شات منتظرات الحمل وامهات المستقبل القريب باذن الله لشهر ذى الحجه/نوفمبر

علياء ازيك يا لولو كل سنه و انتي طيبه و النونو عامل ايه عرفتي النوع ولا لسه

ازيك يا ماجده؟ انتي بتروحي الشغل ولا لا؟

ra_tamima;15707011:
بفكر اعملها يا ريرى علشان اطمن ع الانابيب بس ع الشهر الجى كده
انتى عملتيها؟؟؟؟؟؟؟؟؟؟؟؟
كمان على فكره انا كنت ف سيتى ستارز ولقيت فرع لامتنان هناك ودخلنا سالنا على خلطات العسل
قالنا على خلطه كده فيها بدائل يعنى بدل جنين القمح فى نوعين مكانه بيقول مفيش جنين قمح ف مصر كويس كله مضروب
وقالنا على شاى الجنسينج ...مش عرفه انتى رايك ايه ياريرى اروح للى قولتيلى عليه ولا اكمل مع ده
هى الخلطه قالى هاتعمل 170 ج ؟؟؟؟

لا يارشا انا معملتهاش انا عملت منظار عشان الحقن المجهري
وخلطة العسل اللي جيبنها الكيلو ب 100 وشوية
والجنسينج جميل اوي
بس خليكي في العسل بلاش الشاي والكلام ده
هو الدكتور بتاعك طلب منك اشعة بالصبغة ولا انتي من نفسك كده؟

mooney608;15705439:
السلام عليكم و رحمة الله و بركاته
مبارك علينا الجزء الجديد إن شاء الله
و كل سنة و انتو طيبين و ربنا يعيد الأيام علينا بكل خير و يفرح قلوبنا حميعا و يرزقنا عاجلا غير أجل احنا و كل المسلمين يا رب

مهاميهو أخبارك إيه يا بنتى و عملتى إيه فى موضوعك يا رب خير
يا بنات انا عملت سويت من يومين و عملتلى التهاب غريب و هرش غير طبيعى مش قادرة أستحمل و مش عارفة أستخدم إيه ليه جبت كريم جينو دكتارين و بتشطف بسيتيال مش عاملين أى حاجة و أخدت فنجيكان اللى هى الكبسولة الواحدة و بردو ولا الهوا و جوزى بيقولى بلاش أدوية كتير لحسن يكون فى حمل عنده أمل يا عينى بس انا بحد متبهدلة و مش عارفة أعمل إيه أكتر من كدة

مووني الف سلامة عليكي يا حلوة
انا مش عارفة بصراحة الحالة اللي عندك دي زي اللي جاتلي من قريب ولا حاجة تانية
انا جالي هرش وحكة فظيييييييييييييييعة لما اهملتها الشهر اللي بعده قلبت الم رهيب
ولما كشفت الدكتورة قالتلي عندي فطريات وعملت الحكة دي وبعد كده تقرحات مهبلية
العلاج بصراحة ريحني جداااااااا كان لبوس 3 ايام و تشطيف حاجة اسمها بيدالكين
الصبح وبالليل ودوا كده كمان خدته بس مش فاكره اسمه هو حاجة زول
وجوزي من نفسه جابلي فنجيكان خدت حباية واحدة
بس بيتهيألي اهم حاجة اللبوس والتشطيف

وربنا معاكي يا حبيبتي وشكرا على سؤالك عليا انا موضوعي كتبته في المجموعه
بس باختصاااااااار احنا سألنا متخصصين مقدروش يحددوا نوع مرض ابني فبالتالي مش قادرين يحددوا
ان كان فيه تحاليل بنعملها ولا لأ ولو حتى عملناها الحل ان احنا بنحلل الجنين في الشهر الرابع من الحمل
ونشوفه سليم ولا لأ...... أو نعمل الحقن المجهري
عشان نختبر الأجنة وقالوا بتتكلف 7000 دولار غير تكاليف الحقن نفسه :D
بس كل القصة دي تعتمد على ان احنا نعرف ايه نوع المرض الوراثي اللي عندكوا فطبعاااااااا بخخخخخخ
وانا لسه مانعة الخلفة زي مانا وربنا يهيألنا الخير يارب

