شات منتظرات الحمل وامهات المستقبل القريب باذن الله لشهر ذى الحجه/نوفمبر

شوشو ............فعلا والله حاجة تضايق اوي موضوع الشغل ده , بس انا رأيي ان دي امه وكان لازم يلحقها ولو جاله شغل بالالوف مش هيعوض لحظة يقعدها مع مامته وهيا تعبانة , الاعمار بيد الله بس كان لازم يبقى جنبها

ربنا يفك كربه ويعوضه خير برعايته لامه


فجر ............ازيك يا جميل , انا خلصت التاسع وبدات العاشر هههههههههه, وشكلي كده همشي في ال 11 زي بوسي ما قالت هههههههههههههه


امنيه ,,,,,,,,,,,,,, كويس انك طمنتينا على دينا القرده , نفسي اوي ترجع تاني معانا زي الاول , وقوليلها انا نفسي اولد واللي حايشني الدكتور ابن اللذينا اللي لسه مكشفش نسا لحد النهارده :)

انا رايحة بكرة للدكتور يابنات ان شاء الله الساعة 10 الصبح


هكشف نسا عاااااااااااااااااااااااااااااااااا, جوزي بيقولي اوعي تصوتي وتفضحينا ههههههههههه, اصله عارف ماساه الهوم وورك هههههههههههه

دعواتكم الاقيه بيقولي خلاص ولاده

ربنا معاكي يا امونه و يعدي الكشف ده علي خير ان شاء الله و مش تحسي بأي حاجه خالص ... علي فكره يا بت يا امونه انا كلمتك امبارح ومردتيش كنت عايزه اعرف عملتي ايه في التخطيط ده

paradise rose;15743607:
ربنا يرزق ولاده سهله يارب


انا ابن عمى كان كان جايب تؤام وكانو بنت وولددخلوا الحضانه عشان اتولدوا قبل معادهم البنت عاشت الولد توفى لييييييييه بقى مش هتتخيلوا

عشان كان فاضل مبلغ بسيط يدفع وهو تاخر فيه لظروف يعنى راحت الحماره مع اعتذارى للحمار والله انا كدا بغلط فيه الدكتوره البهيمه راحت شالت جهاز الاكسجين من الولد تخيلوا وصلنا لحد اييييييييييييييه ف الاهمال وقله الضمير
وقبلها قالت لعمته لو مدفعتوش هتسمعوا خبر وحش
حد يفهمنى ها ليه بيعملوا كداااااااا ليه بيحرقوا قلب الام على عيالها وليه الاهمال وليه فيش قلب ولا ضمير مع العلم انه دفع بلغ كبير اوى يعنى دافع واللى بافى بسيط
انا اتنكدت اوى اخر نكد ومش عارفه اكلمهم حتى اقولهم ايه
ها رافعين قضيه ع المركز اللى كان فيه الولاد وام الولد مسكت اللى فى رجلها اديتها بيه بس وايه الفايده طيب ماهى مش هتاخد حاجه ادعولها ربنا يصبرها وينصرهم ع الظلمه ولاد الحرام اللى معندهومش ضمير

اقولكوا حاجه كمااااااااان

مش انا شقتى غرقت مييييييييييييه جوزى طلع الشقه يشقر كدا ويحرك نفسه لقاها غرقانه ميه والسجاد غرقان وال اييييه سوره السيفون مكسوره ولامقطوعه طب ازااااااى مانا سايبه البيت كله تمام ومبجيش ناحيه محبس السيفون دا نهاااااااائى تفتكروا ايه اللى حصل انا مش مستوعبه ازاى دا حصل بس فضل ونعمه من عند ربنا والحمد لله رب العالمين على كل حال
عايزه بس اعرف لو فى ميه اتزحلقت تحتى البوفيه او النيش لازم يتحركوا ولا هتنشف على حالها اانا مش هاقدر اروح واخو جوزى ربنا يكرمه هو اللى قام بالليله وشال السجاد ومسح بس خايفه لايكون فى ميه تحت النيش او البوفيه وتضر بالخشب


اخيرااااا ماما وبابا جم ووحشونى اوى والبيت بقى فيه ناس كدا وليه حس سبحان الله ربنا يخليلنا اهلنا يارب ويقدرنا على برهم يارب
ملحقتش ارغى اوى معاهم جايين ياعينى دور البرد مسيطر عليهم وناموا علطول
لما يصحوا بقى
ربنا يوعدنا ونروح نحج ياااااااااااارب دى رحله حلوه اوى ربنا يرزقنا العمره والحج القريب يارب

