شات منتظرات الحمل وامهات المستقبل القريب باذن الله لشهرمحرم/ديسمبر

حرمت يا بوسي والله مش قادرة , والفيونكة هتتربط للابد , اصلا مش قادرة افكر ان المنطقة المحظورة دي حد يلمسها تاني , ده انا حتى عندي معاد مع الدكتور يشوف الغرز ومش هروح من خوفي منه

وجوزي هيأجرلي شقة جنبه عشان ميفكرش يلمسني , الراجل اتخض خضة سودة مش قادر ينساها

ودلوقتي بجد حسيت اد ايه ميرا حبيبتي عانت , ربنا يقدرها ويجعله في ميزان حسناتها , دلوقتي حسيت بيها في كل مرة كانت تيجي تقول انها بتعيط او تعبانة , ياااااااااااااااااه فعلا الامومة دي صعبة اوي اوي



هوبة , فعلا الجنة مش ببلاش , والاطفال غلاوتهم بتزيد كل ما المعاناه بتزيد في ولادتهم وتربيتهم

ميجو وامنية
ربنا يخليكو يا بنات ياارب



شيمااء
ما شاء الله الف مبرووووووووووك الحمل
ربنا يثبته ياااارب

وعقبال الجميييييييع

حرمت يا بوووجى حرررمت
معلللش هى فترة و هتعدى انا كنت زيك و الله و ادخل اسال البنات و اعييييييييييط لا و انا كنت لوحدى انا و جوزى و جودى و بسسسسسسسسسسسسسسسس تخيلى و الله كنت بخاف منها و لا بعرف اشيلها و لا اغيرلها و كانت بشعة عياااط مستمر و ترجييييع و تغرق هدومها و شعرهاو انا مبقاش عارفة احميها طبعاو كنت بشيلها غلط اكنها بيبى كبير مكنتش اعرف انى لازم اسند راسها و الحجات دى و كانت بتصعب عليا و انهيار و عياط و جوزى ايدك منه و الارض كان بيخاف يشيلها اصلا و انا كنت بقول البت دى بعد الشر هتروح منى
و كانو كل الناس حتى اخواتى ييجو ضيوف و يمشو و انا محتاسة و بموووت
بس صدقينى رغم كل ده بعد الاربعين واحده واحده هتنظمى الرضاعة و النوم و بعد 3 شهور باذن الله هيكون خلاص طفل طبيعى و هترتاحى تاخدى هدنه لغاية ما يزحف و يتحرك هتكرهى نفسك هههههههههههههههه
انتى اهتمى باكلك و السوائل و خللى جمبك باتيه كروسوان و ترمس حلبه او عصير و كلى انا كنت بعمل كده لان مكنش فى حد يجبلى حاجة اكلها و حاولى تغيرى جو شويه هو عمر بقى اد ايه
انا خرجت و جودى كانت 2 اسبوع هى اينعم مكنتش خروجة اوى بس تتغيير جو

امونة
حمد الله على السلامة المهم ان انتى و عمر بخير متفكريش فى اللى فات و ربنا يجعله فى ميزان حسناتك باذن الله اهو عدى و خلاص شدى حيلك انت بس و باذن الله هتبقى كويسة


شيماء
يا رب خير و تكونى حامل باذن الله طمنينا لما ترجعى

ازيكوا يابنالت عاملين ايه
معلش الفترة اللي فاتت كنت مضايقة شوية وكنت بتابعكوا من بعيد
شيماء البقاء لله معلش هي متاخرة بس والله غصب عني كنت كئيبه الفترة اللي فاتت دي
امونة حمدلله علي سلامتك معلش جات متاخرة وربنا يباركلك في عمر
مني والله العظيم انا عيط علشانك متزعليش وان شاء الله ربنا يعوض عليكي وعلينا كلنا ادعي كتير
وباقي البنات عاملين ايه مفيش اخبار جديدة؟

انا بقي اخر اخباري حالتي النفسية وحشة جدا والحمدلله نفسي بجد في بيبي وحاسة ان المساله بتتعقد علي الاخر

