« تجهيزات عرائس ' مملكة البحرين ' لشهر ذو الحجة 1432 - 2011 م / الجزء : ٨٣ »

بنات ادري غربلتكم بس باحط الصور مره 2 يمكن وحده جافت مثلهم هالايام قبل لا اتهور وافصل









اللي تعرف تساعدني بليز

بسم الله

صلوا على النبي

ياتكم تقارير المعارض :D

=====================

اول معرض رحته كان معرض فندق الخليج

وكان أحلى معرض

مرتب .. منظم .. منسق .. إضاءة ممتازة ... مساحة جيدة .. تهوية وتكييف ... مكان حق الناس يجربون الثياب ... طاولات وكراسي حق الأكل ...

يعني كان معرض 10/10

أغلب المشاكات كانوا شغل بيت والأسعار جدا ممتازة

هالمرة بيكون تقريري مجرد كلام والمرة الياية بفصل لكم أكثر بالصور

* من المحلات المشاركة كان محل دخون .. قلت لكم عنه من قبل.. كان عندهم مجموعات ناية بالجسم ريحتها خنينة بالاضافة حق العطور العربية ودهون العود والبخور

* درزي خانه ... محل في البديع يبيعون قطع شغل يد وفيها كريستال وبعد عندهم فساتين وجلابيات .. أسعار هالمحل كانت غالية نوعا ما بس البضاعة والجودة ممتازة.

* زوايا .. محل في مجمع العالي متخصص بالاشياء المغربية.. شاي واطقم شاي ومفارش وما شابه .. ما سألتهم عن أسعارهم مجرد خذت البطاقة.

* أحجار .... محل موقعه في بوكوارة بعد ما سألتهم عن السعر .. البضاعة زينة وفي أشياء ممكن الوحدة تستفيد منها.

* بوتيك المورد .. محل في الحد للجلابيات ... عندهم جلابيات وميني جلابيات تصلح للبيت .. حسيته غالي شوية صراحة .

* للا إيمان ... صج صج صج أحلى محل كان ... شغلها واااااااااااااااااااااااااااااايد وااااااااايد واااااااااايد حلو والسعر أحلى بوايد .. كانت لابسة شي فظييييييع جفت منه في كذا محل غيره هناك بعد بس اهيه عجبني أكثر يصلح حق عزيمة حق حنة حق جلوة وحتى يصلح حق عروس ( مو للعرس نفسه بس حق تجهيزات العروس الشخصية) والحلو انهم ايونكم لمكانكم مافي داعي أبدا تروحون لهم .

* المنصوري .. محل الحلويات التونسية اللي تكلمت عنه أخت القمر ...المنيو منوع بس السعر جدا جدا جدا غالي يعني 16 -18-20دينار حق 50 قطعة وكان في محل في الغربي أكثر من 100 قطعة ب 12 دينار وبعد يعتبر غالي حق هالنوع من الحلاوة بس يعني :rolleyes: اهوه من ناحية الفكرة والعرض والندرة اي ممتاز جدا والله يوفقهم إن شالله.

* في يدي الحين بطاقتين حق ثنتين يسووون بدل وجلابيات الصراحة مو قادرة أفرق بينهم لأن الثنيتن نفس المستوى والثنتين نفس السعر .. بضاعة حلوة ومميزة ... الشي اللي عندهم ولفت نظري ( بدور لكم صورة) اهوه نفسه الي عند للا ايمان ...جلابية مودرن اتييج مصكوكة عند الريل بس مو وايد تبين الصكة وفوقه ايي شي طويل ... لازم أدور لكم صورة انا جفت مثله عند الكويتيات واول مرة اجوفه عند بحرينيات .... وي ما قلت لكم أسامي المحلين... نفانيف + ريما الباقر + بعد اكو اكتشفت مسجلة وحدة في الدفتر اسم محلها purple Ribbon.

* little gift box شغل بيت يسوون لج هدية في سلة ويحطون فيها كذا شي ... فكرة وايد حلوة ومفيدة.

* My Recipe وحدة تسوي مأكولات شعبية تصلح للجلوة والحنة ... عندها اشية واااايد بس السعر واااايد واايد واااايدج غالي .. المنيو في يدي بقول لكم مثال تبولة 15 دينار وبرياني 15-20 دينار ... مادري تعامل بالجدر ولا شلون بس يعني من المنيو أحس السعر كأنه سعر بوفيه!!!!!!!!!

* من المطاعم اللي كانت مشاركة مخبز جنى مكانهم في الهملة كيكهم لذذذييييييييييييييييييييييييييييييييييييييييييييييييييييييييييييييذ لمحبين الكاكو ... وكان في محل مكانه في البسيتين Oregano اسمه ... يبيعون سندويشات بعد لذيذ بس عاد مو حاطين رقمهم والفلبينات مشغولين قد شعر راسهم استحيت اقول لهم تعالوا دلوني مكانكم .

