شات حوامل مصر لشهر ذي الحجه .. كل عام وانتم بخير

وفعلا امونه مختفيه فيييييييييييييييين لا تكون ولدت ؟؟؟!!!

السلااااااام عليكم
مبرووووووك الجزء الجديد

اول مرة ادخل الجزء من اوله كده :D

ندى وايمو
ربنا يسهلكو يااارب اكيد حاجة ملل فعلا
ده انا زهقت من دلوقتى ههههههههههه


ندى
اخبار مديحة ايييه ؟؟
انا ناوية اروحلها ان شاء الله بعد العيد واكمل معاها :)


على فكرة يا بنات
امونة سافرت المنصورة المفروض يوم الجمعة
تلاقيها بس مش فاضية تدخل نت

او ممكن تكون عملتها وسبقتكو ههههههههه بس ما افتكرش

ايمو انا لو ماكنتش عملت الخلطه اللي بقولكم عليها دي كنت ولدت قيصري لا قدر الله للان البنت كانت متنحه والرحم محجر ولا الهوا ولا فيه اي حاجه وكان فضلي اسبوع واحد بس واخلص التاسع وبصراحه لو كنت دخلت في العاشر كنت حتعب نفسيا و حاضعف واطلب قيصري للاني بجد التامن والتاسع مروا عليا بطلوع الرووووووح

fulla2010;15705400:
مبروك الجزء الجديد وان شاء الله كل الى فى تاسع وكل الحوامل يولدو على خير باذن الله ويتمملهم على خير باذن الله

سمر عملتى ايه صح فى مشكلة الرضاااعه

ندى وديو وبنبونه وامونه وايمو يلا شدو حيلكم باءه

انا فى التامن وزهقت من الكرش الى انا فيه وجسمى اغمق وساعات بتيجلى حالة اكتئاب واعيط وااقول عايزة ارجع زى الاول باءه

الحمد لله سمعت كلام البنات اللي ولدوا قبل كده واستمريت احط لولو على البريست وبشفط بالبامب واديها لبني بالاضافه للصناعي علشان تعرف تنام بهدؤ بس بجد البيبي بيحنن صدر الام اكتر من اي حاجه والحمد لله ماشاء الله حاسه ان اللبن بيزيد وان شاء الله حاستمر وربنا يسهل ويرزقني برزقها

magda 1;15705613:
صباااح الخيرررر ...... يا بنااات انا في نص السابع بس بطني لسه كأني في الخامس انا مش عارفه الواد ابني ده مستغبي فين ؟؟ ده طبيعي ده يا بنات ولا ايه هو الدكتور بيقولي وزنه كويس

مش تقلقي ياماجده واتطمني زي البنات ماقالولك

.. Hopes;15705981:
الصراحه انا زهقتلكو
اذا كنت انا من دلوقت وزهقت لنفسي :lol:

بطلي زهق انتي لسه بدري عليكي ياقطه وكتر الزهق ده حيخليكي تولدي على نفسك بدري بدري ههههههه لمي الدور بقى واشغلي نفسك في اي حاجه

علياء محبة الرسول شكرا انك طمنتينا على امونه ولو كلمتيها ياريت تسلميلنا عليها كتييييييييييييير واوعى تعملها من غير ماتعرفنا علشان انا ليا عندها دعوه زي مادعيتلها وانا بولد ولازمن ولابد افكرها بيها :)

امووونه ظهرتي اخيراا عامله ايه يا بنتي و الكشف عمل ايه طمنيني

ازيكم يا بنات , انا في المنصورة دلوقتي والنت زي الزفت وبالعافية عارفة ادخل , بس ابشركم اني لسه ما ولدتش :) ومش ناوية لان مفيش اي اعراض , رحت للدكتور وطمني ان الوضع طبيعي والشد اللي بحس بيه طبيعي والحمد لله مكشفش نسا :) وهيعملي سونار يوم الاربع , ويومها هبقى في الاسبوع ال 38 ومرعوبة يعمل كشف نسا , هبقي في نص هدومي والله وهزعل اوي وهتصعب عليا نفسي من الكسوف :)




سمر حبيبتي ,,,,,,,,,قصة ولادتك قطعت قلبي , وكنت حاسة بالرعشة والبروده اللي قلتي عليهم لما قالو هيحطولك طلق صناعي , بس اكتر حاجة استفدت منها ان انا اصبر على الولاده زي ما الدكاترة هناك صبرو عليكي , يعني لو الدكتور زهق وقالي قيصري هقولو امك في العش ولا طارت هههههههههههههههههه

