« تجهيزات عرائس ' ليبيا ' لشهر محرم سنة1433هالجزء : 25»

عروسة ليبيا : بالنسبة لفاطمة شعيب سعرها موحد .. نفس السعر حق عروس او بيان او حتي حفلة عادية

بسم الله الرحمن الرحيم
رد مخالفة لعروس ليبيا.....
انا طبعا طرابلسية بس احنا سبرنا نرفعو معانا في حاجات من غير الملابس لان السترة باهية
بالنسبة للمفروشات واخدة زوز اطقم شراشيف واحد امريكي فيه اربعه مخاد كبار و زوز صغار وشرشاف وكوفر للفراش وهدا تقدري اتخليه حتى منظر ابروحه عادي وتقدري اتحطيه مع يرغان وانا مركباته ليراغان الدخول لانه سكري زيه ويرغان الدخول بالكريسال موزع والحرير طبعا كان مخديتاش راه درت رقبه ههههه درت لماما العار في الدكان علي اساس طالعه نشبح ومن الاول قتلي هدا غالي شوفي بس قتلها حاااااضر غير نزلينى ههههههههههه وبديت الردح داخل زي الصغار ههههه .... المهم
وواخده واحد تانى قهوى من بي اتش اس شراشيفه روعه للبتشري ومعاه كوفر وزوز مخاد وانا شارية زمان يرغان اسود بالدهبي والقهوي وركبته اعليه
وشاريه عدد 4 كوفر للفراش للتغير اليومي او تحت الشراشيف متاع الطواقم و4 غلافات داخليات للمخاد وواخدة مخاد نفسهم محشيات معبايات مش غلافاتبس كبار 2 كبار حجم 75 سنتى وواخدة وحده مستاطيلة ووحدة مدورة وواخدة زوز شراشيف ستان بلونين موف وبزاري
واخده مفرش للشكماجه والكميدونات يعنى لدار النوم شاموا قهوي ومشغول بالدهبي والاسود لليرغان التاني وواخدة واحد لليرغان الدخول وواخدة كاتروات جلد قهويات بالفضي يطلعو علي كل شي وواخدة 2 شمعدان كريستال بوهيميا وواخدة شنى تاني ايوا واخدة حاجه منعرفش اسمها يحطو فيها علي طاولات الماكلة قدام كل واحد يعنى زي البخشة غير فردية وقدام كل واحد علي الطاوله مايمسحوش فيها لا ياكلو اعليها بس خدية 6 علي حسب كراسي طاولة الاكل متاعي
وواخدة كيسان بشيشة متاعهم كريستال من سنوقه وواخدة سرفيس ابيض سادة انا ركبته وجمعته وكله خاص لتقديم الاكل فقط يعنى لاقهوة ولا شيء نبيه للاكل فقط ودرته 35 صونية بين فطح وغارقات وصونية كبرها 4 زليزات تقريبا ووحدة مستطيله طويله متاع سمك حشاكم وداقرة شربة وفناجين شربة كشيك غارق للتقديم وخدية شنطة كواشيك سونكس 12 قطة من كل شيء والله مانتدكر كم يطلعو علي بعضهم وواخدة طاقم للحمام يخلع تلقيه في مواضيعي فيه بوكس واللي ينظفو بيها المحبس حاشكم واللي يحطو فيها الصبون السائل متاع اليدين وقردل القمامه اكرمكم الله وياحنا اخديت 2 سفر تقديم جلد واخدة طاااقم كبيتشينو بصفرته وفنجيله بيض وصفرته لوح بالفضي باش يتبع للسرفيس زعميتك ومعاه براد وسكرية ومتاع حليب والله اعيت من الكتابه
وواخدة خواتم لفوط التقديم تلبسي الفوطة فيه يعنى وقت نبي اندلع الراجل :adore: ونديرله صفرة مطعم .... ومعاهم بخشة وفوط انا ركبتهم وواخدة شمع قرفه يقتلو ريحتهم وواخدة فناجيل قهوة فضيات ودرتلهم صفرة وواخدة تحف كريستال للبوفي ووخدة عدد 8 فوط تجميع من بي اتش اس وواخدة من ماما طاقم فوط عدد 6 بمختلف الاحجام وواخدة روب حمام ليا وواخدة واحد ليا وليه وواخدة ليه وواخدة 2 مفارش طاولات كاملين واخدة حاجه اتقص التفاحه ابراج محلاها طبعا واخدة حاجه اطلع قلب الفلفل الحلو للحشي اسرع واسهل واخدة قوالب خبز البنكيك واخدة اللي اتدير الكبيتشينو بس مرش جديدة طالعه واخدة سالات بنحط فيهم الفوط

رد مخالفة لحيو..