المهم انا رحت المركز عشان ابدء المحاولة التانية لقيت في تحليل لازم يتعمل اسمه جين التجلط والمهم عملته والنتيجة طلعت في مشكلة معنديش سيوله في الدم وهو ده سبب عدم ثبات الاجنة والحمدلله عرفت ايه السبب فشل المحاولة الاولي
وباخد حقنة بيوفيت كل 3 ايام وبرشام جسبرين وفوليد اسيد 4 مرات في اليوم
ادعولي يابنات

ربنا يفك كربك ويرزقك يا ريهام
ربنا يرزقك يارب

حبيبة امها 4;15786557:
ربنا يفك كربك ويرزقك يا ريهام
ربنا يرزقك يارب

يارب ياشيري

ربنا يكرمك يا ريرى معلش يا حبيبتى انا عارفة الواحد بيجى عليه اوقات بتبقى نفسيته فى الارض بس ربنا كريم باذن الله و هيجبر بخاطرك و خاطرنا كلنا

بقولكم ايه يا بنات دلوقتى انا عملت اكونت جديد على الفيس بوك لان القديم اتملى ناس معايا من الشغل و ناس ملهاش لازمة و كده و تقريبا مبقتش استعمله فعملت واحد جديد لاصحابى و الناس القريبين ليه يعنى و هنقلكم عليه انا بس قلت اقولكم عشان مش تفتكروا انى حذفتكم من عندى يعنى و هحاول اضيف اللى مش عندى كمان

ازيكمم يا بنااات روحتوا تنتخبوا ولا طنشتوا انا روحت بس اتمرمت و اتبهدلت بس الحمد لله انتخبت و خلصت ...... شيماااااء الففف مبروك وربنا يثبتلك حملك ياررب انتي كنتي عامله اشاعه الصبغه الشهر الي فات صح ؟؟ الف مبروك يا حبيبتي وربنا يتمملك بخير يارررب و يرزق كل البنات ياررب ...... ريري حبيبتي عامله ايه و الحمد لله انك عرفتي السبب و ان شاء الله المحاوله التانيه تنجح و تجيبي التؤاام الي نفسك فيهم بإذن الله .....

امووونه ربنا يكون في عونك بجد ديه مأساه ربنا يجعل تعبك ده كله في ميزان حسناتك ياررب و يخليلك عمر ... بس انا عندي استفسار هما بقي كانوا مستنين ايه ينزل هو مكنش لسه نزل الحوض يا امونه معقوله ؟؟؟ ربنا يستر يارررب تصدقي الواحد بقي يدعي يولد قيصري عشان المرار ده بس محسش بالطلق ياررب استرها يارررب

حلاوتى زايدة حتة;15785152:

امونة بعتلها جواااااااب:lol:

الف سلامة عليكى يابنوووووتة والله خوفتينى أوووى:badly: فعلا الجنة تحت اقدام الامهات مش بالساهل :(:( ربنا يجعل الالم شفيع ليكى ان شاء الله

امنية
الف سلامة عليكى :)

انا يابنات ملاحظة رشا تميمة غايبة بئالها كام يووم ان شاء الله يكون المانع خييير

انا بئا دورتى اتأخرت اسبوع وكنت بحس ان جسمى سخن وصهههههههد وانا اصلا مش سخنة وعندى غازات كتييير خصوصا بالليل:o:o:oلما الراجل اتعمى:badly::badly::D
ومكنش ليا مزاج عال........:o:o:o خااااااااااااااااااااااااالص
وصدرى بدأ يوجعنى وبدأيكبر وجسمى ملا فجأة كدا مرة واحدة وبئا عندى خدوود :confused::confused::confused:
وعندى اعراض دورة برضه ساعات بطنى توجعنى وجع الدورة كدا