ازيك انتي يا شوشو وحشاني اووي والله .... اه انا بنزل الشغل ربنا هو الحافظ انا قعدت في البيت اسبوعين كانو ملل و الايام مكنتش بتعدي وربنا يستر ان شاء الله

بنات حد اشترى لبس جديد الأيام دي من مصر؟؟؟؟؟؟؟؟؟
انا نزلت انهرده لقيت الأسعار نااااااااااااااااار المتوسط 400 او 500 للجيب او التوب
وطبعا ماشتريتش حااااااااجة
بصراااحة مش عارفة ايه الارف ده

ميجو ربنا يقويكي يا حلوة
انا بصرااااحة مش باحب الحامل اللي قاعدة في البيت على طول والجو ده
قوليلي بقى خلصتي حاجة البيبي ولا لسه
وجبتي ايه وكده؟؟؟؟

مهااا ربنا يوقفلكم ولاد الحلال الي يبقوا فهمين كده و يجيبوا من الاخر و يهديكم للصواب ياررررب ... طب يعني انتوا اتكدتوا ان ده كان مرض وراثي و ده كان عندكم في العيله يعني حد حصله حاجه زي كده مثلا .. اصل و الله العظيم يا مها انا حصل قدامي حالات كتير زي كده و بعد كده بيخلفوا عيال كويسين يعني عمت جوزي متجوزه قريبها وربنا اداهم ولدين و يجوا لسن معين يجلهم مرض كده مش عارفه هو ايه و يتوافوا و هي دلوقتي عندها ولدين و بنت زي الفل ما شاء الله ربنا يخلهوملها يارررب و يبارك فيهم

مهااا منزلتش ولا شوفت اللبس خالص كان نفسي انزل اشتري حاجه بس لو الاسعار كده يبقي حرااام انتي نزلتي روكسي ولا فين ؟؟ و الحمد لله اشتريت للنونو الهدوم الداخليه و شويه حاجات كده وجبتله بطانيه و كوفيرته بس لسه مخلصتش .. اه و بنت خالة جوزي في السعوديه جبتلي سلوبتات كتير الحمد لله

ربنا يخليكي يا ميجو بجددددد وجزاكي الله خيرا انا باحسك دايما بتحاولي تهونيها عليا
ربنا يفرحك بابنك ويقومك بالسلامة إن شاء الله
والله يا ماجدة لأ الموضوع ده محصلش خالص في عيلتنا
حتى اخته متجوزة قريبنا برضه وعيالهم كويسين ماشاءالله
والدكاترة نفسهم قالوا فيه احتمال انه مايكونش وراثي يكون حاجة اسمها طفرة
ولو وراثي الاحتمال انه يتكرر 25 فيالمايه الدكترة بتقول كده
بس المشكله ان جوزي مرعووووووب عارفة لما يبقى حد جاله فوبيا من حاجة معينه
هو قلبت معاه كده
وانا بقى استغفر الله يعد يجيلي وسواس اقول طالما هو رافض كده يبقى ده مش الخير ليا
يبقى مادعيش بالخلفة بقى ادعي ان ربنا يهيألي الخير
مش عارفة دماغي مشوشة اوي بسبب حالته دي
انا والله راضيه جدااااااا بأي حاجة فاتت واي حاجة جايه
بس هو حاله مصعب الدنيا عليا اوي ربنا يهديه والله

لا يا ميجو منزلتش روكسي..من يومين نزلت الهرم الحاجة وحشة اوييييي
وانهرده نزلت شبرا عشان مامتي ساكنه هناك الحاجة حلوة بس غاليه اوي
اكيد عشان العيد
بس انا رأيي متشتريش لبس خروج غير بعد ماتولدي عشان جسمك وكده

ومبروك عليكي يا قمر حاجة البيبي ويااااااااارب تفرحي بيه يارب

ربنا يهديهولك يا مهااا و يجبر بخاطركم بإذن الله بالذريه الصالحه المعفاه ياررررررررب .. و انا و الله بحكيلك الي حصل قدامي و سمعته من قريبنا و ان مش عارفه ليه جوزك خايف كده هو حد ضامن اي حاجه في حياته احنا بس بنسعي و بندعي ربنا و يعالم بالهيحصل كل ده في علم الغيب افضلي قوليله الكلام ده يا مها و اقنعيه و ربنا يهديهولك ياررب و يهديكم للصواااب يارررب

