمــــــــــــــــــــــــــــــــــــــــــــــــــــــــــــــــها :thumbs_up:ياربي ههههه مشاءالله عليك حلو منظمة حتى انا نحب التنظيم زيك وكل شي انخططله ونرتبله بروحه ياعطيك الهنئ ياعسولة شكرا
وبالنسبة لشنطة الدخول اول ليلة نبي لمه نروح لحوشي خوي ينزلهالي من السيارة
وباقي حاجاتى نرفعهم قبل العرس بيوم او يومين بس هوا في العادة لمه يرفعوا حوايجك يابتعتى حد يرتبهملك او همه يرتبوهملك هوا عادى مش عيب بس انا زي ماقلت احويجاتى ومانبيش حد يشوفهم لانه حاجاتى الخاصة
توة بنشري اشناطى وبنحط فيهم حوايجى وبنديرهم بنلف عليهم بالتول بحيت صعب ينفتحوا:worn_out: شوية وفي نفس الوقت اشنطيـــــــــــــاتى وامزينتهم توة انصورهم لمه انديرهم

خطيبي قالي عادى توة انرتبهمك انا :o:Dهههههه

اه يا مسيميمة انتى ههههههههه انبصر عليك :pعندك الحق بالنسبة ليك لان معندكش خوات وبالنسبة للخالة بصراحة منحبش حتى انى زيك يفتش حاجاتى لكن مرت خوى الحلوة لما جابت حاجاتها جو 2 خواتها المتزوجات وقالوللنا اقعدوا ستفوا معانا وطبعا كان كل شة مطبق وحطيناه فى الدولاب والى يبى التعليق علقناه تحت اشرافهم طبعا:study: وانى منحكيلكمش الحق قعدت اندقق شن جايبة ههههههههه لكن تبى الحق هما من لما طلعوا امى سكرت دار النوم بالمفتاح وحتى قبل العرس بيوم وحنى انديروا فى دورة على الحوش امى مخلت حدددددددددد يخش ويشوف حاجات البنت قالت الى نتمناه لبنتى نتمناه لبنت الناس وقعد فى خاطرى انفركس هههههههههههههههه لكن هدا الحق طبعا اهم شى الامانة

جواب لااجمل عروسة ....الله يخليك ياحبيباااا حتى انت عيونك حلوات ..حتى انى خدمة الدنتيل انموت فيها والحاجات الناعمة الحق بس كل شئ يبى الموسم اللى بتتجوز فيه الوحدة
زى الحرير طبعا فى الصيف والربيع وعندك القطن واووو دافى فى الشتاء ... والدنتيل فى الخريف
....وبعدين تعرفى نحب نختار حتى الحاجة اللى تقعد معايا اكبر فترة علشان الواحد يبقى طالع من عرس وتكاليفه تخايلى لو الواحدة تاخد حاجات للعرس بس معناها محتاجة الحق حاجات تانية تشريهم بعد العروس وتبقى فى حوسة تانية ...وحتى الذوق ليه دور كل وحدة ليها دوقها ولمستها انى هكى انحس يعنى لما تشبحى حاجاتى بلمستى وتبقى معروفة على طول اتحسى بيها انها لية وهكذا ...
وبخصوص مفارش للكمدينو خديت على نوعين التركية امتاع المطرزة "خدمة قماش وخيط تهبل وخديت العاديات ...
والاباجورات خديت اللى قاعدتها منحوتة لوح وخديت الحق اللى قاعدتها جلد وهذه تنقص وتتقوى زى ماتبى فى الاضاءة ... يعنى خديت 4 اباجورات "لانى انحب الاضاءات الهافتة " وعندك الشموووع طبعا بالهبل بس طبعا انت شابحتيهم اكيد فى موضوع شموعى ...بس مختارة بس البسيطااات امتاع الروائح

بخصوص الفيلو مازال الحق فركست فى سبها ماعجبنى شئ حتى هوة فصوص وخرز هلبة وانى انحب الدنتيل اكثر ...
بس لما نمشى لبنغازى الحق نبى تأجير مش شراء ...لو تعرفى وين مكان الاجارات ياريت تقوليلى وتنقدينى بدل مانقعد انرفرف من مكان لتانى ...