بس مامتك ماشاء الله عليها ربنا يحفظها كانت قوية جنبك رغم اني متاكده انها كانت بتتقطع عليكي , وافتكرت ماما وقلت الحمد لله انها مش هتحضر ولادتي لاني مكنتش هستحمل دموعها , بس جوزي هو اللي عايزة اجيب رجله في اوضة الولاده عشان يحس بالمعاناه ههههههههههههههههههه

وخلاص يا ستي هاكل رمان كتير طالما جاب نتيجة :)

ربنا يباركلك في سلمى ويزود رزقها في اللبن ويحميها يارب , والدعوة اللي دعيتهالي دين في رقبتي يا لمضة ههههههههههه هردهالك باحسن منها ان شاء الله



ايمو وندى .......... ايه ياعيال العياط والزهق اللي انتو فيه ده ؟ عيب عليكو اجمدو كده , والله انا رغم اني عندي كحة وحساسية جلدية ودايخة وبطني بتوجعني لكن سايباها على ربنا ..وقت ما الواد ييجي معاده هيتزفلط لوحده هههههههههههه, وخلي بالكم ان بابا وماما مش معايا وكمان جوزي في القاهرة بس الحمد لله ربنا منزل على قلبي سكينة اني اتحمل الشهر التاسع , بس بقول يارب اولد طبيعي ومتاخرش بعد التاسع



كنتو بتتكلمو على الكلف , انا حامل في ولد ان شاء الله وصدري وبطني بئة لونهم احمر غامق او اسود هههههههههههه, بس ولا بيهمني:) , كل اللي يجيبو ربنا خير , لو راح بعد الولاده خير ولو مراحش الحمد لله برده



واخيرا كل سنة وانتو طيبين ووالدين واولادكم في حضنكم

ازيك يا ميجو

الكشف كان عادي جدا يادوب اخد وزني وضغطي وسمع نبص البيبي بجهاز صغير غريب كده اول مرة اشوفه وحددلي سونار يوم الاربع , بس كان كلامه هادي اوي وحسسني ان لسه ادمي شهور على الولاده :)


ومتخافيش من البطن الصغيرة , انا لما رحت للدكتور كل الحوامل عندهم كروش هائلة الحجم وانا ولا باين عليا ههههههههه, مش بالحجم ياميجو , بكرة ولادنا يتولدو كلابيظ اكتر من الكروشات الكبيرة ههههههه

اموونه ربنا معاكي و تفضلي هاديه كده ياررب و ياررررب يا امونه ربنا يرزقنا بعيال كلابيظ احسن ده لو طلع صغنن هكسف ههههههه

سلمي اللف سلامه عليكي بس ليه مش بتاخدي دوا للترجيع ده ؟ بجد صعب اوي الترجيع انا لحد دلوقتي لو قرفت من حاجه ادوخ و اترعش وابقي عايزه ارجع حاجه صعبه اوي

ميجو............انا جوزي مستحلفلي لو الواد طلع صغير هيقطعني , بيقولي انتي المسؤولة لانك مش بتاكلي كويس , بس الحمد لله في اخر زيارة للدكتورة زدت كيلو يعني المجموع 5 كيلو من اول الحمل , واكيد حمبوزو ابني زاد شوية :)

اموونه انا فضلت ٣ شهور وزني ثاابت الشهر الي فات بقي زدت كيلو الدكتور قالي اخيرا بدئتي تتحركي هههه و ان شاء الله الشهر ده اكون زدت كمان شويه لان بطني كبرت حبه صغننين ... انا بقي الي مستحلفلي حماااتي عشان بيقولو اني مش باكل بس انا الحمد لله مش بجوع اصلا ههههه