:-o:-o:-o:-o:-o:-o
انا متهيألى الحادثة دى جت فى الجرايد من كام اسبوع تقريبا صح؟؟؟ حتى المركز مش فى القاهرة اعتقد فى المنصورة او الشرقية !!!!!!!!! مش قادرة اتخيل الجبروت وصل بالناس لغاية فين جسبى الله ونعم الوكيل دى المفروض تاخد اعدام وبعدين يابنتى لازممم يفضحو المركز دااااا فى التليفزيون ةف كللللل حتة حسبى الله ونعم الوكييل
وحمد لله على سلامة مامتك وباباكى ومعلشى على شقتك حاجة تضايق اوى فعلا 8o|

السلام عليكم و رحمة الله و بركاته
ازيكو يا بنات وحشتونى جدا جدا و كنت بدخل أبص فى السريع مكنتش بعرف اشارك علشان عندى شغل كتييير أوى مش بفضى خالص

ودعة مشكله إسماعيل أبو الفتوح ان كل البنات اللى عملو عنده قالولى انه مهمل فى حاجات كتير منها التحاليل اللى بتتعمل كل مرة فى متابعة التبويض مش بيعملها أصلا و دى مهمة جدا دة اصلا المفروض بيتحدد على أساسها الجرعات و المواعيد و بنت أعرفها نفس حالتى اتسبب فى مشكله كبيرة معاها فأكتر من واحدة نصحونى انه أخره معايا متابعة حمل وولادة غير كدة لأ فبصراحة قلقت من الكلام ربنا يكرمنا و يفرح قلوبنا جميعا يا رب

شوشو متزعليس من اللى بيحصل دة وعسى ان تكرهو شيئا و هو خير لكم استغفروا كتير إن شاء الله ربنا شايلكو الخير

أمونة إن شاء الله تولدى و تطمنى على البيبي و تقومى بالسلامة

ودعة و ماجدة ألف سلامة عليكو ركزوا فى الليمون بالعسل و البرتقال و الجوافة

كل الحوامل ربنا يقومكو بالسلامة و معاكو أحلى بيبيهات إن شاء الله

ريري متقلقيش انا محصلش معايا كدة بس فى ناس كتير جدا بيحصل معاهم كدة و عموما لو قلقانه كلميهم فى المركز و هم هيطمنوكى و يقولولك تعملي إيه بس بلاش تقلقى نفسك

دارين كوارث بجد انتى مواقف و طرائف ربنا يزيح عنك يا بنتى و يسترها معاكو

رشروش انتى تقصدى جروبات عروس على فيس بوك انا أصلى مش بدخل خالص على الفيس بوك بس عايزة اتفرج بردو :)

مهاميهو ازيك يا قمر وحشانى و الله

ميرا أخبارك إيه و أخبار البنات تعرفى لما كنت بحكى لأختى انى نفسي فى توأم قالتلى نصيحة بالش خليكى فى واحد كفاية أصلها بردو عندها توأم عندهم 6 شهور و مظبطينها أخر تظبيط زيك كدة ربنا يباركلكو فى أولادكو و جميع المسلمين يا رب

انا نفسي أرد عليكو واحدة واحدة بس للأسف مش هقدر علشان الوقت بس و الله كلكو فى بالى و متزعلوش منى لو فى حد مسألتش عليه

أستودعكم الله هحاول أدخل كل شوية

د\امونة;15751367:
انا رايحة بكرة للدكتور يابنات ان شاء الله الساعة 10 الصبح
هكشف نسا عاااااااااااااااااااااااااااااااااا, جوزي بيقولي اوعي تصوتي وتفضحينا ههههههههههه, اصله عارف ماساه الهوم وورك هههههههههههه

