« تجهيزات عرائس ' مملكة البحرين ' لشهر ذو الحجة 1432 - 2011 م / الجزء : ٨٣ »

وصــايــف;15714419:
بنات وش رايكم في عطور مكياجي ؟؟؟ حلوة وثابتة والا شلون انا ولا قط رحت وتعنيت وشميت والا شريت من عندهم شي دائما احس اغراضهم مو ذاك الزود

واللي قط شرت من عندهم عطر او شمته شنو احلى شي وثابت طبعا الاذواق تختلف بس ابي اخذ فكرة

M!ss CoLoRz;15712420:

بقول لج اللي أقوله حق كل وحدة بتعرس

مكياج صفية حلو بس لا تاخذين على كلامنا ..الناس أذواق

لازم لازم لازم تروحين بنفسج الصالونات اللي حاطتها في بالج وتجوفين شغلهم سواء مكياج ولا شعر

هاي عرسج إنتي ما يصير تقطين روحج أي مكان عمياني

نرجع لسؤالج... صالون صفية شويطر وبالأحرى صالون فاطمة شويطر للميكاج عندهم فاطمة وصفية وبنت اختهم اسمها يا شريفة يا شيماء وبعد وياهم وحدة

وللشعر عندهم بعد وحدة بس ما جفت شغلها

ما أعرف والله

كل اللي أعرفهم خلصوا

ها شسويتي ؟؟؟ خيطتي ولا ؟؟

جوفي ترى كلللللش ما عندج وقت تخيطين

ما جفتي شي في المعارض عجبج؟؟؟ ولا رحتي انوتا أو ريفا؟؟؟

ماتقدرين تستغنين عن فكرة الجلابية وتلبسين لج بدلة؟؟؟

براويج صورة تقريبية حق اللي عند للا إيمان ( بس على فكرة أبدا أبدا أبدا ما بتقدر تخيط لج حق العيد انا من اول ما دشيت سيده قالت بدون ما أسأل)

هاي الصورة



عاد هاذي مو مرتب واايد ... اللي جفتهم في المعارض أحلى بس نفس الفكرة

رحت موضوعج ولقيت ردود

ما عندي شي اضيفه على اللي قالوه لج

بس بالنسبة حق الهدية لا تعطينه اشية وايد

لأنه هدايا الرياييل واايد صعبة يعني ما بتحصلين أفكار

إخذي له دعن عود او طقم عطر او بوك او كرافتة إذا يلبس ... ثياب ما أنصحج من الحين تاخذين لأنه ما اتوقع تضبطين السايز وما تعرفين شلون ذوقه بالضبط ( يمكن يعني )

ممكن تاخذين له قرآن ا نظارة أو شي جذي

ما اعرف إذا اهوه المحل اللي قصدج في المحرق او لا

بس في واحد يم متاي المحرق

وعندج محل في بوكوارة مجابل المنتزه ومطبعة الأيام وأي مطبعة تسوي وممكن تستفيدين من محلات الكوشات ينصحونج وبعضهم يسوون بطايق بعد

وييييي دهوون توني يايية بسألج شتنصحيني آخذ من بسكوتو حق العيد

انزين ما قلتي شتدوين عليه بالضبط ... يعني معمول ولا بسكوت ولا كيك ؟؟

المحلات عندج شيلاز كيك في أم الحصم ( نفس خرابيط بسكوتو تقريبا)

عندج صافي في الرفاع

أم خالد في مجمع مدينة عيسى

آمنة وفرح وملكة المنصوري وامبرس

سعد الدين

وحدة اسمها سلطانة في مدينة حمد

جناحي

جيكتي كيك افنيوز في الرفاع شعندهم؟؟؟ ما طبيته للحين!!

إذا تدوين تشيزكيك اكو جست كب كيك فتحت محلها يم الكازينو و عندج بعد المحل اللي حطيت له تقرير ميني ديلايتس

وفي بعد محل اسمه فرح مو سندويشات فرح اللي صوب مستشفى حمد كانو .... لا.. قصدي اللي يصير يم حلويات طارق عندهم بعد حلويات

عس عس;15712423:
وتخطيطج تمام حبيبتي بس ماذكرتي متى بتحفين؟ في نفس تاريح الفيشل والمنكير؟

ــــــــــــــــــــــــــــــــــــ

بنات افتر راسي وانا ادور شنطة سوده مو محصله :| يعني اهو مو ماحصل احصل بس مايعجبوني وين اروح ؟؟؟؟؟؟؟؟؟؟؟؟؟؟؟؟؟
ابتلش اذا اسوي لي عبايه وماحصل شنطة تناسب معاها او عزكم الله لنعال 8o| قايله مابسوي هالحركه اول باخذ شنطة ونعال وبعدين سهل اسوي العبايه على لونها بس لهنود الله يقطع بليسهم :worn_out:

مخمليات;15714382:

هلا أبوي كلورة ،، على طاري قدوع العيد انا مقررة أخذي كيلوين عقيلي بالحلوى من بسكاتو ، لان وايد لذيذ وشكله حلو للعيد

بالنسبة حق للا إيمان يعني اللي حطيتي صورتها سعرها في الثلاثين ؟؟ اذا جذي زين ، بغيتج تدزين لي اسمها ورقمها ، وبالنسبة للجلابيات انا ابي افصل وحدة وين تنصحيني في خياط رخيص وقوي في الرفاع ويسوي نفس ستايل الجلابية اللي حطتها اخت القمر ، عندي عزيمة في بيتي عقب العيد وأبي البس فيها شي حلو