دلوقتي بقى ربنا منزل عليكي الهدؤ والسكينه ياست امونه هانم !!!!!! مش كنتي بتتريئي عليا ولما اقولك نفس الكلام ده تقوليلي ده برود ههههههههههههههههه حعديهالك علشان انتي لسه غلبانه وماولدتيش :) وايوه بجد لازم تصبري وتستموتي على الولاده الطبيعيه وبجد والله العظيم فرق فظيع بينهم صحيح الاتنين فيهم الم بس التعافي من الطبيعي اسرع وافضل والالم اللي بتحسيه قبل وبعد الولاده هو اللي بيسهل الولاده ويخلي جسمك يرجع لطبيعته تاني بسرعه واللبن بينزل بسرعه اكتر م نالقيصري للان الطلق بيدي انذار لكل اجهزة الجسم يستعد للاستقبال البيبي لكن القيصري كل حاجه بتحصل فجاه بس طبعا دي مش قاعده للان فيه ناس ماشاء الله عليهم بيفوقوا من الولاده بسرعه بس بجد كفايه فتح البطن في القيصري ه شيء مرعب بالنسبه ليا بس مادام الحاله تستدعي يبقى مش نعند ونولد قيصري للانه قضاء ربنا وربنا ادرى بحالنا ...ربنا يكتبلك اللي فيه الخير يارب...دي كانت دعوتي لنفسي والله

الكلف بقى احب اطمنكم انه عندي زي ماهو ,,,,بجد شكلي بقى زفت الزفت ,رقبتي وبطني وصدري سواد هباااااااااااب مع اني جيبت بنت مش ولد بس طبعا مالوش علاج ولازم يروح لوحده ,,,امتى بقى الله اعلم :(

سلمى لازم تاخدي دوا لوقف القيء للان القيء الكتير بيهبط وبيتعب وحتدوخي وتبقى حالتك حاله وبجد مش طالبه كده وفعلا ان شاء الله اول لما تدخلي الرابع حتحسي بفرق للان الرابع والخامس والسادس نعيم بالنسبه للاول واخر 3 شهور وربنا يتمملك بالف خير

فله ازيك وانتي فييييييييييييين؟؟؟ يارب يكون مزاجك بقى احسن ياحبيبتي

بتحرجيني ليه يا سمر هههههههههههههه, ايوة عندي برود يا ستي مش هدوء ههههههههههههه

وقوليلنا هو عملولك الشق اللي من تحت ده ؟ وبيوجع لما تعملي بيبي ولا ايه ؟

ومستنيين حدوتة البنج النصفي

صباح الخير يا حوامل

نور القمر كويس الحمدالله انك بداتى تعرفى ترضعى الحمدالله رب العالمين

والخلطه الى بتقولى عليها دى هى شرب الروماااان كتيير والبلح كتيييييييير والمشى كتيييييييير والعلاقه الزوجيه بافتراااااا ههههههههههههههههههههههههههه

ادينى بحفظ اهوووووووووووو

لانى شوفت ولاده قيصرى على النت بجد كرهتهااااااااااا لابعد حد لما شوفت الدكتور بيقطع فى بطن الام كده ويفضل يقطع وانا ااقول خلاص وصل للبيبى اتارى لسه ويقطع تاااااااااااانى لغاية لما وصل للكيس ده وقطعه حته صغيره كده ولاقيت مية البيبى طلعت كده ودخل ايده جواااااا عشان يطلع البيبى بجد بجد صعب عليا البيبى اوووى لانه جاب رجل وكان فااضل رجل جواااااااااا وانا من ساعتها قولت لا يمكنننننننننننننن وكرهتها كره العماااا

وفعلا كلامك صح عن الولاده الطبيعى سمعت الدكتورة بتقول ان بمجرد الطلق والانقباضات دى تحصل اول حاجه بيحفظ اللبن ان يزيد للبيبى وكل اعضاء الجسم بيستعد لخروج البيبى يلا ربنا يعملنا الى فيه الخير

اموووونه انتى زيدتى 5 كيلو بس من ساعة ما حملتى انا زيدت 10 كيلو بس مش بااين عليا والايام دى وزنى وااقف اصلا على 72 وبيقولولى كمان ان بطنى صغيره بس انا حاساها كببييره مش عارفه لييييه

ويا جماعه انا سمعت الدكتوورة سمر الى بتيجى على قناة الحياه بتقول نستخدم زيت الزيتون وزيت اللوز لازالة الكلف

نور القمر انا الحمدالله كويسه اهووو بحاول اخرج نفسى من الموود ده بس الى مزود الى انا فيه ان جوزى بعيد عنى احتمال يجى بكره او النهاااارده يجى بالسلامه يااااارب

ازيكو يا بنات كل سنة وانتى طيبين :)