دعواتكم الاقيه بيقولي خلاص ولاده

:lol::lol::lol: طب تصدقى انا بئيت بحب كشف النسا دا بئا هواية عندى :lol::lol: علمتونى قلة الادب يا منحرفات
ان شاء الله تولدى يا أمونة انا من ساعة ما جيت الشات هنا وانتى حامل:lol::lol:

shoshet*himo;15749269:
ازيكم يا بنات

الحمدلله وصلت امبارح الضهر علي حماتي عدل ولقيناها خلالالالالالالالالالالاصانه بمعني الكلمه شلوها علي المستشفي وعلي العنايه المركزة مباشره وجوزي واخوه طول الليل بيلفوا علي اكياس دم ليها ودوخه ما يعلم بيها الا ربنا وربنا يسترها يارب
ولاجل الحظ الجميل يتصلوا بجوزي النهارد بنك في الامارات عاوزينه يشتغل عندهم لانه كان مقدم السي في وطبعا لقوه مش هناك قالوله خلاص ومحدش هيرجع منهم يكلمه تااني شوفتوا والله العظيم قفل معاهم وراح رازع الموبيل علي الحيطه نزل نصين من الزعل يعني حبكت يتصلوا في الوقت ده والله العظيم انا ماعارفه ايه اللي بيحصل لنا ده
ادعولنا يا بنات بجد كتير وانا بقا محتاسه بين شقتي وبيت حماتي وعند ماما رايحه وجايه واكل وشرب ربنا يسترررررررررر انا عارفه انا عماله اشيلكم همي بس ماليش غيركم احكيله

والله يا شيماء محدش يعرف الخير مكتوب ليه فيين وقولى الحمد لله على كل شىء انتى عارفة ان كل ألم بنتألمة بناخد عليه ثواب وادعى ربنا انه ميعوضكيش بس يخليها شفاعة ليكى يوم القيامة عارفة ياشيماء انا شغلى دا قدمت فيه بتاع 3 مرات قبل ماروح ومحدش كان بيعبرنى والله:D وسبحان الله بعد سنة ونص والله واحدة صحبتى اشتغلت هناك وحططلى السى فى وكلمونى:)
وجوزى كان شغال ف شركة سعودية اكتشف انهم نصابين ولا ليهم ورق ولا تأمين والحسنة اللى اخدناها من الشركة دى الاجازات:Dكان مهيص اجازات اجازة الجواز اسبوعين ورمضان اخد اول اسبوع والعيد اسبوعين :lol: وبعدها سابهم وراح مكان تانى سبحان الله ربنا يسرله المكان دا عشان الاجازات لو كان ف شغله بتاع دلوقتى دا مكنش هيعرف ياخد اجازات ولا يحزنون
متضايقوش نفسكو وهونو على نفسكو زاقفى جنب جوزك هو محتاجلك دلوقتى

د\امونة;15748135:
ميجو .......الف سلامة عليكي يا وزة :)

انا مش حاسة باي اعراض خالص , بس التحجير بئة موجود طول اليوم ودا قالقني اوي لان دا معناه تقلصات في الرحم وانا عرفت ان التقلصات دي بتقلل الدم والاكسجين الواصل للجنين , عشان كده قررت اعمل التخطيط النهارده ويارب ارجع من عنده وابني على ايدي , يا اما ................ هقلعلهم ملط هناك هههههههههههههههههههههههه


لولي ,,,,,,,,,,,يارب يكون احساسك صح واولد في ميعادي ومتاخرش اكتر من كدا , عايزة اطمن بئة

وبالنسبة للبيبرونة غيريها طبعا وهاتي واحدة جديدة للنونو الاقرع الجميل :)


مروة وشيري ........... انا لسه مولدتش ومش هنسى اي حد ان شاء الله في الدعاء


الجو تللللللللللللج وعندنا عاصفة من الصبح هوا جامد وبرد , والمفروض اني اروح اخد دش دلوقتي عشان اروح للدكتور نضيفة :)
ولقيت الطقم الشتوي الوحيد اللي جبتته وانا جاية من مصر , لقيت الجيبة مش بتقفل عليا , هضطر اسيب السوستة مفتوحة واهو التونيك اللي فوقيها هيغطي وخلاص ههههه

:D:D

انا بصراحة عايزة افضفض معاكو انا بصراحة مش قادرة اجب جوزى زى الاول خااالص وحاسة ان فى حاجة مكسوورة جوايا وهو حاسس بكدا وبيحاول يعوضنى وكويس معايا بس انا مش مدياه أمان خااالص ولا طايقة اهله ولا بئيت بحب اروح عندهم يعنى اتفقت مع ماما تكلمى كل ويك اند انها تعبانة وكدا وعايزانى جنبها عشان اقطع رجلى من عندهم خااالص لان كل اللى كان بيحصل السبب فيه هو ومامته لانها كانت بتسخنه عليا:-# وهو وقع بلسانه بنفسه سبحان الله ربنا بيبنلى الحقايق وانا ف مكانى:)