سؤال مخالفة : بخصوص الكوافيرة قالولى في ماجدة المصرية فى المكياج اتهبل انت شن رايك ياعروسة هى والا جيجى !!!!..والا من ترشحيلى واتكديلى ...بس بخصوص ماجدة قالولى الحواجب والفتلة لا ..لان بنت خالتى قالتلى اتخلى وجهك زى الدحية هههههه "عجبنى المصطلح " يعنى اتنحى الشعر حتى الصغير اللى فوق الجبهة وانى مانبيش انحيه هو واللى مع منبت الشعر من الرقبة من تالى حتى هوة لو نحيته انحس روحى تبقى رقبتى طويلة ومزلفطة زى النعامة ههههههه ...
وانخاف ايقولولى زى موزيل البطشة هههههه....

وقالولى الحق ادير فى الحواجب رقيقونات يعنى استايل وردة الجزائرية ههههههه امتاع اللى يحبوه المصريات والحق انى نبى وحدة اتنقصلى يادوب مع انه حرام "نامصة ومتنمصة " والله احترت بس نبى وحدة على الخفيف يادوب ..والله مش عارفة حواجبى غلاط وكيف اندير حتى التشقير مايمشيش معاهم ...
سؤالى :-يعنى منْ اللى اديرلى الحواجب والفتلة ؟؟؟

موعد العرس :-
عقد القيران :
عقد قيرانى حايكون هالايام ان شاء الله يكمل علية وعلى كل وحدة فيكم بالخيرويارب يستر كل وحدة زى ماتسترو فية ....

حفلتى ليوم 1-1-2012

سؤال مخالف:

يابنات عندى مشكلة هى ماشالله وربى يكتر الاحباب ناسنا هلبة تبارك الرحمن حوالى 700 والله ماتوقعت هكى ونبى صالة قنينة وتسدهم وتعرف تتصرف مع ازحمة وقصر الهناء قالولى 600 وانا نبى 700

عروسة ليبيا;15785446:

حبوبتي مصراتية


موفقه فكل خطواتك ياعروسة

وكلامك كله ف محله ومعاه نحطلك علامة الجوده ههههه


واني اكثر وحده ضد ان الوحده تستعمل حاجتها وهي عروس وتبقى حاجات غاليه ومش عمليه

لان حرام يعني الحاجات لازم تكون حلوة وجودة ومعقوله للاستعمال الدائم





الكوافيرات

نكرر ونقول فيهن نسبه حظ كبيره


وهنو الدلوعه

صاحبتها خوات قتلي مطلعتهم ماجده حلوين

زمان وهي نفسها فكرت ادير عندها بعدها حصلت وحده اكثر علا ذوقها

الي هي جيجي الي قالت عنها هنووو





مدام ماجدة

انا طلعتني زي مانبي الحمدلله اشرطت عليها ماديريليش رش وجو النجوم وشرطت عليها الروج بتاعي شلته معاي وصبغه عليما اجدت فيا ماحبيتش نصبغ وشعري الطبيعي اسود فااااااااااااااحم

الموهم كنت معاها بشوشه و كلمتها بلسان حلووو الحق دارت زي مانبي واكثر





وبنت سلفي زفتها ف اجدابيا كانت مشتلها وطلعتها تهبل

وووشرطنا عليه نفس الشروط مانبوش رش ولصيف هلبا

لكن هيا تحب ادخل اخضر فاقع واصفر

انا ماحبيتهش هالالوان كل العرايس تقريبا تدخلهم فيه بش ادير اضاءة

انا نحس الموف احلالالا من يدها ومميز اكثر

والاسود والغوامق



يعني لو فيلوك اجرتيه ابيض ناصع خليك ع شدو سموكي اسود وفضي وروجك احمر وديري البوكيه احمر
يطلع لوك فخم وراقي