وبعدين بدأت اقلق كدا وقلت لجوزى هاتلى بيبى تشيك،،وعملت التيست وطلع خطين واحد غامق والتانى اخف من الاولانى شوية:confused:قلتله لا ياااعم انا مش متأكدة يمكن البتاع دا بايظ :lol: رحت حللت دم وطلعت النتيجة الحمد لله

positive

ادعولى بئا رايحة للدكتور النهردة باذن الله ادعولى يطلع حمل فعلا عشان انا لسه مش مصدقة وربنا يثبتهولى كدا ويفرحنى

ماشاء الله مبرووووووك ربنا يطمنك يارب ويكملك على خير ياااااااااااااااااااااااااارب يارب

د.ودعه;15785204:
الفسلامة عليكي يا امنية
وربنا يطمن قلبك ان شاء الله


F:F:F:

الله يسلمك ياودعه ربنا يتقبل منك يارب
انتى اخبارك اييه

Bossy22;15786087:
حرمت يا بوووجى حرررمت
معلللش هى فترة و هتعدى انا كنت زيك و الله و ادخل اسال البنات و اعييييييييييط لا و انا كنت لوحدى انا و جوزى و جودى و بسسسسسسسسسسسسسسسس تخيلى و الله كنت بخاف منها و لا بعرف اشيلها و لا اغيرلها و كانت بشعة عياااط مستمر و ترجييييع و تغرق هدومها و شعرهاو انا مبقاش عارفة احميها طبعاو كنت بشيلها غلط اكنها بيبى كبير مكنتش اعرف انى لازم اسند راسها و الحجات دى و كانت بتصعب عليا و انهيار و عياط و جوزى ايدك منه و الارض كان بيخاف يشيلها اصلا و انا كنت بقول البت دى بعد الشر هتروح منى
و كانو كل الناس حتى اخواتى ييجو ضيوف و يمشو و انا محتاسة و بموووت
بس صدقينى رغم كل ده بعد الاربعين واحده واحده هتنظمى الرضاعة و النوم و بعد 3 شهور باذن الله هيكون خلاص طفل طبيعى و هترتاحى تاخدى هدنه لغاية ما يزحف و يتحرك هتكرهى نفسك هههههههههههههههه
انتى اهتمى باكلك و السوائل و خللى جمبك باتيه كروسوان و ترمس حلبه او عصير و كلى انا كنت بعمل كده لان مكنش فى حد يجبلى حاجة اكلها و حاولى تغيرى جو شويه هو عمر بقى اد ايه
انا خرجت و جودى كانت 2 اسبوع هى اينعم مكنتش خروجة اوى بس تتغيير جو

هو انتى ليه نزلتيش مصر تولدى وعزبتى نفسك العذاب دا كله او كانت مامتك حتلك حتى

ريـري;15786285:
انا بقي اخر اخباري حالتي النفسية وحشة جدا والحمدلله نفسي بجد في بيبي وحاسة ان المساله بتتعقد علي الاخر

المهم انا رحت المركز عشان ابدء المحاولة التانية لقيت في تحليل لازم يتعمل اسمه جين التجلط والمهم عملته والنتيجة طلعت في مشكلة معنديش سيوله في الدم وهو ده سبب عدم ثبات الاجنة والحمدلله عرفت ايه السبب فشل المحاولة الاولي
وباخد حقنة بيوفيت كل 3 ايام وبرشام جسبرين وفوليد اسيد 4 مرات في اليوم
ادعولي يابنات

مالكيش حق فى ضيقك دا خااااااااالص لان الحمد لله انك عرفتى السبب والعلاج بفضل الله بسيييط متقلقيش المره الجايه هتبقى احسن وهتجيبى تؤام زى القمر

امونه انا عيطت بشحتفه عليكى والله ربنا يجعل تعبك ف ميزان حسناتك ياااااااااااااااااااارب وحمد الله على سلامتك ياحبيبتى

Bossy22;15785776:
:'(:'(
فكرتيينى باللذى مضى
اموونة عليها طريقة فى الالقاء تدخلكوو فى الموود اكنكوو معاها فى اوضة العمليات ههههههههههههههههههههههه
فاكرة يا امونة اما كنتى بتقولى عايزة انجز فى العيل التانى و انا كنت اقولك اما تجربى هتغيرى رئيك ههههههههههههههههههههه
هااااا ياللاشدى حيلك عايزاكى اول الاربعين ميخلص تكونى حانل فى التانى