وكمان موضوع ان مفيش سبب مأخر الحمل الحمد لله مأكد احساس عدم الامان دا معاه ان ربنا عايز يرأف بيا لو سبته ميكنش معايا حاجة تفكرنى بيه ولا تربطنى بيه
بصرراحة حاسة انه مش نصيبى استغفر الله العظيم وانى مش هكمل معاه عشان كدا ربنا شايل موضوع الخلفة دا مننا:-#:-#

انا كمان بدأت اتصرف بطريقة انى أمن مستقبلى ونفسى يعنى غيرت الباس وورد بتاعت الفيزا بتعتى بعد ماكان عارفها و نقلت جزء من فلوسى فى البنك للبوسطة وهو ميعرفش اى حاجة ان عندى دفتر توفير فى البوسطة من وانا صغيرة:-#

وكمان متحفظة معاه فى الكلام حبتين مش زى الاول ووطدت علاقاتى بأهلى كلللللللللللللللهم وبصحابى كللللللللللللللللللللللهم حاسه ان هم اللى باقيين لى
وبدأت اشوف اعلى ازاى ف شغلى كورسات MBA اى حاجة

والله بعمل كدا غصب عنى وانا متضايقة انى بعمل كدا بس فعلا انا قعدت معاه سنة كنت خدامة ليه وهو انكر انه شاف يوم عدل معايا يبئى هقعد معاه 20 سنة وهينكر برضه ملهاش لزمة اتعب نفسى بئى!!!!!

انا لما واجهته يكدا بيتضايق اوووى ويقولى ممكن تنسى اللى حصل وتنسى الفترة اللى فاتت دى ومش عارف ايه وكدا بس فعلا دى حقيقة وواضح ان طبع نكران الجميل دا بيجرى ف دمه فمش عايزة اهلك نفسى معاه

وبحاول افصل قلبى منه :-#:-#:-#

انا بس بفضفض معاكو عشان مش هينفع اقول الكلام لحد غيركو ومليش غيركو:o

magda 1;15748511:
ودعه و الله انا طول الحمل جالي برد بس كان بيبقي بسيط انما المره ديه تعبانه اوي وزوري مش بقدر ابلع حاجه وصداع بشع فخايفه يقلب بسخونيه و بيقولوا السخونيه خطر فعايزه اللحقه وربنا يعافينا يارررب ........... مهاااا ايوه انا لسه بروح الشغل ان شاء الله اخري شهر ١٢ و بعدين اقعد بقي ربنا ييسر ياررررب ......... امونه ربنا يطمنك ان شاء الله و هنسميكي ام سوسته هههههههههههههه

الفس لامة يا ماجدة
انا جالي سخونة بس الحمد لله كنت بدات المضاد الحيوي بالفعل فاختفت بسرعة

فجر1975;15748857:

السلام عليكم ورحمة الله وبركاته

ازيكم جمييييييعا عاملين ايه وكل سنه وانتو طيبين

ايه اخباركم على السريع كده

امونه
عامله ايه يا قمر خلصتى التامن ولا ايه

علياء
ازيك يا حبيبتى عامله ايه واخبار الحمل معاكى وانتى فى الكام دلوقتى

ماجده ودينا وودعه ولحظه وجرين وبرادايس ومانيا عامليين ايه

فجر
ايه يابنتي
انتي مختفية من زمان قوي
اخبارك ايه
طمنينا عليكي

shoshet*himo;15749269:
ازيكم يا بنات

الحمدلله وصلت امبارح الضهر علي حماتي عدل ولقيناها خلالالالالالالالالالالاصانه بمعني الكلمه شلوها علي المستشفي وعلي العنايه المركزة مباشره وجوزي واخوه طول الليل بيلفوا علي اكياس دم ليها ودوخه ما يعلم بيها الا ربنا وربنا يسترها يارب
ولاجل الحظ الجميل يتصلوا بجوزي النهارد بنك في الامارات عاوزينه يشتغل عندهم لانه كان مقدم السي في وطبعا لقوه مش هناك قالوله خلاص ومحدش هيرجع منهم يكلمه تااني شوفتوا والله العظيم قفل معاهم وراح رازع الموبيل علي الحيطه نزل نصين من الزعل يعني حبكت يتصلوا في الوقت ده والله العظيم انا ماعارفه ايه اللي بيحصل لنا ده
ادعولنا يا بنات بجد كتير وانا بقا محتاسه بين شقتي وبيت حماتي وعند ماما رايحه وجايه واكل وشرب ربنا يسترررررررررر انا عارفه انا عماله اشيلكم همي بس ماليش غيركم احكيله

