« تجهيزات عرائس ' ليبيا ' لشهر ذو الحجه 1432 - 2011 م / الجزء : 24 »

جواب لــــــــــ كوين اوف ايس ...
- بخصوص قلاية كاشيك واحد زيت انى نستعمل فى همر الحق مية مية ...بس تيفال امتاع الدعاية الحق مش عارفة بس صاحب المحل قالى زى بعضهم بس على عمرها يعنى ممكن الهمر تقعد سنة معناها التانية تقعد سنتين يعنى على الاستخدام ولو انت محافظة عادى حتى لو ماركة عادية تقعد معاك عمر .
- بخصوص المكوى البخار مااعتقدش انك تقدرى تستغنى على العادى لان العادى يدير فى صفطات بس التى يحول التعكريش وبس وبعدين مش مريح لازم تبقى موقفة حتى اللبسة والمكوى ماتقدريش اتزليها لانها ينزل منها المية هذا اللى نعرفه عليها ..

سؤال مخالفة :-
بنات افضل طناجر ضغط ستانلس ستيل 18/10 تركية توة متوفرات شن اسمهم وخصوصا فى بنغازى ومن وين بالتحديد وبقداش كل حجم ؟؟

سؤال مخالف:

يابنات من تعرف رقم دانة للعطور لاني نبي نتصل بيهم ونسالهم علي شوية حاجات
ارجو الرد


من تقدر تنصحني اني نشري ماكينة ازلة الشعر براون او فيلبس احسن ارجو الرد لاني محتارة

جواب لااميرة انى انرشحلك "بــــــــــــــــــــراون"
لان اللى عندى بـــــــــــــــــــراون
سؤال مخالفة لـــــــــ بناويت بنغازى :-
بالله احسن خياطة او مشغل فى بنغازى نبى انقص قفطان مغربى وخايفة من اى خياطة اتخربهولى من تعرف وحدة تضملى "والضامن الله " شغلها ؟؟؟؟

سوال مخالف
والله حتى انى بنسال على مكينة براون لكن نبى الى اتقص والى تجبد من الجدور معرفتش شن اسمها بالزبط الى عندها ياريت اتقولى

QuEEn of icE;15736449:
سؤال مخالفة:
من يلي تستعمل في مكواة البخار مش الكوى العادية ياريت تقولي هل تغنيك عن الكوي العادي وتكوي كويس الملابس الغليظه ولا بس الشيفونات
وياريت لو وحده مجربه تقولي على النوع يلي تستعمل فيه وسعره
من جربت مقلاة ملعقة الزيت مشكورة ولا لا وشكلها ورنج السعر
وشكرا

رد مخالف :

بنسبة ليا انا عندي المكواه العادي والبخاري وزي ماقالت مصراتية مايستغنيش عليها المكواه العادية طبعا لسواري وسروايل عشان فيهم صفطات بنسبة للبخاريه استعمالي لها لفساتين الاعراس ومرات نحد بيها السواري ونمر عليها بمكواه عادي عشان صفطات F:

بنسبة لمتاع ملعقة زيت وحده انا شاريه تيفال من اول مانزلت بننهبل عليها وخذيتها طبعا ماجربتهيش بس قبل مانشريها درت واجد عليها شيرتش وقريت عليها واااااجد والحمد الله حتي لما تطلعي برا يشكروها واجد فخذيتها وانا عاجبتني الحق سعرها في بداية نزلتها خذيتها ب380 بس حاليا اعتقد ب335 حاجة هكي نذكر شفتها في طرابلس في سياحية محل تيفال عنده النوعين اسالي عليهم غادي وهما يقولوكF:

مصراتية لشرقاوى;15736594:


سؤال مخالفة :-
بنات افضل طناجر ضغطستانلس ستيل 18/10 تركية توة متوفرات شن اسمهم وخصوصا فى بنغازى ومن وين بالتحديد وبقداش كل حجم ؟؟

حبوبة حتي انا نبي بس نبي تيفال بس ناقصة في بلاد وسعرها في 200 بس تركي حبوبة مانعرفيش لو عرفتي قوليلي F:

مصراتية لشرقاوى;15736909:

سؤال مخالفة لـــــــــ بناويت بنغازى :-
بالله احسن خياطة او مشغل فى بنغازى نبى انقص قفطان مغربى وخايفة من اى خياطة اتخربهولى من تعرف وحدة تضملى "والضامن الله " شغلها ؟؟؟؟

حنقولك وحده طحت فيها جديدة :adore: وشلتلها قفاطيني وحاجات الي عندي كلهم
وبكرة باذن الله حنعدي ناخذهم ..ز يعني حطيت حاجاتي وانا واثقة فيها عشان دلوني عليها

ناس وشفت شغلها ماشاء الله تبارك الرحمن عطني اليوم ونقولك بزبط وانتي امشي وشوفيها

نورت ايامى;15737231:
سوال مخالف
والله حتى انى بنسال على مكينة براون لكن نبى الى اتقص والى تجبد من الجدور معرفتش شن اسمها بالزبط الى عندها ياريت اتقولى

حبوبة هيا حكاية مش حكاية اما احسن حكاية اين وحده تمشي معاك

توه براون ممتازة جدا بس لاسف مامشتيش معايا مشت معايا فليبس ومتريحة معاها ;)

اميرة ليبية;15736812:
سؤال مخالف:

يابنات من تعرف رقم دانة للعطور لاني نبي نتصل بيهم ونسالهم علي شوية حاجات
ارجو الرد


من تقدر تنصحني اني نشري ماكينة ازلة الشعر براون او فيلبس احسن ارجو الرد لاني محتارة

اني عندي فيلبس واخدتها من ست سنين وماشيه معاي تمام

QuEEn of icE;15739197:
اني عندي فيلبس واخدتها من ست سنين وماشيه معاي تمام

شكرا حبوبة باهي اي موديل فيلبس امشي معاك

جواب لااميرة انى انرشحلك "بــــــــــــــــــــراون"
لان اللى عندى بـــــــــــــــــــراون

سؤال مخالف



شكرا اختي مصراتية وبارك الله فيك بس ياريت تعطيني رقم موديل براون اللي انتي جربتيها وبكم سعرها ومشكورة جدا جداااااااا

اميرة ليبية;15740125:

شكرا اختي مصراتية وبارك الله فيك بس ياريت تعطيني رقم موديل براون اللي انتي جربتيها وبكم سعرها ومشكورة جدا جداااااااا

انى زى هذه براون كمفورت
Braun Silk-epil Comfort

زى اللى فى الصورة القيتلك زيها فى النت...
بس انى واخدتها ليها قريب 10 سنوات تقريباً"بسم الله ماشاء الله "
وزى ماهية ماتغير فيها شئ...وهى تنتف وتجبد من الجدور وفى نفس الوقت تقدرى تغيرى اتجاه ايدك وتبقى تحلق بدون نتف ...ويجى معاها شنطة ومشط تنظيف صغير وهى بالكهرباء وفى نوعية بالشحن ..ولو لقيتى شحن احسن واحسن اريح تقدرى تتحركى بيها زى ماتبى احسن من الكهرباء اتفيدك فى مكان السبينية !!!
الموديل اللى عندى معاش شبحت زيها فى السوق بس فى موديلات تانية ماجربتهمش ....بس الماركة كلها مشكورة خودى وانت مغمضة ...وان شاء الله يزيدو البنات لو عارفين على الموديلات الاخيرة اكيد اغلب البناويت عندهم

وهذه صور من النت ...