ولو


مثلا خشيتي ف جو الدانتيل السكري والي فيه شويه علا قولد

عندك الاخضر الزيتوني ف ذهبي حلووو خصوصا لو علا شعر عسلي او بني او خصل ميش رقيقات


وعندك الشدو الموف البنفسجي داكن بتدرجاته يهبل مع روج فوشي

وماجده تعجبني ف الموف والاسود اكثررررررررررررررررر



والحواجب والفتله والميش وصبغه دارتهن لبنت سلفي عندهااا كويسات الحق عرب دارها كلهم عجبتهم طلتها كلها


بس


انا نحب فتلة وحواجب نسرين محلها اسمه مسايا ف الفويهات شارع مدرسة الخنساء مشهورة


وعلا فكرة طلعت صاحبتي عروسة عرسها 7 7 الي فات طلعتها تهبل

مع ان صاحبتي سميرا وفي عيوب ف بشرتها وعيونها جاحظات

يعني مكياجها واعر وطلعتها حلووووووووة وناعمه


وعرس بنت حماتي ف نص واحد ح نحجزولها عندها

كان ماسافرتش بيروث لانها تكمل ف قرايتها غادي وتقرا ف جو الميك اب غادي

واني نحبها حتى ف القص احسن من يقصلي ف بنغازي واحسن من يدير فتله عندي والحواجب ادير فيهن بسلك وماتنقصش فيهن واجد


ماتغيريكش بشكل الناس ماتعرفكش بس اطلع منك احلا مافيك

لكن هيا احتمال كبير ح تسافر هالشهر لبنان مانعرفش مزال موعدها بزبط وامتى تجي


لو جيتي بنغازي كلميني نجيبلك البوم العروس صاحبتي


بخصوص الفيلواااااات

في اكثر خيارات واسعة


في محل فالحدائق اسمه روعة العرائس حاجاته حلوووة ونويزكه علا اكثر من ذوق تلاقي طلبك

وف عروسة كانت معانا ح نجيبلك صور فيلوها ونكلمها لكي نسالها بكم لانه حتى هوا دانتيل وفخم ومش اوفر بنفس الوقت


وقتلك مصراتية ب اى وقت اتصلي امري وادللي ياعروسة لو كلمتي ماجده ولا نسرين نمشيلهم ونوصيهم عليكي

سلمهـــــــــــــــــــــــــــــاااا عريستناااا والله تهبلى شرحك واضح ومريح من قلبى ...حــــــــــــــبيـــــــت ...
وانت تاخدى منى علامة الجود والكرم ....:thumbs_up::thumbs_up::thumbs_up:

سؤال عروستنااا :-
رينج ايجار الفيلوات بقداش انى الحق مانبيش انفوت ال500 الحق هوة كم ساعة مانبيش نخسر هلبة فلوس فى الفيلو بس ....
والمكياج خاطرى فى مكياج سموكى الحق ...زى هيفاء وهبى ...وزى ماقلتى الموف اجمل شئ ....مع السموكى ...وووو مش حابة جو طحلوبى ههههههه:lol::lol: "اخضر فلاشة واصفر فاقــــــع ...
- تلفون نسرين كان عندك ياريت تعطيهولى على الخاص ...
-خلاص بخصوص الفيلو امتاع صاحبتك اسئليلى عليه ولو فى صور ابعثهملي حتى هما ...
- سؤال مخالف ..:-
مكياج ماركة مايبلين
>>>شن ناخد منها لمكياج عملى
وشن ترشحيلى هية والا جوش ...
والمكياج السهرات حاناخد ماك او جيرلان من بنغازى من عمو عصمان اللى قلتولى عليه ... وحتى هوة شن ناخد منها ...
مع العلم بشرتى بيضاء محمرة يعنى ركزيلى كيف ناخد درجة الكريم الاساس ؟؟ ومانبيش كريم الطبقات وجو الستوووك :thumbs_down:
فيه ماركة جولدن روز ...؟؟؟شنوووووووو كويسة من جربتهااا ؟؟؟