ضاقت حتي استكملت حلقاتها فرجت

وكده شكلها بتضيق عليكو بالجامد ربنا يفرج كربكم عن قريب وعلي كل المستويات يارب
ويشفي حماتك ان شاء الله

mooney608;15751544:
السلام عليكم و رحمة الله و بركاته
ازيكو يا بنات وحشتونى جدا جدا و كنت بدخل أبص فى السريع مكنتش بعرف اشارك علشان عندى شغل كتييير أوى مش بفضى خالص

ودعة مشكله إسماعيل أبو الفتوح ان كل البنات اللى عملو عنده قالولى انه مهمل فى حاجات كتير منها التحاليل اللى بتتعمل كل مرة فى متابعة التبويض مش بيعملها أصلا و دى مهمة جدا دة اصلا المفروض بيتحدد على أساسها الجرعات و المواعيد و بنت أعرفها نفس حالتى اتسبب فى مشكله كبيرة معاها فأكتر من واحدة نصحونى انه أخره معايا متابعة حمل وولادة غير كدة لأ فبصراحة قلقت من الكلام ربنا يكرمنا و يفرح قلوبنا جميعا يا رب

شوشو متزعليس من اللى بيحصل دة وعسى ان تكرهو شيئا و هو خير لكم استغفروا كتير إن شاء الله ربنا شايلكو الخير

أمونة إن شاء الله تولدى و تطمنى على البيبي و تقومى بالسلامة

ودعة و ماجدة ألف سلامة عليكو ركزوا فى الليمون بالعسل و البرتقال و الجوافة

كل الحوامل ربنا يقومكو بالسلامة و معاكو أحلى بيبيهات إن شاء الله

ريري متقلقيش انا محصلش معايا كدة بس فى ناس كتير جدا بيحصل معاهم كدة و عموما لو قلقانه كلميهم فى المركز و هم هيطمنوكى و يقولولك تعملي إيه بس بلاش تقلقى نفسك

دارين كوارث بجد انتى مواقف و طرائف ربنا يزيح عنك يا بنتى و يسترها معاكو

رشروش انتى تقصدى جروبات عروس على فيس بوك انا أصلى مش بدخل خالص على الفيس بوك بس عايزة اتفرج بردو :)

مهاميهو ازيك يا قمر وحشانى و الله

ميرا أخبارك إيه و أخبار البنات تعرفى لما كنت بحكى لأختى انى نفسي فى توأم قالتلى نصيحة بالش خليكى فى واحد كفاية أصلها بردو عندها توأم عندهم 6 شهور و مظبطينها أخر تظبيط زيك كدة ربنا يباركلكو فى أولادكو و جميع المسلمين يا رب

انا نفسي أرد عليكو واحدة واحدة بس للأسف مش هقدر علشان الوقت بس و الله كلكو فى بالى و متزعلوش منى لو فى حد مسألتش عليه

أستودعكم الله هحاول أدخل كل شوية

الله يسلمك ياموني

والله عن نفسي كنت مش معجبة باسماعيل حتي مشكرتش ليكي فيه اول ما جبتي سيرته
كان معانا بنت اسمها الهدي والنور عملت معاه تلقيح صناعي وبهدلها وقالها محصلش تبويض وفي الاخر طلعت حامل
قعد يقولها الحمل ضعيف وسيبيه ينزل
مسمعتش كلامه وفضلت نايمة وتاخد مثبتات وربنا عطاها ولد
كرهته ايامها ونفس الحوار حصل مع فاطمة في الحقن المجهري

بس مكنتش اعرف ان توتا نجحت معاه الا منك
فقلت خلاص يبقي بركة وخصوصا ان حالتك قريب لتوتا كتير


ربنا يفرح قلبك يارب عاجلا غير آجل

mooney608;15751544:
السلام عليكم و رحمة الله و بركاته

ريري متقلقيش انا محصلش معايا كدة بس فى ناس كتير جدا بيحصل معاهم كدة و عموما لو قلقانه كلميهم فى المركز و هم هيطمنوكى و يقولولك تعملي إيه بس بلاش تقلقى نفسك

خلاص يامني البريود جت الحمدلله
وان شاء الله هبدء خطوات المحاولة التانية يارب تكون سبب في حملي المرة دي يارب