جواب مخالف لـــــ تحكمنى
مشيت للسوق ولقيت طناجر الضغط ستانلس ستيل 18/10 تركية


وهى طبعا احجام صغيرة 100 دينار والمتوسطة 110 دينار والكبيرة 115 دينار
وهذه عجبنى شكلها ومريحة فى الفتح مش زى المعروفات دراع الفتح كبير او اللى فيها ادراع وحدة ...وشكرهالى صاحب المحل
وطبعا علاش اخترت ستانلس ستيل 18/10 علشان طبعا صحية هالمادة لان نسبة الحديد والكروم والنيكل بنسب معروفة والحديد اقل شئ فيها وهذا علاش ماتتصدا المفروض .
و الستيل افضل فى الطبخ من التيفال لان الطنجرة تقعد هلبة على النار فالتيفال بعد فترة يتنجر

وطبعا اللى مش عارفة شن معنى 18/10
هى نسبة الكروم للنيكل يعنى 18 كروم والنيكل 10 ...وعياره يقولوه304
يعنى تاكدو ان افضل نسبة هى هالنسبة اشبحوهم من تحت الطناجر تلقوها مكتوبة
بمعنى اوضح

1-استانلس عيار 201 :ويسمى 18/0
عبارة عن استانلس به نسبة عاليه من الحديد فهو يصدا بسرعة
2- استانلس عيار 216: ويسمى 18/6
ونسبة الحديد به اقل ولا يصدا بسهولة ويعرف درجته بقوة تماسك مغنطيسى فيه
3- استانلس عيار 304 ويسمى 18/10
وهذا اعلى انواع الاستانلس ولا يصدا ابدا ولا يتحلل مع عوامل الجو ولا الحرارة ولا الرطوبة ولا الكيماويات تاثر فيه وليس به تاثير مغنا طيسى
ملاحظة مهمة ياعرايس ....
وتبى تعرفى الستانلس18/10 خودى معاك طرف مغناطيس لو شد ولصق معاك على الطنجرة فامش هالعيار 304 لان هذا العيار نسبة الحديد فيه بسيطة ولا ينجدب المغناطيس ليه وهكى تعرفى ان هالطنجرة حاتصدى معاك فاانتبهو !!!
وزى هذه لقيت موقعها فى النت ماركة netlon



http://go.3roos.com/nx06au59d59

رد مخالفة .............

لا كوين بنسبة لي انا لا تستغني عن المكواة العادية .......... ولي عندي كنود... وهي تكوي الملابس الشتوية .......... ام المقلاة ممتازة ونوع تيفال والسعر 350 ............

سؤال مخالف لمصراتية:

حبيبتي وين لقيتيها طرابلس او بنغازي ووين؟ وهل هيا احسن من تفال؟

تحكمني قناعاتـي;15741390:
سؤال مخالف لمصراتية:

حبيبتي وين لقيتيها طرابلس او بنغازي ووين؟ وهل هيا احسن من تفال؟

لقيتها فى سبها ...بس اكيد فى فى بنغازى لان اغلب البضائع فى بنغازى اتجى من تركيا ...فاكيد موجودة ...وتلقى اكيد ماركات تانية بس دورى على اساس ستيل لانهم مشكورات فى طناجر الضغط احسن من التيفال وحتى الماكلة فى الستيل احلى
المهم ماتعدليش على الماركة المهم تعرفيها استيل اصلى وتاكدى مكتوب عليها عيارها 18/10 >>حتى لو فى الكتالوج اللى معاها ...وخديها من مكان معروف وموثوق لانهم حتى هما صايرلهم حالة هالطناجر زى البرفانات تشاينة وماادراك ماتشاينااا هههههههه...فانتبهو ياعرايس
طبعا تاكدى من قاعدة الطنجرة ثقيلة ...وزى ماقلتلك شيلى طرف مغناطيس معاك والا تلقى فى المحلات امتاع مغناطيس الثلاجة خوديلك طرف فى المحل ولصقيه على الطنجرة ...وتقدرى اتجربيه على اى نوع طناجر ستيل علشان تتاكدى مافيهاش نسبة حديد انى جربتهم فى طناجر الشريف وقال ابدا مايلصق المغناطيس ههههههه

- جواب مخالف ..
بخصوص البرافانات واخيرا عرفت البرافان اصلى او لا من الباركود والله حلى مشكلة كبيرة تعرفو لقيت موقع تحطى الباركود امتاع عطرك يطلعو كل معلوماته واسم العطر وعبوته واى شركة واصلى او لا وحتى صورة البرفان ...تعرفو قداش فرحت جمعت كل عطورى وقعدت انجرب وطلعولى اصليات وحتى نشكر اختى روز وربى يسترها دنيا واخرى تقريبا هى اللى ساعدتنى كيف نعرف الاصلى بالكودات امتاع الدول ..فالفرنسى من 330 الى 379 تقريبا
300 - 379 France
وهذا ريحنى هلبة :|:confused:

اللهم اني اسألك ان تجعل كل ما اكتبه خالصاً لوجهك الكريم ..

