« تجهيزات عرائس ' ليبيا ' لشهر ذو الحجه 1432 - 2011 م / الجزء : 24 »

نورت ايامى;15727845:
جواب مخالف حبيبتى مرت خوى من تانى يوم نزلت اتشوف فى امى لانها تعبت خدت بردة مشى عاد نزلت تطمن عليها ونزلت عادية من غير تفتليك الحق لبست توتة حلوة ونزلت وعبتنا لانها خشت فينا طول ولكن لما تنزل فى العشية تلبس جو قونات وماليات وقعدت المدة الاولى نرات تنزل كل يوم ومرات يوم بعد يوم لكن لازم تنزل هههههههههه انخوف فيك تبى الحق حنى مش متع اندققوا ونشرطوا عليها لكن هيا ادير فى الواجب تنزل على خاطر عزوزتها جو نص ساعة وتركب

رد مخالف
سلمك حبوبة واى استفسار تفضلى

سؤال مخالف
الصابون المغربي ..والكركم وين نلقاهم ؟؟

سؤال لاخواتي ليا هلبه ماسالتش وياريت نلقي رد
عندي صاحبتي جايبه وفي جيابها مامشيتلهاش عندي ظروف مهم
توا بدير عيد ميلاد ولدها كبير وانا حايره شن نرفع للولد انا حتى فالجياب مارفعتش هديه ولا مشيت يعني توا 2 في 1 ياريت تقترحو عليا
وتقترحو عليا المحلات بالمره اللي فيها حاجات حلوة

عروس البحر.;15730744:
سؤال مخالف
الصابون المغربي ..والكركم وين نلقاهم ؟؟

اختي عروس البحر تلقيهم في محلات العطارة...انا ناخذ فيهم من العطار.

سؤال مخالفة ...بالله ياعرايس اللى تعرف ماتبخلش علية
...ساعدونى فى اقرب وقت !!!...
كيف نتأكد من العطور المشهورة"المعروفة " اصلية او مش اصلية ...؟؟؟؟

مصراتية لشرقاوى;15731641:
سؤال مخالفة ...بالله ياعرايس اللى تعرف ماتبخلش علية
...ساعدونى فى اقرب وقت !!!...
كيف نتأكد من العطور المشهورة"المعروفة " اصلية او مش اصلية ...؟؟؟؟

واللهى سؤالك جئ في وقته
جواب المخالفة
انا يوم الاربعاء اللي فاتت طلعت اخديت لمامى صنة عيدميلادها اخديتها محل اسمها
دانة في قبل سيمافرو الظهرة يجيك ع اليمين محل نازك وحلو وكله روائح اخديتلها قوتشي فلورا وروحت ياحنة غلتها واعطيتلها بعدين لمه بخت منها وزدن شيمتها اولا اول ماشيمتها حسيت خشمى زي اللي حرقنى زي لقطة الاسبيريتو تانيا شوية ونشم في يدي طارت الصنة حتى غبرتها مهناش ع يدي قسما بالله كليته كف امساوى:(8o| هيا 30 ملي ب83 د وجوعونى لين خلاص لكن بابا قالي السبت حنردهاله لا والجو صاحب المحل احنى بضاعتنا نجيبوا فيها حاويات مش :thumbs_down:شنطة فلازم يكون معروف المحل ردواااا بالكم

السلام عليكم ورحمه الله وبركاته

تذكر انه ببزوغ فجر الجمعة المبارك ..
فان هناك حبيب لك ينتظرك للصلاة عليه..
وساعة مبهمة تنتظر دعواتك المستجابة فيها ..
وقبر مظلم يترقب النور بقراءة سورة الكهف عليه ..
وان هناك يوم عظيم ينتظر نور اعمالك الصالحة…

وجمعة مباركة ع الجميع


رد مخالف لحلا : بنسبة للمحلات مش حنفيدك بس ممكن نفيدك في هدية

عندك تقدري ناخذيله لبسه كاملة حلوة وتكون ماركة حلوة يعني توه شتاء

اكيد الولد سنة عمره يعني بلوفر ولا سوتر شتوية وسروال جينز او قماش الي تلقي حلو

ومعاه كندرة حلوة وحتي هيا تكون ماركة ونزيكة

ممكن حتي تضيفي مثرد شوكلاطة ومثرد حلويات او بس اللبسة وتلفيها لفة حلوة

هذي نحس فيها انسب هدية مع ان حيكون عند حوايج واجد بس حلوة لما تقعد ماركة وفخمة

ممكن حتي تحطي مبلغ فلوس في ظرف حلو وتعطيها لها بدل الللبسه

ممكن تشيكوا عنده العاب يهبلوا حتي هيا هدية حلوة وانا واخذ لولد صاحبتي عمره 4 سنوات

سيارة من تشيكوا خيال بكل فممكن هذية حلوة متاع سنة لاكبر تلقيه حاجة حلوة وانتي وميزانيتك وربي يوفقك

...............