:thumbs_up::thumbs_up::thumbs_up::thumbs_up:

الف مبروك ليكى ياشيماء وربنا يتمللك على خير ريرى الحمد لله انك عرفتى السبب الحمد لله وان شاء الله خير بازن الله امونة بجد انتىعمملتى زى بالضبط جاللك طلق الطبيعى وفى الاخر ولدتى قيصرى بس عليكى افيهات موتنينى من الضحك يالهوى عليكى وعلى فكرة طلق الولد عموما بارد عن طلق البناااات طلق البنت بيبقى حااااااااااااااااااااااااااااااااااااااااااااااااااااااااااااااامى اوى يعنى انا هاعانى من الطلف بقى المر دى اعااااااااا بقاللك اية تيجى تولدى بدالى هههههههههههههههه

امنية يا حبيبتى انا ولدت جودى فى مصر و انا مامتى متوفيه عشان كده مكنش فى حد يقعد معايا
ريرى ربنا يجبر بخاطرك المرة دى بس انا عايزة اعرف ليه الدكاترة من الاول متعملش كل التحاليل دى ميوفرو الفلوس و الاعصاب و المجهود و يعملوها من الاول
شيماء الف مبروووووووووك يا حبيبتى ربنا يثبتهولك
ميجوووو سؤال رخممممم
انتخبتى ميييييييييييييييييييييييين

بووسي ايه السؤال الرخمممممم ده هههههه بهزر معاكي طبعا .. انا ياستي انتخبت الحريه و العداله حساهم منظمين كده و دخلين بتقلهم يمكن ربنا يسهل و البلد تتعدل و ربنا يولي من يصلح

السلام عليكم و رحمة الله و بركاته

أمونة حبيبتى ربنا يجعل تعبك اللى شفتيه دة فى ميزان حسناتك و يباركلك فى عمر و يحفظهولك من كل شر و تطمنى عليه و إن شاء الله الصفرا تنزل و كل حاجة تبقى زى الفل بس انتى اهتمى بنفسك يا أمونة و بأكلم و على فكرة كل دة يا هانم علشان كنتى مهمله فى نفسك فى الأواخر و خسيتى و مكنتيش بتمشى خالص شفتى بأة الحاجات دى مهمة ازاى ؟ يلا إن شاء الله المرة الجاية تاخدى بالك من الحاجات دى الف حمد لله على سلامتك انتى و عمر

شيماء الف مبروك الحمل ربنا يثبتهولك و يفرح قلبك و يقر عينك و يتملك على خير بإذن الله

أمنية الف سلامة عليكى يا حبيبتى و ربنا يعفو عنك و يعافيكى و ميحوجكيش لأى دكتور

ريري حبيبة قلبى متضايقيش نفسك و بلاش اكتئاب حاولى تغيرى جو شوية و متحطيش فى بالك و موضوع التجلط دة علاجه سهل جدا متقلقيش نفسك و بالش توتر و ربنا يكرمك إن شاء الله و يفرح قلبك سلمى أمرك لربنا هو أكرم الأكرمين

يا بنات متخافوش من الولادة الطبيعى و الله مش كل واحدة زى التانية و فى ناس ما شاء الله بتكون ولادتهم سهلة و على فكرة انا اختى ولدت مرة طبيعى و مرتين قيصرى بتقول الطبيعى أرحم و احسن بكتير و تعبت فى القيصرى أكتر من الطبيعى محدش يخاف بس انتو اعملو اللى عليكو و امشوا كتير فى التاسع متعملوش زى أمونة :) و ربنا يطمننا عليكو كلكو بإذن الله

