رشا ............ عملتي ايه في حكاية اشعة الصبعة ؟ كنتي عايزة تعمليها وماجلة الموضوع ؟
أجمل ايام العمر;15790352:
ربنا يكملك نفاسك على خير يارب يا امونة و عمورة يخف بسرعة من الصفرا و يبقى زى الفل يارب
انتى مامتك محضرتش ولادتك يا امونة؟؟؟؟؟ :!!::!!:
على فكرة هقولك معلومة قوووووووييييييييييييية لما تبىقى عايزة عمورة يفتح بؤه الصغنن عشان يسيب الحلمة سدى مناخيره شوية هيفتح بؤه كرد فعل تلقائى عشان يتنفس
شريرة انا ؟؟؟ صح ؟؟؟ :D:D
انا كمان زيك على فكرة قدرتى على تحمل الالم صفر
عارفة دكتور النسا بتاعى كاتب على الفايل بتاعى اسمى من برة هدى آى آى آى
انا ضربت الدكتور لما جيه يضغطلى على بطنى بعد الولادة القيصرى و من كتر الالم اغمى عليا :'(:'(
ماما محضرتش ولادتي يا هدى لانها في الكويت مدرسة ومينفعش تاخد اجازة نهائي ولا حتى تقدر تقدم استقالتها في الوقت دا , وبصراحة ماما لو كانت شافتني كانت ماتت فيها , اذا كان بابا انهار وعيط من اول ما دخلت المستشفى , امال ماما كان هيحصلها ايه
بابا سافر الكويت من يومين وحكالها على قصة الولاده وقالي فضلت تعيط كتير اوي وتقول الحمد لله ان ربنا نجاها
الضغط على البطن بعد الولاده عشان الرحم يرجع لوضعه الطبيعي , انا الدكتور جه وقال لخالتي حطي ايدك على بطنها ودلكيها بالراحة 5 دقايق , وكان في كلكيعة في بطني راحت مع التدليك, بس مكنش مؤلم الحمد لله
وشرير اوي الفكرة بتاعتك ههههههههههههههههه, حاسة مقدرش اكتم مناخير الولد , ده انا رحت بيه للدكتور وطبعا كان بيتعامل معاه بعنف شوية لانه متعود وانا اقوله بالراحة بالراحة عليه, قلبي بئة قلب خساية :D
Dr.Flowers;15790667:
ربنا يكون فى عونك انا جربت الالم دة لما حاولت ارضع هنا والمشكلة انى مكنتش بعرف ارضع الا من ناحية واحدة والحلمة ماطلعتش الا ناحية واحدة فكنت كل مرة ارضعها من نفس الحلمة
وكنت بضرب برجلى فى الارض او اعض المخدة من الالم بس نصيحة ماكسليش استحملى
عشان مش يستسهل الببرونة لانها اسهل كتييييييييير بالنسباله حاولى تحطيه ان شاء الله 5 دقليق على كل ناحية حتى لو مفيش لبن مصه خو اللى هينزل اللبن ويزوده
وماترضعيش قدام حد خااااااااااالص ولا تحكى لحد ع الرضاعة
ربنا يعلم كل اللى بقوله دة من واقع خبرتى وتجاربى الرهيبة الخطيرة ههههههه:D:D
ولو عاوزة بسيب الحلمة ابقى اضغطى على مناخيرة شوية هيسيبها على طول:D
انا كمان يا جوجو مش بعرف ارضع الا من ناحية واحدة وهيا اللي الحلمة بتاعتها طالعة , بس بحاول مع الفرده التانية :D
ومش برضع ادام حد لاني بتكسف :o
mesk_2005;15791469:
امونه حبيبتى الف حمد الله على سلامتك ياقمر انا لاقيتك اختفيتى من على الفيس مره واحده ومااعرفش عنك اي حاجه
والف سلامه على عمر وطمنيني عليه عامل ايه دلوقتى
وربنا يجعل كل لحظة الم شوفتيها فى ميزان حسناتك يارب
ازيك يابنات وحشني جدا وسامحوني انا اصلا مبقيتش ادخل المنتدى بقالي فتره كبيره
انا نفسي اطمن على دينا حمدي ماحدش يعرف عنها حاجه البنت ديه على بالي على طول
اللى يعرف عنها حاجه يطمنى عليها
الله يسلمك يا نهى
انا هروح بكرة ان شاء الله اقيس الصفرا في المستشفى واطلع على الدكتور يطمني على عمر
اخبار اروى ايه ؟ واخبار الشحتفة والحب ايه:D ؟ بجد يا نهى ربنا يصبرك على بعد جوزو , انا كل ما جوزي ييجي يسافر من المنصورة للقاهرة ابقى عايزة اعيط , بجد حاجة صعبة اوي
paradise rose;15791527:
طب ماتحطى صبعك الصغير فى بوقها من الجنب وتطلعى الحلمه انا قريت ان الطريقه دى افضل من انك تشدى صدرك منه هتتعبى
دينا بخير الحمد لله لسه متكلمين من كام يوم وهى بخير الحمد لله وربنا يسهل تجيب النت قريب بس الدكتور طالب منها الراحه ربنا معاها ومعانا ياااااااااااارب وبتسلم عليكو كلكوا يابنات
حلوة طريقة الصوباع دي يا امنيه , ما طلعتيش شريرة زي هدى وجوجو هههههههههههههههههههه
وسلمي على دينا كتير وقوليلها اني ولدت اخيرا عشان كانت مستطولة مده حملي اوي هههههههه
mooney608;15791858:
معرفش النهاردة صاحية تعبانة تانى ليه كدة و جنبى واجعنى اوى دة انا كنت ما صدقت الوجع خف كتير - النهاردة تاعبنى لدرجة انى صاحية من الوجع و اخدت معايا مسكن احتياطى و انا نازلة ربنا يستر و مايزيدش بحاول استحمل علشان انا من كتر المسكنات حساها مبقتش تحوق فيا
الف سلامة عليكي يا موني , ربنا يشفيكي يارب
@ green apple @;15792310:
السلام عليكم
وخشتووووووووووووووونى ااااااااوي
مع انى زعلانة منكو ولا واحدة منكو تسال عليا يا وحشين حتى برسالة زوار
مكنش شات ورغى مابينا يعنى
عموما طمنونى عليكو
انا شوفت ان مونة ولدت ما شاء الله مبروك وربنا يتملك نفاسك على خير يا قمر ويخليلك ابنك وجوزك ويسعدكو
وكمان هدى حامل ما شاء الله
ربنا يتملك حملك على خير يا هدى
طمنونى عليكو كلكو
وحشتونى بجد
والله العظيم يا سارة انا داخله النهارده اقول البت سارة فين , احنا بنسال عليكي في كل جزء والله , ليكي وحشة كبيرة اوي يا سارة
طمنينا عليكي , ليه غبتي كل ده عننا ؟ وايه اخر اخبار العلاج معاكي ومع جوزك ؟ ارغي شوية يابت
ايوة انا ولدت الحمد لله وقصتي موجودة قبل كام صفحة كده :D