فراشة الإيمان;15767638:
انا اعرف ناس بتعمل فيه لكن انا شخصيا لا
فى بنوته فى فتكات اسمها بتر فلاى تقريبا بتقول انها بتعمله فيه كانت عامله موضوع عنه
بس بيتعمل فيه عادى بيتهيألى فى موضوع فى فتكات واحده كانت عاملاه عن الميكرويف رهييييييييييييييييييب
بتعمل فيه حاجات ماتخطرش على البال وكله كاتباه بالتفاصيل ودرجات الحراره دى حتى المحشى عملته فيه بس قالت ان الكيك فشل معاها طلع ابيض خاااااااااالص
هانقلك الموضوع فى المشاركه الجايه
وربنا يفك كربك ويبعد عنك كل مكروه
رشرووووووووووووووووووووووووووش فينك وحشتينا قووووووووووووووووووووووى وقعدنا نسأل وننده ولا حد رد حمدالله على السلامه وياريت تنورينا باكلاتك تانى
فراشة الإيمان;15767641:
حبيت انقل لكم تجربتي يمكن اقدر افيد حد منكم
نبدأ على بركة الله
ده غير اني قرأت في مواقع كثير اجنبيه انه آمن على الصحة و بقاله سنييييين بيستخدم بره
لو كانوا لقوا خطر من استخدامه ما كانوش سابوه كده. ده موجود في كل بيت
خلاص كده اطمنا انه آمن ؟
ليه بقى انا اشتريت الميكرويف ؟
انا ام لثلاث اطفال ( ربنا يحفظهم) و اعمارهم متقاربة ورا بعض و الوقت عندي محسوب بالدقيقة و الثانية
من تصحيتهم الصبح لتوصيل المدارس ( انا اللي باوصلهم ) لمذاكرة فعلا محتاجة كل دقيقة
كنت باتحط في مواقف وحشة لو نسيت اخرج كيس لحمة ولا فراخ يفك من بالليل
و لا لما نرجع من المدرسةو اضطر اسخن الأكل يقوم يطلع سخن قوي عليهم و يستنوه يبرد
اللبن الصبح برضه اسخنه يسخن جامد و لازم افضل واقفة جنبه عشان اراقب حرارته
من سنة ونص قررت أجيب الميكرويف
الحقيقة هو دويوتو مع حاجة تانية مهمة جدا هو الديب فريزر
كمان عشان سكني بعيد عن الاسواق فكنت مضطرة اني اجيب الأكل بكميات و احفظها في الفريزر
وقع اختياري على ميكرويف اوليمبيك 36 لتر بالشواية
هو حجمه مناسب لينا و كمان الشواية بتحمر وش الصواني أو الفراخ
دلوقتي حاقولكم ايه اللي باعمله في الميكرويف :
1- تدفئة اللبن الصبح للأولاد باحط اللبن في الكبايات و باضبط الحرارة على الهاي باور لمدة دقية واحدة بس
بيطلع دافي و مضبوط و ما وسختش كنكة و لا لبانة يدوبك الكبايات
2- مج النسكافيه بتاع الصبح اللي بيفوقني باحط برضه المج فيه الميه و باكو النسكافيه و حبة لبن و ادوس زرار المشروبات
بياخد دقيقة و 20 ثانية .مفيش اجدع من كده
3- العيش سواء كان بلدي و لا فينو ولا توست متجمد في الفريزر بياخد دقيقة تقريبا و اتفرجي على العيش أكنه لسه مخبوز
و كمان لاحظت ان الولاد ما شاء الله شهيتهم اتفتحت لأن العيش بقى يفتح النفس فعلا
4- لو عندي كفتة ولا بانية فايض ممكن اسخنه دقيقتين و اعمله في ساندوتشات الأولاد الحقيقة مش بينشف زي ما تسخنيه على النار
5- ساندوتشات الجبنة السايحة يا سلام بقى و الحلو ان العيش بيبقى طري كمان مش بينشف زي التوستر
كمان لو عندك ساندوتشات فايضة من قبل كده بتسخنيها بس خلي بالك لو فيها كاتشاب بتبقى سخنة من جوة زيادة بس حلوة برضه
و البيتزا الجاهزة لما تسخنيها الجبنة بتسيح تاني اكنها لسة معمولة وما بتنشفش زي الفرن
5- أهم حاجة بقى تسييح اللحوم و الدواجن المجمدة وده كان هم كبير و انزاح من على قلبي
6- كثير قوي بيفيض مني أكل زي المحشي و المكرونة بالبشاميل و الرز و الفتة و الأولاد ما يرضوش ياكلوا الأكل يومين ورا بعض
الحل سهل اتاويه في الديب فريزر كام يوم و اطلعه افككه و اسخنه بيبقى أكنه طازة
7- نيجي بقى للمفيد مش قلت لكم باطبخ فيه ؟