كلاسيكية ذوق;15714474:
كللولووووووووووش مهووووي مبرووك الف مبرووك والله استانست لج وايد والله يتمم لج على خير ابوي .. وانا اقول شعليه هالغيبه

كلورة ابوي ابي رقم ذي للا ايمان ووين مكانها او محلها؟؟

دهـن العـود;15714737:

الجلابيه واايد حلوة عجبتني ما شاء الله

ناعمه وحلوة
:adore:

والقدووع سكتي مسااعه داار راسي وانا أفكر

لأني أبي اغير هالعيد نبي من مكان غير بسكاتو

عاد اليوم وانا طالعه من بوكوارة

الا اجوف سعد الدين

قمت وقفت قلت خل أجوف شعندهم

والله الكوفي سويت اللي عندهم وايد حلو عجبني
اول مرة أجربه

جربت نوعين 2 عجبوني
:adore:

بس قررت باخذ منهم الكوفي سويت


وعن الحلاوة في بسكاتو

أحنا أخر مرة خليناهم يخلطون لنا سوينا مشكل من كل الأنواع عندهم

انتي بعد هالمرة جربي روحي من وقت
وذوقي

ولو تبين الصج الحين حسيت وأكتشفت ان الكوفي سويت مال سعد الدين أحلى
مادري بعد الناس أذواق انتي جربي أحسن

دايما دايما هلووون

انا منقهرة بعد هالعيد
ذاك العيد عيزت ادور شناط يدشون مزاجي ماافي

وهالمرة يوم صار عندي

كل محل ادشه اجوف شنطه حلوة وتعجبني
:|

صبري بزنطهم ذلين وايد قاهريني 8o|

اي أبوي بعد يحبه
كل عيد يقولنا ييبو الكيك عقيلي بو حلوى

بس اللحين صار لنا عيدين وره بعض

كل نطلب العقيلي بو حلوى

صج مميز

بس التغيير مطلوب :worn_out:

...........................................

غرام احباب

ترة رحمه وااايد أحسن من الور حق الحمام المغربي

روحي رحمه أحسن

لآني صراحه ما جربته بس مرة البنات هني تكلموا

عن الور

ان الحمام المغربي مالهم زين
فـ ما أقدر أضمن لج

بس رحمه ضمان شغلهم واايد مضبوط

وصفيه مثل اللي تبينه ناعم ويبين انج عروس

لا تحاتين

بس بعد روحي جوفي بعينج أحسن طبعا

:thumbs_up:

نجفية الخفية;15713020:
مشكورة حبابة مس كولرز

بس وين يصير متاي المحرق؟؟

**بحرينيهـ**;15713802:
كلوورة

للا ايمان هي تفصل عندها في البيت ولا عندها محل

اذا ما عليج امر تعطيني رقمها عقب العيد لازم لي زيارة لها ابي جلابيات كلش ماعندي

أم كشكوش;15713816:

أني بعد تحمست لدي اللي قلتي عنها
للا إيمان


ياليت تطرشين لي رقمها
بتصل لها بشوف إذا منطقه قريب لي بمرها اشوف شغلها واسعارها :)

مخمليات;15714382:

هلا أبوي كلورة ،، على طاري قطوع العيد انا مقررة أخذي كيلوين عقيلي بالحلوى من بسكاتو ، لان وايد لذيذ وشكله حلو للعيد
بالنسبة حق للا إيمان يعني اللي حطيتي صورتها سعرها في الثلاثين ؟؟ اذا جذي زين ، بغيتج تدزين لي اسمها ورقمها ، وبالنسبة للجلابيات انا ابي افصل وحدة وين تنصحيني في خياط رخيص وقوي في الرفاع ويسوي نفس ستايل الجلابية اللي حطتها اخت القمر ، عندي عزيمة في بيتي عقب العيد وأبي البس فيها شي حلو

M!ss CoLoRz;15712428:
عس عس

عاد شلون هالشنطة السودة اللي تبينها ؟؟؟

ههههههههه يعني عندج مواصفات معينة ولا أي شي وتروحين وتجوفين بنفسج؟؟

روحي باريس هيلتون في مجمع السيف

ما بقول لج ناين ويست وتشارلز اند كيث ( شنطهم حلوة وعملية بس هالفترة بيبون لج شنط شتوية كلها صوف وفرو )

توني أمس أقول حق حصاصي عن محل لاسيرا في الغربي .. بضاعتهم وااايد وااايد وااايد زينة ومميزة بس تخلص بسرعة

وعندج المحلات المعروفة أغنر و DKNY و الدو و و و تعرفينهم ما يحتاي اقول لهم بس تنتظرين التخفضيات آخر السنة احسن لأن السعر وااايد يختلف بعدين

ۼرٲﻡ ٲحـٻٵٻ;15714583:



وهـ الحمدلله :D

الحفاف بكون تاريخ 14-11

هـا اوكي ؟ :thumbs_up:[/CENTER]

دهـن العـود;15714737:

دايما دايما هلووون

انا منقهرة بعد هالعيد
ذاك العيد عيزت ادور شناط يدشون مزاجي ماافي

وهالمرة يوم صار عندي

كل محل ادشه اجوف شنطه حلوة وتعجبني
:|

صبري بزنطهم ذلين وايد قاهريني 8o|

ولاء البحرين;15715616:
الأمس, 10:30 AM #69 M!ss CoLoRz
M!ss CoLoRz

ممكن تعطيني رقم للا ايمان اللي عندها محل الجلابيات

والرقم ااذا ممكن ووصف للمحل وين يصير وفي اي منطقة؟؟!!!

الف شكرررررررررررررررررر لج