ميجو انا كمان رحت انتخبت بس انا رحت 4 مرات أول مرة الساعة 10.30 الصبح كان طابور طويييييييييييييييييييل جدا قلت لا يمكن اقف روحت و رجعت الساعة 4.30 كان الطابور تقريبا 10% من بتاع الصبح بس بردو لسة زحمة اوى روحت و نزلت تانى الساعة 6 بردو لقيت زحمة موت قلت هروح و انزل الصبح بدرى الساعة 8 بعد ما روحت سمعت انهم مدوا الوقت لحد 9 بالليل نزلت 8وربع لقيت فرااااغ انا و كمان 4 او 5 بالكتير انتخبت فى دقيقتين و روحت :)

بصرة يا ميجو انا كمان انتخبتهم

shoshet*himo;15779433:
السلام عليكم

ازيكم يا بنات

وحشتووووووووني اوي

انا رجعت ابوظبي امبارح بالليل وراجعين مهدودين علي الاخر كنت راجعه علي طيران ترانزيت وبهدله اللي لقيناه الحمدلله علي كل حال وجوزي بيفتح اميلاته لقا مديره بعتله ايميل قدم استقالتك خلال الاسبوع ده شوفتوا الناس اللي معندهاش دم وعارف ان امه لسه ميته بس هقول ايه حسبي الله ونعم الوكيل فيه وكل اللي زيه وربنا يصبرنا ويكرمنا بشغل احسن منه ياررررب

محبة_الرسول;15782611:
السلام عليكم

ميجوو
اززيك عاملة ايييه
انا موجودة والله بس مش بدخل نت خااااااالص الا قليل اوووى
واخبارى تمام الحمد لله والحمل كويس الحمد لله
الدكتورة قالتلى بس مش متاكدة
ان شاء الله الشهر الجاى لما اتاكدلى هقوووول لكو على طووول

علياء ازيك يا قمر عامله ايه واخبار الحمل ايه وفرحينا بقى ولد ولا بنت

مروة
خيير معلش
ان شاء الله ربنا يكرمك قريب



ازيكو يا بناات عاملين ايه :)

د\امونة;15783331:
ازيكم يا حبايبي وحشتوني اد الدنيا والله
انا كنت في شدة وفي كرب ما يعلم بيه الا ربنا وانا بولد لكن دعيتلكم كلكم والله


عايزة اول حاجة اعزي شوشو , ربنا يصبر قلب جوزك على ابتلاء مامته وعلى الشغل ويجعل كل ده في ميزان حسناته ويرزقه يارب بشغل كويس



تاني جاجة , موني عايزة اطمن عليكي , قلبي اتقطع والله وانا بسمع عن وجع الكيس اللي عندك , بجد والله العظيم زعلت اوي اوي عليكي , ربنا يخفف عنك ويشفيكي ويقر عينك يارب بالذرية الصالحة


تالت حاجة , متشكرة جدا لكل البنات اللي سالو عليا , ده العشم والله , وكفاية اني دعيتلكم , اصل انا بركة هههههههههههههههه, لا بجد والله انتو بنات حلال اوي وتستاهلو اكتر من كده والله



قصة ولادتي طويلة ومش هقدر احكيها دلوقتي , لاني مش بقدر اقعد كتير بسبب الجرح , بس عايزة اقولكم حاجة واحدة استفدتها من تجربتي مع الولاده


ربنا ما يكتب الولاده الطبيعي على اي حد , بجد عذاااااااااااااااااااااااااااب وبهدلة والم فووووووووووووووق الوصف , يومين طلق من غير توسع , وحتى كيس الماية الدكتور هو اللي فتحو , واخدت حقنة البنج النصفي بس والله ولا اثرت فيا , الالم فوق الوصف , والدكتور بتاع التخدير استغرب من كميه البنج اللي اخدتها

والله يا بنات اقسم بالله ما بقول كده عشان اخزي العين ولا اي حاجة , بس الالم كان فوق طاقتي

وكشف النسا , حسبي الله ونعم الوكيل, عايزة اقولكم اول كشف نسا صوت فيه صويت , وتاني كشف قعدت اعيط قبله ربع ساعة وجوزي يهدي فيا , كنت زي طفل خايف من حقنة