وشاهداً يوم القيامة لى لا عليِ
اللهم امين

سؤال مخالف لتحكمنى والا وحـــــــدة من بناويت بنغازى ...
انى شريت لانجيرى عروسة من كولكشن نيو بريدل GECEM تركي موديل 2011 وعجبنى هلبة ...بس للاسف رقمى بالزبط مالقيتش يعنى لقيت 85 وانى مقاسى 70 او 75 ...ياريت اللى شبحت زيه فى بنغازى اتقولى وين ..وحتى اللى شريته صورتهولكم ...ياريت تساعدونى كان هذا انرد هذا ونشرى من بنغازى وهالماركة اسمها نيو بريدل GECEM -تركي.. وخامة دنتيل
وان شاء الله مافي مخالفة فى هالصور ...لانى مطرة انوريلكم شكله ...فامش عارفة بالذات اختى تحكمنى فى هالموضوع ...لان لو ماحطيت هالموضوع هنى وين بنحطه !!!؟؟؟؟plzzzzzz
وهذا الموقع فى ديزاينات تانية اللى حابة تشوفهم وتستفيد ..
وللمعلومة اللى شريته بــ 45 دينار






وهذا الرابط لنفس الماركة بس كولكشن EROTICA
التنكرى باانواعة


وهذا رابط كل كولكشن مصنف ومميز وكلهم متوفرات فى المحل اللى شريته منه فاياريت تقولولى في زيهم فى بنغازى احسن نشرى من غادى بدل ماانكركر معايا من هنى !!!!!!!

رد مخالف لمصراتيه

انى خديت زي هذا بزبط من طرابلس ب50 جني
ونصيحه لو اكبر من المقاس لي تلبسي فيه ماتاخديش لانه انى خديت اكبر وقعدت يوم الحفلة نبكي جاني كبير وحسيت فيه فراغ

HaNoOoOo;15742046:
رد مخالف لمصراتيه

انى خديت زي هذا بزبط من طرابلس ب50 جني
ونصيحه لو اكبر من المقاس لي تلبسي فيه ماتاخديش لانه انى خديت اكبر وقعدت يوم الحفلة نبكي جاني كبير وحسيت فيه فراغ

صدقتى اختى هنوووووووو حتى انى قسته والله فراغ هلبة حتى انى قريب بكيت هههههه
باهى اللى مش يوم العرس صارلى هكى ..
يعنى انت رايك انرده وخلاص وانجيب بدله حاجة تانية وخلاص!!! باهى اللى نبهتينى بهالموضوع وربى يجزيك خير :L:

سؤال مخالفة
طاقم شناطى سيرية فى بنغازى بقداش من شرت تعطينى معلومات والا نتوكل على الله ونشرى من سبها والا شنو رايكم ..؟؟؟

رد مخالف : حبوبة اعتقد افضل انك ترديه وخوذي حاجة بداله عشان فرق كبير المقاس

وحبوبة مافمتيش شنو شناطي قصدك مجموعة متاعات السفر ؟

تحكمني قناعاتـي;15742601:


وحبوبة مافمتيش شنو شناطي قصدك مجموعة متاعات السفر ؟

ايه امتاع السفر كاملة ...سيرية؟؟

حلا 2011;15732933:
شسؤال مخالفه لفيكي
بالله وين يجي محل أدم بالضبط؟؟؟؟؟؟
وشن تشوفي مناسب ليه لبسه احلي؟
انا مرات نقول لبسه وهديه

كان تعرفي محل الجرنازي في نفس الشارع