سؤال مخالفه
المية الحرارية البخاخ يلي تكلمت عليه مصراتيه شنو نستخدمه من غير انه بعد الحلوه؟؟؟
راس السنه قرب ومفكره ناخد لراجلي هديه لبسه سروال وسوريه زقرواطه وجو الماليه يلي تتسكر من قدام وكمها طويل .... المهم نبي طريقه حلوه نغلفهم بيها اعطوني افكار ..... وياترا هكي تمام ولا نزيد عدة حلاقه وافتر شيف ؟؟؟؟؟
واعطونا افكار للاحتفال هوا صح مش من سنتنا بس اهو الواحد يلقى وقت ويغير جو ورومانسيات في هالدنيا نجرو بس بعدين بعد القصف والحرب تغيير ... ومن قابلها تنكري متع راس السنه الاحمر بالفرو؟؟؟؟ ياريت تفيدوني

[/CENTER]

السلام عليكم ورحمة الله

سؤال مخالف:

مبروك علينا الجزء الجديد من اللمة ويا حبوبات نبي ناخد رايكم في هالمنتجات طبعا هيا منتجات طبيعيه يقولو

عروسة ليبيا;15787307:

[CENTER]


رد لمصراتيه << اهو نديرلك اساسيات المكياج الي تشريه فعلا وتستعمليه مش جو الشناطي انا جوني حركات الشناطي من ايطاليا والله ماهم عمليات اغلبه لين انتهاء الصلاحيه ولا استعملته

بعد تجارب سنتين ومشوار طويل مع صحباتي وقريباتي ف التجهيزات

نقولك الميك اب ماتبالغيش ف غلاء اسعاره لان صلاحيتها بسرعه ما تتنتهي ولازم الي تشريه فعلا تستعمليه و ولا تشري ماركه من اسمها ودعايتها خوذيلك الاساسيات ماركات حلوة وجوده وسعرها مقبول جدا شوفت ف بنغازي ماركة ماك وفور ايفير ويضحكو عليا بتاع المحل يمشولي فيها ههه من سوء حظهم اني شوفتها ف الامارات وعارفه شن تسعيرتها وجوو بزنس فينا وخلاص




اول حاجه والي اهم من المكياج ماتنسيش كريم الليل وكريم النهار

كريم الليل ف منتجات نيفيااا بتاع الليل ب 11 او 12 يهبلللللللللللل صناعه بولندية تلاقي حسب نوع بشرتك

وكريم النهار عندك لو بشرة جافه بيبي جونسون يهبللللللللل سعره 5 ونص ولو بشرة عادي لدهني نيفيا

غاسول وجه نيتروجينااااااا اكييييييييييييييييييييييد سعره 8 الي 10

ومنظف مكياج نيتروجينا او بيبي جونسون بس يكون اصلي ايطالي او اماراتي سعرهم ف جو 6 لي 7

مناديل ازالة مكياج خوذي متاعاات البيبي لانهم اكثر امااااااااان خوذيلك حتى 2 كفاية لي اول فتره




نجو للمكياج

ميبي لين حلووووووووة مكياجها بصراحه نحبه خصوصا الاساسات بتاعها سوا سائله او موس كريم يعني جامده

عندهم كريم اساس دريم موس حلووو خوذي رقم واحد ولايت مكتوب عليه سعره ب 18

وهو لونه بطاطي فاتح هكي يجي ع اى بشره تغطيته حلوة وفي زي الكونسلير لما اتحطيه يولي زي بودرة وف واحد علا بنك مش حلوو