رد مخالف لعروستنا : حبيبتي والله انا ماعندي ثقة فيهم الي هنا بس عشان عمو عصمان نعرفواه

فعندي ثقة في بضاعته ميه في ميه والثقة في الله

فديمة من برا العطر اضمن واحسن وفي رقابة ع عطور مش اي عطر يقدروا يبعوا ويخشوه

ربي يوفقك

.......

رد مخالف بخصوص الصابون المغربي وكركم :

ممكن في محلات الزينة او صيدلية او سوبرماركت كبير او عند العطار

جمعة مباركة لكل عرايسنا وحرائر ليبيا ...ومشكورة اختى روز انت وتحكمنى فى ردودكم والله ديمة مش مقصرات معايا وخاطرى البناويت كلهم يشاركونى حيرتى على سؤالى اللى مخلينى انخمم هلبة لان الوقت معاش فيه للتخميم والله الوقت عندى بسرعة يجرى !!!!!!!!!

سؤالى من جديد اللى مايبى يكمـــــــــــل للاسف :thumbs_down::worn_out::worn_out:...

بالله مافيش طريقة مؤكدة ...
اناكد فيها العطر اصلى والا لا مش عارفة كيف اندير :!!::!!:
....انى اللى قريته فى بعض المنتديات ...ان فى عطور معبية فى دبى وكانها اصلية وهذه الكارتة ...
يعنى مش حاتتخيلى انها مقلدة ...وسعرها بسعر الاصلية :$::$:
بس قريت فى بعض المنتديات علشان تعرفى اصلى او مش اصلى ان العطر طبعا هذا المقلد نفس ريحة الاصلى بس الفرق فى قوة التركيز يعنى الاصلى تركيزه اقوى ..وان المقلد بسرعة ريحته تعدى وقريت ان المقلد يبقى مزيت لما اترشيه على ايدك ...وهذه المعلومة اهو كويسة بس فى عطور اصلية و مزيته ...
وخاصة البرافان "البرفيوم " يعنى نسبة الزيوت فيه عالية ونسبة الكحول اقل ..!!!!
وانى نبى من عطور تجهيزاتى برافانات فا مش عارفة كيف اندير ؟؟؟:I::-o:!!:

بعدين فى معلومة تانية هو شكل الشيشة لازم ايكون انضيف وصافى المرش وشكل العطر داخلها صافى يعنى حتى لو مسكتى الشيشة بيدك تشعرى بانك ماخلتيش بصمات وهذه معلومة انى اكتشفتها بس للاسف فى محلات عطورهم مسكرة فى باكوات وماعندهمش تستر"تجربة " كيف اندير نشرى العطر بدون مانشمه ولا حتى نشبحه من داخل والله حيرونا هالاصحاب المحلات ماعمرى شفت روائح تاخديها بدون ماتشميها ...مع انى اللى نعرفه فى كل محلات العالم فى حاجة اسمها "تستر " وخاصة فى محلات العطور من كل عطر في وحده يشمها الزبون ...
بااااااااااااااااااهى مع هذا كله يابناويت شن اندير ...:|:'(:(:(
نبى نعرف الاصلى من خارج الباكو:!!: ...مش عارفة اللى بالباركود هذا اصلى او لا ...قصة الباركود حتى هية قلدوها يعنى فى شركات التقليد لصقو هالباركود اللى كنت معلقة فيه الامل:-o :I:انه مقلد والا اصلى
وفيه حاجة على الباركود فى النت بس مافهمتهاش اللى فاهمتها اتقولى "يعنى الباركود استيكر او مطبوع اى الاصلى للاسف مافهمتهاااش "
...ساعدووووووووووووووووونى خلاص عيت:|:confused::confused::confused::| ووووووووووواه