اختي واخدة زوز تيجان في عرسها..واحد بمية وخمسين وواحد بخمسة وعشرين..والحق ولا نفس الشي ماحسيتش فرق كبير في جودتهم يعني غلي على الفاضي..فننصحك خودي حاجة مش غالية ..

........تالقي في عالم الكرستاااااااااااااااااااااااااااااااااااااااااااال ... مع التاج الدي تتخياليه........

رد مخالفة لعروسة ليبيا

اني جبالية لكن عايشين في طرابلس وماشيين بسبرهم..في بتاتنا نرفعو في لبس العروسة وزيادة عليه..يرغان وبطاطين ومخاد..وشراشيف ..واكسسوارات دار النوم..وشوية اكسسوارات للحوش..وتاكم اماعين كامل..وتاكم شاهي وتاكم قهوة و وكيسان عصير وامية ..ومتارد وسفر ضيوف.وكل اللي بتقدم فيه للضيوف الاحسن ان ترفعه..وحتي فرش الحمام واكسسواراته هذا الضروري واللي بتزيد حاجة براحتها لان كل واحد وقدرته..

adgima;15822442:
........تالقي في عالم الكرستاااااااااااااااااااااااااااااااااااااااااااال ... مع التاج الدي تتخياليه........

....هده كندرة بدلة الكبيرة مطرزة بي الكرستال والكونتيل

وهده صورة لي بدلة الجلوة ... طبعا لونها احمر دم غزال ... ومطرزة كلها بي الكرستال والكنتيل ... طبعا الصورة مخفية جمال البدلة

adgima;15822501:

وهده صورة قريبه لي شكل التطريزززززززززززززز

سؤال مخلفة .......... منو تعرف وين فيه جلسات الليزر لي شعر كويسه

رد مخالفة لي عروس ليبيا

.....بنسبة لي عرائس طرابلس والطرابلسية بي الدات ... عندنا ما ترفع شي الا لبسهاااااااااااااااا وحاجاتها الخاصة فقط لا تزيد عليهم ... ولو هي تبي تشري حاجة بي راحتها يعني ما فيش برنامج سبر وضروري وعيب وكيف ما جابت شي ... بنسبة لي خواتي لبسهم وحاجاتهم الشخصية من كل شي يلبسهم عامين بي الرائحة فقط بس جوا ... ايهو وشراشيف ... الانه مرات اهل العريس يحطو قوبيرطه بس ما يتفكروش الشراشف ... والحق الانه احني في حياش اولادنا انحطوا في كل شي من اكسوار لي المطبخ والحواش والفراشات الحمام وكل شي ... ما نرجوش في العروسة ... تعرفوا توا حوش خوي بس تحف واكسوارت لي الحمام حاشكم والمطبخ بس 800 ... ما غير ماكينات والخلاطات وجو المواد الكربائية امتع المطبخ .... وما نعلقوش عليها العروسة لو ما جابت شي معها الحق هدا داخل عيلتنا وكل اقربنا ....

رد مخالفة لي حيوووووووووووووو الغالية ..... حيو توا اندير دورة ونقولك الانه الاسعار هني مختلفة فيه محلات تبيع فيهم جو 30 40 .. وفيه محلات حتي 200

حتي صوته ما انخلق مثله ابد;15822012:
يا قلبي انتي ... انا قصدت المحلات اللي في مول الثلاثاء

عروسة ليبيا;15821790:

بسبوسة غزالها وروزة اكرم

لو سمحتو بنسالكم اليوم انا ونقلب الحال هههه

نبي نعرف تجهيزاتكن من بتات للبيت بليز نحب نعرف ف تربولي الاغلب شن ترفع العروسة معاها

من المطبخ شني ومن المفروشات يعني كل وحده فيكن كم لحاف ونسولات وهكي يعني


سوالات مخالفه هامه

اتمنى اتحطولي ليسته بلي شريتوه او بترفعوووووووووووووووووووووووووووه

وكم بدلة تيور ف بالكن بترفعن

رد مخالف حنى الحق يا دوب كان تكرمنا ناخدوا طقم طواسى كرستال ههههههههه سبرنا هكى منرفوعش حاجات الحوش على الراجل ربى يعنهم