كلامي مش منظيم بس هحكيلكم القصة بالكامل , في يوم تاني لاني بجد تعبانة

د\امونة;15785128:
انا هحكي قصة الولاده للعظة والعبرة :)

انا يوم الخميس 17 \11 كان اخر يوم ليا في التاسع , اخدت لبوس الطلق الصبح وبدا يشتغل مفعوله نص الليل , المهم استحملت الالم اللي استمر طول يوم الجمعة , بس جيت على نص الليل ولقيتني مش قادرة وروحي بتطلع من الطلق

علطول بابا وجوزي وخالتي اخدوني عالمستشفى ودخلت للدكتور وقال يكشف نسا عشان يشوف متوسعة كام سم , وجوزي كان معايا في اوضة الكشف , واول ما الدكتور حط ايده , فضلت اصرخ اصرخ , وبعد ما اخلص فضلت اصرخ من الالم , حاجة بشعععععععععععععة , جروزي قالي كنتي بتقطعي في قلبي وانتي بتصرخي

المهم الدكتور لقى التوسع باين نص سم او اقل , بس قال يحجزني ويبدا يديني حبوب طلق كل 4 ساعات , الطلق كان جامد اوي واستحملت لحد الصبح يوم السبت

المهم الدكتور جالي يكشف نسا تاني يوم السبت الصبح , قلتله مش هكشف الا ببنج نصفي , قال يمينفعش لازم اشوف انتي متوسعة اد ايه , جهزي نفسك وهجيلك تاني

انا بصيت لجوزي وبدات اعيط زي اللي بتعيط على ميت , عياط بشحتفة , اخدني في حضنه وقالي متخافيش ان شاء الله هيكون اسهل من المرة اللي فاتت , ولو مش قادرة دلوقتي هقول للدكتور بلاش يكشف , قلتله لا خلاص خلينا نخلص , المهم جوزي مسك ايدي والدكتور بيكشف واتالمت برده جامد وصرخت , بس فرحت لما قالي التوسع 2 سم

بعد شوية اخدوني على غرفة العمليات عشان اخد النج النصفي , بيقعدوني بطريقة معينة والدكتور قبل ما يعمل اي حاجة يقولي هيعمل ايه عشان متخضش ومتحركش , بس الحمد لله محستش بالم خالص وهو بيركب البنج, هو عبارة عن انبوبة بتبقى في الضهر ومتوصلة بكانيولا بيزود فيها الجرعة كل شوية لما احتاج


المهم كل شوية ييجي دكتور يكشف نسا , وطبعا مكنتش بحس لاني متخدرة , وبرده التوسع كان بطيء جدا , يعني بتوسع 1 سن كل كام ساعة , رغم اني اخدت حبوب ومحلول طلق

اول ما وصلت ل 5 سم توسع الدكتور جاب اداه بلاستيك رفيعة ودخلها جوايا وفرقع كيس المايه :) وحسيت بحاجة دافية مغرقاني , ومن ساعتها بدا الطلق يحمي والتوسع بطيييييييييييييء

كنت بموت في الطلق وكل شوية الدكتور ييجي يزودلي البنج , بس تاثيرة نص ساعة واطلب زيادة تاني

جيت للساعة 10 بالليل والتوسع بقى 8 سم وفضل ثابت لحد ما روحي طلعت , لما جت الساعة 11 تقريبا , الدكتور كشف نسا , قلتله ابوس ايدك قولي 10 سم و قالي خلاص يا ستي هتدخلي العمليات

فرحت فرحة ما بعدها فرحة لاني هخلص اخيرا مكنتش عارفة اللي هيجرالي


عايزة اقولكم اني طول فترة الطلق وانا الولد متشعلق عند ضلوعي وضاغط عليها ومبقتش قادرة اخد نفسي ورجعت من كتر الوجع وقلة الاوكسجين , وبقيت اصرخ من وجع ضلوعي , ودي كانت المشكلة القاتله في ولادتي