بوردة منزلبن بودرة اجديده تهبل ب 22 مربع باكوها اسود الحلو اني الي حصلتهم درجات فواتح وصعب تلاقي ماركات فيها الفواتح لكن بسرعه ما تنقص من سوق تلاقيها ف محلات الاجيال ش عشرين بعد نص الشارع ايجي ع اليمين المحل

وفي له فرع ف مول كوزال ف سلماني فرعه الاول ولو حاجه ماحصلتهش توصيهم يجبوها ليك

الماسكرا ميبي لين الصفرا بدون منازع تهبل


مجربه قوش وشانيل وماكس فاكتر وبرجوا ونيفيا كلهم جربتهم

الحق ماتريحتش الا بهادي والله ديما يسالو فيا ع مسكرتي لما نحطها


حلوووة وعمليه سعرها مايفوتش 15 في حتى مسكرة ميبي لين الفوشيه تهبل بس هنا محصلتهشششش كنت ناخذ فيها من الامارات خياااااااااااااااااااااااااااليه


قلم العين الاسود عندك ماركة فلومار وفارمسي حلوين شمعي تحسيه ماتخذيش الاقلام السمونيات ههه الكبار يديرهو الكبد وتبيلهم براية خاصه وحتى مع مبراة دوى فاضيه


اقلام الفم فارمسي التركيااات بجديات حلوووين وارسعرهم حلوة وجودة وعلميات


القلوسات عندك فلومار وفارمسي حلوووووووين

الارواج قوش حلوين تاخذيلك الاحمر الاحمر والفوشي

والنبيتي والورديات عندك فارمسي حلوين بتوعها


اقلام العيون الملونات خوووووذيلك الاساسيات التركواز والاخضر الزرعي لا غناء عنهم اقل حاجه ف حويشك مع مسحة بودرة وقلوس هادو بتاع فلومار حلوين


الديب لاينر الي هوا رسم العين الي ريشته عريضه
هادا من قوشششش تقريبا ب 13

الديب لاينر اساسي لكل عروس وسهل استعماله لو ماتعرفي ارسمي بالقلم الاسود وبعدين عاودي برسم هادا


احمر الخدود عندك ماركة ليلا هي فرنسية تونسيه بتاعها حلووو خصوصا الفوشي
وماركة ليلا عندهم قلم عيون كحلي ازرق ومغطته ذهبيه ب 2 او 2 ونص يهبل يهبل نتعب واانا نقول حلووووووو

وعندك ف البلاشرات فارمسي حلو وفلومار وقبرينا هادو التلاته تركيات واسعارهم قنينه جدا وعند قولدن روز خوذيلك الي في لمعه للمناسبات فوشي و احمر فيهم لمعه وفوشي فاتح خفيف مطفي عملي لكل يوم


زبدو الكاكووو ف ماركة غبرينا ب 2 ونص تركيه حلووووووووة وريحتها حلوة انا ف الحوش ديما علا شفايفي الحق عمليه وفيها لون حلو منها لون ومنها ترطيب مهمههههههههه حركة زبدة الكاكو الحمراء ف يومياتك ح تستعنليها لراجلك اكثر شي


المانكييير

ف ماركة نازله اجديدة حلووة العلبه تجي مربعه والمغطة امربعه علا حجم العلبه من تحت مغطتها سوداء وتوا منزلها الاجيال ب دينار وف شارع عشرين ب 1و نص الحق انا عجبتني شريت منها اربع الالوان

احمر وابيض ثلجي وفوشي مرشوش وازرق بلو وشريت لي اختي ابيض ووبنك فاااااااتح والواحد بدينار


اما الاي شدووو فا هادا حسب امكانيتك ف ماركات حلوة وعمليه جو العلبه الكامله الي كلها ضلال بكو الالوان نسمو فيه هادا لا غناء عنه ف ماركة ماكس تتش خيارات هلبا منها راه في منه حتى شناطي بسسسس تاخذيلك العلبه المربعه احسن وافيد بتاع 20 لون او 24