بنات هو حد فيكو عرف ان هدى ماما بيلا
حامل؟؟؟؟مش عارفه هى مش دخلت ليه هنا ع العموم هى طمنتنا هناك ع الفيس

ميجو ............معلش يا جميل وصلني اتصالك فعلا بس انا كنت في سابع نومة , اصل انا بنام بعد العشا علطول واوقات بعد المغرب من كتر الدوخة


التخطيط اللي عملته نتيجته كانت كويسة , وبعدين رحت النهارده للدكتور عملي تخطيط تاني , وبعدين قالولي اجهز عشان هتاخدي الجرعة الاولى من الطلق !!!!!!!!!!!!

قلتلهم هو مفيش كشف نسا ؟ قالولي مالوش فايدة , وان الدكاترة بيعملوه عشان ينصبو على العيانين ويولدوهم قيصري
قلتله افرض الحوض ضيق ؟ قالي منقدرش نعرف الحوض ضيق ولا لأ الا ساعة الولاده !!!!!!!!!!!

المهم حاسة ان كل اللي كنت اعرفه اتلخبط في دماغي , بس بصراحة مش فارق معايا خالص , انا النهارده كنت مبسوطة اوي اني باخد الطلق دا


الدكتور اداني لبوسه كده بس وجعتني اوي وهو بيدخلها , دخلها جوا اوي اوي , لدرجة اني اتعورت وحسيت بحرقان وانا بعمل بيبي

المهم استنيت 4 ساعات عشان يراقبو الطلق , ولما محصلش حاجة قالولي روحي البيت ولو جالك طلق كل 5 دقايق تعالي المستشفى , ولو محصلش طلق , هنديكي الجرعة التانية من الطلق يوم السبت , وتستني معانا 4 ساعات ولو مجاش طلق هروحلهم يوم الاتنين اخد اخر جرعة طلق ويا اما يحصل استجابة وتولدي طبيعي يا اما هنولدك قيصري

رشا ........ انا عرفت ان هدى حامل وباركتلها


شيماء............ انا لو مكانك هحس زيك برده بعدم الامان , لان رد فعل جوزك كان وحش اوي اوي بجد , وصعب تنسيه بسرعة
متستعجليش ان علاقتكم ترجع زي الاول , ادي لنفسك فرصة تراقبي معاملته ليكي , والايام هتثبتلك اذا كان جوزك بئة انسان كويس ولا لسه جواه شر , وكل اللي انتي بتعمليه كويس سواء اهتمامك بشغلك او اهلك او اصحابك , كل دا تمام اوي

ازيييييييييييييييكم يابنات

امونة ربنا يقومك بالسلامة انتى والبيبى ياااااااااااارب

وماتنسيش الدعاء بقى ان ربنا يهديلى هنا ويشفى اخوياااااا

امونة
بنت يا امونة انتى خوفتنى من الولادة
ربنا يقومك بالسلامة

هدى
مبروك يا هدى على الحمل
رغم ان مش انتى اللى قولتى وكدة زعلنا منك بس حصل خير

هد مبروووووووك ل لحمل ربناا يتمملك بخير
امونة فى طلق بتااخد فى الوريد اقو من للبوس
بقولكو يه ااانا لاب تتوبى كنت ركنااااه بقاااااالى فتر ةةة و دلوقتتىىى فى زراااير مش راااضيه تتتشغغغل اااعمل ااايه

مساالخير يا بنوتات عاملين ايه..وحشتوووووووووووووووووووووووني كلكو ...انا عندي برد فظيع وكحة من يوم الخميس اللي فات بس الحمد لله من امبارح بقيت احسن شوية الحمد لله بس البراء اهو عديته وكحته جامدة يؤبرني :(


مانيا وميرا من عينيا اعملكو الفتة بتاعتنا وانزلها بالتفصيل ان شاء الله..انا وعدتك يا مانيا من زمان وخليت بوعدي معلش حقك علي :o

هي امونة ولدت يا بنات؟ ربنا معاها يارب ويقومها بالسلامة هي وعمورة يارب


ندى

الحمد لله على سلامتك ومبروك عليكي هنا ويارب تتربى بعزكم


ودعة وماجدة

الف سلامة عليكو من البرد

امونة

لسى حالا قريت كلامك...ربنا معاكي يا حبيبتي وتولدي قريب وتقومي بالسلامة ان شاء الله


هدى

ما شاء الله الف مبروك الحمل