د\امونة;15785147:
اخدوني على العمليات وانا ماشية على رجلي ومسندودة ب 2 ستات عشان رجليا منملة من البنج , كان منظري زي اللي بيجروه على الاعدام بالضبط , اهلي شافو منظري وانا رايحة وجالهم ذهول , بابا انهار وقعد يعيط , جوزي دخل الاوضة بسرعة عشان ميعيطش وقعد يقرالي قران , وقالي في اللحظة دي قلت يارب مش عايز الولد بس قومها بالسلامة

دخلت اوضة العمليات وقعدت نص ساعة او اكتر , قلتلهم مستنيين ايه انا تعبان بموت , قالولي في حاجة لسه مستنيين تنزل في الرحم , مفهمتش حاجة منهم , بس كنت بصرخ من الم ضلوعي واقولهم هموت يا ناس خد يلحقني ضلوعي بتموتني , قالولي هنعملك ايه بس لازم تانمي على ضهرك عشان تسعري نزول البيبي , وانا اقولهم مش قادرة هموت

وبعد شوية جه الدكتور اللي هيولدني وبدا يركبلي قسطرة , وبعدين قال للدكتور المساعد يضغط على بطني و مطلبش مني اعمل بوش, الدكتور ضغط على بطني وطبعا ضلوعي كانت بتموتني , ورحت صرخت صرخة هزت المستشفى :(

بعد شوية ركبولي ينج كامل , ودا كان اسوا حاجة ممكن الواحد يجربها في حياته , بتدخلي تجربة موت , سامعة وحاسة وفنفس الوقت مش عارفة انا مت ولا لا, وبقول لنفسي انا مت ولا ايه , ايه الموتة الوحشة دي , هو انا مين , هو انا هرحع طبيعية تاني , ايه اللي انا فيه دا , ليه مش بموت , ليه مش شايفة وعينيا مزغلله , ليه الاصوات مش واضحة حواليا


يااااااااااااااااااااه الولاده كلها كوم واللحظة بتاعة البنج كوم تاني , بنهار منها كل ما افتكرها

د\امونة;15785157:
يعد حوالي ساعة جوا العمليات , الدطتور خرج وقال فين جوزها , جوزي راح دخل للدكتور قاله روح بنك الدم احجز دم لاننا احتمال نولدها قيصري !!!!!!!!!!!!!!

جوزي كانه اتخبط في دماغه , قال يارب معقول بعد كل اللي شافته تولد قيصري , وطلع لاهلي يقولهم الخبر , بيقولي مكنتش عارف انا بكلم مين ولا برد على مين , ومرات خالي بتقولي جوزك وشه اسود , والدنيا لفت بيه , والعيلة كلها انهارت

جوزي راح مع اخوه بنك الدم وهو بيقول , افرض ملقتش الفصيلة او الدم ملوث , وراسه بتلف , بعد شوية جاله اتصال من اخته , بتقوله تعال بسرعة ايمان ولدت , قالها طبيعي ولا قيصري قالتله طبيعي


انا بئة بعد ما فقت نص فوقة من البنج , سمعت صوت عياط طفل , قلت في نفسي معقول ولدت , طب ازاي , وامتى , وكنت ساعتها حاسة بالم الخياطة بس مش قادرة اتكلم , شاورت للدكتور يزودلي الجرعة بتاعة المخدر , وعمل كده بعدها شال انبوبة البنج

الدكتور قالي تحبي تشوفي عمر شاورتله لا

راج جابه وقربه من بقى رحت بوسته وقلت زي القمر , بس كنت في عالم تاني دايخة وعينيا مزغلله

حطو الولد على رجلي وطلعوني على الترولي , وانا طالعة شفت جوزي بيبتسملي , واول ما دخلوني الاوضة , الكل سلم عليا وانا انهرت في بكاء صامت , دموع بتنزل مني وانا ساكتة , بابا باسني وهو بيعيط وجوزي باس ايدس وخدي


جوزي بيقولي روحي رجعتلي لما طلعتي , وشفت الولد قلت دا شبه ايمان خالص لانه ابيض, بس بعد كده الولد بئة قمحي وكل اللي شوفه يقول نسخة من جوزي