===========================


طلعت واتجهت معرض فندق الموفنبيك

من صجكم!!!!!!!!!!!!!!!!!!!! ما يتم معرض ما يسونه في هالفندق ... اول مرة اروح هالفندق حق معرض وللحين مو مستوعبة شنو الشي المميز اللي يخلي المعارض تروح هناك!!!!!!!!! :-o

ظلام ... مافي ترتيب.. طاولات على بعضها المحلات مو مقسمة ... مافي أسامي حق المحلات ... مساحة ضيجة

باختصار كان سوق خضرة ... أبسط شي مافي فاصل بين محل والثاني يعني تجوفين شي يعجبج تسألين لامرة تقول لج مو محلي محل اللي واقفة يمي !!!!!!!!!!!

بسي عقرة خل أقول لكم الأشية الزينة

* مادري محل ولا شغل بيت ... عبايات ما اتذكر بضاعتها :o اسم شغلها Veil

* مو قادرة اقرا الاسم على البطاقة :| شي العامري ...شغل خوات حق تنظيم الحفلات يسوون لج حفلة كاملة مكملة على ميزانتيج من ورد وكوشة ودي جي واي شي

* Rose Beauty Shop قلت لكم عنها من قبل تسوي كريمات وخلطات تبييض وسكرابات يعني عناية بالجسم .

* اورجانزا .. هاي ما شالله زحمة عليها ... كانت لابسة فستان الصلاة على النبي حلو حلو حلو ومرررررررررررتب ..فستان شيفون مستر أبدا مافيها شي القطعة بس مجرد حركات وقصات وعندها فساتين ثانية .... سعرها واااااااااااااااااااااااااايد حلو وعندها محل في الرفاع حق اللي تدور فساتين بسيطة سواء سهرة ولا عادي

* وحدة اسمها نورة .. .شغل بيت ... عندها قمصان حق عزايم وااايد حلوين واسعار حلوة بعد .



==========================


آخر تقرير اهوه معرض الرفاع فيوز

كان اهون من الموفنبيك ..

المكان حار ويضيع محلهم ولا في دخلة حق البارك ولا في تنظيم ... يعني لازم تركبون الرصيف عشان توقفون سيارتكم ... ولا .. تطوفون وعلى يمينكم أجنب يلعبون جولف ويخزون فيكم خز ... يعني أخت القمر تتذكرين اللي قلت لج عن هالمكان ... شيلي الفكرة من بالج نهائيا تخييلي روحج بس :lol:

* NP وحدة مغربية تبيع صابون مغربي وخلطات مغربية ... الحمدالله حصلتها كنت متكيسلة أروح رامز أشتري حمام مغربي .

* BEEEVENTS اسمهم كللش ما يطيح على شغلهم ... عندهم مكتب في السيف يببيعون بوكسات خشب وصواني .

* RANSY محل عبايات في المجمع اللي مجابل رويان.. عندهم أشية حلوة.

* صعب الاسم اللي على البطاقة لحظة بفك الشفرة :worn_out:.. أم روز او الغروب أو الزغرور .. شي جذي ... المهم وحدة عندها عبايات ستايل السعودية .. تعرفون قصدي؟؟

* عفراء ... وحدة باكستانية مادري هندي تبيه جلابيات نفس بضاعة أسرار الفراشة بالضبط... سعرها 20-35 دينار وتقول ما تعدي هالمبلغ.

* شيلاز كيك ... محل في ام الحصم للحلويات والموالح .. اغراضهم غريبة ..لازم أحط لكم تقرير مفصل مرة ثانية

==========

وخلصنا تقارير ويلا نجوفكم في تقارير قادمة :cool:

بناااات ..

تررى اناا عروس ومن قلب محتاجه وقفتكم وياايي فـ تجهيزاتي وحجوزاتي

كلش ما توقعتكم تطنششوني !

بليززز والله مابقى لي الا اياااااام بسسس

يرحم والديكم لا تطنشوني

:(

مشكوووووووووورة والله يعطيج العافية F:

عقب يقولون حطوا استفساراتكم فـ موضوع التجهيزات

زيـن .. واذا سألناا ومحد رد واحنه والله يعلم محتاججيـن ردودكم وماعندنا وقت

شنسوي بالله ؟!

جريني & مسس كولورز

مشكورين فديتكم ماقصرتوا

انا فتحت موضوع وفيه جم سؤال اتمنى تردون علي

بـ اقررب وقت .. والله مابقى عندي الا 15 يوم بس !!!

http://forums.3roos.com/showthread.php?t=639790

هذا رابط موضوعي