سؤالى التانى :- مشيت لمحل عنده عطور حلوة وورانى حاجة اقوى من العطر يقولولها الخمـــــــــــــــــرية الاماراتية ...
قالى اقوى من البرفان "برفان مضغوط " والله يابنات يهبل مع اللبس العربى طبعا ويقعد هلبة ويفحفح ...
لقيت طريقته فى النت انه ندهن بيه شوية شعرى وخلف وذنى وهذا للعرائس وعلى الملابس الداخلية "الاندروير " يعنى اديره العروس فى الامارات من الحاجات التابتة عندهم هذه المعلومات اللى عندى عليه وراهو شكل العلبة صغيرة هلبة وتمنها غالى وداخلها فى خيوط زعفران يابنات تهبل ويقولو متكونة من مسك وحاجات تانية ...
انى عن نفسى خاطرى نشريها بس اللى عارفة حاجة عليها اتزيدنى معلومات وهل نشريها او لا ؟؟؟بيش تنصحونى ؟؟؟!!!!

جواب مخالف لمصراتية ..
مع الاسف بما انك ف ليبيا مش حتزبطيها لا من دبي ولا من بنقلاديش ... لان توا ف عطور مقلدة درجة اولي .. ومستحيل تزبطيها الا ان ريحتها تمشي عل طوول .. مرات التيستر يكون اصلي والي ف باكو مش اصلي ...
ف ليبيا كلها .. عندك روان .. ومورينا الي اصليات لانهم وكيل ؟!!
امي بالنسبة ليا ... احسن شي تشريهم من ديوتي فري لو عندك حد برا قاعد وريحي دماغك

سؤال مخالف
محل روان ومورينا وين النعته ؟

ننصحك بمورينا في بن عاشور الرئيسي بحد الركن الشرقي للحلويات نفس الصفه وانتى راكبه للقادسيه

السلام عليكم ورحمة الله وبركاته

حبايبي رحت أشتري من درعه للعطور
فوجدت العطر لينك الأبيض مكتوب ميد إن(مصنوع في فرنسا) رحت اتأكد من البار كود على الكرتون وجد الرقم 628 بما يعني

أن المنتج وطني سعودي لأن فرنسا كودها من 300_379 يعني نصابين ويضحكون علينا

عند شراء أي عطر
1- تأكد من البار كود من أصل الكرتون مواستكر وقل للبائع لو وجد البار كود ورقة استكر مو من أصل الكرتون معناه مقلد مو أصلي
2- تأكد من كود الدوله المنتجه لأي بضاعه
3- يجب أن تعرف أن العطور خمسة أنواع وكل له سعره حسب التركيز
أ- بارفيوم مركز
ب - إديو بارفيوم تركيز وسط
ج- توليت تركيز قليل
د- إديو توليت أقل تركيز
هـ - كلوجن هذا للأطفال

وأرقام البار كود لجميع دول العالم :

------------------------------------------------------------

All countries codes:
000 - 019 USA& Canada
020 - 029 reserved for local use(store/warehouse)
030 - 039 USA & Canada
040 - 049 reserved for local use (store/warehouse)
050 - 059 Coupons
060 - 139 USA & Canada
200 - 299 reservedfor local use (store/warehouse)
300 - 379 France
380 Bulgaria
383 Slovenija
385 Croatia
387 BIH (Bosnia-Herzegovina)
400 - 440 Germany
450 - 459Japan
460 - 469 Russian Federation
470 Kyrgyzstan
471Taiwan
474 Estonia
475 Latvia
476 Azerbaijan
477Lithuania
478 Uzbekistan
479 Sri Lanka
480Philippines
481 Belarus
482 Ukraine
484 Moldova
485Armenia
486 Georgia
487 Kazakhstan
489 Hong Kong
490 -499 Japan
500 - 509 UK
520 Greece
528 Lebanon
529Cyprus
531 Macedonia
535 Malta
539 Ireland
540 - 549Belgium & Luxembourg
560 Portugal
569 Iceland
570 -579 Denmark
590 Poland
594 Romania
599 Hungary
600-601South Africa
608 Bahrain
609 Mauritius
611 Morocco
613Algeria
619 Tunisia
621 Syria
622 Egypt
624 Libya
625 Jordan
626 Iran
627 Kuwait
628 Saudi Arabia
629 Emirates
640 - 649 Finland
690 - 695 China
700 -709 Norway
729 Israel
730 - 739 Sweden
740 Guatemala
741 El Salvador
742 Honduras
Nicaragua
744 Costa Rica
745 Panama
746 Republica Dominicana
750 Mexico
754 - 755 Canada
759 Venezuela
760 - 769 Schweiz,Suisse, Svizzera
770 Colombia
773 Uruguay
775 Peru
777 Bolivia
779 Argentina
780 Chile
784 Paraguay
786 Ecuador
789 -790 Brasil
800 - 839 Italy
840 - 849 Spain
850 Cuba
858 Slovakia
859 Czech
860 YU (Serbia & Montenegro)
865 Mongolia
867 North Korea
869 Turkey
870 - 879 Netherlands
880 South Korea
884 Cambodia
885 Thailand
888 Singapore
890 India
893 Vietnam
899 Indonesia
900 - 919 Austria
930 - 939 Australia
940 - 949 New Zealand
950 Head Office
955 Malaysia
958 Macau
977 Serial publications (ISSN)
978 - 979 Bookland(ISBN)
980 Refund receipts
981 - 982 CommonCurrency Coupons
990 - 999 Coupons