حماتي جت وباست ايدي وراسي وقالتلي حمدالله على سلامتك وطول ما انا في العمليات هيا كانت بتعيط


ولدت الساعة 1 بالليل , ومنمتش من وجع الخياطة اللي كان اصعب من الطلق والله , كنت بموت , استنيت للساعة 10 الصبح لحد ما الدكتور جه وقلتله عايزة مسكن بموت , اداني حقنة فولتارين ارتحت عليها شوية


روحت البيت وبدات معاناتي مع الرضاعة , اولا مفيش لبن , ثانيا مفيش حلمة والولد قطع صدري وخر دم , ثالثا , مش قادرة اقعد خالص ارضع , الم الخياطة كان بشششششششششع, وبيحرق موت

الولد كان ميت من الجوع , اديته جلوكوز واعشاب ومكنش بينام من الجوع وجابلي انهيار عصبي

بدات بعد يومين اديله لبن صناعي بالسرنجة , وبعدين لقيتها شمروع فاشل , ودلوقتي بديله صناعي بالبيبرونة لان صدري مولع نار وبيوجعني وانا نايمة ولما امشي


من يومين جاتلي بنت عمي , قالتلي الولد اصفر شوية , قلتلها انا لاحظت فعلا انه اصفر بس قلت يمكن الاضاءة وحشة في اوضتي , بس قلت لجوزي وقالي نروح للدكتور ونكشف

الدكتور قالي روحي المستشفى قيسي الصفرا لان الولد عنده صفرا , رحت وقالولي النسبة 9.4 وطلي الاحظه في اليومين دول وارضعه كتير , واديني بلاحظه وربنا يستر , هقيس الصفرا تاني يوم الخميس , وربنا يشفيه يارب

د\امونة;15785912:
حرمت يا بوسي والله مش قادرة , والفيونكة هتتربط للابد , اصلا مش قادرة افكر ان المنطقة المحظورة دي حد يلمسها تاني , ده انا حتى عندي معاد مع الدكتور يشوف الغرز ومش هروح من خوفي منه

وجوزي هيأجرلي شقة جنبه عشان ميفكرش يلمسني , الراجل اتخض خضة سودة مش قادر ينساها

ودلوقتي بجد حسيت اد ايه ميرا حبيبتي عانت , ربنا يقدرها ويجعله في ميزان حسناتها , دلوقتي حسيت بيها في كل مرة كانت تيجي تقول انها بتعيط او تعبانة , ياااااااااااااااااه فعلا الامومة دي صعبة اوي اوي



هوبة , فعلا الجنة مش ببلاش , والاطفال غلاوتهم بتزيد كل ما المعاناه بتزيد في ولادتهم وتربيتهم

magda 1;15788414:
بووسي ايه السؤال الرخمممممم ده هههههه بهزر معاكي طبعا .. انا ياستي انتخبت الحريه و العداله حساهم منظمين كده و دخلين بتقلهم يمكن ربنا يسهل و البلد تتعدل و ربنا يولي من يصلح

فجر انتم لسه منتخبتوش عندكم

امونتي حمدالله علي سلامتك يا قمربتحكلينا ولاده وله فيلم رعب

ريري ربنا يكرممك يا قمر وسيبك من الخنقه والاكتئاب خلي التفسيه حلوه وانتي داحله علي الحقن

موني اخبارك يا حبيتي عامله ايه والتعب عامل ابه معامي

شيماء الف ميروك يا قمد ربنا يكملك علي خيزز

بوسي محبه ماجده داري لولي حبيبة امها ودعه ميرا شوشو مش عايزه انسي حد عاملين ايه

السلام عليكم و رحمة الله و بركاته
ياسمينا انا الحمد لله الوجع خف خالص بأة بسيط أوى و الحمد لله مش محتاج مسكنات الحمد لله رب العالمين
انتى طمنينى عليكى عاملة إيه و ناوية ترجعى المجمد امتى إن شاء الله ربنا يسهلك أمورك و يفرح قلبك بإذن الله