الموهم طولت عليك عروستي لو اتفكرت حويجه انقولك,, اتفكريني بدعواتك الطيبة

[/CENTER]

يارب يسترك دنيا واخرة ...ووووووووواه ياحبيبا مش عارفة كيف نشكرك ....:o حتى نبى انقيمك الميزان مايبيش حشمنى
والله كفيتى ووفيتى هكى الشرح والا بلالالالالالالالالالالالالالالالاش تهبلى ياعروسة ...والله صدقتى لما عطيتى نفسك نيك عروسة لانك ديمة عريسة ومهتمة بكل عريسة ياارب ينولك اللى فى بالك ...
سؤال ياعروستنا :-قصدى سؤالات هههههه هلبة
شن رايك فى ماركة فور ايفر الطبية ...؟؟ والمكياج امتاع السهرات والثقيل اى ماركة ناخد ماك والا جيرلان والا ديور ؟ وهل لازم ناخده توة والا الكوافيرة هى اللى بتمكيجنى باللى عندها ..؟؟؟والا نشرى وهى تمكيجنى بيه ...^o)^o)^o)^o)^o)
واسعارهم التقريبة ياغالياااا ؟؟؟
- وكريم نيفيا الليلى وين نلقااه فى بنغازى ؟؟؟وهل زى هذا ؟؟

- منظف المكياج من بيبى جونسون ...قصدك امتاع المناديل ؟؟؟
- وكريم الاساس موس
قصدك هذه اللى مش حلوة


انى شبحت زى هذه تقريبا وهذو شنو الفرق فيهم

وهذى


وشنطة الفرش

ناخد اما ماركة ؟؟والا عادى اى ماركة ؟؟
- والديب لاينر هذا شنو الفرق بينه وبين الاي لاينر ..قصدك بالديب لاينر اللى يشبه الخطاط ؟؟
- وبلاشر جولدن روز قصدك امتاع الكور ball blusher ???
- ماركة المانكير اللى تحكى عليها شن اسمها ؟؟؟ وشنو الالوان اللى ناخدها ؟؟؟
- واقلام العيون الملونة قصدك اللى زى الظلال بس يديروهم خط زى الاي لاينر ؟؟؟
- والاى شادو العلبة الكاملة ..هل تقصدى زى اللى فى الشنطة الستيل ؟؟وبعدين شنو الفرق بين المخملى والمائى والمطفى ..والا مافيش فرق ...يعنى مثلا مثلا المخملى يمشى مع اللبس العربى وهكذا يعنى امتى كل واحد انديره ...وعتدى خالتى قالتلى المائى احسن ...
والا كيف فهمينى بالله ياعروسة ...؟؟؟احترت هلبة !!!
- والاى شادو بوكت اللى يجو لونين او 3 مع بعضهم اى ماركة ناخد ...
- والبيز مينت شكرولى هلبة جوش هذا الابيض الشفاف اللى زى المرطب ...وهل ينفع مع البشرة الحساسة ؟؟؟
- ووين نلقى طاقم شنط مكياج راقية ..زى هكى




سامحينى على تساؤلاتى مرات اتقولى علية عبيطة ههههههههه بس هذا اللى صار ..تجربتى مع المكياج صفر وهذا اصعب شئ فى تجهيزاتى تمر علية ...