[]الباركو هو استيكر البيضاء الا فيها هلبا اخطوط سوداء واول تلات ارقام اتجيك من اليسار الستيكر اهداكا البلد المصنعه


منقول

عروس البحر.;15732362:
سؤال مخالف
محل روان ومورينا وين النعته ؟

رد مخالف
روان في حي الاندلس لو تعرفي جانب هافانا
ومورينا حتى هو في حي لاندلس قبل فتحت فندق الشاطي سابق ع اليسار وانتي جايه من قاعة الشعب

السلام عليكم

سؤال مخالف

كم سعر اي باد (32،16) جيجا الان في ليبيا ؟

حلا 2011;15731399:
سؤال لاخواتي ليا هلبه ماسالتش وياريت نلقي رد
عندي صاحبتي جايبه وفي جيابها مامشيتلهاش عندي ظروف مهم
توا بدير عيد ميلاد ولدها كبير وانا حايره شن نرفع للولد انا حتى فالجياب مارفعتش هديه ولا مشيت يعني توا 2 في 1 ياريت تقترحو عليا
وتقترحو عليا المحلات بالمره اللي فيها حاجات حلوة

رد مخالفة

الوليد توا عمره سنة ولا؟ اني نشوف لبسة شتوية حلوة ولا لعبة احسن حاجة..وبما ان اللبس ناقص هلبة توا ..ممكن تحصليله جيبوطي متلا هذا تلقاه في الشتي..وتحصلي اني شفت في محل ادم في قرقارش..او لعبة حلوة..والصراحة احلي العاب عند تشيكو غاليات شوية لكن حقهم فيهم ..

شسؤال مخالفه لفيكي
بالله وين يجي محل أدم بالضبط؟؟؟؟؟؟
وشن تشوفي مناسب ليه لبسه احلي؟
انا مرات نقول لبسه وهديه

سوال مخالف
بنسالكم يا بنات انى حاجزة فيلوا ليا 9 شهور واتصلت بالمحل واجلت زعما كان نمشى بناخد نفس الفيلوا نلقى الحجز قاعد والا خلاص يعتبر معش عندى حق لانى عطلت هلبة بالله الى عندها خبرة اتقولى انى حجزت من محل عبيبر

نورت ايامى;15735133:
سوال مخالف
بنسالكم يا بنات انى حاجزة فيلوا ليا 9 شهور واتصلت بالمحل واجلت زعما كان نمشى بناخد نفس الفيلوا نلقى الحجز قاعد والا خلاص يعتبر معش عندى حق لانى عطلت هلبة بالله الى عندها خبرة اتقولى انى حجزت من محل عبيبر

سؤال مخالفة:
من يلي تستعمل في مكواة البخار مش الكوى العادية ياريت تقولي هل تغنيك عن الكوي العادي وتكوي كويس الملابس الغليظه ولا بس الشيفونات
وياريت لو وحده مجربه تقولي على النوع يلي تستعمل فيه وسعره
من جربت مقلاة ملعقة الزيت مشكورة ولا لا وشكلها ورنج السعر
وشكرا