1-اسهل حاجة باعملها الفراخ المشوية : باطلع طبق الفراخ من الفريزر اعمله ديفروست بياخد 23 دقيقة ( انا باجيب اطباق وراك كوكي فريش الكيلو بكميات و احطها في الفريزر) بعد ما تفك باغسلها كويس و اتبلها بالملح و بهارات الدجاج (دي بتديها طعم رائع ) و اغرزها بالسكينة و احطها في طبق بايركس و تدخل الميكرويف
على الهاي باور لمدة 20 دقيقة و بعدين افتح الشواية 6 دقائق و خلاص بقت جاهزة بصراحة طعمها روعة
يعني موفرة للوقت بشكل فظيع و في نفس الوقت اعمل مكرونة و سلطة و بقى الغدا جاهز في ساعة الا ربع بس
2- الرز المعمر : ده بقى عايزة اشكر فيه من هنا للصبح . انا عادة لما كنت اعمله في الفرن كان بيشيط يا اما مايستويش
عملته في الميكرويف في طاجن بايركس حطيت الرز ومعاه لبن و شوربة و سمنة و عملته على الهاي باور خد 25 دقيقة (الطاجن كان كبير ) طلع مستوي وطري
و بعدين حطيت قشطة و فتحت الشواية اتحمر الوش و كان جميل جدا
كمان عملته بالفراخ بس حمرت الفراخ بره و بعدين رصيتها في الطاجن و وفوقيها الرز المغسول و زودت لبن وشوية مية ( عشان الفراخ حتستوي جوة الرز وضبطت الملح (الأربع وراك عملت عليهم كبايتين رز و كباية لبن و كباية ماء خدت 25 دقيقة و كانت جميلة جدا الرز واخد طعم الفراخ روووووعة
3- الأكل الدايت : الميكرويف حبيبي ده رفيقي في رحلة الدايت لاحظي اني حاعمل أكل لفرد واحد و بكميات صغيرة
باجيب الطبق البايركس (اللي هو غطا الحلة البايركس ) و باحط فيه قطعة الفراخ منزوعة الجلد ( متفككة مش مجمدة)مع شوية خضار مجمد (عشان يبقى السوا واحد) و ما كانش بياخد غير 10 دقايق بس و في تنويعات تانية سمكة او قطعة فيليه سمك او فراخ او ستيك مع السوتيه بجد كان بيسهل عليا جامد
الفطار كمان باكسر البيضة في الطبق البايركس فوق قطعة توست بني من غير زيت ولا سمنة تحصلي على اومليت صحي تنويع عن البيض المسلوق
و ساعات كمان كنت احط على التوست جبنة قريش بتسيح شوية و تفتح النفس
4- صينية سمك فيليه : دي ولادي بيحبوها جدا و خفيفة عن السمك المقلي و نضيفة عن السمك المشوي اللي بيهبب الايدين
باحط في صينية بايركس بصل شرايح مع فلفل اخضر و طماطم و بطاطس شرايح رفيعة و فوقيهم شرايح السمك الفيلية و اعصر عليهم ليمون و ملح وكمون و تدخل تقريبا ربع ساعة
5- المكرونة بالبشاميل : باعملها في صينية بايركس بتاخد 25 دقيقة و كمان 6 دقايق تحت الشواية عشان الوش يحمر
7- الحواوشي : بافرم البصلة على لحمة مفرومة و طماطم مفرومة وفلفل و ملح وتوابل و احشي بيها العيش بياخد 10 دقائق بس بيطلع طري لو عايزاه ناشف شغلي الجريل عليه
8- الخضار بكل انواعه في طاجن بايركس او فخار بياخد 10-20 دقيقة
مرة عملت طاجن بامية في عزومة انبهروا بيها جدا
ميزة الميكرويف انه بيحافظ على طعم الخضار لأنه مفيش لهب مباشر جاي عليه
9- المحشي : تحية جامدة بقى للميكرويف عملت المحشي طلع طعمه خطييييير اولا مستوي حلو و ما اضطريتش احط ورق من تحت لأن مفيش لهب يشيطه
قدمته في الحلة البايركس كان شكله شيك جدا و الأحلى انه خد 25 دقيقة بسسسسس
10- ممكن تسوي فيه المكرونة و الرز بس للأمانة محصلة تسويتها في البوتجاز بس اهو يسد لو الأنبوبة خلصت مثلا
- في العزومات كمان بيساعد جدا لأني باجهز الأكل في اطباق التقديم و وقت الأكل اسخن ورا بعض و اطلع على السفرة
لو بتعملي ساندوتشات بكميات على ما تخلصي يكونوا بردوا تروحي مسخنة كله مرة واحدة و تقدمي
لسة لسة ما خلصتش :
8- انا كنت فاشلة جدا في تسييح الشيكولاتة ولا مرة نفع معايا الحمام المائي و الكلام ده
انما نجحت مع الميكرويف .حطيت في سلطانية صيني الشكولاتة الخام مع معلقتين لبن و حتة زبدة و قللت الباور ل 40 ساحت الشكولاتة آخر تمام
برضه لأن مفيش لهب مباشر . ممكن تتحط على وش الجيلاتي او تزيين التورت او البتيفور