مها انا برضه مش حابه اشتري لبس دلوقتي بقول لما اولد بقي ان شاء الله ..... بس عايزه اجيب عبايه للبيت عشان العيد ان شاء الله ربنا يسهل

والله يا ماجدة بجد الكلام معاكي ريحني ربنا يكرمك بجد
ويجبر بخاطرك إن شاء الله
انا قاعدة عند ماما يومين باريح اعصابي شوية
ولما ارجع هاتكلم معاه تاني بالمنطق بتاعك ده ويارب اقدر امسك اعصابي وماتخانقش زي كل مرة
وربنا يهيألنا الخير يااااااااااااارب

مهاا انا كمان برتاح اوووي لما بتكلم معاكي بحس اني اعرفك من زمااان سبحان الله .. ربنا يخليكي ياررب علي دعواتك ليا ... و ربنا معاكي و ان شاء الله تقدريه تقنعيه

ازيكم يا حلوين , كل سنة وانتو طيبين ومبقللين كلكم يارب , والبت ميرا اللي بتفتح الجزء وتهرب عايزة اعضها بس انا عازراها عشان جوزها موجود بعد كده هتتعضي يا ميرا :)


انا رحت للدكتور والحمد لله مكشفش نسا :) بس هيعملي سونار يوم الاربع , مش حاسة باعراض ولاده خالص , وطول االيوم حاسة اني واخدة مخدر وعايزة انام


موني ,,,,,,, الف سلامة عليكي انا حاسة بيكي لاني عانيت من الهرش تحت وكنت بموت والله , بس كانت حساسية مش التهابات , لاني استخدمت لبوس ومرهم وغسول ومعملوش حاجة , انا فجاة كده خفيت لوحدي بس والله كنت بموت وكنت مكسوفة اقول , انتي بئة متسكتيش على نفسك وروحي للدكتورة احسن


مها ,,,,,,,,,,, ربنا يصلح الحال بينك وبين جوزك وتتفاهمو بهدوء, ربنا يهديه ليكي ويقتنع بكلامك ويوافق انكم تخلفو بئة


ميسا المزة ........... ايه مواعيد السونار البعيده دي , انا لو مكانك كنت مت من القلق , الناس الاجانب دول منظمين اوي هههههههههههههه, احنا عندنا كوسة , والدكتورة هيا اللي بتترجاني اعمل سونار هههههههههه


ريري ,,,,,,,,,,, الحمد لله ان تحاليلك جت سليمة , ان شاءالله المرة الجاية ربنا يجعلك نصيب في الخلفة ويفرحك يارب


امنية ,,,,,,,,,,, ربنا يتقبل من ماماتك وباباكي ويرجعهم سالمين يارب


شوشو وعلوش وميوي ولواحظ ورشا وعيوش ودارين وشيري وجوجو وفجر , ازيكم يا كتاكيت

الا صحيح البت فجر فين ؟ مش بشوفها خالص ؟

امونه انتي اخر التاسع بتاعك امتي ان شاء الله ؟؟؟

امونة ليكي واحشة يا بنتي
انتي سافرتي المنصورة ولا لسه في مصر؟؟؟؟؟
وايه اخبار الهوم وورك;);)
اعترفي احسن لك الإنكار مش هايفيدك :D

امونه هربت يا مها عشان متردش علي السؤال كده تبقي التهمه لابساها ههههه امونه فكت الفيونكه يا جدعااااان هههههه

magda 1;15707933:
امونه هربت يا مها عشان متردش علي السؤال كده تبقي التهمه لابساها ههههه امونه فكت الفيونكه يا جدعااااان هههههه

هههههههههههه بس انا فرحانة فيها اوي يا ميجو
يا عيني فكت الفيونكة من هنا والجو برد من هنا
وزمانها كرهت الحموم اكتر ما هي بتكرهه :D:D