[/CENTER][/CENTER][/CENTER][/B][/CENTER]

ميمى جوجو;15787706:
السلام عليكم ورحمة الله

سؤال مخالف:

مبروك علينا الجزء الجديد من اللمة ويا حبوبات نبي ناخد رايكم في هالمنتجات طبعا هيا منتجات طبيعيه يقولو

رد مخالفة
الصراحة الماركة هادي قنينة هلبة..
اني جربت منها حاجات وعجبتني..وننصحك بيها

QuEEn of icE;15786691:
سؤال مخالفه
المية الحرارية البخاخ يلي تكلمت عليه مصراتيه شنو نستخدمه من غير انه بعد الحلوه؟؟؟
راس السنه قرب ومفكره ناخد لراجلي هديه لبسه سروال وسوريه زقرواطه وجو الماليه يلي تتسكر من قدام وكمها طويل .... المهم نبي طريقه حلوه نغلفهم بيها اعطوني افكار ..... وياترا هكي تمام ولا نزيد عدة حلاقه وافتر شيف ؟؟؟؟؟
واعطونا افكار للاحتفال هوا صح مش من سنتنا بس اهو الواحد يلقى وقت ويغير جو ورومانسيات في هالدنيا نجرو بس بعدين بعد القصف والحرب تغيير ... ومن قابلها تنكري متع راس السنه الاحمر بالفرو؟؟؟؟ ياريت تفيدوني

رد مخالفة

بالنسبة للمية الحرارية تستعمل حتي لازالة المكياج..وتستعمل لتنظيف البشرة..وفي علاج حروق الشمس والحبوب..يعني فوائدها للبشرة لا تعد ولا تحصي..
بالنسبة لطريقة تغليف الهدية اني نقترح يا اما تحطيها في سلة حلوة يعني تطبقيهم وتحطيهم في السلة مع شكلاطة وورد طبيعي وكارت وربطة بسيطة..نحسها حلوة اللقطة..ولو تقدري تزيدي معاهم حتي ريحة حلوة احلي واحلي لكن حتي هكي كافية الهدية,,
او تقدري تحطيهم في باكو احمر وتخليه مفتوح شوية وتحطيه في مكان يشوفه متلا..
وحطيتلك صور توضح الفكرة اللي نقصدها..
وبالنسبة للتنكري متاع راس السنة اختي خداته السنة اللي فاتت من الظهرة..واكيد تحصليه لانهم يجيبو فيه في الفترة هادي.وتقريبا كان سعره 75 جنيه..
وبالنسبة لافكار الاحتفال..فاني نقول شوية تغيير في ديكور دار النوم يكون حلو..مع هلبة شموع وورد طبيعي وكيكة حلوة وعشي بسيط اكتر من كافي..وياريت من غير امبايل..لاني نشوف فيهم يديروا في حوسة على الفاضي ويخلو اي حفلة كانها عيد ميلاد..
وماتنسيش كارت فيه كلمتين حلوات من قلبك
وياريت تنوي بالحفلة تغيير الجو واسعاد راجلك وماتكونش احتفال بعيدهم..وربي يسعدك وان شاء الله نكون فدتك

السلام عليكم
اخواتى ومبروك للى تزوجزا وعقبال العايزين يارب


عجبونى هاالصور وحبيت ناخد رايكم

روح الوليد;15789068:
السلام عليكم
اخواتى ومبروك للى تزوجزا وعقبال العايزين يارب


عجبونى هاالصور وحبيت ناخد رايكم

رد مخالفة لروح لوليد

اني عجبتني هادي اكتر واحدة..حتي الاخيرة حلوة..غير اني مانفضلش طريقة القصة اللي فيها فرق من النص..ممكن لانها ماتمشيش معاي بكل

سؤال مخالفة ل روززة اكرم
حبيبةى حسب ما فهمت ان عندك فكرة على خدمة الباقات زى هادم اللى انتى حاطة صورتهم
كم تكلف هكى تقريبا باقة زى هادى..\

رد مخالف:

قريبا من تسريحا هذي من فرقا في الوسط شفت فاطمة شعيب مديرتها

انا هادى التسريحة عاجبتني عاالاخر . وخاصة لو ان ماكانتش ملحوسة من الاجناب تقدر تخليها مفروقة ومع الفرقة عاالجنبين فيه ششغل ونفخة هكى .