9- تطرية الزبدة :لما أكون حاحضر الكيك باطري الزبدة الباردة اني اقلل الباور و اديها دقيقة يدوبك تطرى انما لو حطتيها على النار حتسيح ما ينفعش
10 - تخمير العجين :زي عجينة البيتزا مثلا بتقللي الباور خالص لحد 10 و تسيبي العجينة 10-15 دقيقة بتلاقيها خمرت و ارتفعت
شوفتوا بقى كل دي مميزات بيوفرها لنا الميكرويف مش بس التسخين
يعني اللي عندها ميكرويف كبير و قدرته حلوة لازم تستغله كويس
عايزة بس اقول اني زي ما نجحت في حاجات كثير في حاجات الميكرويف فشل فيها
يعني مثلا الكيك لقيته بيطلع ابيض خالص
سمعت برضه ان البطاطس الفروزن تعمليها في الميكرويف و هي مجمدة ما نفعتش برضه و طلعت ناشفة جدا
انما غير كده زي الفل و الحمد لله
مميزات الميكرويف :
1- بيوفر الوقت
2- بيقلل وقت طهي الطعام
3- بيحافظ على الطعم
4- حتوفري في غسيل المواعين لأنك مش حتستخدمي حلل تسخني فيها
5-بيوفر في الكهرباء
6- بيقلل الضغط العصبي الناتج عن ضيق الوقت و المفجآت
7- ممكن تطبخي كميات قليلة جدا من الأكل
8- بعض الأكلات تسخينها في البوتجاز بيبوظ شكلها زي الفتة او الكشري لو اتغرفوا
انما في الميكرويف حتسخنيه بنفس شكله و في طبق التقديم
9- كل مرة بتحصلي على الأكل بنفس درجة الحرارة المطلوبة
10-مش لازم تفضلي واقفة تراقبي الأكل و هو بيسخن اضبطي الحرارة و الوقت و هو لما يخلص حينده عليكي
[/QUOT
ربنا يكرمك يارب ياشيرى ويكملك حملك على خير يارب اه انا كنت قريت الموضوع دا بس كله ياحبيبتى اتبخر
انا اللى عندى 3 *1 وبعمله على برجرم الفرن والشوايه مع بعض بس فعلا طلعت بيضا وانا استغربت قولت العيب منى مش من الفرن:lol::lol:
[QUOTE=&pinky tears&;15767737]:confused:خلتينى احب الميكرويف بس انا من الشخصيات للى مش بستلطفه بحس فيه انه ضار كمان انا مش ناقصه موجات كهربيه انا عندى المكيف والتلاجه والغساله والتى فى والشقه كلها وات وات وات هههههههههه كل حته عندى فيها مشترك كهربا يجمع اكتر من فيشه ده كمان وفيه عالم ف المانيا قال ان كتر الاجهزة والموجات الكهرومغناطيسية وكمان موجات الموبايل بتاثر على اعصاب الواحد وبتجيب الخلافات الزوجيه:) لانها بتعصب الزوجه وبتفتعل المشاكل مع زوجها انا مش بهزر عاملين بحوثات على الكلام ده:cool:
المهم اخبارك ايه ؟عسااااااكى بخير :)
نانو ربنا يريح بالك ويخلف عليكى وعلينا بصلاح الحال وتيسير الامور F:
ربنا يخليكى يارب يارور وحشانى جدا
بس بينى وبينك الميكركويف بينجزو معايا جدااااااااااااااااااااااااااااااااااااااااااااااا
رشرووش;15768049:
تسلموا يابنات انتو وحشتنونى اكتر والله بس مكنش عندى نت فى البيت كنت موقفه قبل السفر ولما رجعت لاقيت عليا 400ج كنت مستخسره ادفعهم قولت اشترك فى شركه تانيه بس مينفعش لازم اصفى حسابى فى الشركه ديه الاول علشان ينفع اسحب الخط واشترك بيه فى شركه تانيه فدفعت لاولاد الحراميه حر ونار فيهم ان شاء الله بس مش مهم بيسلى اوى بجد
المهم ان شاء الله ارجع تانى مع ان الكسل فى الاكل رخم اوووووى وتقلت اوووووووووى وزغد وضرب ليل نهار ربنا يهون يارب ويعدى الباقى على خير بس ان شاء الله اتشجع منكم لانكم بتشجعونى اوووووى
وحشتوووونى كلكم بدون ذكر اسماء علشان منساش حد اموااااااااه
مبببببببببببببببببببببببببببببببببروك على عتريس عقبال مايجى يشرف بالسلامه ايرب
بيرق أمل;15771719:
ربنا يفرج كربي وكربك وكروب كل المؤمين يارب العالمين
عندي ميكرويف بس صغير وبسخن فيه بس انا معرفش استعمالاته بصراحة
غاللهم ااااااااااامين مالك يانور مش ولا بد ليه خير ياجميل
انا معايا التشيز كيك من غير بيض عمرى ماجربت ابو بيض دا:rolleyes: